യൂറോപ്പിനു വീണ്ടും അഭയാർഥി ഭീഷണി

ലോകവിചാരം / സെ​ർ​ജി ആ​ന്‍റ​ണി

യൂ​റോ​പ്പ് വീ​ണ്ടു​മൊ​രു അ​ഭ​യാ​ർ​ഥി പ്ര​വാ​ഹ​ത്തി​ലേ​ക്കു വ​ഴു​തി വീ​ഴു​ക​യാ​ണ്. സി​റി​യ​യി​ൽ​നി​ന്നു​ള്ള കൂ​ടു​ത​ൽ അ​ഭ​യാ​ർ​ഥി​ക​ളെ ത​ങ്ങ​ൾ​ക്കു താ​ങ്ങാ​നാ​വി​ല്ലെ​ന്നും ഇ​ത​ര യൂ​റോ​പ്യ​ൻ രാ​ജ്യ​ങ്ങ​ൾ​കൂ​ടി ഈ ​ബാ​ധ്യ​ത ഏ​റ്റെ​ടു​ക്ക​ണ​മെ​ന്നു​മാ​ണു തു​ർ​ക്കി പ്ര​സി​ഡ​ന്‍റ് റി​സെ​പ് ത​യ്യി​പ് എ​ർ​ദോ​ഗ​ൻ പ​റ​യു​ന്ന​ത്. തു​ർ​ക്കി അ​തി​ർ​ത്തി​യി​ലൂ​ടെ ഗ്രീ​സി​ലേ​ക്കു ക​ട​ക്കാ​ൻ ശ്ര​മി​ച്ച അ​ഭ​യാ​ർ​ഥി​ക​ൾ​ക്കു നേ​രേ ഈ​യി​ടെ പോ​ലീ​സി​ന് ടി​യ​ർ​ഗ്യാ​സ് പ്ര​യോ​ഗി​ക്കേ​ണ്ടി​വ​ന്നു. കു​ടി​യേ​റ്റ​ക്കാ​ർ യൂ​റോ​പ്പി​ലെ മ​റ്റു രാ​ജ്യ​ങ്ങ​ളി​ലേ​ക്കു ക​ട​ക്കു​ന്ന​തി​നു വ​ഴി​യൊ​രു​ക്കാ​ൻ തു​ർ​ക്കി അ​വ​രു​ടെ അ​തി​ർ​ത്തി തു​റ​ന്നി​ട്ടി​രി​ക്കു​ക​യാ​ണ്.

ക​ട​ൽ​മാ​ർ​ഗം കു​ടി​യേ​റാ​ൻ ശ്ര​മി​ച്ച ഒ​രു സം​ഘം അ​ഭ​യാ​ർ​ഥി​ക​ൾ സ​ഞ്ച​രി​ച്ച ബോ​ട്ട് മ​റി​ഞ്ഞ് ഒ​രു കു​ട്ടി മ​രി​ച്ചി​രു​ന്നു. ഇ​ത് ആ​ഗോ​ള​ത​ല​ത്തി​ൽ അ​ഭ​യാ​ർ​ഥി പ്ര​വാ​ഹ​ത്തോ​ടു സ​ഹ​താ​പം വ​ർ​ധി​പ്പി​ക്കാ​ൻ ഇ​ട​യാ​ക്കി. സി​റി​യ​യി​ൽ നി​ന്നു​ള്ള പ​തി​നാ​യി​ര​ക്ക​ണ​ക്കി​ന് അ​ഭ​യാ​ർ​ഥി​ക​ൾ ഇ​പ്പോ​ൾ തു​ർ​ക്കി​യി​ലു​ണ്ട്. അ​ഭ​യാ​ർ​ഥി​ക​ളെ ത​ങ്ങ​ൾ​ത​ന്നെ സം​ര​ക്ഷി​ച്ചു​കൊ​ള്ളാ​മെ​ന്നാ​യി​രു​ന്നു എ​ർ​ദോ​ഗ​ന്‍റെ മു​ൻ​നി​ല​പാ​ട്. പ​ക്ഷേ, ഉ​ൾ​ക്കൊ​ള്ളാ​വു​ന്ന​തി​ലേ​റെ ആ​ളു​ക​ൾ വ​ന്ന​തോ​ടെ തു​ർ​ക്കി​യും വി​ഷ​മ​സ​ന്ധി​യി​ലാ​യി. അ​തി​ർ​ത്തി തു​റ​ക്ക​രു​തെ​ന്ന അ​യ​ൽ രാ​ജ്യ​ങ്ങ​ളു​ടെ അ​ഭ്യ​ർ​ഥ​ന ഏ​ർ​ദോ​ഗ​ൻ നി​രാ​ക​രി​ച്ചു.

