സർക്കാരുകളുടെ ലഹരിനയം ആർക്കുവേണ്ടി?

അയലാളൻ

ല​ഹ​രി​യെ പ്രോ​ത്സാ​ഹി​പ്പി​ക്കു​ന്ന​തെ​ന്നു വ്യാ​ഖ്യാ​നി​ക്കാ​വു​ന്ന നീ​ക്ക​ങ്ങ​ൾ കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളു​ടെ ഭാ​ഗ​ത്തു​നി​ന്നു ക​ഴി​ഞ്ഞ ആ​ഴ്ച​യു​ണ്ടാ​യി. മ​യ​ക്കു​മ​രു​ന്നു​പ​യോ​ഗം കു​റ്റ​ക​ര​മ​ല്ലാ​താ​ക്കി മാ​റ്റാ​നു​ള്ള നി​യ​മ​ഭേ​ദ​ഗ​തി​ബി​ൽ പാ​ർ​ല​മെ​ന്‍റി​ന്‍റെ ശീ​ത​കാ​ല സ​മ്മേ​ള​ന​ത്തി​ൽ അ​വ​ത​രി​പ്പി​ക്കാ​നു​ള്ള ഒ​രു​ക്ക​ങ്ങ​ൾ കേ​ന്ദ്ര​സ​ർ​ക്കാ​ർ ആ​രം​ഭി​ച്ചു.

1985-ലെ ​ല​ഹ​രി ത​ട​യ​ൽ നി​യ​മം ഭേ​ദ​ഗ​തി ചെ​യ്യാ​നാ​ണ് ആ​ലോ​ച​ന. ഈ ​നി​യ​മ​മ​ല്ലാ​തെ മ​യ​ക്കു​മ​രു​ന്ന് ഉ​പ​യോ​ഗം ത​ട​യു​ന്ന​തി​നു​ള്ള ഫ​ല​പ്ര​ദ​മാ​യ മ​റ്റൊ​രു നി​യ​മം നി​ല​വി​ലി​ല്ല. ബോ​ളി​വു​ഡ്താ​രം ഷാ​രൂ​ഖ് ഖാ​ന്‍റെ മ​ക​ൻ ആ​ര്യ​ൻ​ഖാ​ൻ മ​യ​ക്കു​മ​രു​ന്നു കേ​സി​ൽ പി​ടി​യി​ലാ​യ​തി​നു​പി​ന്നാ​ലെ​യാ​ണു മ​യ​ക്കു​മ​രു​ന്ന് ഉ​പ​യോ​ഗം കു​റ്റ​ക​ര​മ​ല്ലാ​താ​ക്കി​മാ​റ്റാ​നു​ള്ള നീ​ക്കം ആ​രം​ഭി​ച്ച​ത് എ​ന്ന വാ​ർ​ത്ത ശ്ര​ദ്ധ​യ​ർ​ഹി​ക്കു​ന്നു.

നി​യ​മ​ഭേ​ദ​ഗ​തി​യ​നു​സ​രി​ച്ച് ചെ​റി​യ അ​ള​വി​ലു​ള്ള ല​ഹ​രി ഉ​പ​യോ​ഗം കു​റ്റ​കൃ​ത്യ​മാ​യി ക​ണ​ക്കാ​ക്കാ​തെ പി​ടി​യി​ലാ​കു​ന്ന​വ​രെ ഇ​ര​ക​ളാ​യി ക​ണ്ട് കൗ​ൺ​സലിം​ഗും ചി​കി​ത്സ​യും ന​ൽ​കി അ​വ​രെ ലഹരിവി​മു​ക്ത​രാ​ക്ക​ണം. അ​തു ന​ല്ല കാ​ര്യം ത​ന്നെ. എ​ന്നാ​ൽ, മ​യ​ക്കു​മ​രു​ന്നു​പോ​ലെ അ​പ​ക​ട​കാ​രി​യാ​യ ല​ഹ​രി​വ​സ്തു​ക്ക​ളോ​ടു നി​യ​മ​ഭേ​ദ​ഗ​തി​വ​ഴി മൃ​ദു​സ​മീ​പ​നം സ്വീ​ക​രി​ച്ചാ​ൽ സ​മൂ​ഹ​ത്തി​ലു​ണ്ടാ​കാ​വു​ന്ന പ്ര​ത്യാ​ഘാ​ത​ങ്ങ​ൾ വ​ലു​താ​ണ്. മ​യ​ക്കു​മ​രു​ന്നി​ന് അ​ടി​മ​യാ​കു​ന്ന​വ​ർ രോ​ഗി​ക​ളും ഇ​ര​ക​ളു​മാ​ണെ​ന്ന കാ​ര്യ​ത്തി​ൽ ആ​ർ​ക്കും ത​ർ​ക്ക​മി​ല്ല. അ​വ​രെ ചി​കി​ത്സി​ക്കേ​ണ്ട​തും പു​ന​ര​ധി​വ​സി​പ്പി​ക്കേ​ണ്ട​തും ആ​വ​ശ്യ​മാ​ണ്.

