ജമ്മു: ജമ്മു മുനിസിപ്പൽ കോർപ്പറേഷൻ (ജെഎംസി) ഡപ്യൂട്ടി മേയർ പൂർണിമ ശർമ, മുൻ എംഎൽഎ രാജേഷ് ഗുപ്ത എന്നിവരുൾപ്പെടെ ലോക്ക്ഡൗൺ ലംഘിച്ച മൂന്ന് ബിജെപി നേതാക്കൾക്കെതിരെ പോലീസ് കേസെടുത്തു. നൂറുകണക്കിന് ആളുകൾ കഴിയുന്ന തിയറ്ററിൽ ദുരിതാശ്വാസ സാമഗ്രികൾ വിതരണം ചെയ്ത സംഭവത്തിലാണ് കേസെടുത്തത്.
പൂർണിമ ശർമയ്ക്കും രാജേഷ് ഗുപ്തയ്ക്കുമൊപ്പം മുനിസിപ്പൽ കൗൺസിലറും ബിജെപി നേതാവുമായ സന്ധ്യ ഗുപ്തയുമുണ്ടായിരുന്നു. സാമൂഹിക അകലം പാലിക്കാതെയായിരുന്നു സാമഗ്രികൾ വിതരണം ചെയ്തത്. ആൾക്കൂട്ടത്തെ നിയന്ത്രിക്കാൻ പോലീസിന് കഴിയാതെ വന്നു. ഇതിനെ തുടർന്നാണ് നേതാക്കൾക്കെതിരെ കേസെടുത്തത്.
പൂർണിമ ശർമയ്ക്കും രാജേഷ് ഗുപ്തയ്ക്കുമൊപ്പം മുനിസിപ്പൽ കൗൺസിലറും ബിജെപി നേതാവുമായ സന്ധ്യ ഗുപ്തയുമുണ്ടായിരുന്നു. സാമൂഹിക അകലം പാലിക്കാതെയായിരുന്നു സാമഗ്രികൾ വിതരണം ചെയ്തത്. ആൾക്കൂട്ടത്തെ നിയന്ത്രിക്കാൻ പോലീസിന് കഴിയാതെ വന്നു. ഇതിനെ തുടർന്നാണ് നേതാക്കൾക്കെതിരെ കേസെടുത്തത്.