സി​റി​യ​യ്ക്കെ​തി​രേ​യു​ള്ള പോ​രാ​ട്ട​ത്തി​ൽ തു​ർ​ക്കി​ക്ക് യൂ​റോ​പ്യ​ൻ രാ​ജ്യ​ങ്ങ​ളു​ടെ കൂ​ടു​ത​ൽ പി​ന്തു​ണ ല​ഭി​ക്കാ​നു​ള്ള എ​ർ​ദോ​ഗ​ന്‍റെ ത​ന്ത്ര​മാ​യും ഈ ​അ​തി​ർ​ത്തി തു​റ​ക്ക​ൽ വി​ല​യി​രു​ത്ത​പ്പെ​ടു​ന്നു. കു​ർ​ദു​ക​ളി​ൽ​നി​ന്നു പി​ടി​ച്ചെ​ടു​ത്ത ഭൂ​പ്ര​ദേ​ശ​ത്ത് അ​ഭ​യാ​ർ​ഥി​ക​ളെ പു​ന​ര​ധി​വ​സി​പ്പി​ക്കാ​നു​ള്ള എ​ർ​ദോ​ഗ​ന്‍റെ പ​ദ്ധ​തി​ക്ക് ലോ​ക​രാ​ഷ്‌​ട്ര​ങ്ങ​ളു​ടെ പി​ന്തു​ണ ല​ഭി​ച്ചി​രു​ന്നി​ല്ല. ഇ​തി​നാ​യി സ​മ്മ​ർ​ദം ചെ​ലു​ത്താ​നും ഈ ​അ​വ​സ​രം എ​ർ​ദോ​ഗ​ൻ ഉ​പ​യോ​ഗി​ക്കും.

അ​ഭ​യാ​ർ​ഥി​ക​ളോ​ട് ഉ​ദാ​ര സ​മീ​പ​നം സ്വീ​ക​രി​ച്ചി​രു​ന്ന ജ​ർ​മ​നി​യും മ​റ്റും ഇ​നി കൂ​ടു​ത​ൽ പേ​രെ ഉ​ൾ​ക്കൊ​ള്ളാ​നാ​വി​ല്ലെ​ന്ന നി​ല​പാ​ടി​ലാ​ണ്. യൂ​റോ​പ്യ​ൻ നേ​താ​ക്ക​ൾ ഇ​തി​നാ​യി 2016ൽ ​ഒ​രു പ​ദ്ധ​തി ആ​വി​ഷ്ക​രി​ച്ചി​രു​ന്നു. ഇ​ത​നു​സ​രി​ച്ച് അ​ഭ​യാ​ർ​ഥി​ക​ളെ സം​ര​ക്ഷി​ക്കു​ന്ന​തി​നാ​യി 600 കോ​ടി യൂ​റോ​യു​ടെ പ്ര​ത്യേ​ക ഫ​ണ്ട് തു​ർ​ക്കി​ക്ക് ഇ​വ​ർ ന​ൽ​കി​യി​രു​ന്നു.

ഇ​പ്പോ​ഴ​ത്തെ അ​ഭ​യാ​ർ​ഥി പ്ര​ശ്നം കൈ​കാ​ര്യം ചെ​യ്യാ​ൻ യൂ​റോ​പ്യ​ൻ രാ​ജ്യ​ങ്ങ​ൾ 70 കോ​ടി യൂ​റോ​യു​ടെ അ​ടി​യ​ന്ത​ര സ​ഹാ​യം ഗ്രീ​സി​ന് ഉ​ട​ൻ കൈ​മാ​റും. തു​ർ​ക്കി​യി​ൽ​നി​ന്ന് ഗ്രീ​സി​ലേ​ക്കു ക​ട​ന്ന​വ​രി​ൽ ഭൂ​രി​പ​ക്ഷ​വും സി​റി​യ​ക്കാ​രാ​ണെ​ങ്കി​ലും അ​ഫ്ഗാ​നി​സ്ഥാ​ൻ, പാ​ക്കി​സ്ഥാ​ൻ, മൊ​റോ​ക്കോ എ​ന്നി​വ​ട​ങ്ങ​ളി​ൽ​നി​ന്നു​ള്ള​വ​രും ഏ​റെ​യു​ണ്ട്. ഇ​വ​രി​ലേ​റെ​യും ജീ​വി​ത​നി​ല​വാ​രം കൂ​ടു​ത​ൽ മെ​ച്ച​പ്പെ​ട്ട യൂ​റോ​പ്യ​ൻ രാ​ജ്യ​ങ്ങ​ളി​ലേ​ക്കു ക​ട​ക്കാ​നാ​ണു ശ്ര​മി​ക്കു​ന്ന​ത്. അ​തി​ൽ​ത്ത​ന്നെ ജ​ർ​മ​നി​യാ​ണു പ​ല​ർ​ക്കും നോ​ട്ടം. അ​ഭ​യാ​ർ​ഥി​ക​ളോ​ടും കു​ടി​യേ​റ്റ​ക്കാ​രോ​ടും ജ​ർ​മ​നി സ്വീ​ക​രി​ക്കു​ന്ന വ​ള​രെ ഉ​ദാ​ര​മാ​യ നി​ല​പാ​ടും സ​ഹാ​യ​വു​മാ​ണി​തി​നു കാ​ര​ണം.

