മൊ​സാം​ബി​ക്കി​ൽ ഇ​സ്ലാ​മി​ക തീ​വ്ര​വാ​ദി​ക​ളു​ടെ കൂ​ട്ട​ക്കു​രു​തി; 52 ഗ്രാ​മീ​ണ​ർ കൊ​ല്ല​പ്പെ​ട്ടു

മാ​പു​ത്തോ: മൊ​സാം​ബി​ക്കി​ൽ ഇ​സ്ലാ​മി​ക തീ​വ്ര​വാ​ദി​ക​ൾ ഗ്രാ​മീ​ണ​രെ കൂ​ട്ട​ക്കൊ​ല ചെ​യ്തു. 52 പേ​ർ കൊ​ല്ല​പ്പെ​ട്ട​താ​യി പോ​ലീ​സി​നെ ഉ​ദ്ധ​രി​ച്ച് ബി​ബി​സി റി​പ്പോ​ർ​ട്ട് ചെ​യ്തു. ഈ ​മാാ​സം ഏ​ഴി​നാ​യി​രു​ന്നു അ​ക്ര​മ​മെ​ങ്കി​ലും ഇ​പ്പോ​ൾ മാ​ത്ര​മാ​ണു വി​വ​രം പു​റ​ത്തു​വ​രു​ന്ന​ത്.

കാ​ബോ ഡെ​ൽ​ഗാ​ഡോ പ്ര​വി​ശ്യ​യി​ലെ ഗ്രാ​മീ​ണ​രെ​യാ​ണു ഭീ​ക​ര​ർ കൂ​ട്ട​ക്കൊ​ല ചെ​യ്ത​ത്. ചി​ല​രെ വെ​ടി​വ​ച്ചു, ചി​ല​രു​ടെ ത​ല​വെ​ട്ടി. ഭീ​ക​ര​ സം​ഘ​ട​ന​യി​ൽ ചേ​രാ​നു​ള്ള ക്ഷ​ണം നി​ര​സി​ച്ച​താ​ണു കൂ​ട്ട​ക്കു​രു​തി​ക്കു കാ​ര​ണ​മാ​യ​ത്.

ഈ ​മേ​ഖ​ല​യി​ൽ ഇ​സ്ലാ​മി​ക കാ​ലി​ഫേ​റ്റ് സ്ഥാ​പി​ക്കാ​നു​ള്ള ശ്ര​മ​ത്തി​ന്‍റെ ഭാ​ഗ​മാ​യാ​ണു തീ​വ്ര​വാ​ദി​ക​ൾ സ​മീ​പ ആ​ഴ്ച​ക​ളി​ൽ ആ​ക്ര​മ​ണം ശ​ക്ത​മാ​ക്കി​യ​​തെ​ന്നു മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്യു​ന്നു. മേ​ഖ​ല​യി​ൽ നി​ര​വ​ധി ഊ​ർ​ജ ക​ന്പ​നി​ക​ൾ പ്ര​വ​ർ​ത്തി​ക്കു​ന്നു​ണ്ട്.

കൊ​ല​യാ​ളി​ക​ളെ ക​ണ്ടെ​ത്താ​നു​ള്ള ശ്ര​മ​ങ്ങ​ൾ ന​ട​ക്കു​ന്നു​ണ്ടെ​ന്നു പോ​ലീ​സ് വ​ക്താ​വ് ഒ​ർ​ലാ​ൻ​ഡോ മു​ദു​മ​നെ സ​ർ​ക്കാ​റി​ന്‍റെ ഔ​ദ്യോ​ഗി​ക ടെ​ലി​വി​ഷ​ൻ ചാ​ന​ലി​ൽ പ​റ​ഞ്ഞു. മൂ​ന്നു വ​ർ​ഷ​ത്തി​നി​ടെ കാ​ബോ ഡെ​ൽ​ഗാ​ഡോ​യി​ൽ ആ​യി​ര​ങ്ങ​ളെ​യാ​ണു ഭീ​ക​ര​ർ കൊ​ല​പ്പെ​ടു​ത്തി​യ​ത്.

നി​ര​വ​ധി ആ​ളു​ക​ൾ ഈ ​മേ​ഖ​ല​യി​ൽ​നി​ന്നു പ​ലാ​യ​നം ചെ​യ്യു​ക​യാ​ണ്. മൊ​സാം​ബി​ക്കി​ലെ ദ​രി​ദ്ര മേ​ഖ​ല​ക​ളി​ൽ ഒ​ന്നാ​ണ് കാ​ബോ ഡെ​ൽ​ഗാ​ഡോ.