കോ​ണ്‍​ഗ്ര​സ് ശ​ക്ത​മാ​ക​ണം, തി​രി​ച്ചു​വ​ര​ണം

അനന്തപുരി / ദ്വിജൻ

മു​ന്ന​ണി​ക​ളെ മാ​റി​മാ​റി പ​രീ​ക്ഷി​ക്കാ​റു​ള്ള കേ​ര​ളം ഇ​ട​തു​മു​ന്ന​ണി​ക്ക് ര​ണ്ടാ​മൂ​ഴം ഏ​ൽ​പ്പി​ച്ചു​കൊ​ടു​ത്തു​കൊ​ണ്ടു പ​തി​ന​ഞ്ചാം കേ​ര​ള നി​യ​മ​സ​ഭാ തെ​രെ​ഞ്ഞ​ടു​പ്പി​ൽ പ്ര​ക​ട​മാ​ക്കി​യ ജ​ന​വി​ധി ആ​ർ​ക്കും മു​ൻ​കൂ​ർ ക​ണ​ക്കാ​ക്കാ​നാ​വാ​ത്ത കേ​ര​ള​ത്തി​ന്‍റെ രാ​ഷ്‌​ട്രീ​യ പ്ര​ബു​ദ്ധ​ത​യു​ടെ നേ​ര​ട​യാ​ള​മാ​യി. ഈ ​ജ​ന​വി​ധി​യി​ലൂ​ടെ ഇ​ട​തു​മു​ന്ന​ണി​ക്ക് ജ​നം തു​ട​ർ​ഭ​ര​ണം കൊ​ടു​ക്കു​ന്നു എ​ങ്കി​ലും മ​താ​ധി​ഷ്ഠി​ത പാ​ർ​ട്ടി​ക​ൾ​ക്കു ന​ൽ​കി​യ തി​രി​ച്ച​ടി കാ​ണാ​തെ പോ​ക​രു​ത്. ബി​ജെ​പി​ക്ക് ഉ​ണ്ടാ​യി​രു​ന്ന ഒ​രു സീ​റ്റ് ന​ഷ്ട​പ്പെ​ട്ട​പ്പോ​ൾ മു​സ്‌​ലിം ലീ​ഗി​ന് മൂ​ന്നു സീ​റ്റു​ക​ൾ ന​ഷ്ട​പ്പെ​ട്ടി​ട്ടു​ണ്ട്.

ജ​നാ​ധി​പ​ത്യ​മു​ന്ന​ണി​ക്ക് 2016 ലെ​ക്കാ​ൾ ഒ​രു ശ​ത​മാ​നം വോ​ട്ട് കൂ​ടി​യി​ട്ടു​മു​ണ്ട്. കേ​ര​ള കോ​ണ്‍​ഗ്ര​സ് വ​ഴ​ക്കി​ൽ ഏ​തു വി​ഭാ​ഗ​മാ​ണ് ശ​ക്തം എ​ന്നും ജ​നം അ​ടി​വ​ര​യി​ട്ടു. കോ​ണ്‍​ഗ്ര​സി​നും ജ​നാ​ധി​പ​ത്യ​മു​ന്ന​ണി​ക്കും ജ​നം ന​ല്കി​യ ഈ ​പാ​ഠം മ​ന​സി​ലാ​ക്കി ജ​ന​ങ്ങ​ൾ​ക്കൊ​പ്പം​നി​ന്നു പ്ര​വ​ർ​ത്തി​ക്കു​വാ​ൻ അ​വ​ർ ത​യാ​റാ​യാ​ൽ ഒ​രു ത​രി​ച്ചു​വ​ര​വ് അ​സാ​ധ്യ​മ​ല്ല. ഇ​ത്ത​ര​ത്തി​ൽ ഒ​രു തി​രി​ച്ചു​വ​ര​വാ​ണ് നാ​ടി​നു വേ​ണ്ട​ത്. ജ​നാ​ധി​പ​ത്യ​ത്തി​ന് ആ​വ​ശ്യ​വും.