നി​ല​വി​ലു​ള്ള അ​ഭ​യാ​ർ​ഥി​ക​ളെ പോ​റ്റാ​ൻ​ത​ന്നെ ക്ലേ​ശി​ക്കു​ന്ന ഗ്രീ​സി​ന് ഇ​പ്പോ​ഴ​ത്തെ ത​ള്ളി​ക്ക​യ​റ്റം കൂ​ടു​ത​ൽ പ്ര​തി​സ​ന്ധി സൃ​ഷ്‌​ടി​ക്കും. മ​റ്റു യൂറോ​പ്യ​ൻ രാ​ജ്യ​ങ്ങ​ളെ​ല്ലാം അ​തി​ർ​ത്തി കൂ​ടു​ത​ൽ ഭ​ദ്ര​മാ​ക്കി​യി​രി​ക്കു​ക​യാ​ണ്.

തു​ർ​ക്കി​യി​ൽ ഇ​പ്പോ​ൾ 40 ല​ക്ഷം അ​ഭ​യാ​ർ​ഥി​ക​ളു​ണ്ട്. ഇ​തി​ൽ 36 ല​ക്ഷ​വും സി​റി​യ​യി​ൽ​നി​ന്നു​ള്ള​വ​രാ​ണ്. അ​ഭ​യാ​ർ​ഥി​ക​ൾ​ക്കാ​യി ത​ങ്ങ​ൾ ഇ​തി​നോ​ട​കം 4000കോ​ടി ഡോ​ള​ർ ചെ​ല​വ​ഴി​ച്ചു​വെ​ന്ന് എ​ർ​ദോ​ഗ​ൻ പ​റ​യു​ന്നു.

കു​ലു​ങ്ങാ​ത അ​സാ​ദ്

അ​ഭ​യാ​ർ​ഥി പ്ര​വാ​ഹ​വും ആ​ഭ്യ​ന്ത​ര പോ​രാ​ട്ട​വും സി​റി​യ​യെ ചു​ട്ടു​പൊ​ള്ളി​ക്കു​ന്പോ​ഴും പ്ര​സി​ഡ​ന്‍റ് ബാ​ഷ​ർ ആ​ൽ അ​സാ​ദി​നു കു​ലു​ക്ക​മി​ല്ല. യു​ദ്ധം ത​ക​ർ​ത്ത സി​റി​യ​യി​ൽ എ​പ്രി​ൽ 13ന് ​അ​സാ​ദ് പാ​ർ​ല​മെ​ന്‍റ് തെ​ര​ഞ്ഞെ​ടു​പ്പു പ്ര​ഖ്യാ​പി​ച്ചി​രി​ക്കു​ക​യാ​ണ്. രാ​ജ്യ​ത്തി​ന്‍റെ പ​ല ഭാ​ഗ​ങ്ങ​ളും വി​മ​ത​രു​ടെ നി​യ​ന്ത്ര​ണ​ത്തി​ലാ​ണെ​ങ്കി​ലും അ​സാ​ദി​ന് സ്വാ​ധീ​ന​മു​ള്ള പ്ര​ദേ​ശ​ങ്ങ​ളി​ൽ തെ​ര​ഞ്ഞെ​ടു​പ്പു ന​ട​ത്തി ഭരണം സം​ര​ക്ഷി​ക്കാ​നാ​ണു ശ്ര​മം. ക​ഴി​ഞ്ഞ ഒ​രു പ​തി​റ്റാ​ണ്ടാ​യി ആ​ഭ്യ​ന്ത​ര​യു​ദ്ധം രൂ​ക്ഷ​മാ​യ സി​റി​യി​ൽ ഇ​തി​നോ​ട​കം മൂ​ന്നു തെ​ര​ഞ്ഞ​ടു​പ്പു​ക​ൾ ന​ട​ന്നു. ഭ​ര​ണ​ക​ക്ഷി​യാ​യ ബാ​ത് പാ​ർ​ട്ടി​ക്കാ​ണ് എ​പ്പോ​ഴും തെ​ര​ഞ്ഞ​ടു​പ്പു വി​ജ​യം.

