ഗുസ്തി ജയിക്കാൻ സിദ്ദുവിന്‍റെ സിക്സർ

ഇ​ന്ത്യ​ക്കു വേ​ണ്ടി ക്രി​ക്ക​റ്റ് ക​ളി​ച്ചി​രു​ന്ന കാ​ല​ത്തും ന​വ​ജ്യോ​ത് സിം​ഗ് സി​ദ്ദു ഇ​ങ്ങ​നെത​ന്നെ​യാ​യി​രു​ന്നു. അ​പ്ര​തീ​ക്ഷി​ത പ​ന്തി​ൽ സി​ക്സ​റ​ടി​ക്കും. അ​നാ​വ​ശ്യ​മാ​യി റ​ണ്ണൗ​ട്ടാ​കും. ഒ​രു ക​ളി​യി​ൽ സെ​ഞ്ചു​റി​യ​ടി​ക്കും. അ​ടു​ത്ത​തി​ൽ ഡ​ക്കൗ​ട്ടാ​കും. തോ​ന്നി​യ​തു വി​ളി​ച്ചുപ​റ​യും. വി​ശ്വ​സി​ക്കാ​ൻ വ​യ്യ. ടീം ​മാ​നേ​ജ്മെ​ന്‍റി​ന് എ​ന്നും ത​ല​വേ​ദ​ന.

ഏ​തു വ​ശ​ത്തേ​ക്കും പ​ന്ത് സ്വിം​ഗ് ചെ​യ്യു​ന്ന പ​ഞ്ചാ​ബ് രാ​ഷ്ട്രീ​യ​ത്തി​ന്‍റെ കു​ഴ​പ്പം പി​ടി​ച്ച പി​ച്ചി​ലെ​ത്തി​യ​പ്പോ​ഴും സി​ദ്ദു മാ​റി​യി​ല്ല. കോ​ൺ​ഗ്ര​സ് നേ​തൃ​ത്വ​ത്തി​നു സ്വ​സ്ഥ​ത​യി​ല്ല. ക്യാ​പ്റ്റ​ൻ അ​മ​രീ​ന്ദ​ർ സിം​ഗ് പു​റ​ത്താ​യി ച​ര​ൺ​ജി​ത് സിം​ഗ് ച​ന്നി മു​ഖ്യ​മ​ന്ത്രി​യാ​യി ക്രീ​സി​ലെ​ത്തി​യ​പ്പോ​ൾ എ​ല്ലാം സു​ഗ​മ​മാ​യി എ​ന്നു ക​രു​തി​യ​താ​ണ്. അ​ടു​ത്ത വ​ർ​ഷ​ത്തെ നി​യ​മ​സ​ഭാ തെ​ര​ഞ്ഞെ​ടു​പ്പി​ലെ വി​ജ​യം വ​രെ ച​ന്നി​യും സി​ദ്ദു​വും ചേർന്ന് കോ​ൺ​ഗ്ര​സി​നെ കൊ​ണ്ടു​പോ​കു​മെ​ന്നാ​യി​രു​ന്നു ഹൈ​ക്ക​മാ​ൻ​ഡി​ന്‍റെ പ്ര​തീ​ക്ഷ.

ഒ​റ്റ​യും ഇ​ര​ട്ട​യു​മാ​യി വി​ജ​യ​ത്തി​ലേ​ക്കു മു​ന്നേ​റേ​ണ്ട​തി​നു പ​ക​രം സി​ദ്ദു കാ​ണി​ക​ളെയും ഡ്ര​സിം​ഗ് റൂ​മി​നെയും അ​ങ്ക​ലാ​പ്പി​ലാ​ക്കി അ​നാ​വ​ശ്യ​പ​ന്തി​ൽ പ​ടു​കൂ​റ്റ​ൻ സി​ക്സ​റി​നു ശ്ര​മി​ച്ചി​രി​ക്കു​ക​യാ​ണ്. പ​ന്തി​പ്പോ​ഴും വാ​യു​വി​ലാ​ണ്. സി​ക്സ​റാ​വു​മോ ബൗ​ണ്ട​റി ലൈ​നി​ൽ ക്യാ​ച്ചാ​വു​മോ എ​ന്ന​റി​യാ​നു​ള്ള കാ​ത്തി​രി​പ്പാ​ണി​നി.

