ഇന്ത്യ ഭരിച്ചവരെ ഇന്ത്യക്കാർ ഭരിക്കും

സൂ​ര്യ​ന​സ്ത​മി​ക്കാ​ത്ത രാ​ജ്യ​മെ​ന്ന വി​ശേ​ഷ​ണ​മാ​യി​രു​ന്നു ഒ​രു കാ​ല​ത്ത് ബ്രി​ട്ടീ​ഷ് സാ​മ്രാ​ജ്യ​ത്തി​നു​ണ്ടാ​യി​രു​ന്ന​ത്. ഇ​ന്ത്യ ഏ​റെ നാ​ൾ ബ്രി​ട്ടീ​ഷ് ഭ​ര​ണ​ത്തി​ൻ​കീ​ഴി​ലാ​യി​രു​ന്നു. ഇ​ന്ത്യ​യെ ഭ​രി​ച്ച ബ്രി​ട്ടീ​ഷു​കാ​രെ ഭ​രി​ക്കാ​ൻ ഇ​നി ഇ​ന്ത്യ​ക്കാ​രും. ബ്രി​ട്ട​നി​ൽ മ​ന്ത്രി​മാ​രാ​യും വി​വി​ധ ന​ഗ​ര​ങ്ങ​ളി​ൽ മേ​യ​ർ​മാ​രാ​യു​മൊ​ക്കെ ഇ​തി​നു മു​ന്പും ഇ​ന്ത്യ​ൻ വം​ശ​ജ​ർ അ​ധി​കാ​ര​ത്തി​ലി​രു​ന്നി​ട്ടു​ണ്ട്. എ​ന്നാ​ൽ പു​തി​യ ബ്രി​ട്ടീ​ഷ് മ​ന്ത്രി​സ​ഭ​യി​ലെ ര​ണ്ടു സു​പ്ര​ധാ​ന വ​കു​പ്പു​ക​ൾ ഭ​രി​ക്കു​ന്ന​ത് ഇ​ന്ത്യ​ൻ വം​ശ​ജ​രാ​ണ്. ആ​ഭ്യ​ന്ത​രം, ധ​ന​കാ​ര്യം എ​ന്നി​വ​യാ​ണീ വ​കു​പ്പു​ക​ൾ.

ഇ​ൻ​ഫോ​സി​സ് സ​ഹ​സ്ഥാ​പ​ക​നാ​യ നാ​രാ​യ​ണ​മൂ​ർ​ത്തി​യു​ടെ മ​ക​ളു​ടെ ഭ​ർ​ത്താ​വാ​യ റി​ഷി സു​നാ​കാ​ണ് പു​തി​യ ബ്രി​ട്ടീ​ഷ് ധ​ന​മ​ന്ത്രി. ആ​ഭ്യ​ന്ത​ര​വ​കു​പ്പു കൈ​കാ​ര്യം ചെ​യ്യു​ന്ന​താ​ക​ട്ടെ മ​റ്റൊ​രു ഇ​ന്ത്യ​ൻ വം​ശ​ജ​യാ​യ പ്രീ​തി​പ​ട്ടേ​ലും. ഇ​രു​വ​രും ഇ​പ്പോ​ൾ ചി​ല​രു​ടെ ക​ണ്ണി​ലെ ക​ര​ടാ​യി​ട്ടു​ണ്ട്. പ്രീ​തി പ​ട്ടേ​ലി​നെ​തി​രേ ആ​ഭ്യ​ന്ത​ര വ​കു​പ്പി​ലെ ചി​ല ഉ​ന്ന​ത ഉ​ദ്യോ​ഗ​സ്ഥ​രാ​ണ് ക​രു​ക്ക​ൾ നീ​ക്കു​ന്ന​ത്. ചി​ല ഫ​യ​ലു​ക​ൾ പ്രീ​തി​ക്കു ന​ൽ​കു​ന്ന​ത് ആ​ഭ്യ​ന്ത​ര സു​ര​ക്ഷ​യെ ബാ​ധി​ക്കു​മെ​ന്നാ​ണ​വ​രി​ൽ​ ചി​ല​രു​ടെ ക​ണ്ടെ​ത്ത​ൽ. ത​ന്‍റെ മു​ൻ​ഗാ​മി​ക​ൾ​ക്കു ന​ൽ​കി​യ​തു​പോ​ലു​ള്ള വി​വ​ര​ങ്ങ​ൾ പ്രീ​തി​ക്കു ന​ൽ​കു​ന്ന​തി​ൽ ചി​ല ഡി​പ്പാ​ർ​ട്ട്മെ​ന്‍റു​ക​ൾ മ​ടി കാ​ട്ടു​ന്ന​താ​യി മാ​ധ്യ​മ റി​പ്പോ​ർ​ട്ടു​ക​ൾ വ​ന്നി​രു​ന്നു. എ​ന്നാ​ൽ, ഇ​തൊ​ക്കെ തെ​റ്റാ​യ പ്ര​ചാ​ര​ണ​മാ​ണെ​ന്നു കാ​ട്ടി സ​ർ​ക്കാ​ർ ക​ഴി​ഞ്ഞ ദി​വ​സം ഔ​ദ്യോ​ഗി​ക വി​ശ​ദീ​ക​ര​ണ​ക്കു​റി​പ്പ് ഇ​റ​ക്കി​യി​ട്ടു​ണ്ട്.