മു​ത്ത​ശി​യു​ടെ ക​രു​ത​ൽ

രാ​ജ​പ​ദ​വി വേ​ണ്ടെ​ന്നു വ​ച്ചെ​ങ്കി​ലും പേ​ര​ക്കു​ട്ടി​യോ​ടു​ള്ള സ്നേ​ഹ​വും ക​രു​ത​ലും മു​ത്ത​ശി എ​ലി​സ​ബ​ത്ത് രാ​ജ്ഞി​ക്ക് തെ​ല്ലും കു​റ​ഞ്ഞി​ട്ടി​ല്ല. രാ​ജ​പ​ദ​വി​യി​ലേ​ക്കു തി​രി​ച്ചു​വ​രാ​ൻ ത​യാ​റാ​യാ​ൽ പൂ​ർ​ണ​ഹൃ​ദ​യ​ത്തോ​ടെ സ്വാ​ഗ​തം ചെ​യ്യു​മെ​ന്നു രാ​ജ്ഞി ഹാ​രി​യെ അ​റി​യി​ച്ചു ക​ഴി​ഞ്ഞു. ചാ​ൾ​സ്-​ഡ​യാ​ന ദ​ന്പ​തി​ക​ളു​ടെ ര​ണ്ടാ​മ​ത്തെ പു​ത്ര​നാ​യ ഹാ​രി​യും ഭാ​ര്യ മെ​ഗ​ൻ മാ​ർ​ക്ക​ിലും ത​ങ്ങ​ളു​ടെ രാ​ജ​കീ​യ പ​ദ​വി​യും അ​ധി​കാ​ര​ാവ​കാ​ശ​ങ്ങ​ളു​മെ​ല്ലാം ഉ​പേ​ക്ഷി​ച്ച് സാ​ധാ​ര​ണ​ക്കാ​രാ​യി ജീ​വി​ക്കു​ക​യാ​ണി​പ്പോ​ൾ.

ഹാ​രി​യു​ടെ ഈ ​പ​ദ​വി ഒ​ഴി​യ​ൽ ബ്രി​ട്ടീ​ഷ് രാ​ജ​കു​ടും​ബ​ത്തെ ഏ​റെ വി​ഷ​മ​സ​ന്ധി​യി​ലാ​ക്കി​യി​രു​ന്നു. മു​ത്ത​ശി എ​ലി​സ​ബ​ത്ത് രാ​ജ്ഞി നേ​രി​ട്ട് ഇ​ട​പെ​ട്ട് തീ​രു​മാ​ന​ത്തി​ൽ​നി​ന്ന് ഇ​വ​രെ പി​ന്തി​രി​പ്പി​ക്കാ​ൻ ശ്ര​മി​ച്ചു. പ​ക്ഷേ മെ​ഗ​ന്‍റെ നി​ർ​ബ​ന്ധം മൂ​ല​മാ​ണെ​ന്നു പ​റ​യു​ന്നു, തീ​രു​മാ​ന​ത്തി​ൽ​നി​ന്നു പി​ന്മാ​റാ​ൻ ഹാ​രി ത​യാ​റാ​യി​ല്ല.

വി​ൻ​ഡ്‌​സ​ർ കാ​സി​ലി​ൽ ഈ​യി​ടെ ന​ട​ന്നൊ​രു അ​ത്താ​ഴവി​രു​ന്നി​ലാ​ണ് കൊ​ച്ചു​മ​ക​ൻ ഹാ​രി​യെ​യും കു​ടും​ബ​ത്തെ​യും വീ​ണ്ടും രാ​ജ​കു​ടും​ബ​ത്തി​ലേ​ക്കു സ്വാ​ഗ​തം ചെ​യ്യു​ന്ന കാ​ര്യം 93 വ​യ​സു​ള്ള എ​ലി​സ​ബ​ത്ത് രാ​ജ്ഞി പ​റ​ഞ്ഞ​ത്. കു​ടും​ബ​ത്തി​ൽ ഏ​റെ സ്നേ​ഹി​ക്ക​പ്പെ​ടു​ന്ന​യാ​ളാ​ണ് ഹാ​രി​യെ​ന്നും മു​ത്ത​ശി കൂ​ട്ടി​ച്ചേ​ർ​ത്തു.