പ​ഞ്ചാ​ബ് കോ​ൺ​ഗ്ര​സ് അ​ധ്യ​ക്ഷ​സ്ഥാ​ന​ത്തു നി​ന്നു​ള്ള സി​ദ്ദു​വി​ന്‍റെ രാ​ജി അ​പ്ര​തീ​ക്ഷി​ത​മാ​യി​രു​ന്നു. ജൂ​ലൈ 18ന് ​സ്ഥാ​ന​മേ​റ്റ​തി​നു ശേ​ഷം അ​ന്ന് മു​ഖ്യ​മ​ന്ത്രി​യാ​യി​രു​ന്ന ക്യാ​പ്റ്റ​ൻ (റി​ട്ട.) അ​മ​രീ​ന്ദ​ർ സിം​ഗു​മാ​യി എ​ന്നും ഗു​സ്തി​യാ​യി​രു​ന്നു.

ഗു​സ്തി​യി​ലും പ​ഞ്ചാ​ബി​ക​ൾ ലോ​ക​നി​ല​വാ​ര​ത്തി​ലാ​ണ​ല്ലോ. ഗു​സ്തി​യി​ലെ നി​യ​മ​ങ്ങ​ളൊ​ക്കെ തെ​റ്റി​ത്തു​ട​ങ്ങി​യ​പ്പോ​ഴാ​ണ് ഹൈ​ക്ക​മാ​ൻ​ഡ് ഇ​ട​പെ​ട്ട​ത്. ക്യാ​പ്റ്റ​നെ മാ​റ്റി. സി​ദ്ദു​വി​ന്‍റെ ആ​ളെ​ന്നു ക​രു​തു​ന്ന ച​ര​ൺ​ജി​ത് സിം​ഗ് ച​ന്നി വ​ന്നു. പ​ര​സ്പ​രം റ​ണ്ണൗ​ട്ടാ​ക്കി​ല്ലെ​ന്നു വി​ശ്വ​സി​ച്ച് ആ​ശ്വ​സി​ച്ചി​രു​ന്ന നേ​തൃ​ത്വ​ത്തി​ന് ഇ​രു​ട്ട​ടി​യാ​യി രാ​ജി.

"ഞാ​ന​ന്നേ പ​റ​ഞ്ഞ​ത​ല്ലേ'

കേ​ട്ട​തേ അ​മ​രീ​ന്ദ​ർ സിം​ഗ് പ്ര​തി​ക​രി​ച്ചത് "ഞാ​ന​ന്നേ പ​റ​ഞ്ഞ​ത​ല്ലേ' എ​ന്നാ​ണ്. സി​ദ്ദു സ്ഥി​ര​ത​യി​ല്ലാ​ത്ത ആ​ളാ​ണെ​ന്നും അ​പ​ക​ട​കാ​രി​യാ​ണെ​ന്നും അ​തി​ർ​ത്തിസം​സ്ഥാ​ന​മാ​യ പ​ഞ്ചാ​ബി​നെ ന​യി​ക്കാ​ൻ പ​റ്റി​യ ആ​ള​ല്ലെ​ന്നും അ​മ​രീ​ന്ദ​ർ മു​ന്പു പ​റ​ഞ്ഞി​രു​ന്നു. അ​ദ്ദേ​ഹ​മാ​വ​ട്ടെ എ​തി​ർടീ​മാ​യ ബി​ജെ​പി​യി​ലേ​ക്കു ചേ​ക്കാ​റാ​നു​ള്ള ഒ​രു​ക്ക​ത്തി​ലും.