ത​ന്‍റെ ക​ന്നി ബ​ജ​റ്റ​് അവ​ത​രി​പ്പി​ക്കാ​ൻ ഒ​രു​ങ്ങു​ക​യാ​ണ് റി​ഷി സു​നാ​ക്. അ​ടി​സ്ഥാ​ന​സൗ​ക​ര്യ​വി​ക​സ​ന​ത്തി​ന് ഊ​ന്ന​ൽ കൊ​ടു​ക്കാ​നാ​ണ് അ​ദ്ദേ​ഹം പ്ര​ധാ​ന​മാ​യും ഉ​ദ്ദേ​ശി​ക്കു​ന്ന​ത്. രാ​ജ്യ​ത്തി​ന്‍റെ വ​ട​ക്ക​ൻ മേ​ഖ​ല​യി​ൽ വ​ലി​യൊ​രു ധ​ന​കാ​ര്യ സ​മു​ച്ച​യ നി​ർ​മാ​ണം ഇ​തി​ൽ​പ്പെ​ടു​ന്നു. വ​ട​ക്ക​ൻ ഇം​ഗ്ല​ണ്ടി​ൽ കൂ​ടു​ത​ൽ മു​ത​ൽ​മു​ട​ക്കു​മെ​ന്ന് തെ​ര​ഞ്ഞെ​ടു​പ്പു​കാ​ല​ത്ത് ബോ​റി​സ് ജോ​ൺ​സ​ൺ വാ​ഗ്ദാ​നം ചെ​യ്തി​രു​ന്നു. വ​ട​ക്ക​ൻ മേ​ഖ​ല യാ​ഥാ​സ്ഥി​തി​ക ക​ക്ഷി​ക്ക് ക​ഴി​ഞ്ഞ തെ​ര​ഞ്ഞെ​ടു​പ്പി​ൽ വ​ൻ പി​ന്തു​ണ​യാ​ണു ന​ൽ​കി​യ​ത്. റി​ഷി സു​നാ​ക് വ​ട​ക്ക​ൻ മേ​ഖ​ല​യി​ലെ​ത​ന്നെ റി​ച്ച്മൗ​ണ്ടി​ൽ​നി​ന്നു​ള്ള പാ​ർ​ല​മ​ന്‍റം​ഗ​മാ​ണ്. മാ​ർ​ച്ച് 11നാ​ണു ബ​ജ​റ്റ് അ​വ​ത​ര​ണം.

ബ്രി​ട്ട​ന്‍റെ പു​തി​യ അ​റ്റോ​ർ​ണി ജ​ന​റ​ലും ഇ​ന്ത്യ​ൻ വം​ശ​ജ​യാ​ണ്. മുപ്പത്തൊന്പതുകാ​രി​യാ​യ സു​വ​ല്ലെ ബ്രേ​വ​ർ​മാ​ൻ. ക​ഴി​ഞ്ഞ ദി​വ​സം അ​വ​ർ ചു​മ​ത​ല​യേ​റ്റു. കേം​ബ്രി​ജ് സ​ർ​വ​ക​ലാ​ശാ​ല​യി​ൽ​നി​ന്നു നി​യ​മ​ബി​രു​ദം നേ​ടി​യ സു​വ​ല്ല ഗോ​വ​യി​ൽ വേ​രു​ക​ളു​ള്ള കു​ടും​ബ​ത്തി​ലാ​ണു ജ​നി​ച്ച​ത്. മാ​താ​പി​താ​ക്ക​ൾ കെ​നി​യ​യി​ൽ​നി​ന്നും മൗ​റീ​ഷ്യ​സി​ൽ​നി​ന്നും കു​ടി​യേ​റി​യ​വ​രാ​ണ്. നീ​തി​ന്യാ​യ​സം​വി​ധാ​ന​ത്തി​ലു​ള്ള വി​ശ്വാ​സം പു​നഃ​സ്ഥാ​പി​ക്കു​ക എ​ന്ന​താ​വും ത​ന്‍റെ പ്ര​ഥ​മ​ല​ക്ഷ്യ​മെ​ന്ന് പു​തി​യ അ​റ്റോ​ർ​ണി ജ​ന​റ​ൽ പ​റ​യു​ന്നു.

