കോട്ടയം: ബേക്കർ ജംഗ്ഷനിൽ മുത്തൂറ്റ് സമരം റിപ്പോർട്ട് ചെയ്യാനെത്തിയ മാധ്യമപ്രവർത്തകരെ ആക്രമിച്ച സംഭവത്തിൽ രണ്ടു സിഐടിയു പ്രവർത്തകരെ പോലീസ് അറസ്റ്റ് ചെയ്തു. മാധ്യമപ്രവർത്തകരുടെ പരാതിയിലാണ് പോലീസ് നടപടിയുണ്ടായത്. രാജു, ബോസ് എന്നിവരാണ് അറസ്റ്റിലായത്. ഇവരെ പിന്നീട് സ്റ്റേഷൻ ജാമ്യത്തിൽ വിട്ടയച്ചു.
വ്യാഴാഴ്ച രാവിലെ ബേക്കർ ജംഗ്ഷനിലെ മുത്തൂറ്റ് ശാഖയ്ക്ക് മുന്നിലായിരുന്നു സിഐടിയുക്കാർ മാധ്യമപ്രവർത്തകരെ ആക്രമിച്ചത്. മുത്തൂറ്റിലെ തൊഴിൽ സമരം റിപ്പോർട്ട് ചെയ്യാനെത്തിയ ചാനൽ സംഘത്തിന്റെ കാമറ തകർക്കാൻ ശ്രമിക്കുകയും മാധ്യമപ്രവർത്തകരെ കൈയേറ്റം ചെയ്യുകയുമായിരുന്നു.
സമരത്തിൽ പങ്കെടുക്കാത്ത ജീവനക്കാരെ സമരാനുകൂലികൾ തടയുന്ന ദൃശ്യങ്ങൾ ചിത്രീകരിക്കാൻ ശ്രമിക്കുമ്പോഴായിരുന്നു ആക്രമണം. സംഭവത്തിൽ കെയുഡബ്ല്യൂജെ ജില്ലാ കമ്മിറ്റി പ്രതിഷേധിച്ചിരുന്നു.
വ്യാഴാഴ്ച രാവിലെ ബേക്കർ ജംഗ്ഷനിലെ മുത്തൂറ്റ് ശാഖയ്ക്ക് മുന്നിലായിരുന്നു സിഐടിയുക്കാർ മാധ്യമപ്രവർത്തകരെ ആക്രമിച്ചത്. മുത്തൂറ്റിലെ തൊഴിൽ സമരം റിപ്പോർട്ട് ചെയ്യാനെത്തിയ ചാനൽ സംഘത്തിന്റെ കാമറ തകർക്കാൻ ശ്രമിക്കുകയും മാധ്യമപ്രവർത്തകരെ കൈയേറ്റം ചെയ്യുകയുമായിരുന്നു.
സമരത്തിൽ പങ്കെടുക്കാത്ത ജീവനക്കാരെ സമരാനുകൂലികൾ തടയുന്ന ദൃശ്യങ്ങൾ ചിത്രീകരിക്കാൻ ശ്രമിക്കുമ്പോഴായിരുന്നു ആക്രമണം. സംഭവത്തിൽ കെയുഡബ്ല്യൂജെ ജില്ലാ കമ്മിറ്റി പ്രതിഷേധിച്ചിരുന്നു.