അ​മ​രീ​ന്ദ​ർ സിം​ഗി​ന്‍റെ ക​ടു​ത്ത എ​തി​ർ​പ്പു മ​റി​ക​ട​ന്നാ​ണ് സി​ദ്ദു പി​സി​സി അ​ധ്യ​ക്ഷ​നാ​യ​ത്. അ​ന്നു തു​ട​ങ്ങി​യ​താ​ണ് പ​ഞ്ചാ​ബ് കോ​ൺ​ഗ്ര​സി​ലെ കു​ഴ​പ്പ​ങ്ങ​ൾ. ര​ണ്ടു​പേ​രും കൊ​ണ്ടും​ കൊ​ടു​ത്തും മു​ന്നേ​റി. സോ​ണി​യ​യും രാ​ഹു​ലും സി​ദ്ദു​വി​നെ വി​ശ്വ​സി​ച്ച​പ്പോ​ൾ പ​ത്തു ദി​വ​സം മു​ന്പ് അ​മ​രീ​ന്ദ​ർ പു​റ​ത്താ​യി. മു​ഖ്യ​മ​ന്ത്രി​സ്ഥാ​ന​ത്തേ​ക്കു സി​ദ്ദു​വി​നു ക​ണ്ണു​ണ്ടാ​യി​രു​ന്നു. പ​ക്ഷേ ന​റു​ക്കു വീ​ണ​ത് ച​ന്നി​ക്ക്. അ​തോ​ടെ മ​ന​സി​ൽ വീ​ണ ക​ന​ലാ​ണ് ഇ​പ്പോ​ൾ ആ​ളി​ക്ക​ത്തി​യി​രി​ക്കു​ന്ന​ത്.

മ​ന്ത്രി​സ​ഭ​യി​ലെ​യും ഉ​ദ്യോ​ഗ​സ്ഥ​ത​ല​ത്തി​ലെ​യും ചി​ല നി​യ​മ​ന​ങ്ങ​ളാ​ണ് രാ​ജി​യു​ടെ പ്ര​ത്യ​ക്ഷ പ്ര​കോ​പ​നം. സി​ദ്ദു​വി​ന്‍റെ ചി​ല നി​ർ​ദേ​ശ​ങ്ങ​ൾ പാ​ലി​ക്ക​പ്പെ​ട്ടി​ല്ല. ക​പൂ​ർ​ത്ത​ല​യി​ൽ നി​ന്നു​ള്ള എം​എ​ൽ​എ​യാ​യ റാ​ണ ഗു​ർ​ജി​ത് സിം​ഗി​നെ മ​ന്ത്രി​സ​ഭ​യി​ൽ ഉ​ൾ​പ്പെ​ടു​ത്തി​യ​താ​ണ് പ്ര​ധാ​ന അ​മ​ർ​ഷം. മ​ണ​ൽ ഖ​ന​ന​വു​മാ​യി ബ​ന്ധ​പ്പെ​ട്ട അ​ഴി​മ​തി ആ​രോ​പ​ണ​ത്തെ​ത്തു​ട​ർ​ന്ന് 2018ൽ ​മ​ന്ത്രി​സ​ഭ​യി​ൽനി​ന്നു പു​റ​ത്തു​പോ​യ ആ​ളാ​ണ് ഗു​ർ​ജി​ത് സിം​ഗ്.

റാ​ണ​യു​ടെ നി​യ​മ​നം സി​ദ്ദു​വി​ന്‍റെ പി​ന്തു​ണ​യോ​ടെ​യാ​ണെ​ന്നു വ​രു​ത്തി​ത്തീ​ർ​ക്കാ​നും നേ​തൃ​ത്വം ശ്ര​മി​ച്ചു. എ​ന്നാ​ൽ, മു​ഖ്യ​മ​ന്ത്രി​ക്കു മു​ന്നി​ലും കേ​ന്ദ്ര നേ​തൃ​ത്വ​ത്തി​നു മു​ന്നി​ലും ഇ​തി​നെ​തി​രേ പ​ല്ലും ന​ഖ​വു​മു​പ​യോ​ഗി​ച്ച് എ​തി​ർ​ത്ത​യാ​ളാ​ണ് സി​ദ്ദു.

ഇ​തി​നു പു​റ​മെ​യാ​ണ് അ​രു​ണ ചൗ​ധ​രി​യെ മ​ന്ത്രി​സ​ഭ​യി​ൽ ഉ​ൾ​പ്പെ​ടു​ത്തി​യ​തി​ലു​ള്ള നീ​ര​സം. ച​ന്നി​യു​ടെ സ​മ്മ​ർ​ദ​മാ​ണ് ഇ​വ​രെ തു​ണ​ച്ച​ത്.