വ​ട​ക്കാ​ഞ്ചേ​രി​യി​ൽ തോ​റ്റ​തോ​ടെ ഇ​നി മ​ത്സ​രി​ക്കാ​നേ ഇ​ല്ല എ​ന്നു പ​റ​ഞ്ഞ അ​നി​ൽ അ​ക്ക​ര​യ​ല്ല ക​രു​നാ​ഗ​പ്പ​ള്ളി​യി​ലെ വി.​ആ​ർ. മ​ഹേ​ഷ് ആ​വ​ണം മാ​തൃ​ക. 2016 ലെ ​പ​രാ​ജ​യ​ത്തി​നു ശേ​ഷം രാ​ഹു​ൽ ഗാ​ന്ധി​യെ​യും ആ​ന്‍റ​ണി​യെ​യും കോ​ണ്‍​ഗ്ര​സി​ലെ ഗ്രൂ​പ്പ് വ​ഴ​ക്കു​ക​ളെ​യും അ​ട​ക്കം പാ​ർ​ട്ടി​യു​ടെ ദു​ഃസ്ഥി​തി​യെ​ക്കു​റി​ച്ച് മ​ന​സി​ലു​ണ്ടാ​യി​രു​ന്ന​തെ​ല്ലാം തു​റ​ന്നു​പ​റ​ഞ്ഞ് പാ​ർ​ട്ടി​പ്പ​ദ​വി ന​ഷ്ട​പ്പെ​ടു​ത്തി​യ​വ​നാ​ണ് മാ​ഹേ​ഷ്. ജ​ന​പി​ന്തു​ണ​യു​ള്ള നേ​താ​ക്കാ​ന്മാ​ർ​ക്കു സാ​ധി​ക്കു​ന്ന ഒ​രു അ​സാ​ധാ​ര​ണ സി​ദ്ധി​യാ​ണി​ത്. പ​ണ്ട് കോ​ണ്‍​ഗ്ര​സി​ൽ ഇ​ത്ത​രം ശ​ബ്ദ​ങ്ങ​ൾ ഉ​ണ്ടാ​യി​രു​ന്നു. 1976 ൽ ​ഗോ​ഹ​ത്തി എ​ഐ​സി​സി സ​മ്മേ​ള​ന​ത്തി​ൽ സാ​ക്ഷാ​ൽ എ.​കെ. ആ​ന്‍റ​ണി അ​ടി​യ​ന്ത​രാ​വാ​സ്ഥ​യ്ക്കെ​തി​രേ പ​റ​യാ​ൻ ധൈ​ര്യം കാ​ണി​ച്ച ശേ​ഷം ഇ​ത്ത​ര​ക്കാ​രെ കാ​ണാ​നി​ല്ല.

അ​ടു​ത്ത കാ​ല​ത്തു പാ​ർ​ട്ടി ശ​ക്ത​മാ​ക്ക​ണം എ​ന്ന ക​ത്തി​ൽ ഒ​പ്പി​ട്ട 23 നേ​താ​ക്ക​ളും ഈ ​ഗ​ണ​ത്തി​ൽ വ​രു​ന്നു. രാ​ഹു​ലി​നെ​യും ആ​ന്‍റ​ണി​യെ​യും കു​റ്റ​പ്പെ​ടു​ത്തി​യ​തു​കൊ​ണ്ട​ല്ല മ​ഹേ​ഷ് ക​രു​നാ​ഗ​പ്പ​ള്ളി​യി​ൽ വി​ജ​യി​ച്ച​ത്. അ​ദ്ദേ​ഹം പ​റ​യു​ന്ന​തി​ൽ കാ​ര്യ​മു​ണ്ടെ​ന്ന് ജ​ന​ത്തി​നു ബോ​ധ്യ​മാ​യ​തു​കൊ​ണ്ടും ഒ​രു തെ​ര​ഞ്ഞെ​ടു​പ്പി​ൽ തോ​റ്റ​തു​കൊ​ണ്ട് ക​ളം വി​ടാ​തെ ജ​ന​ങ്ങ​ൾ​ക്കൊ​പ്പം നി​ന്ന​തു​കൊ​ണ്ടും ആ​യി​രു​ന്നു. അ​ദ്ദേ​ഹ​ത്തെ വീ​ണ്ടും മ​ത്സ​രി​പ്പി​ക്കാ​ൻ കാ​ണി​ച്ച നേ​തൃ​ത്വ​ത്തി​ന്‍റെ രാ​ഷ്‌​ട്രീ​യ വീ​ക്ഷ​ണ​വും ശ​രി​യാ​യി. രാ​ഹു​ലി​നെ​ക്കു​റി​ച്ച് അ​ന്നു മ​ഹേ​ഷ് പ​റ​ഞ്ഞ​ത് ഇ​ന്നു ദേ​ശീയ ത​ല​ത്തി​ൽ ഏ​റെ​പ്പേ​ർ പ​റ​യു​ന്നു​ണ്ട്. ജ​ന​ങ്ങ​ൾ​ക്കു വി​ശ്വ​സി​ക്കാ​നാ​വു​ന്ന നേ​തൃ​ത്വം പാ​ർ​ട്ടി​ക്ക് ഉ​ണ്ടാ​വ​ണം

