ന്യൂഡൽഹി: ലോക്ക്ഡൗണിനെ തുടർന്ന് വിവിധ നഗരങ്ങളിൽ കുടുങ്ങി കിടക്കുന്നവർക്കായി എയർ ഇന്ത്യ പ്രത്യേക ആഭ്യന്തര വിമാന സർവീസ് ആരംഭിക്കുന്നു. വന്ദേഭാരത് പദ്ധതിയിലൂടെ നിരവധി പ്രവാസികളെ തിരിച്ചെത്തിച്ചതിന്റെ തുടർച്ചയായാണ് ഈ പ്രത്യേക സർവീസുകൾ.
മേയ് 19 മുതൽ ജൂണ് രണ്ട് വരെയുള്ള ആദ്യഘട്ട സർവീസിന്റെ ഷെഡ്യൂൾ തയാറായി. ഡൽഹിയിൽനിന്ന് കൊച്ചി, മുംബൈ, ബംഗളുരു, ഹൈദരാബാദ്, അഹമ്മദാബാദ്, അമൃത്സർ, ജയ്പുർ, ഗയ, വിജയവാഡ, ലക്നോ എന്നീ നഗരങ്ങളിലേക്ക് എയർ ഇന്ത്യയുടെ വിമാന സർവീസുണ്ടാകും.
മുംബൈയിൽനിന്ന് വിശാഖപട്ടണം, കൊച്ചി, അഹമ്മദാബാദ്, ബംഗളുരു, ഹൈദരാബാദ്, വിജയവാഡ എന്നിവിടങ്ങളിലേക്ക് എയർ ഇന്ത്യ സർവീസുകൾ നടത്തും. കൊച്ചിയിൽനിന്നും സർവീസുകളുണ്ട്. വ്യോമയാന മന്ത്രാലയത്തിന്റെ അനുമതി ലഭിച്ചാൽ ഉടൻ ബുക്കിംഗ് ആരംഭിക്കുമെന്ന് എയർ ഇന്ത്യ വൃത്തങ്ങൾ അറിയിച്ചു.
മേയ് 19 മുതൽ ജൂണ് രണ്ട് വരെയുള്ള ആദ്യഘട്ട സർവീസിന്റെ ഷെഡ്യൂൾ തയാറായി. ഡൽഹിയിൽനിന്ന് കൊച്ചി, മുംബൈ, ബംഗളുരു, ഹൈദരാബാദ്, അഹമ്മദാബാദ്, അമൃത്സർ, ജയ്പുർ, ഗയ, വിജയവാഡ, ലക്നോ എന്നീ നഗരങ്ങളിലേക്ക് എയർ ഇന്ത്യയുടെ വിമാന സർവീസുണ്ടാകും.
മുംബൈയിൽനിന്ന് വിശാഖപട്ടണം, കൊച്ചി, അഹമ്മദാബാദ്, ബംഗളുരു, ഹൈദരാബാദ്, വിജയവാഡ എന്നിവിടങ്ങളിലേക്ക് എയർ ഇന്ത്യ സർവീസുകൾ നടത്തും. കൊച്ചിയിൽനിന്നും സർവീസുകളുണ്ട്. വ്യോമയാന മന്ത്രാലയത്തിന്റെ അനുമതി ലഭിച്ചാൽ ഉടൻ ബുക്കിംഗ് ആരംഭിക്കുമെന്ന് എയർ ഇന്ത്യ വൃത്തങ്ങൾ അറിയിച്ചു.