പ​ഞ്ചാ​ബി​ലെ പ​ട്ടി​ക​വി​ഭാ​ഗ​ത്തി​ലെ പ്ര​മു​ഖ​രാ​യ മ​ഝാ​ബി സ​മു​ദാ​യ​ത്തി​നു മ​ന്ത്രി​സ​ഭ​യി​ൽ പ്രാ​തി​നി​ധ്യം വേ​ണ​മെ​ന്ന് സി​ദ്ദു ആ​ഗ്ര​ഹി​ച്ചി​രു​ന്നു. എ​ന്നാ​ൽ രാം​ദാ​സി​യ സ​മു​ദാ​യ​ത്തി​ൽ​പ്പെ​ട്ട മു​ഖ്യ​മ​ന്ത്രി​ക്ക് ഇ​തു സ്വീ​കാ​ര്യ​മാ​യി​രു​ന്നി​ല്ല. സി​ദ്ദു തീ​ർ​ത്തും പു​തി​യ കാ​ബി​ന​റ്റാ​ണ് ആ​ഗ്ര​ഹി​ച്ച​ത്. അ​ദ്ദേ​ഹ​ത്തി​ന്‍റെ നി​ർ​ദേ​ശ​പ്ര​കാ​രം ചി​ല പേ​രു​ക​ൾ സ്വീ​ക​രി​ച്ചു. എ​ന്നാ​ൽ മോ​ശം പ്ര​ക​ട​ന​ത്തി​ന്‍റെയും അ​ഴി​മ​തി​യു​ടെയും നി​ഴ​ലി​ലു​ള്ള​വ​രെ മാ​റ്റാ​ൻ പാ​ർ​ട്ടി ത​യാ​റാ​യി​ല്ല.

അ​ഡ്വ​ക്ക​റ്റ് ജ​ന​റ​ലി​ന്‍റെ നി​യ​മ​ന​മാ​ണ് മ​റ്റൊ​ന്ന്. സീ​നി​യ​ർ അ​ഭി​ഭാ​ഷ​ക​നാ​യ എ.​പി.​എ​സ്. ഡി​യോ​ൾ ആ​ണ് പു​തി​യ അ​ഡ്വ​ക്ക​റ്റ് ജ​ന​റ​ൽ. അ​ദ്ദേ​ഹം മു​ൻ ഡി​ജി​പി സു​മേ​ധ് സിം​ഗ് സെ​യ്നി​യു​ടെ വ​ക്കീ​ലാ​യി​രു​ന്നു. സെ​യ്നി 2015-ലെ ​ബെ​ഹ്ബാ​ൽ ക​ല​ൻ പോ​ലീ​സ് വെ​ടി​വ​യ്പു കേ​സി​ലെ പ്ര​തി​യാ​ണ്. ഇ​താ​ക​ട്ടെ പ​ഞ്ചാ​ബ് രാ​ഷ്ട്രീ​യ​ത്തി​ലെ തൊ​ട്ടാ​ൽ പൊ​ള്ളു​ന്ന വി​ഷ​യ​മാ​യ 2015ലെ ​ബ​ർ​ഗാ​രി സാ​ക്രി​ലേ​ജ് കേ​സു​മാ​യി ബ​ന്ധ​പ്പെ​ട്ട​തും.

സി​ക്കുകാ​രു​ടെ പു​ണ്യ​ഗ്ര​ന്ഥ​മാ​യ ഗു​രു​ഗ്ര​ന്ഥ​സാ​ഹി​ബി​ലെ ചി​ല ഭാ​ഗ​ങ്ങ​ൾ മോ​ഷ​ണം പോ​യ​തു​മാ​യി ബ​ന്ധ​പ്പെ​ട്ട് ഫ​രീ​ദ്കോ​ട്ട് ജി​ല്ല​യി​ലു​ണ്ടാ​യ ചി​ല സം​ഭ​വ​ങ്ങ​ളാ​ണ് ഈ ​കേ​സ്. ചി​ക​ഞ്ഞു ചെ​ന്നാ​ൽ ഈ ​കേ​സി​ന്‍റെ തു​ട​ർ​ച്ച​യാ​ണ് ഇ​പ്പോ​ഴ​ത്തെ സം​ഭ​വ​ങ്ങ​ളെ​ന്നും ചി​ല രാ​ഷ്‌ട്രീയ നി​രീ​ക്ഷ​ക​ർ ക​രു​തു​ന്നു​ണ്ട്.