പ്ര​ത്യാ​ഘാ​ത​ങ്ങ​ൾ

കേ​ര​ള രാ​ഷ്‌​ട്രീ​യ​ത്തി​ൽ വ​ല​തു​പ​ക്ഷ ക​മ്യൂ​ണി​സ്റ്റ് ബ​ദ​ൽ എ​ന്ന നി​ല​യി​ലേ​ക്ക് കു​തി​ച്ചു​യ​ർ​ന്നു​കൊ​ണ്ടി​രു​ന്ന ബി​ജെ​പി, ച​ര​ടു പൊ​ട്ടി​യ പ​ട്ടം പോ​ലെ ല​ക്ഷ്യം ന​ഷ്ട​പ്പെ​ട്ട നി​ല​യി​ലാ​യി. 2011ൽ 6.3 ​ശ​ത​മാ​നം വോ​ട്ടു നേ​ടി കേ​ര​ള​ത്തി​ലെ ജ​ന​ങ്ങ​ൾ​ക്കി​ട​യി​ൽ ശ​ക്ത​മാ​യ സാ​ന്നി​ധ്യ​ത്തി​ന് അ​ടി​വ​ര​യി​ടു​ക​യും 2016ൽ ​ആ ശ​ത​മാ​നം 14.96 ആ​ക്കി​ക്കൊ​ണ്ട് കേ​ര​ളം പി​ടി​ക്കു​വാ​ൻ പോ​കു​ന്നു എ​ന്ന ചി​ന്ത പ​ട​ർ​ത്തു​ക​യും ചെ​യ്​ത് ബി​ജെ​പി 12.05 ശ​ത​മാ​ന​ത്തി​ലേ​ക്കു നി​പ​തി​ച്ച​ത് വ​ലി​യ സൂ​ച​ന​യാ​ണ്. വോ​ട്ടിം​ഗ് ശ​ത​മാ​ന​ത്തി​ൽ കു​റ​വു​ണ്ടാ​യ​തു മാ​ത്ര​മ​ല്ല പ​ല​യി​ട​ത്തും ന​ട​ത്തി​യെ​ന്നു വി​ശ്വ​സി​ച്ചു പോ​കു​ന്ന വോ​ട്ടു ക​ച്ച​വ​ട​ത്തി​ലൂടെ അ​വ​രു​ടെ രാ​ഷ്‌​ട്രീ​യ വി​ശ്വാ​സ്യ​ത​യി​ലും വ​ലി​യ ആ​ഘാ​തം ഉ​ണ്ടാ​യി​രി​ക്കു​ക​യാ​ണ്. വി​ല​യൊ​ന്നും കി​ട്ടാ​തെ അ​വ​ർ ആ ​വി​ശ്വാ​സ്യ​ത വി​റ്റു​ക​ള​ഞ്ഞു എ​ന്ന തോ​ന്ന​ലു​ണ്ടാ​ക്കി​യ​താ​ണ് ഈ ​ജ​ന​വി​ധി ഉ​ണ്ടാ​ക്കി​യ ഏ​റ്റ​വും വ​ലി​യ പ്ര​ത്യാ​ഘാ​തം. അ​വ​രോ​ട് വി​ശ്വാ​സ്യ​ത തോ​ന്നി​ത്തു​ട​ങ്ങി​യ​വ​രി​ലെ​ല്ലാം മ​റ്റു പാ​ർ​ട്ടി​ക​ളെ​ക്കാ​ൾ ഒ​ട്ടും മെ​ച്ച​മ​ല്ല ബി​ജെ​പി എ​ന്ന ചി​ന്ത തെ​ര​ഞ്ഞെ​ടു​പ്പു ഫ​ലം ഉ​ണ്ടാ​ക്കു​ന്നു. അ​വ​രു​ടെ പ്ര​മു​ഖ നേ​താ​ക്ക​ളെ​യെ​ല്ലാം സ​ഹ നേ​താ​ക്ക​ൾ പ്ര​തി​ക്കൂ​ട്ടി​ലാ​ക്കു​ക​യാ​ണ്.