ജ​ന​ങ്ങ​ളോ​ടു പ്ര​തി​ബ​ദ്ധ​ത​യു​ള്ള സ​ർ​ക്കാ​ർ ഇ​തി​നു പു​റ​മേ ചെ​യ്യേ​ണ്ട​ത് മ​യ​ക്കു​മ​രു​ന്ന്, മ​ദ്യം തു​ട​ങ്ങി​യ മാ​ര​ക വ​സ്തു​ക്ക​ളി​ലേ​ക്കു കു​ട്ടി​ക​ളും യു​വ​ജ​ന​ങ്ങ​ളും ക​ട​ന്നുചെ​ല്ലാ​തി​രി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കു​ക എ​ന്ന​താ​ണ്. ക​ർ​ക്ക​ശ​മാ​യ നി​യ​മ​ങ്ങ​ളും ശ​ക്ത​മാ​യ ബോ​ധ​വ​ത്കര​ണ​വും ഇ​തി​നാ​വ​ശ്യ​മാ​ണ്. സ​ർ​ക്കാ​രി​ന്‍റെ ഉ​പേ​ക്ഷകൊ​ണ്ടും തെ​റ്റാ​യ ന​യ​ങ്ങ​ൾ​കൊ​ണ്ടും ത​ല​മു​റ​ക​ളെ രോ​ഗി​ക​ളും ഇ​ര​ക​ളു​മാ​യി മാ​റ്റി​യ​ശേ​ഷം അ​വ​രെ ചി​കി​ത്സി​ച്ചി​ട്ടോ പു​ന​ര​ധി​വ​സി​പ്പി​ച്ചി​ട്ടോ പ്രയോജ​ന​മി​ല്ല. കെ​ട്ടി​ട​ത്തി​നു മു​ക​ളി​ൽ​നി​ന്നു ത​ള്ളി​താ​ഴെ​യി​ട്ടി​ട്ടു ചി​കി​ത്സി​ക്കു​ന്ന​തി​നു തു​ല്യ​മാ​ണ​ത്.

ല​ഹ​രി ന​യ​ത്തി​ൽ കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ൾ ഇ​ര​ട്ട​പെ​റ്റ​വ​രെ​പ്പോ​ലെ​യാ​ണ്. ല​ഹ​രി​യു​ടെ ഉ​പ​യോ​ഗം കു​റ​യ്ക്കാ​ന​ല്ല, കൂ​ട്ടാ​നാ​ണ് ശ്ര​മം. ല​ഹ​രി​യു​ടെ ഉ​പ​യോ​ഗം ഘ​ട്ടം​ഘ​ട്ട​മാ​യി കു​റ​യ്ക്കു​മെ​ന്നു ന​യ​രേ​ഖ​യി​ലും പൊ​തു​വേ​ദി​ക​ളി​ലും പ്ര​ഖ്യാ​പി​ക്കു​ന്ന സം​സ്ഥാ​ന സ​ർ​ക്കാ​ർ ബാ​റു​ക​ളു​ടെ​യും മ​ദ്യ​വി​ല്പ​ന​ശാ​ല​ക​ളു​ടെ​യും എ​ണ്ണം കൂ​ട്ടു​ക​യാ​ണ്. ഇ​തു ഇ​ര​ട്ട​ത്താ​പ്പാ​ണ്. ഉ​പ​യോ​ഗം കു​റ​യ​ണ​മെ​ങ്കി​ൽ മ​ദ്യ​ത്തി​ന്‍റെ ല​ഭ്യ​ത കു​റ​യ​ണം.

അ​യ​ൽ സം​സ്ഥാ​ന​ങ്ങ​ളി​ൽ കൂ​ടു​ത​ൽ മ​ദ്യ​വി​ല്പ​നശാ​ല​ക​ളു​ണ്ടെ​ന്ന ന്യാ​യം പ​റ​ഞ്ഞാ​ണ് വി​ല്പ​ന ശാ​ല​ക​ളു​ടെ എ​ണ്ണം വ​ർ​ധി​പ്പി​ച്ച​ത്. മ​ദ്യ​ത്തി​നും മ​യ​ക്കു​മ​രു​ന്നി​നു​മെ​തി​രേ രാ​ഷ്‌​ട്രീ​യ പാ​ർ​ട്ടി​ക​ളെ​ല്ലാം മൗ​നം പാ​ലി​ക്കു​ക​യാ​ണ്. കാ​ര​ണം വ്യ​ക്ത​മാ​ണ്; എ​ല്ലാ​വ​ർ​ക്കും മ​ദ്യ​ലോ​ബി​ക​ളി​ൽ​നി​ന്നു പ​ല​കാ​ര്യ​ങ്ങ​ൾ​ക്കാ​യി വി​ഹി​തം ല​ഭി​ക്കു​ന്നു​ണ്ട്.