ദൈ​വം ഉ​ണ്ട്

വി​പ്ല​വ​ത്തി​ലൂ​ടെ തൊ​ഴി​ലാ​ളി​വ​ർ​ഗ സ​ർ​വാ​ധി​പ​ത്യ​ത്തി​ലേ​ക്കു ക​ട​ന്നൊ​രു രാ​ജ്യ​മാ​യി​രു​ന്നു സോ​വ്യ​റ്റ് യൂ​ണി​യ​ൻ. ലോ​ക​ശ​ക്തി​യാ‍യി മാ​റി​യ സോ​വ്യ​റ്റ് യൂ​ണി​യ​ൻ ഛിന്ന​ഭി​ന്ന​മാ​യെ​ങ്കി​ലും റ​ഷ്യ ഇ​ന്നും ആ ​പാ​ര​ന്പ​ര്യ​ത്തി​ന്‍റെ പ​താ​ക​വാ​ഹ​ക​യാ​യി നി​ല​കൊ​ള്ളു​ന്നു.

ശീ​ത​യുദ്ധകാ​ല​ത്ത് അ​മേ​രി​ക്ക​യ്ക്കു ഭീ​ഷ​ണി ഉ​യ​ർ​ത്തി​യ സൈ​നി​ക സ​ഖ്യ​ത്തെ ന​യി​ച്ച സോ​വ്യ​റ്റ് യൂ​ണി​യ​നെ​പ്പോ​ലെ ക​ടു​ത്ത അ​മേ​രി​ക്ക​ൻ വി​രു​ദ്ധ​ത​യൊ​ന്നും വ്‌​ളാ​ദി​മി​ർ പു​ടി​ന്‍റെ ഇ​പ്പോ​ഴ​ത്തെ റ​ഷ്യ​ക്കി​ല്ല. എ​ങ്കി​ലും റ​ഷ്യ​യെ വ​ലി​യൊ​രു ലോ​ക​ശ​ക്തി​യാ​ക്കി വ​ള​ർ​ത്തി​യെ​ടു​ക്കാ​ൻ പു​ടി​നു ക​ഴി​ഞ്ഞു. ശാ​രീ​രി​ക​ശേ​ഷി നി​ല​നി​ർ​ത്താ​നു​ള്ള ക​ഠി​ന പ​രി​ശീ​ല​ന​ങ്ങ​ളി​ൽ ഏ​ർ​പ്പെ​ടാ​റു​ള്ള പു​ടി​ൻ കാ​യി​ക​രം​ഗ​ത്തും സ​ജീ​വ​മാ​ണ്. ഈ ​മെ​യ്‌​വ​ഴ​ക്കം രാ​ഷ്‌​ട്രീ​യ​ത്തി​ലും അ​ദ്ദേ​ഹം പു​ല​ർ​ത്തു​ന്നു.

പ്ര​സി​ഡ​ന്‍റാ​യും പ്ര​ധാ​ന​മ​ന്ത്രി​യാ​യും മ​റ്റും റ​ഷ്യ ഭ​രി​ച്ച പു​ടി​ന് ഇ​നി അ​ധി​ക​കാ​ലം അ​ധി​കാ​ര​ത്തി​ൽ തു​ട​രാ​ൻ നി​യ​മ​പ​ര​മാ​യി സാ​ധി​ക്കി​ല്ല. പ​ക്ഷേ, അ​തി​നും അ​ദ്ദേ​ഹം പ​ഴു​തു​ക​ൾ ക​ണ്ടെ​ത്തു​മെ​ന്നു ക​രു​തു​ന്ന​വ​രേ​റെ​യാ​ണ്. പു​ടി​ന്‍റെ പ​രി​ഷ്കാ​ര​ങ്ങ​ൾ പ​ല​തും അ​പ്ര​തീ​ക്ഷി​ത​വും പ​തി​വു റ​ഷ്യ​ൻ ശൈ​ലി​യി​ൽനി​ന്നു വ്യ​ത്യ​സ്ത​വു​മാ​ണ്.