ജ​നാ​ധി​പ​ത്യ​മു​ന്ന​ണി​യി​ൽ പ​ര​സ്പ​രം കു​റ്റാ​രോ​പ​ണം ന​ട​ത്തു​ന്ന​തി​ൽ എ​ല്ലാ​വ​രും മ​ത്സ​രി​ക്കു​ക​യാ​ണ്. 2016 ലേതിനെക്കാൾ ​ 1.3 ശ​ത​മാ​നം വോ​ട്ടു കൂ​ടു​ത​ൽ കി​ട്ടി​യെ​ങ്കി​ലും അ​ധി​കാ​ര​ത്തി​ൽ​നി​ന്ന് അ​ഞ്ചു വ​ർ​ഷ​ത്തേ​ക്കു കൂ​ടി പു​റ​ത്തു നി​ൽ​ക്കേ​ണ്ടി വ​ന്ന​തി​ന്‍റെ വി​ഷ​മം കോ​ണ്‍​ഗ്ര​സി​ൽ വ​ല്ലാ​തെ ശ​ക്ത​മാ​ണ്. മു​ല്ല​പ്പ​ള്ളി​യെ​യും ര​മേ​ശി​നെ​യും അ​ട​ക്കം ഏ​താ​നും ത​ല​ക​ൾ ഉ​രു​ട്ടി ര​ക്ഷ​പ്പെ​ടാ​മെ​ന്ന ചി​ന്ത​യാ​ണ് അ​വി​ടെ ശ​ക്ത​മാ​കു​ന്ന​ത്. പ​ക്ഷേ ര​മേ​ശി​നുവേ​ണ്ടി എ​ങ്കി​ലും പ്ര​തി​നീ​ക്ക​ങ്ങ​ളും ഉ​ണ്ടാ​കു​ന്നു​ണ്ട്. പ​ല​പ്പോ​ഴും പ​ര​സ്യ​വി​വാ​ദ​ത്തി​നു മു​തി​രാ​ത്ത മു​സ്‌​ലിം ലീ​ഗി​ൽ പോ​ലും പ​ര​സ്യ​വി​വാ​ദം ഉ​യ​ർ​ന്നു. വി​വാ​ദ​ങ്ങ​ൾ ഏ​റെ ക​ന​ക്കു​ന്ന​തി​നു​മു​ന്പ് ഉ​ന്ന​താ​ധി​കാ​ര സ​മി​തി കൂ​ടി ലീ​ഗ് ജ​യി​ച്ചു എ​ന്ന പ്ര​സ്താ​വ​ന ഇ​റ​ക്കി​ക്ക​ഴി​ഞ്ഞു, കേ​ര​ള കോ​ണ്‍​ഗ്ര​സ് അ​വ​രു​ടെ സ​ങ്ക​ടം തു​റ​ന്നു പ​റ​ഞ്ഞു. കോ​ണ്‍​ഗ്ര​സി​ലെ ഗ്രൂ​പ്പു​ക​ൾ ഒ​ന്നി​ച്ചു പ്ര​വ​ർ​ത്തി​ക്ക​ണ​മെ​ന്ന് ജോ​സ​ഫ് ഉ​പ​ദേ​ശി​ച്ചു. 2019 ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ ഉ​ണ്ടാ​യ ഐ​ക്യം ഉ​ണ്ടാ​യി​ല്ല, അ​ദ്ദേ​ഹം പ​റ​ഞ്ഞു. നി​ല​നി​ൽ​പ്പു ത​ന്നെ ചോ​ദ്യം ചെ​യ്യ​പ്പെ​ടു​ന്ന പ്ര​തി​സ​ന്ധി​യി​ലാ​ണ് മു​ന്ന​ണി എ​ന്നാ​ണ് ഒ​രു സീ​റ്റി​ലും ജ​യി​ക്കാ​നാ​വാ​തെ വ​ന്ന ആ​ർ​എ​സ്പി​യു​ടെ വി​ല​യി​രു​ത്ത​ൽ. ആ​ർ​എ​സ്പി നേ​താ​വ് ഷി​ബു ബേ​ബി ജോ​ണി​നെ​പ്പോ​ലു​ള്ള​വ​രു​ടെ വാ​ക്കു​ക​ളി​ൽ വ​ലി​യ നി​രാ​ശ​യാ​ണ് ധ്വ​നി​ക്കു​ന്ന​ത്.

കോ​ണ്‍​ഗ്ര​സി​ലെ വ​ഴ​ക്കു​ക​ളാ​ണ് ദ​യ​നീ​യ പ​രാ​ജ​യ​ത്തി​നു കാ​ര​ണം എ​ന്ന് ഘ​ട​ക​ക​ക്ഷി​ക​ളും ഞ​ങ്ങ​ളു​ടെ കാ​ര്യം ഞ​ങ്ങ​ൾ നോ​ക്കി​ക്കോ​ളാം എ​ന്നു കോ​ണ്‍​ഗ്ര​സും തു​റ​ന്ന​ടി​ച്ചു ക​ഴി​ഞ്ഞു. വാ​ക്പോ​രു​ക​ളും ശ​ക്ത​മാ​കു​ന്നു​ണ്ട്.

