തൃശൂർ: മന്ത്രി എ.സി. മൊയ്തീന്‍റെ വസതിക്കു മുൻപിൽ യൂത്ത് കോൺഗ്രസ് പ്രതിഷേധം. മന്ത്രി ക്വാറന്‍റൈനീൽ പോകണമെന്ന് ആവശ്യപ്പെട്ട് മൊയ്തീന്‍റെ വടക്കാഞ്ചേരിയിലെ വീടിന് മുന്നിലായിരുന്നു യൂത്ത് കോണ്ഗ്രസ് പ്രതിഷേധം. പ്രതിഷേധക്കാരെ പോലീസ് അറസ്റ്റു ചെയ്തു നീക്കി.
കോവിഡ് സ്ഥിരീകരിച്ച പ്രവാസിയുമായി മന്ത്രിക്ക് സന്പർക്കമുണ്ടെന്നും അതിനാൽ അദ്ദേഹം ക്വാറന്‍റൈനിൽ പോകണമെന്നുമാണ് യൂത്ത് കോൺഗ്രസ് ആവശ്യം. വിദേശത്തുനിന്നും എത്തിയ പ്രവാസികളെ ഗുരുവായൂരിലെത്തി മന്ത്രി സ്വീകരിച്ചിരുന്നുവെന്നാണ് കോൺഗ്രസ് ആരോപിച്ചിരിക്കുന്നത്.
ഗുരുവായൂരിലെ കൊറോണ കെയർ സെന്‍ററിൽ നിരീക്ഷണത്തിൽ കഴിഞ്ഞ രണ്ട് പ്രവാസികൾക്കാണ് കൊറോണ സ്ഥിരീകരിച്ചത്. ജില്ലാ കളക്ടറുടെ നിർദ്ദേശം ലംഘിച്ചാണ് മന്ത്രി മൊയ്തീൻ കൊറോണ കെയർ സെന്‍ററിൽ എത്തിയതെന്നും കോൺഗ്രസ് ആരോപിച്ചിരുന്നു.
അതേസമയം കോൺഗ്രസ് ആരോപണങ്ങൾ മുഖ്യമന്ത്രി തള്ളിയിരുന്നു. മന്ത്രി ദൂരെനിന്ന് പ്രവാസികളെ കൈവീശി കാണിക്കുക മാത്രമാണ് ചെയ്തതെന്ന് മുഖ്യമന്ത്രി പറഞ്ഞിരുന്നു.
കോവിഡ് സ്ഥിരീകരിച്ച പ്രവാസിയുമായി മന്ത്രിക്ക് സന്പർക്കമുണ്ടെന്നും അതിനാൽ അദ്ദേഹം ക്വാറന്‍റൈനിൽ പോകണമെന്നുമാണ് യൂത്ത് കോൺഗ്രസ് ആവശ്യം. വിദേശത്തുനിന്നും എത്തിയ പ്രവാസികളെ ഗുരുവായൂരിലെത്തി മന്ത്രി സ്വീകരിച്ചിരുന്നുവെന്നാണ് കോൺഗ്രസ് ആരോപിച്ചിരിക്കുന്നത്.
ഗുരുവായൂരിലെ കൊറോണ കെയർ സെന്‍ററിൽ നിരീക്ഷണത്തിൽ കഴിഞ്ഞ രണ്ട് പ്രവാസികൾക്കാണ് കൊറോണ സ്ഥിരീകരിച്ചത്. ജില്ലാ കളക്ടറുടെ നിർദ്ദേശം ലംഘിച്ചാണ് മന്ത്രി മൊയ്തീൻ കൊറോണ കെയർ സെന്‍ററിൽ എത്തിയതെന്നും കോൺഗ്രസ് ആരോപിച്ചിരുന്നു.
അതേസമയം കോൺഗ്രസ് ആരോപണങ്ങൾ മുഖ്യമന്ത്രി തള്ളിയിരുന്നു. മന്ത്രി ദൂരെനിന്ന് പ്രവാസികളെ കൈവീശി കാണിക്കുക മാത്രമാണ് ചെയ്തതെന്ന് മുഖ്യമന്ത്രി പറഞ്ഞിരുന്നു.