സ​ത്യ​പ്ര​തി​ജ്ഞ​യ്ക്കു ശേ​ഷം മ​ന്ത്രി​മാ​ർ ചു​മ​ത​ല​യേ​ൽ​ക്കു​ന്ന ച​ട​ങ്ങി​ൽ കോ​ൺ​ഗ്ര​സ് അ​ധ്യ​ക്ഷ​ൻ പ​ങ്കെ​ടു​ത്തി​രു​ന്നി​ല്ല. ഈ ​ച​ട​ങ്ങി​ൽ മു​ഖ്യ​മ​ന്ത്രി​യും പി​സി​സി അ​ധ്യ​ക്ഷ​നും പ​ങ്കെ​ടു​ക്കു​ന്ന​ത് പ​ഞ്ചാ​ബി​ലെ പ​തി​വാ​ണ്. മു​ഖ്യ​മ​ന്ത്രി നി​ര​വ​ധി ത​വ​ണ ആ​വ​ശ്യ​പ്പെ​ട്ടി​ട്ടും സി​ദ്ദു ച​ട​ങ്ങി​നു പോ​യി​ല്ല.

സി​ദ്ദു​വി​ന്‍റെ താ​മ​സ​സ്ഥ​ല​മാ​യ പ​ട്യാ​ല​യി​ലേ​ക്കു മു​ഖ്യ​മ​ന്ത്രി ഹെ​ലി​കോ​പ്റ്റ​ർ അ​യ​ച്ചു​കൊ​ടു​ക്കു​ക വ​രെ ചെ​യ്ത​താ​ണ്.

സി​ദ്ദു​വു​മാ​യി ഒ​രു അ​ഭി​പ്രാ​യ​വ്യ​ത്യാ​സ​വു​മി​ല്ലെ​ന്നു മു​ഖ്യ​മ​ന്ത്രി ച​ന്നി ആ​വ​ർ​ത്തി​ച്ചു വ്യ​ക്ത​മാ​ക്കി​യി​ട്ടു​ണ്ട്. അ​ദ്ദേ​ഹം പാ​ർ​ട്ടി അ​ധ്യ​ക്ഷ​നാ​ണ്, വ​ലി​യ നേ​താ​വാ​ണ്, ആ​വ​ശ്യ​മെ​ങ്കി​ൽ എ​ത്ര വേ​ണ​മെ​ങ്കി​ലും അ​ദ്ദേ​ഹ​വു​മാ​യി സം​സാ​രി​ക്കാ​മെ​ന്നും ച​ന്നി പ​റ​ഞ്ഞി​ട്ടു​ണ്ട്.

പകച്ച് കോൺഗ്രസ്

എ​ന്താ​യാ​ലും സി​ദ്ദു​വി​ന്‍റെ രാ​ജി കോ​ൺ​ഗ്ര​സ് ഹൈ​ക്ക​മാ​ൻ​ഡി​നു നാ​ണ​ക്കേ​ടാ​യി​രി​ക്കു​ക​യാ​ണ്. അ​ടു​ത്ത വ​ർ​ഷം ന​ട​ക്കു​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​നെ സി​ദ്ദു ന​യി​ക്കു​മെ​ന്നു വ്യ​ക്ത​മാ​ക്കി​യാ​ണ് നേ​തൃ​ത്വം അ​മ​രീ​ന്ദ​ർ സിം​ഗി​നെ പു​റ​ത്താ​ക്കി​യ​തും.

രാ​ഹു​ൽ ഗാ​ന്ധി​ക്കും പ്രി​യ​ങ്ക ഗാ​ന്ധി​ക്കും വ്യ​ക്തി​പ​ര​മാ​യും തി​രി​ച്ച​ടി​യാ​ണി​ത്. രാ​ഹു​ലും പ്രി​യ​ങ്ക​യു​മാ​ണ് സി​ദ്ദു​വി​നെ പി​ന്തു​ണ​ച്ച​തെ​ന്ന​ത് ശ​രി​ത​ന്നെ. എ​ങ്കി​ലും മു​ഖ്യ​മ​ന്ത്രി​യാ​കാ​ൻ പ​റ്റാ​തെ വ​ന്ന​പ്പോ​ൾ കൂ​ടു​ത​ലാ​യി ത​ന്‍റെ ആ​ളു​ക​ളെ മ​ന്ത്രി​സ​ഭ​യി​ൽ ഉ​ൾ​പ്പെ​ടു​ത്താ​ൻ സി​ദ്ദു സ​മ്മ​ർ​ദം ചെ​ലു​ത്തി. അ​തോ​ടെ അ​വ​രും സി​ദ്ദു​വി​ൽനി​ന്ന​ക​ന്നു.