മാ​ണി വി​ഭാ​ഗ​ത്തെ പു​റ​ത്താ​ക്കി​യ​തു തെ​റ്റി​പ്പോ​യി എ​ന്ന കെ. ​മു​ര​ളീധ​ര​ന്‍റെ വി​ല​യി​രു​ത്ത​ലി​നെ നേ​മ​ത്തു തോ​റ്റ​ത് അ​തു​കൊ​ണ്ടാ​ണോ എ​ന്ന മ​റു​ചോ​ദ്യ​ത്തി​ലൂ​ടെ കേ​ര​ള കോ​ണ്‍​ഗ്ര​സ് എ​ക്സി​ക്യു​ട്ടി​വ് ചെ​യ​ർ​മാ​ൻ മോ​ൻ​സ് ജോ​സ​ഫ് നേ​രി​ട്ട​ത് കോ​ണ്‍​ഗ്ര​സി​ലെ ചി​ല​ർ​ക്കു വേ​ണ്ടി​ക്കൂ​ടി​യാ​ണെ​ന്ന് വി​ല​യി​രു​ത്ത​പ്പെ​ടു​ന്നു​ണ്ട്. മ​ത്സ​രി​ച്ച പ​ത്തി​ൽ മോ​ൻ​സി​ന്‍റെ പാ​ർ​ട്ടി​ക്കു ജ​യി​ക്കാ​നാ​യ ര​ണ്ടു സീ​റ്റു​ക​ളി​ലും മാ​ത്ര​മ​ല്ല ഉ​മ്മ​ൻ ചാ​ണ്ടി​യു​ടെ പു​തു​പ്പ​ള്ളി​യി​ൽ പോ​ലും 2016 ലെ​ക്കാ​ൾ എ​ത്ര​യോ ശോ​ച​നീയ​മാ​ണ് വി​ജ​യ​മെ​ന്ന മു​ര​ളി​യു​ടെ വാ​ദ​ത്തെ അം​ഗി​ക​രി​ക്കു​ന്ന​വ​ർ ചോ​ദി​ക്കു​ന്നു. ഉ​രു​ള​യ്ക്കു​പ്പേ​രി പോ​ലെ മ​റു​പ​ടി പ​റ​ഞ്ഞ് ജ​യി​ച്ചാ​ൽ മു​ന്ന​ണി ര​ക്ഷ​പ്പെ​ടി​ല്ല. വ​ഴ​ക്കു​ക​ൾ ഉ​ണ്ടാ​ക്കാ​തെ ജ​നാ​ധി​പ​ത്യ​മു​ന്ന​ണി​യി​ൽ ശ​ക്ത​മാ​കു​വാ​നാ​ണ് മോ​ൻ​സ് നോ​ക്കേ​ണ്ട​ത്. 1981 ലെ ​പോ​ലെ ഇ​നി മാ​ണി​ക്കാ​ർ ത​ിരി​ച്ചു ജ​നാ​ധി​പ​ത്യ​മു​ന്ന​ണി​യി​ലേ​ക്കു വ​രും എ​ന്നു ക​രു​താ​നാ​വി​ല്ല. അ​ന്ന് മാ​ണി​യെ നി​ർ​ബ​ന്ധി​ച്ച് സ​മ്മ​ർ​ദ​ത്തി​ലാ​ക്കി​യ​വ​ർ ഇ​നി അ​ത്ത​രം ശ്ര​മ​ങ്ങ​ൾ ന​ട​ത്താ​ൻ സാ​ധ്യ​ത​യി​ല്ല. ന​ട​ത്തി​യാ​ലും ജോ​സി​നെ കി​ട്ടാ​നും ഇ​ട​യി​ല്ല. അ​തു​കൊ​ണ്ട് കൈ​വി​ട്ടു​പോ​യ​വ​രെ ഓ​ർ​ത്ത് വി​ല​പി​ച്ചി​ട്ടു കാ​ര്യ​മി​ല്ല. ഒ​പ്പം ഉ​ള്ള​വ​രെ ക​രു​തു​ക​യാ​ണു വേ​ണ്ട​ത്.

തു​ട​ർ​ഭ​ര​ണം കി​ട്ടി​യെ​ങ്കി​ലും ചി​ല തെ​ര​ഞ്ഞെ​ടു​പ്പു തോ​ൽ​വി​ക​ൾ ഇ​ട​തു മു​ന്ന​ണി​യെ വ​ല്ലാ​തെ ഉ​ല​ച്ചി​ട്ടു​ണ്ട്. കേ​ര​ള കോ​ണ്‍​ഗ്ര​സ് എം ​അ​ഞ്ചു സീ​റ്റു​ക​ളോ​ടെ ന​ല്ല വി​ജ​യം നേ​ടി​യെ​ങ്കി​ലും ജോ​സ് കെ. ​മാ​ണി​യു​ടെ പാ​ലാ​യി​ലെ തോ​ൽ​വി​യും മേ​ഴ്സി​ക്കു​ട്ടി​യ​മ്മ​യു​ടെ കു​ണ്ട​റ​യി​ലെ തോ​ൽ​വി​യും വ​ലി​യ ആ​ഘാ​ത​മാ​ണ് ഇ​ട​തു മു​ന്ന​ണി​ക്ക് ഏ​ൽ​പ്പി​ച്ചി​രി​ക്കു​ന്ന​ത്. പാ​ലാ​യി​ൽ ബി​ജെ​പി സ്ഥാ​നാ​ർ​ഥി​ക്കു 2019 ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ ല​ഭി​ച്ച​തി​ന്‍റെ പ​കു​തി വോ​ട്ടാ​ണു ല​ഭി​ച്ച​ത് എ​ന്നൊ​ക്കെ പ​റ​യാ​മെ​ങ്കി​ലും അ​തൊ​ന്നും തോ​ൽ​വി ഉ​ണ്ടാ​ക്കി​യ മു​റ​വ് ഉ​ണ​ക്കു​ന്ന​ത​ല്ല. കേ​ര​ള കോ​ണ്‍​ഗ്ര​സി​നും സി​പി​എ​മ്മി​നും ശ​ക്തി​യു​ള്ള പ്ര​ദേ​ശ​ങ്ങ​ളി​ൽ പോ​ലും മാ​ണി സി. ​കാ​പ്പ​ൻ ലീ​ഡ് ചെ​യ്തു. 2016ൽ ​പൂ​ഞ്ഞാ​റി​ൽ എ​ന്ന പോ​ലെ ഇ​ക്കു​റി പാ​ലാ​യി​ലും സി​പി​എം അ​ണി​ക​ൾ പാ​ർ​ട്ടി തീ​രു​മാ​ന​ത്തി​നെ​തി​രാ​യി പ്ര​വ​ർ​ത്തി​ച്ചു എ​ന്ന ചി​ന്ത ശ​ക്ത​മാ​കു​ന്നു​ണ്ട്. പാ​ർ​ട്ടി​യു​ടെ അ​ന്വേ​ഷ​ണ​ത്തി​ൽ അ​തു സ​ത്യ​മാ​യാ​ൽ കേ​ഡ​ർ പാ​ർ​ട്ടി​യാ​യ സി​പി​എ​മ്മി​ൽ പ്ര​ത്യാ​ഘാ​ത​ങ്ങ​ൾ ഉ​ണ്ടാ​കും. സി​പി​ഐ​യു​ടെ നി​ല​പാ​ട് സം​ബ​ന്ധി​ച്ച് നേ​ര​ത്തത​ന്നെ ആ​ശ​ങ്ക ഉ​ണ്ടാ​യി​രു​ന്നു. മാ​ണി സി. ​കാ​പ്പ​ന് ഈ ​വി​ഭാ​ഗ​ത്തി​ൽ​പ്പെ​ട്ട നേ​താ​ക്ക​ളു​മാ​യെ​ല്ലാം ഉ​ണ്ടാ​യി​രു​ന്ന വ്യ​ക്തി​ബ​ന്ധം പാ​ർ​ട്ടി തീ​രു​മാ​ന​ത്തി​ന് എ​തി​രാ​യ തീ​രു​മാ​ന​ങ്ങ​ളി​ലേ​ക്ക് അ​ണി​ക​ളെ ന​യി​ച്ചി​ട്ടു​ണ്ട് എ​ന്നു കേ​ര​ള കോ​ണ്‍​ഗ്ര​സു​കാ​ർ​ക്ക് സ​ന്ദേ​ഹ​മു​ണ്ട്.

