ന്യൂയോർക്ക്: ടീം അക്കരക്കൂട്ടം ബാനറിൽ ഹൂസ്റ്റണിലെ കലാകാരൻമാർ ചേർന്ന് അണിയിച്ചൊരുക്കിയ "അമേരിക്കൻ മണ്ണ്' എന്ന പരമ്പര ശനിയാഴ്ച ഒന്ന് മുതൽ പ്രവാസി ചാനലിൽ സംപ്രേക്ഷണം തുടങ്ങുന്നു.
നോർത്ത് അമേരിക്കയിലെ കുടിയേറ്റ മലയാളികളുടെ ജീവിത കഥ ചിത്രീകരിച്ചിരിച്ചിക്കുന്ന പരമ്പരയാണ് അമേരിക്കൻ മണ്ണ്. യൗവന കാലത്ത് അമേരിക്കയിലെത്തി പ്രവാസ ഭൂമിയിൽ കഷ്ടപ്പാടും വേദനയും സഹിച്ചു മക്കളെ വളർത്തി ഒടുവിൽ ജീവിത സായാഹ്നത്തിൽ അവരുടെ ധനാർത്തിയും സ്വഭാവ ദൂഷ്യവും കണ്ടു നിത്യ ദുഃഖത്തിൽ ജീവിതം തള്ളിനീക്കുന്ന ഒരു പിതാവിന്റെ കഥയാണ് അമേരിക്കൻ മണ്ണ് പറയുന്നത്.
12 വർഷത്തിലേറെ ആയി പ്രവാസി മലയാളികളുടെ ഹൃദയ സ്പന്ദനങ്ങൾ ഒപ്പിയെടുത്തു ലോകമെമ്പാടുമുള്ള പ്രേക്ഷകരിൽ എത്തിച്ച് കൊണ്ടിരിക്കുന്ന പ്രവാസി ചാനലിൽ ഈ സീരിയൽ സംപ്രേക്ഷണം ചെയ്യുന്നതിൽ സന്തോഷം ഉണ്ടെന്നു ചാനലിന്റെ ഹൂസ്റ്റൺ റീജിയണൽ ഡയറക്ടർ രാജേഷ് വർഗീസ്, ടീം അംഗങ്ങളായ അജു വാരിക്കാട്ട്, റോഷി സി മാലത്ത് എന്നിവർ അറിയിച്ചു.
എട്ട് വർഷം മുൻപ് "അക്കരക്കൂട്ടം' എന്ന ഹാസ്യ പരമ്പരയുമായി അമേരിക്കൻ മലയാളികളുടെ പ്രശംസയാർജിച്ച അതേ കലാകാരന്മാരാണ് സീരിയലിന്റയും പിന്നണി പ്രവർത്തകർ. 35 വർഷത്തിലധികമായി ഹൂസ്റ്റണിലെ നാടകരംഗത്ത് വ്യക്തിമുദ്ര പതിപ്പിച്ചവരാണ് സീരിയലിൽ പ്രധാന കഥാപാത്രങ്ങളായി വേഷമിടുന്നവർ.
പരമ്പരയുടെ കഥയും തിരക്കഥയും രചിച്ചിരിക്കുന്നത് ജോസഫ് കെന്നഡിയാണ്. സംവിധാനം ചെയ്തിരിക്കുന്നത് അനിൽ ആറന്മുളയും. കെ.ടി. സ്കറിയ, ജോണി മക്കോറ, മൈസൂർ തമ്പി, രാജീവ് മാത്യു, ജിമ്മി കുന്നശേരി, റെയ്ന സുനിൽ, സെലിൻ ജോണി മക്കോറ, ജെയിനി ജോർജ്, വി.എൻ. രാജൻ, ബിജു മാന്നാർ, ജേക്കബ് ചാക്കോ, റെനി കവലയിൽ എന്നിവർക്കൊപ്പം കെന്നഡിയും അനിൽ ആറൻമുളയും പ്രധാന വേഷങ്ങളിൽ അണിനിരക്കുന്നു.
കാലിത് താലിസൻ (റിഫ്ലക്ഷൻ മീഡിയ), അലൻ ആലഞ്ചേരി എന്നിവരാണ് കാമറ കൈകാര്യം ചെയ്തത്. ജെയിംസ് കാര്യാപറമ്പിൽ എഡിറ്റിംഗ് നിർവഹിച്ചിരിക്കുന്നു. ടീം അക്കരക്കൂട്ടം ആണ് നിർമാണ നിർവഹണം.