സി​ദ്ദു​വി​നെ പി​ന്തു​ണ​ച്ചു മ​ന്ത്രി​സ​ഭ​യി​ൽനി​ന്നും പാ​ർ​ട്ടി സ്ഥാ​ന​ങ്ങ​ളി​ൽനി​ന്നും രാ​ജി​യു​ണ്ടാ​യെ​ങ്കി​ലും വ​രാ​ൻ പോ​കു​ന്ന അ​പ​ക​ടം തി​രി​ച്ച​റി​ഞ്ഞ ചി​ല നേ​താ​ക്ക​ളെ​ങ്കി​ലും വ്യ​ത്യ​സ്ത​മാ​യി പ്ര​തി​ക​രി​ക്കു​ന്നു​ണ്ട്. എം​എ​ൽ​എ​യാ​യ സു​ഖ്പാ​ൽ ഖെ​യ്റ സി​ദ്ദു​വി​നോ​ടു രാ​ജി പി​ൻ​വ​ലി​ക്കാ​ൻ അ​ഭ്യ​ർ​ഥി​ച്ചി​ട്ടു​ണ്ട്. നാ​ല​ഞ്ചു മാ​സ​ത്തി​നി​ടെ തെ​ര​ഞ്ഞെ​ടു​പ്പു വ​രി​ക​യാ​ണ്. പ്ര​ശ്ന​പ​രി​ഹാ​രം എ​ത്ര​യും പെ​ട്ടെ​ന്നു ക​ണ്ടെ​ത്തേ​ണ്ടി​യി​രി​ക്കു​ന്നു-​അ​ദ്ദേ​ഹം പ​റ​ഞ്ഞു.

സി​ദ്ദു സൂ​പ്പ​ർ മു​ഖ്യ​മ​ന്ത്രി ച​മ​യു​ക​യാ​ണെ​ന്ന ധാ​ര​ണ പു​തി​യ മ​ന്ത്രി​സ​ഭ അ​ധി​കാ​ര​മേ​റ്റ​തുമു​ത​ലു​ണ്ടാ​യി​രു​ന്നു. നി​ർ​ണാ​യ​ക തീ​രു​മാ​ന​ങ്ങ​ൾ സി​ദ്ദു​വി​ന്‍റേ​താ​ണെ​ന്ന ആ​രോ​പ​ണ​വും പ​ല​രും ഉ​ന്ന​യി​ച്ചു. എ​തി​രാ​ളി​യാ​യ എ​സ്.​എ​സ്. ര​ൺ​ധാ​വ​യെ ഉ​പ​മു​ഖ്യ​മ​ന്ത്രി​യാ​ക്കി​യ​ത് സി​ദ്ദു​വി​ന്‍റെ താ​ത്പ​ര്യ​ത്തി​നെ​തി​രാ​യാ​ണ്.

റ​സി​യ സു​ൽ​ത്താ​ന

മ​ലേ​ർ​കോ​ട്‌​ല എം​എ​ൽ​എ​യാ​യ റ​സി​യ സു​ൽ​ത്താ​ന​യാ​ണ് സി​ദ്ദു​വി​നെ പി​ന്തു​ണ​ച്ച് മ​ന്ത്രി​സ​ഭ​യി​ൽനി​ന്നു രാ​ജി​വ​ച്ച​ത്. സി​ദ്ദു​സാ​ഹി​ബ് ആ​ദ​ർ​ശ​വാ​നാ​ണെന്നും പ​ഞ്ചാ​ബി​നു വേ​ണ്ടി പൊ​രു​തു​ന്ന​യാ​ളാണെന്നും പ​റ​ഞ്ഞു​കൊ​ണ്ടാ​യി​രു​ന്നു സു​ൽ​ത്താ​ന​യു​ടെ രാ​ജി.

