ചിറ്റൂര്: ആന്ധ്രാപ്രദേശിലെ ചിറ്റൂര് ജില്ലയില് മധ്യവസ്കന് കൊറോണ വൈറസ് ബാധിച്ചെന്ന ഭീതിയില് ജീവനൊടുക്കി. ചൊവ്വാഴ്ച രാവിലെ വീടിനു സമീപത്തെ മരത്തില് തൂങ്ങിമരിക്കുകയായിരുന്നു. ചിറ്റൂര് ശേഷംനായിഡു കന്ദ്രിഗ സ്വദേശി കെ. ബാലകൃഷ്ണയാണ് (50) ജീവനൊടുക്കിയത്. കുടുംബാംഗങ്ങള്ക്ക് വൈറസ് പടരാതിരിക്കാനായിരുന്നു ബാലകൃഷ്ണ തൂങ്ങിമരിച്ചത്.
കഴിഞ്ഞ ഏതാനും ദിവസങ്ങളായി ബാലകൃഷ്ണയ്ക്ക് പനിയുണ്ടായിരുന്നു. തിരുപതി സര്ക്കാര് ആശുപത്രിയില് കഴിഞ്ഞ ആഴ്ച ബാലകൃഷ്ണ ചികിത്സ തേടിയിരുന്നു. വൈറല് പനിയാണ്, വിശ്രമം മതിയാകുമെന്നായിരുന്നു ഡോക്ടറുടെ ഉപദേശം. എന്നാല് തനിക്ക് കൊറോണ വൈറസ് ബാധിച്ചെന്നായിരുന്നു ബാലകൃഷ്ണ വിശ്വസിച്ചത്.
കുടുംബാംഗങ്ങളാരും തന്റെ അടുത്തേയ്ക്ക് വരുന്നതുപോലും ബാലകൃഷ്ണ തടഞ്ഞു. മുറിയില് കയറി കതക് അടച്ചിരിക്കുകയായിരുന്നു അദ്ദേഹം. ഹെല്പ് ലൈന് നമ്പറില് വിളിച്ച് തനിക്ക് കൊറോണ ബാധിച്ചെന്ന് ഇയാള് അറിയിക്കുകയും ചെയ്തു. എന്നാല് അടുത്തിടെയൊന്നും ചൈന സന്ദര്ശിക്കാത്തതിനാല് കൊറോണ ബാധയ്ക്കു സാധ്യതയില്ലെന്നാണ് ഇവര് അറിയിച്ചത്. തിങ്കളാഴ്ച മുറി പുറത്തുനിന്നും പൂട്ടിയ ശേഷം ഇയാള് വീട് വിട്ടുപോയി. തിരികെ എത്താതിരുന്നതിനെ തുടര്ന്ന് നടത്തിയ തെരച്ചിലിലാണ് മൃതദേഹം കണ്ടെത്തിയത്.
കഴിഞ്ഞ ഏതാനും ദിവസങ്ങളായി ബാലകൃഷ്ണയ്ക്ക് പനിയുണ്ടായിരുന്നു. തിരുപതി സര്ക്കാര് ആശുപത്രിയില് കഴിഞ്ഞ ആഴ്ച ബാലകൃഷ്ണ ചികിത്സ തേടിയിരുന്നു. വൈറല് പനിയാണ്, വിശ്രമം മതിയാകുമെന്നായിരുന്നു ഡോക്ടറുടെ ഉപദേശം. എന്നാല് തനിക്ക് കൊറോണ വൈറസ് ബാധിച്ചെന്നായിരുന്നു ബാലകൃഷ്ണ വിശ്വസിച്ചത്.
കുടുംബാംഗങ്ങളാരും തന്റെ അടുത്തേയ്ക്ക് വരുന്നതുപോലും ബാലകൃഷ്ണ തടഞ്ഞു. മുറിയില് കയറി കതക് അടച്ചിരിക്കുകയായിരുന്നു അദ്ദേഹം. ഹെല്പ് ലൈന് നമ്പറില് വിളിച്ച് തനിക്ക് കൊറോണ ബാധിച്ചെന്ന് ഇയാള് അറിയിക്കുകയും ചെയ്തു. എന്നാല് അടുത്തിടെയൊന്നും ചൈന സന്ദര്ശിക്കാത്തതിനാല് കൊറോണ ബാധയ്ക്കു സാധ്യതയില്ലെന്നാണ് ഇവര് അറിയിച്ചത്. തിങ്കളാഴ്ച മുറി പുറത്തുനിന്നും പൂട്ടിയ ശേഷം ഇയാള് വീട് വിട്ടുപോയി. തിരികെ എത്താതിരുന്നതിനെ തുടര്ന്ന് നടത്തിയ തെരച്ചിലിലാണ് മൃതദേഹം കണ്ടെത്തിയത്.