മുംബൈ: കൊറോണ വൈറസ് വ്യാപനത്തിന്‍റെ പശ്ചാത്തലത്തിൽ അവശേഷിക്കുന്ന ഐ ലീഗ് മത്സരങ്ങൾ ഉപേക്ഷിച്ചു. ഇതോടെ ലീഗിൽ ഒന്നാമതുള്ള മോഹന്‍ ബഗാനെ ചാമ്പ്യൻമാരായി പ്രഖ്യാപിച്ചു.
28 മത്സരങ്ങൾ കൂടി അവശേഷിക്കെയാണ് ഓൾ ഇന്ത്യ ഫുട്ബോൾ ഫെഡറേഷൻ തീരുമാനം കൈക്കൊണ്ടത്. വീഡിയോ കോൺഫറൻസിലൂടെ ഐ-ലീഗ് പാനൽ യോഗം ചേർന്ന് മത്സരങ്ങൾ ഉപേക്ഷിക്കാൻ എഐഎഫ്എഫിന് ശിപാർശ നൽകിയിരുന്നു. ഈ ശിപാർശ എഐഎഫ്എഫ് അംഗീകരിച്ചു.
അടുത്ത സീസണില്‍ ഐഎസ്എല്‍ ക്ലബ്ബ് എടികെയുമായി ലയിക്കാനൊരുങ്ങുന്ന മോഹന്‍ ബഗാൻ 16 മത്സരങ്ങളില്‍ 12 വിജയത്തോടെ 39 പോയിന്‍റുമായി നേരത്തെ തന്നെ കിരീടം ഉറപ്പിച്ചിരുന്നു. രണ്ടാമതുള്ള ഈസ്റ്റ് ബംഗാള്‍ 23 പോയിന്‍റുമായി ഏറെ പിന്നിലായിരുന്നു. ഐ-ലീഗില്‍ മോഹന്‍ ബഗാന്‍റെ രണ്ടാം കിരീടമാണിത്. നേരത്തെ 2014-15 സീസണില്‍ ബഗാന്‍ ചാമ്പ്യന്‍മാരായിരുന്നു.
28 മത്സരങ്ങൾ കൂടി അവശേഷിക്കെയാണ് ഓൾ ഇന്ത്യ ഫുട്ബോൾ ഫെഡറേഷൻ തീരുമാനം കൈക്കൊണ്ടത്. വീഡിയോ കോൺഫറൻസിലൂടെ ഐ-ലീഗ് പാനൽ യോഗം ചേർന്ന് മത്സരങ്ങൾ ഉപേക്ഷിക്കാൻ എഐഎഫ്എഫിന് ശിപാർശ നൽകിയിരുന്നു. ഈ ശിപാർശ എഐഎഫ്എഫ് അംഗീകരിച്ചു.
അടുത്ത സീസണില്‍ ഐഎസ്എല്‍ ക്ലബ്ബ് എടികെയുമായി ലയിക്കാനൊരുങ്ങുന്ന മോഹന്‍ ബഗാൻ 16 മത്സരങ്ങളില്‍ 12 വിജയത്തോടെ 39 പോയിന്‍റുമായി നേരത്തെ തന്നെ കിരീടം ഉറപ്പിച്ചിരുന്നു. രണ്ടാമതുള്ള ഈസ്റ്റ് ബംഗാള്‍ 23 പോയിന്‍റുമായി ഏറെ പിന്നിലായിരുന്നു. ഐ-ലീഗില്‍ മോഹന്‍ ബഗാന്‍റെ രണ്ടാം കിരീടമാണിത്. നേരത്തെ 2014-15 സീസണില്‍ ബഗാന്‍ ചാമ്പ്യന്‍മാരായിരുന്നു.