വോ​ട്ടു ക​ച്ച​വ​ടം

ബിജെപി​ക്കു 2016 ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ല​ഭി​ച്ച​തി​നെ​ക്കാ​ൾ 4,28,531 വോ​ട്ട് കു​റ​ഞ്ഞു എ​ന്ന​തു യാ​ഥാ​ർ​ഥ്യ​മാ​ണ്. കേ​ര​ള​ത്തി​ലെ 90 മ​ണ്ഡ​ല​ങ്ങ​ളി​ൽ അ​വ​ർ വോ​ട്ട് മ​റി​ച്ചുകൊ​ടു​ത്തു എ​ന്നാ​ണ് മു​ഖ്യ​മ​ന്ത്രി​യു​ടെ ത​ന്നെ ആ​ക്ഷേ​പം. ബിജെപി വോ​ട്ട് മ​റി​ച്ചു എ​ന്ന​തി​ൽ യുഡിഎ​ഫി​നു സം​ശ​യ​മി​ല്ല. എ​ന്നാ​ൽ ബിജെപി​ക്കു വോ​ട്ടു കു​റ​ഞ്ഞി​ട​ത്തെ​ല്ലാം ജ​യി​ച്ച​ത് ഇ​ട​തുമു​ന്ന​ണി​യാ​ണെ​ന്ന് ജ​നാ​ധി​പ​ത്യ​മു​ന്ന​ണി​ക്കാ​ർ ആ​ക്ഷേ​പി​ക്കു​ന്നു. പ​ക്ഷേ ഇ​ട​തുമു​ന്ന​ണി കു​റെ​ക്കൂ​ടി കൃ​ത്യ​മാ​യി ആ​രോ​പ​ണം ഉ​ന്ന​യി​ക്കു​ന്നു​ണ്ട്. ബിജെപി ത​ങ്ങ​ൾ​ക്കെ​തി​രേ ഇ​ട​തു വ​ല​തു മു​ന്ന​ണി​ക​ൾ വോ​ട്ടു ക​ച്ച​വ​ടം ന​ട​ത്തി എ​ന്ന് നേ​മ​ത്തെ​യും മ​ഞ്ചേ​ശ്വ​ര​ത്തെ​യും വോ​ട്ടുനി​ല ചൂ​ണ്ടി​ക്കാ​ണി​ച്ച് ആ​ക്ഷേ​പി​ക്കു​ന്നു​ണ്ട്.