ചൈ​ന​യും റ​ഷ്യ​യു​മൊ​ക്കെ​യാ​ണ​ല്ലോ ക​മ്യൂ​ണി​സ​ത്തി​ന്‍റെ​യും അ​തി​ന്‍റെ അ​വി​ഭാ​ജ്യ ഘ​ട​ക​മാ​യ വെ​രു​ദ്ധ്യാ​ത്മ​ക ഭൗ​തി​ക​വാ​ദ​ത്തി​ന്‍റെ​യു​മൊ​ക്കെ ഈ​റ്റി​ല്ല​മാ​യി അ​റി​യ​പ്പെ​ടു​ന്ന​ത്. അ​തി​ലും കേ​മ​മാ​ണ് ത​ന്‍റെ ക​മ്യൂ​ണി​സ​മെ​ന്നാ​ണ് ഉ​ത്ത​ര​കൊ​റി​യ​യി​ലെ കിം ​ജോം​ഗ് ഉ​ൻ പ​റ​യു​ന്ന​തെ​ങ്കി​ലും ചൈ​ന​യും റ​ഷ്യ​യും ക​ഴി​ഞ്ഞി​ട്ടേ​യു​ള്ളൂ ക​മ്യൂ​ണി​സ​ത്തി​നൊ​രു ത​റ​വാ​ട്ടു​സ്വ​ത്ത്. ക​മ്യൂ​ണി​സ​വും മ​ത​നി​രാ​സ​വും ഈ​ശ്വ​ര​നി​ഷേ​ധ​വു​മൊ​ക്കെ പ​ഴ​ങ്ക​ഥ​യാ​യി മാ​റി​യി​ട്ടു​ണ്ടെ​ങ്കി​ലും ഇ​വ​യു​ടെ താ​ത്വി​ക​മാ​യ അ​ന്ത​ർ​ധാ​ര ഇ​പ്പോ​ഴും അ​വ​ശേ​ഷി​ക്ക​ന്നു​ണ്ട്. എ​ന്നാ​ൽ ഇ​തി​ന് ഭ​ര​ണ​ഘ​ട​നാ​പ​ര​മാ​യി​ത്ത​ന്നെ മാ​റ്റം കൊ​ണ്ടു​വ​രാ​നാ​ണി​പ്പോ​ൾ റ​ഷ്യ​ൻ പ്ര​സി​ഡ​ന്‍റ് വ്ലാ​ദി​മി​ർ പു​ടി​ന്‍റെ നീ​ക്കം.

രാ​ജ്യ​ത്തെ ഭ​ര​ണ​ഘ​ട​ന​യി​ൽ ചി​ല അ​ടി​സ്ഥാ​ന മാ​റ്റ​ങ്ങ​ൾ കൊ​ണ്ടു​വ​രാ​നൊ​രു​ങ്ങു​ക​യാ​ണു പു​ടി​ൻ. ദൈ​വ​ത്തെ​ക്കു​റി​ച്ചു​ള്ള പ​രാ​മ​ർ​ശംകൂ​ടി അ​തി​ൽ ഉ​ൾ​പ്പെ​ടു​ത്താ​നും ഉ​ദ്ദേ​ശി​ക്കു​ന്നു. വി​വാ​ഹ​ത്തി​ന്‍റെ പ​വി​ത്ര​ത ഉ​യ​ർ​ത്തി​പ്പി​ടി​ക്കാ​നാ​യൊ​രു വ​കു​പ്പും ഉ​ൾ​പ്പെ​ടു​ത്തും. സ്ത്രീ​യും പു​രു​ഷ​നും ത​മ്മി​ലു​ള്ള കൂ​ടി​ച്ചേ​ര​ലാ​ണു വി​വാ​ഹം എ​ന്ന് ഭ​ര​ണ​ഘ​ട​ന​യി​ൽ എ​ഴു​തി​ച്ചേ​ർ​ക്കും. സ്വ​വ​ർ​ഗ​വി​വാ​ഹം അ​നു​വ​ദി​ക്കി​ല്ല.

ജ​നു​വ​രി​യി​ൽ ന​ട​ത്തി​യൊ​രു പ്ര​സം​ഗ​ത്തി​ലാ​ണ് ഭ​ര​ണ​ഘ​ട​നാ ഭേ​ഗ​ദ​തി​യെ​ക്കു​റി​ച്ചു​ള്ള സൂ​ച​ന പു​ടി​ൻ ന​ൽ​കി​യ​ത്. ജ​നാ​ധി​പ​ത്യം ശ​ക്തി​പ്പെ​ടു​ത്താ​നും പാ​ർ​ല​മെ​ന്‍റി​ന്‍റെ അ​ധി​കാ​ര​ങ്ങ​ൾ വി​പു​ല​പ്പെ​ടു​ത്താ​നു​മാ​ണീ മാ​റ്റ​ങ്ങ​ൾ എ​ന്നാ​യി​രു​ന്നു പു​ടി​ന്‍റെ വി​ശ​ദീ​ക​ര​ണം.