റ​സി​യ​യു​ടെ ഭ​ർ​ത്താ​വ് മു​ൻ ഐ​പി​എ​സ് ഉ​ദ്യോ​ഗ​സ്ഥ​നാ​യ മു​ഹ​മ്മ​ദ് മു​സ്ത​ഫ സി​ദ്ദു​വി​ന്‍റെ പ്ര​ധാ​ന ഉ​പ​ദേ​ശ​ക​നാ​ണ്. പോ​രാ​ത്ത​തി​നു വ​കു​പ്പു വി​ഭ​ജ​ന​ത്തി​ലും അ​വ​ർ തൃ​പ്ത​യാ​യി​രു​ന്നി​ല്ല. പ​ഞ്ചാ​ബ് കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി യോ​ഗീ​ന്ദ​ർ ദി​ൻ​ഗ്ര, ട്ര​ഷ​റ​ർ ഗു​ൽ​സാ​ർ ഇ​ന്ദ​ർ ചാ​ഹ​ൽ എ​ന്നി​വ​രാ​ണ് രാ​ജി​വ​ച്ച പാ​ർ​ട്ടി ഭാ​ര​വാ​ഹി​ക​ൾ.

പ​ഞ്ചാ​ബ് കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി പ​ർ​ഗ​ത് സിം​ഗാ​ണ് പ്ര​ശ്ന​പ​രി​ഹാ​ര​ത്തി​നാ​യി ഓ​ടിന​ട​ക്കു​ന്ന​ത്. സി​ദ്ദു​വി​നെ ത​ണു​പ്പി​ക്കാ​ൻ പാ​ർ​ട്ടി നി​യോ​ഗി​ച്ച അ​ദ്ദേ​ഹം കാ​ര്യ​ങ്ങ​ൾ ര​മ്യ​മാ​യി അ​വ​സാ​നി​ക്കു​മെ​ന്ന പ്ര​തീ​ക്ഷ​യി​ലാ​ണ്. എ​ല്ലാം ശ​രി​യാ​കു​മെ​ന്നാ​ണ് കോ​ൺ​ഗ്ര​സ് നേ​താ​വ് കെ.​സി.​വേ​ണു​ഗോ​പാ​ലി​ന്‍റെയും പ്ര​തീ​ക്ഷ.

അ​മ​രീ​ന്ദ​ർ സിം​ഗു​മാ​യി വ്യ​ക്തി​പ​ര​മാ​യ യാ​തൊ​രു വി​ദ്വേ​ഷ​വും സി​ദ്ദു​വി​നി​ല്ലെ​ന്നാ​ണ് അ​ദ്ദേ​ഹ​ത്തി​ന്‍റ ഉ​പ​ദേ​ശ​കവൃ​ന്ദ​ത്തി​ൽ​പ്പെ​ട്ട സു​രീ​ന്ദ​ർ ഡ​ല്ല പ​റ​യു​ന്ന​ത്. പു​തി​യ സ​ർ​ക്കാ​ർ ശ്ര​ദ്ധാ​പൂ​ർ​വം തീ​രു​മാ​ന​ങ്ങ​ളെ​ടു​ക്കേ​ണ്ടി​യി​രു​ന്നു. മ​ന്ത്രി​സ​ഭ പാ​ർ​ട്ടി​ലൈ​നാ​ണ് പി​ന്തു​ട​രേ​ണ്ട​തെ​ന്നും ഡ​ല്ല വ്യ​ക്ത​മാ​ക്കി.

നേ​ര​ത്തെ, പ്രി​യ​ങ്ക ഗാ​ന്ധി സി​ദ്ദു​വി​നു വേ​ണ്ടി ശ​ക്ത​മാ​യി രം​ഗ​ത്തു​ണ്ടാ​യി​രു​ന്നു. അ​മ​രീ​ന്ദ​ർ സിം​ഗി​ന്‍റെ കാ​ര്യ​ത്തി​ൽ എ​ന്തു ചെ​യ്യ​ണ​മെ​ന്നു കോ​ൺ​ഗ്ര​സ് നേ​തൃ​ത്വം ഗൗ​ര​വ​മാ​യി ആ​ലോ​ചി​ച്ചുകൊ​ണ്ടി​രു​ന്ന​പ്പോ​ൾ സി​ദ്ദു​വി​നെ രാ​ഹു​ൽ ഗാ​ന്ധി​ക്കു മു​ന്നി​ലെ​ത്തി​ച്ച​ത് പ്രി​യ​ങ്ക​യാ​ണ്.