പരന്പര പ്രവാസി ചാനലിൽ തത്സമയം www.pravasichannel.com വഴി കാണാവുന്നതും പിന്നീട് വീഡിയോ ഓൺ ഡിമാന്റിലൂടെ മീഡിയ ആപ്പ് യുഎസ്എ www.mediaappusa.com എന്ന ആപ്പ് സൗജന്യമായി ഡൗൺലോഡ് ചെയ്തും കാണാവുന്നതാണ്.
നോർത്ത് അമേരിക്കയിലെ കുടിയേറ്റ മലയാളികളുടെ ജീവിത കഥ ചിത്രീകരിച്ചിരിച്ചിക്കുന്ന പരമ്പരയാണ് അമേരിക്കൻ മണ്ണ്. യൗവന കാലത്ത് അമേരിക്കയിലെത്തി പ്രവാസ ഭൂമിയിൽ കഷ്ടപ്പാടും വേദനയും സഹിച്ചു മക്കളെ വളർത്തി ഒടുവിൽ ജീവിത സായാഹ്നത്തിൽ അവരുടെ ധനാർത്തിയും സ്വഭാവ ദൂഷ്യവും കണ്ടു നിത്യ ദുഃഖത്തിൽ ജീവിതം തള്ളിനീക്കുന്ന ഒരു പിതാവിന്റെ കഥയാണ് അമേരിക്കൻ മണ്ണ് പറയുന്നത്.
12 വർഷത്തിലേറെ ആയി പ്രവാസി മലയാളികളുടെ ഹൃദയ സ്പന്ദനങ്ങൾ ഒപ്പിയെടുത്തു ലോകമെമ്പാടുമുള്ള പ്രേക്ഷകരിൽ എത്തിച്ച് കൊണ്ടിരിക്കുന്ന പ്രവാസി ചാനലിൽ ഈ സീരിയൽ സംപ്രേക്ഷണം ചെയ്യുന്നതിൽ സന്തോഷം ഉണ്ടെന്നു ചാനലിന്റെ ഹൂസ്റ്റൺ റീജിയണൽ ഡയറക്ടർ രാജേഷ് വർഗീസ്, ടീം അംഗങ്ങളായ അജു വാരിക്കാട്ട്, റോഷി സി മാലത്ത് എന്നിവർ അറിയിച്ചു.
എട്ട് വർഷം മുൻപ് "അക്കരക്കൂട്ടം' എന്ന ഹാസ്യ പരമ്പരയുമായി അമേരിക്കൻ മലയാളികളുടെ പ്രശംസയാർജിച്ച അതേ കലാകാരന്മാരാണ് സീരിയലിന്റയും പിന്നണി പ്രവർത്തകർ. 35 വർഷത്തിലധികമായി ഹൂസ്റ്റണിലെ നാടകരംഗത്ത് വ്യക്തിമുദ്ര പതിപ്പിച്ചവരാണ് സീരിയലിൽ പ്രധാന കഥാപാത്രങ്ങളായി വേഷമിടുന്നവർ.
പരമ്പരയുടെ കഥയും തിരക്കഥയും രചിച്ചിരിക്കുന്നത് ജോസഫ് കെന്നഡിയാണ്. സംവിധാനം ചെയ്തിരിക്കുന്നത് അനിൽ ആറന്മുളയും. കെ.ടി. സ്കറിയ, ജോണി മക്കോറ, മൈസൂർ തമ്പി, രാജീവ് മാത്യു, ജിമ്മി കുന്നശേരി, റെയ്ന സുനിൽ, സെലിൻ ജോണി മക്കോറ, ജെയിനി ജോർജ്, വി.എൻ. രാജൻ, ബിജു മാന്നാർ, ജേക്കബ് ചാക്കോ, റെനി കവലയിൽ എന്നിവർക്കൊപ്പം കെന്നഡിയും അനിൽ ആറൻമുളയും പ്രധാന വേഷങ്ങളിൽ അണിനിരക്കുന്നു.
കാലിത് താലിസൻ (റിഫ്ലക്ഷൻ മീഡിയ), അലൻ ആലഞ്ചേരി എന്നിവരാണ് കാമറ കൈകാര്യം ചെയ്തത്. ജെയിംസ് കാര്യാപറമ്പിൽ എഡിറ്റിംഗ് നിർവഹിച്ചിരിക്കുന്നു. ടീം അക്കരക്കൂട്ടം ആണ് നിർമാണ നിർവഹണം.
പരന്പര പ്രവാസി ചാനലിൽ തത്സമയം www.pravasichannel.com വഴി കാണാവുന്നതും പിന്നീട് വീഡിയോ ഓൺ ഡിമാന്റിലൂടെ മീഡിയ ആപ്പ് യുഎസ്എ www.mediaappusa.com എന്ന ആപ്പ് സൗജന്യമായി ഡൗൺലോഡ് ചെയ്തും കാണാവുന്നതാണ്.