ഭ​ര​ണ​ഘ​ട​ന​യി​ൽ ദൈ​വ​ത്തെ​ക്കു​റി​ച്ചു​ള്ള പ​രാ​മ​ർ​ശം ഉ​ൾ​പ്പെ​ടു​ത്ത​ണ​മെ​ന്ന് റ​ഷ്യ​ൻ ഓ​ർ​ത്ത​ഡോ​ക്സ് സ​ഭ നി​ർ​ദേ​ശി​ച്ചി​രു​ന്നു. ദൈ​വ​ത്തി​ലു​ള്ള വി​ശ്വാ​സ​വും ഉ​ദാ​ത്ത​മാ​യ ആ​ദ​ർ​ശ​ങ്ങ​ളും ന​മു​ക്കു കൈ​മാ​റി​യ പൂ​ർ​വ​പി​താ​ക്ക​ന്മാ​രെ ആ​ദ​ര​വോ​ടെ​ സ്മ​രി​ക്കു​ന്നു എ​ന്ന​താ​ണ് മാ​റു​ന്ന റ​ഷ്യ​ൻ ഭ​ര​ണ​ഘ​ട​ന​യി​ൽ ദൈ​വ​ത്തെ​ക്കു​റി​ച്ചു​ള്ള പ​രാ​മ​ർ​ശ​മാ​യി രേ​ഖ​പ്പെ​ടു​ത്താ​ൻ പോ​കു​ന്ന​ത്. ഒ​രു നൂ​റ്റാ​ണ്ടു പി​ന്നി​ടു​ന്ന റ​ഷ്യ​ൻ രാ​ഷ്‌​ട്രീ​യ ച​രി​ത്ര​ത്തി​ലെ നി​ർ​ണാ​യ​ക​മാ​യൊ​രു വ​ഴി​ത്തി​രി​വാ​യി​രി​ക്കും ഈ ​ഭ​ര​ണ​ഘ​ട​നാ ഭേ​ദ​ഗ​തി.

പ്രീ​തി​യെ കു​രു​ക്കാ​ൻ

ഇ​ന്ത്യ​ൻ വം​ശ​ജ​യാ​യ ബ്രി​ട്ടീ​ഷ് ആ​ഭ്യ​ന്ത​ര മ​ന്ത്രി പ്രീ​തി പ​ട്ടേ​ലി​നെ പു​ക​ച്ചു പു​റ​ത്തു​ചാ​ടി​ക്കാ​ൻ ഉ​ന്ന​ത​ര​ട​ങ്ങു​ന്ന സം​ഘം ആ​ഞ്ഞു ശ്ര​മി​ക്കു​ന്നു​ണ്ടെ​ങ്കി​ലും പ്ര​ധാ​ന​മ​ന്ത്രി ബോ​റി​സ് ജോ​ൺ​സ​ൺ ഉ​റ​ച്ച പി​ന്തു​ണ​യു​മാ​യി പ്രീ​തി​ക്കൊ​പ്പ​മു​ണ്ട്. ആ​ഭ്യ​ന്ത​ര സെ​ക്ര​ട്ട​റി അ​തി​സ​മ​ർ​ഥ​യാ​ണെ​ന്ന പ​ര​സ്യ​പ്ര​സ്താ​വ​ന​യി​ലൂ​ടെ​യാ​യിരുന്നു ഈ ​പി​ന്തു​ണ പ്ര​ഖ്യാ​പി​ക്ക​ൽ. ആ​ഭ്യ​ന്ത​ര മ​ന്ത്രി​പ​ദം ഏ​റ്റ​വും ക​ടു​പ്പ​മേ​റി​യ ജോ​ലി​യാ​ണെ​ന്നും ബോ​റി​സ് ജോ​ൺ​സ​ൺ കൂ​ട്ടി​ച്ചേ​ർ​ത്തു.