ബിജെപി​ക്കു ജ​യ​സാ​ധ്യ​ത സം​ശ​യി​ച്ച മ​ണ്ഡ​ല​ങ്ങ​ളി​ൽ ഇ​ട​തു വ​ല​തു മു​ന്ന​ണി​ക​ളി​ൽപ്പെ​ട്ട വോ​ട്ട​ർ​മാ​ർ പാ​ർ​ട്ടിക്കൂ​റ് നോ​ക്കാ​തെ ജ​യ സാ​ധ്യ​ത​യു​ള്ള ബി​ജെപി ഇ​ത​ര സ്ഥാ​നാ​ർ​ഥി​യെ സ​ഹാ​യി​ച്ച​താ​യി ക​ണ​ക്കാ​ക്കാ​വു​ന്ന അ​ട​യാ​ള​ങ്ങ​ളു​ണ്ട്. ഇ​തു​പോ​ലെ ത​ങ്ങ​ൾ പൂ​ഞ്ഞാ​റി​ല​ട​ക്കം നി​ര​വ​ധി മ​ണ്ഡ​ല​ങ്ങ​ൾ തെ​ര​ഞ്ഞെ​ടു​ത്ത് അ​വി​ടെ ചി​ല സ്ഥാ​നാ​ർ​ഥി​ക​ളെ തോ​ൽ​പ്പി​ക്കാ​ൻ ബോ​ധ​പൂ​ർ​വ​മാ​യി ശ്ര​മം ന​ട​ത്തി​യി​ട്ടു​ണ്ടെ​ന്ന് എ​സ്ഡിപിഐയു​ടെ നേ​താ​വ് തെ​ര​ഞ്ഞെ​ടു​പ്പ് ഫ​ലം വ​ന്ന അ​ന്ന് പ​ര​സ്യ​മാ​യി പ​റ​ഞ്ഞി​ട്ടു​ണ്ട്. പൂ​ഞ്ഞാ​റി​ൽ അ​വ​ർ ജോ​ർ​ജി​നെയാണ് ല​ക്ഷ്യം വ​ച്ച​തെ​ങ്കി​ൽ പാ​ലാ​യി​ൽ അ​ത് ജോസ് കെ. മാ​ണി ആ​യി​രു​ന്നു എ​ന്ന് ജോ​ർ​ജ് തോ​റ്റ​തി​ൽ സ​ന്തോ​ഷി​ക്കു​ന്ന മാ​ണി​ക്കാ​ർ അ​റി​യു​ന്ന​താ​യി തോ​ന്നു​ന്നി​ല്ല. പൂ​ഞ്ഞാ​റി​ൽ ത​ന്നെ തോ​ൽ​പ്പി​ക്കാ​ൻ ശ്ര​മി​ച്ച​വ​ർ​ക്കൊ​പ്പ​മാ​യി​രു​ന്നു പാ​ല​യി​ൽ ജോ​ർ​ജി​ന്‍റെ ആ​ൾ​ക്കാ​ർ എ​ന്ന​തും അ​വ​ർ മ​ന​സി​ലാ​ക്കി​യോ ആ​വോ?

ഒ​ന്നും അ​വ​സാ​ന​മ​ല്ല

ഇ​നി ക​ല്പാ​ന്ത​കാ​ല​ത്തോ​ളം ഇ​ട​തു​മു​ന്ന​ണി കേ​ര​ളം ഭ​രി​ക്കും എ​ന്ന അ​വ​സാ​ന തീ​ർ​പ്പാ​യി ഈ ​തെ​ര​ഞ്ഞെ​ടു​പ്പു ഫ​ല​ത്തെ ആ​രു ക​ണ​ക്കാ​ക്കി​യാ​ലും തെ​റ്റാ​ണ്.​ ആ​റു വ​ട്ടം തു​ട​ർ​ഭ​ര​ണം ന​ട​ത്തി​യ ബം​ഗാ​ളി​ൽ ഇ​ക്കു​റി ഒ​റ്റ ഇ​ടതുപ​ക്ഷ എംഎ​ൽഎ ഇ​ല്ലെ​ന്ന് ഓ​ർ​ക്ക​ണം. തെ​ര​ഞ്ഞെ​ടു​പ്പു ഫ​ല​ത്തി​ലു​ടെ പ്ര​ക​ട​മാ​യ ജ​ന​മ​ന​സ് കൃ​ത്യ​മാ​യും തി​രി​ച്ച​റി​ഞ്ഞു മു​ന്നേ​റാ​നു​ള്ള പാ​ത​ക​ൾ ക​ണ്ടെ​ത്തു​ക​യാ​ണ് വേ​ണ്ട​ത്. 2016 തെ​ര​ഞ്ഞെ​ടു​പ്പു ക​ഴി​ഞ്ഞ​പ്പോ​ൾ ഉ​മ്മ​ൻ ചാ​ണ്ടി സ്വ​യം പിന്മാറു​ക​യും അ​പ്പ​ഴു​തി​ലൂ​ടെ വി.​എം. സു​ധീര​നെ കെപിസിസി അ​ധ്യ​ക്ഷ സ്ഥാ​ന​ത്തുനി​ന്നു പു​റ​ത്താ​ക്കി​ക്കു​ക​യും ചെ​യ്തതു​പോ​ലു​ള്ള ക്രി​യ​ക​ൾ മാ​ത്രം ന​ട​ത്തി കോ​ണ്‍​ഗ്ര​സി​നെ ര​ക്ഷി​ക്കാ​നാ​വു​മോ? അ​തു​കൊ​ണ്ട് 2016 ൽ ​ജ​നാ​ധി​പ​ത്യ മു​ന്ന​ണി​ക്കു​ണ്ടാ​യി​രു​ന്ന തു​ട​ർ​ഭ​ര​ണ സാ​ധ്യ​ത ബോ​ധ​പൂ​ർ​വം ഇ​ല്ലാ​താ​ക്കി​യ​വ​രെ​യും അ​തി​ന് ഉ​പ​യോ​ഗി​ച്ച ത​ന്ത്ര​ങ്ങ​ളെ​യും തി​രി​ച്ച​റി​യ​ണം. തി​രു​ത്ത​ലു​ക​ൾ വ​രു​ത്ത​ണം. അ​ന്ന​ത്തെ വി​കാ​രം ത​ന്നെ​യാ​ണ് ഇ​പ്പോ​ഴും ശ​ക്തം.