ആ​വ​ശ്യാ​നു​സ​ര​ണം മ​ദ്യ​ശാ​ല​ക​ൾ തു​റ​ന്നു​കൊ​ടു​ക്കു​ക​യും മ​ദ്യ​ത്തി​ന് അ​മി​ത​മാ​യ വി​ല ഈ​ടാ​ക്കു​ക​യും ചെ​യ്യു​ന്ന സ​ർ​ക്കാ​ർ പ​ക്ഷെ, മ​ദ്യ​പ​ർ​ക്ക് അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലും ഒ​രു​ക്കി​ക്കൊ​ടു​ക്കു​ന്നി​ല്ല. ദു​രി​ത​മ​നു​ഭ​വി​ക്കു​ന്നതു മ​ദ്യ​പ​ർ മാ​ത്ര​മ​ല്ല, നാ​ട്ടു​കാ​ർ കൂ​ടി​യാ​ണ്. ബി​വ​റേ​ജു​ക​ളു​ടെ മു​ന്പി​ലെ ക്യൂ ​പൊ​തു​നി​ര​ത്തി​ലേ​ക്കു നീ​ളു​ന്ന​തും അ​വി​ടു​ത്തെ ബ​ഹ​ള​വും ഗ​താ​ഗ​ത​ക്കു​രു​ക്കി​നു കാ​ര​ണ​മാ​കു​ന്നു.

നി​യ​മ​ങ്ങ​ൾവ​ഴി സ​ർ​ക്കാ​രു​ക​ൾ ല​ഹ​രി ഉ​പ​യോ​ഗം നി​യ​ന്ത്രി​ക്കു​മെ​ന്നു പ്ര​തീ​ക്ഷി​ച്ചി​ട്ടു കാ​ര്യ​മി​ല്ല. ല​ഹ​രി​ക്കെ​തി​രേ സ്വ​യം തീ​രു​മാ​ന​മെ​ടു​ക്കു​ക​യാ​ണു​ വേ​ണ്ട​ത്. വീ​ടു​ക​ൾ ല​ഹ​രി​മു​ക്ത​മാ​ക​ണം. മ​ത​ങ്ങ​ൾ​ക്കും സ​മു​ദാ​യ​സം​ഘ​ട​ന​ക​ൾ​ക്കും ഇ​ക്കാ​ര്യ​ത്തി​ൽ വ​ലി​യ പ​ങ്കു വ​ഹി​ക്കാ​നാ​കും. സ​ർ​ക്കാ​ർ ന​യ​ങ്ങ​ളോ​ടു​ള്ള ക​ല​ഹം അ​വ​സാ​നി​പ്പി​ക്കാ​തെത​ന്നെ ഇ​ളം​ത​ല​മു​റ​യ്ക്കി​ട​യി​ലെ മ​ദ്യ​വി​രു​ദ്ധ ബോ​ധ​വ​ത്കര​ണം ശ​ക്തി​പ്പെ​ടു​ത്തേ​ണ്ട​തു​ണ്ട്.

പാ​ഠ​പു​സ്ത​ക​ങ്ങ​ളി​ൽ നി​ന്നു​ത​ന്നെ ല​ഹ​രി​യു​ടെ അ​പ​ക​ട​ങ്ങ​ൾ കു​ട്ടി​ക​ൾ പ​ഠി​ച്ച​റി​യ​ണം. മ​ദ്യ​വും മ​യ​ക്കു​മ​രു​ന്നും ആ​രോ​ഗ്യ​ത്തി​നു ഹാ​നി​ക​രം എ​ന്നു സി​നി​മ​ക​ളി​ലെ​യും സീ​രി​യ​ലു​ക​ളി​ലെ​യും മ​ദ്യ​സീ​നു​ക​ളി​ൽ പ​ര​സ്യ​പ്പെ​ടു​ത്തു​ന്ന​തി​നു​പ​ക​രം അ​ത്ത​രം രം​ഗ​ങ്ങ​ൾ​ക്കു വി​ല​ക്കേ​ർ​പ്പെ​ടു​ത്താ​ൻ സ​ർ​ക്കാ​ർ ത​യാ​റാ​ക​ണം.