പ്രീ​തി പ​ട്ടേ​ലി​ന്‍റെ മ​ന്ത്രാ​ല​യ​ത്തി​ലെ ചി​ല ഉ​ന്ന​ത​ർ അ​വ​ർ​ക്കെ​തി​രേ തി​രി​ഞ്ഞി​രു​ന്നു. ആ​ഭ്യ​ന്ത​ര വ​കു​പ്പി​ലെ ഉ​ന്ന​തോ​ദ്യോഗ​സ്ഥ​നാ​യ സ​ർ ഫി​ലി​പ്പ് റൂ​ട്ട്‌​നാ​മി​ന്‍റെ രാ​ജി ഇ​തി​ന്‍റെ ഭാ​ഗ​മാ​യി​രു​ന്നു. ഒ​രു ഇ​ന്ത്യ​ൻ വം​ശ​ജ ഇ​ത്ര​യും ഉ​യ​ർ​ന്ന പ​ദ​വി​ലി​രി​ക്കു​ന്ന​തി​ന്‍റെ ചൊ​രു​ക്കാ​ണി​തെ​ന്നാ​യി​രു​ന്നു വി​മ​ർ​ശ​നം. ഇ​തി​നു മു​ന്പ് പ്രീ​തി ചി​ല ഔ​ദ്യോ​ഗി​ക ചു​മ​ത​ല​ക​ൾ വ​ഹി​ച്ചി​രു​ന്ന സ​മ​യ​ത്ത് ഉ​ണ്ടാ​യ സം​ഭ​വ​ങ്ങ​ൾ കു​ത്തി​പ്പൊ​ക്കി​യെ​ടു​ക്കാ​നാ​ണ് ഇ​പ്പോ​ൾ ചി​ല​രു​ടെ ശ്ര​മം.

തൊ​ഴി​ൽ- പെ​ൻ​ഷ​ൻ വ​കു​പ്പി​ലു​ണ്ടാ​യി​രു​ന്ന കാ​ല​ത്ത് പ്രീ​തി​യും മ​റ്റു ചി​ല​രും ചേ​ർ​ന്ന് ഒ​രു ജീ​വ​ന​ക്കാ​രി​യെ മാ​ന​സി​ക​മാ​യി പീ​ഡി​പ്പി​ച്ചു​വെ​ന്ന ആ​രോ​പ​ണം ഉ​യ​ർ​ത്തി​ക്കൊ​ണ്ടു​വ​ന്നി​ട്ടു​ണ്ട്. 2015ൽ ​ഇ​വ​രെ ജോ​ലി​യി​ൽ​നി​ന്നു പി​രി​ച്ചു​വി​ട്ടി​രു​ന്നു. പ്രീ​തി​ക്കു ത​ന്നോ​ടു​ള്ള ഇ​ഷ്‌​ട​ക്കു​റ​വാ​ണി​തി​നു കാ​ര​ണ​മാ​യെ​തെ​ന്നാ​യി​രു​ന്നു ജീ​വ​ന​ക്കാ​രി​യു​ടെ ആ​രോ​പ​ണം. ഈ ​ആ​രോ​പ​ണ​ങ്ങ​ളു​ടെ​യെ​ല്ലാം വാ​സ്ത​വം അ​ന്വേ​ഷി​ക്കു​മെ​ന്ന് കാ​ബി​ന​റ്റ് ഓ​ഫീ​സി​ന്‍റെ ചു​മ​ത​ല​യു​ള്ള മൈ​ക്ക​ൾ ഗോ​വ് ജ​ന​പ്ര​തി​നി​ധി സ​ഭ​യെ അ​റി​യി​ച്ചു. ആ​രോ​പ​ണ​ങ്ങ​ളു​ടെ അ​ടി​സ്ഥാ​ന​ത്തി​ൽ പ്രീ​തി രാ​ജി​വ​യ്ക്ക​ണ​മെ​ന്നു പ്ര​തി​പ​ക്ഷം ആ​വ​ശ്യ​പ്പെ​ട്ടി​രു​ന്നു.

47 വ​യ​സു​ള്ള പ്രീ​തി പ​ട്ടേ​ൽ സ​ർ​ക്കാ​രി​ന്‍റെ പ​ല നി​ർ​ണാ​യ​ക പ​ദ​വി​ക​ളും വ​ഹി​ച്ചി​രു​ന്നു. തെ​രേ​സ മേ ​സ​ർ​ക്കാ​രി​ൽ അ​ന്താ​രാ​ഷ്‌​ട്ര വി​ക​സ​ന​ത്തി​നാ​യു​ള്ള കാ​ബി​ന​റ്റ് സെ​ക്ര​ട്ട​റി​യാ​യി​രു​ന്നു. ക​ഴി​ഞ്ഞ ജൂ​ലൈ​യി​ലാ​ണ് ബോ​റി​സ് ജോ​ൺ​സ​ർ സ​ർ​ക്കാ​രി​ൽ ആ​ഭ്യ​ന്ത​ര മ​ന്ത്രി​യാ​യി സ്ഥാ​ന​മേ​റ്റ​ത്.