ക​ന​ത്ത തി​രി​ച്ച​ടി

ഈ ​തെ​ര​ഞ്ഞെ​ടു​പ്പി​ൽ മ​താ​ധി​ഷ്ഠി​ത പാ​ർ​ട്ടി​ക​ൾ​ക്ക് കേ​ര​ളം ക​ന​ത്ത ത​രി​ച്ച​ടി​യാ​ണ് കൊ​ടു​ത്ത​ത്. കോ​വി​ഡ് മ​ഹാ​മാ​രി​യു​ടെ കാ​ല​ത്തും കൂ​ടു​ന്ന ഇന്ധനവി​ല​യെ​ക്കു​റി​ച്ച് ഒ​ര​ക്ഷ​രം പ​റ​യാ​തെ കോ​ന്നി​യി​ലെ​ത്തി പ്ര​ധാ​ന​മ​ന്ത്രി അ​യ്യ​പ്പ ശ​ര​ണം വി​ളി​ച്ചു മ​ട​ങ്ങി​യ​ത് അ​ദ്ദേ​ഹ​ത്തി​ന്‍റെ ദൈ​വ​വി​ശ്വാ​സ​ത്തി​ന്‍റെ അ​ട​യാ​ളം എ​ന്ന​തി​നെ​ക്കാ​ൾ വി​ശ്വാ​സം വോ​ട്ടാ​ക്കി മാ​റ്റാ​നു​ള്ള ആ​ഗ്ര​ഹ​ത്തി​ന്‍റെ അ​ട​യാ​ള​മാ​യി ജ​നം ക​ണ്ട​തു​പോ​ലു​ണ്ട്. ശ​ബ​രി​മ​ല വി​ഷ​യ​ത്തി​ൽ സ​ർ​ക്കാ​ർ കാ​ണി​ച്ച അ​ബ​ദ്ധ​ങ്ങ​ളെ​ക്കാ​ൾ കേ​ന്ദ്ര​ത്തി​ൽ മോ​ദി​ക്കു തു​ട​ർ​ഭ​ര​ണം കി​ട്ടു​ന്ന​തി​ലു​ള്ള ഭീ​തി​യാ​ണ് 2019 ൽ ​ന​ട​ന്ന ലോ​ക്സ​ഭാ തെ​ര​ഞ്ഞെ​ടു​പ്പി​ലെ ജ​ന​വി​ധി അ​ങ്ങ​നെ ഇ​ട​തു​മു​ന്ന​ണി​ക്ക് എ​തി​രാ​ക്കി​യ​ത് എ​ന്ന് തി​രി​ച്ച​റി​യാ​ൻ കോ​ണ്‍​ഗ്ര​സി​നാ​യി​ല്ല. അ​തു​കൊ​ണ്ട് വീ​ണ്ടും ശ​ബ​രി​മ​ലയാ​ക്കി പ്ര​ധാ​ന വി​ഷ​യം. ഇ​ട​തു സ​ർ​ക്കാ​രി​ന്‍റെ ജ​ന​ദ്രോ​ഹ​പ​ര​മാ​യ പ്ര​വ​ർ​ത്ത​ന​ങ്ങ​ളാ​യി​ല്ല. ബിജെ​​പി​യു​ടെ മാ​ത്ര​മ​ല്ല മു​സ്‌ലിം ലീ​ഗി​ന്‍റെ​യും കു​തി​ച്ചു ക​യ​റ്റം കേ​ര​ള​ത്തി​ൽ ത​ത്ക​ല​ത്തേ​ക്ക് എ​ങ്കി​ലും ത​ട​യ​പ്പെ​ട്ടു.​

ഭാ​ര​ത​ത്തി​ലെ മ​തേ​ത​ര ശ​ക്തി​ക​ളു​ടെ അ​ത്താ​ണി​യാ​വേ​ണ്ട കോ​ണ്‍​ഗ്ര​സ് പ്ര​സ്ഥാ​നം ന​ശി​ക്ക​രു​തെ​ന്ന മോ​ഹം ഈ ​ജ​ന​വി​ധി​യി​ലും വാ​യി​ച്ചെ​ടു​ക്കാ​നാ​വും. തോ​റ്റ​വ​ർ​ക്കും പ്ര​ത്യാ​ശ​യു​ടെ​യും തി​രി​ച്ചു​വ​ര​വി​നു​ള്ള സാ​ധ്യ​ത​ക​ളു​ടെ​യും കൃ​ത്യ​മാ​യ സൂച​ന​ക​ൾ ന​ൽ​കി​ക്കൊ​ണ്ടാ​ണ് കേ​ര​ള​ത്തി​ലെ വോ​ട്ട​ർ​മാ​ർ പ​തി​ന​ഞ്ചാം നി​യ​മ​സ​ഭ​യി​ലേ​ക്കു​ള്ള ത​ങ്ങ​ളു​ടെ വി​ധി പ്ര​ഖ്യാ​പി​ച്ച​ത്.