സി​ദ്ദു​വി​നെ മു​ഖ്യ​മ​ന്ത്രി​യാ​ക്കാ​ഞ്ഞ​താ​ണ് കോ​ൺ​ഗ്ര​സി​ന്‍റെ മ​ണ്ട​ത്ത​ര​മെ​ന്നു ചി​ല നി​രീ​ക്ഷ​ക​ർ ക​രു​തു​ന്നു​ണ്ട്. അ​മ​രീ​ന്ദ​ർ സിം​ഗി​നെ​തി​രേ പൊ​രു​തി അ​ദ്ദേ​ഹ​ത്തെ പു​റ​ത്താ​ക്കി​യ സാ​ഹ​ച​ര്യ​ത്തി​ൽ അ​താ​യി​രു​ന്നു ഉ​ത്ത​മതീ​രു​മാ​ന​മെ​ന്ന് അ​വ​ർ ക​രു​തു​ന്നു. സി​ദ്ദു​വി​നും താ​ത്പ​ര്യ​മു​ണ്ടാ​യി​രു​ന്നു. പ​ക്ഷേ പാ​ർ​ട്ടി ദ​ളി​ത് കാ​ർ​ഡ് ക​ളി​ക്കാ​നാ​ണ് തീ​രു​മാ​നി​ച്ച​ത്. അ​കാ​ലി​ദ​ൾ-​ബി​എ​സ്പി സ​ഖ്യം നി​ർ​ണാ​യ​ക ദ​ളി​ത് വോ​ട്ടു​ക​ൾ ക​യ്യ​ട​ക്കു​ന്ന സാ​ഹ​ച​ര്യം ഒ​ഴി​വാ​ക്കു​ക​യാ​യി​രു​ന്നു നേ​തൃ​ത്വ​ത്തി​ന്‍റെ ഉ​ദ്ദേ​ശ്യം.

ആം ആദ്മി

കോ​ൺ​ഗ്ര​സി​ൽ നി​ല​വി​ലു​ള്ള പ്ര​തി​സ​ന്ധി പ​ര​മാ​വ​ധി മു​ത​ലെ​ടു​ക്കാ​നു​ള്ള ശ്ര​മ​ത്തി​ലാ​ണ് ആം ​ആ​ദ്മി പാ​ർ​ട്ടി. സി​ദ്ദു​വി​ന്‍റെ രാ​ജി ദ​ളി​ത് മു​ഖ്യ​മ​ന്ത്രി​യെ സ​ഹി​ക്കാ​നാ​വാ​ഞ്ഞി​ട്ടാ​ണെ​ന്നു പ​റ​ഞ്ഞു​കൊ​ണ്ട് അ​വ​ർ ആ​ദ്യവെ​ടി പൊ​ട്ടി​ക്കു​ക​യും ചെ​യ്തു.

സി​ദ്ദു ദ​ളി​ത് വി​രു​ദ്ധ​നാ​ണെ​ന്ന​തി​ന്‍റെ തെ​ളി​വാ​ണി​തെ​ന്നും സ​ങ്ക​ട​ക​ര​മാ​യ കാ​ര്യ​മെ​ന്നും എ​എ​പി വ​ക്താ​വ് സൗ​ര​ഭ് ഭ​ര​ദ്വാ​ജ് പ​റ​ഞ്ഞു. വ​രു​ന്ന തെ​ര​ഞ്ഞെ​ടു​പ്പി​ൽ പ​ഞ്ചാ​ബി​ലെ അ​ടി​ത്ത​റ വി​പു​ല​മാ​ക്കാ​നു​ള്ള ഒ​രു​ക്ക​ത്തി​ലാ​ണ് ആം ​ആ​ദ്മി പാ​ർ​ട്ടി. സം​സ്ഥാ​ന​ത്തെ വോ​ട്ട​ർ​മാ​രി​ൽ മു​പ്പ​തു ശ​ത​മാ​ന​ത്തോ​ളം ദ​ളി​ത​രാ​ണ്.

എ​സ്.​ ജ​യ​കൃ​ഷ്ണ​ൻ