മോ​ഹം തീ​രാ​തെ മ​ഹാ​തി​ർ

മ​ലേ​ഷ്യ​യി​ൽ മ​ഹാ​തിർ മു​ഹ​മ്മ​ദ് അ​ധി​കാ​ര​മൊ​ഴി​ഞ്ഞെ​ങ്കി​ലും പു​തി​യ മ​ന്ത്രി​സ​ഭ രൂ​പ​വ​ത്ക​ര​ണ​ത്തി​നു ത​ട​സ​ങ്ങ​ൾ തു​ട​രു​ന്നു. 94 വ​യ​സു​ള്ള മ​ഹാ​തി​റി​നെ​ത്ത​ന്നെ വീ​ണ്ടും പ്ര​ധാ​ന​മ​ന്ത്രി​യാ​ക്കാ​നു​ള്ള ആ​ലോ​ച​ന​യും ന​ട​ക്കു​ന്നു​ണ്ട്. ഭ​ര​ണ​സ​ഖ്യ​ത്തി​ൽ കൂ​ട്ട​ത്തോ​ടെ കൂ​റു​മാ​റ്റ​മു​ണ്ടാ​യ​തി​നെ​ത്തു​ട​ർ​ന്നാ​ണ് മ​ഹാ​തി​റി​ന് പ്ര​ധാ​ന​മ​ന്ത്രി​സ്ഥാ​നം രാ​ജി​വ​യ്ക്കേ​ണ്ടി​വ​ന്ന​ത്. പ​ഴ​യ രാ​ഷ്‌​ട്രീ​യ എ​തി​രാ​ളി​യാ​യ അ​ൻ​വ​ർ ഇ​ബ്രാ​ഹി​മാ​ണ് മ​ഹാ​തിറി​നി​പ്പോ​ൾ വെ​ല്ലു​വി​ളി ഉ​യ​ർ​ത്തു​ന്ന​ത്.

ദീ​ർ​ഘ​കാ​ലം വി​രു​ദ്ധ​ചേ​രി​ക​ളി​ലാ​യി​രു​ന്ന മ​ഹാ​തിറും അ​ൻ​വ​റും 2018ലാ​ണ് സ​ഖ്യ​ക​ക്ഷി ക​രാ​റി​ലൂ​ടെ ഒ​ന്നി​ച്ചു​നി​ന്നു വ​ൻ തെ​ര​ഞ്ഞെ​ടു​പ്പു വി​ജ​യം നേ​ടി​യ​ത്. എ​ന്നാ​ലി​പ്പോ​ൾ അ​ൻ​വ​റി​നെ ഒ​ഴി​വാ​ക്കി സ​ർ​ക്കാ​ർ രൂ​പ​വ​ത്ക​രി​ക്കാ​ൻ ന​ട​ത്തി​യ ശ്ര​മ​മാ​ണു കു​ഴ​പ്പ​ങ്ങ​ൾ​ക്കു തു​ട​ക്ക​മാ​യ​ത്. മ​ഹാ​തി​റി​ന്‍റെ രാ​ജി സൃ​ഷ്‌​ടി​ച്ച രാ​ഷ്‌​ട്രീ​യ അ​നി​ശ്ചി​ത​ത്വം ഇ​നി​യും അ​വ​സാ​നി​ച്ചി​ട്ടി​ല്ല. രാ​ജി മ​ഹാ​തി​റി​ന്‍റെ രാ​ഷ്‌​ട്രീ​യ ത​ന്ത്ര​മാ​യി​രു​ന്നു​വെ​ന്നു ക​രു​തു​ന്ന​വ​രു​ണ്ട്. അ​നി​ശ്ചി​ത​ത്വം മു​ത​ലെ​ടു​ത്തു വീ​ണ്ടും പ്ര​ധാ​ന​മ​ന്ത്രി​ക്ക​സേ​ര​യി​ലെ​ത്താ​നാ​യി​രു​ന്നു മ​ഹാ​തി​ർ മു​ഹ​മ്മ​ദി​ന്‍റെ പ​ദ്ധ​തി.

ക​ഴി​ഞ്ഞ ദി​വ​സം ടെ​ലി​വി​ഷ​നി​ലൂ​ടെ രാ​ഷ്‌​ട്ര​ത്തെ അ​ഭി​സം​ബോ​ധ​ന ചെ​യ്ത മ​ഹാ​തി​ർ, സ​ർ​വ​ക​ക്ഷി സ​ർ​ക്കാ​ർ രൂ​പ​വ​ത്ക​രി​ച്ച് വീ​ണ്ടും പ്ര​ധാ​ന​മ​ന്ത്രി​യാ​കാ​ൻ താ​ൻ ത​യാ​റാ​ണെ​ന്നു വ്യ​ക്ത​മാ​ക്കി. ക​ക്ഷി​രാ​ഷ്‌​ട്രീ​യം മാ​റ്റി​വ​ച്ച് എ​ല്ലാ ക​ക്ഷി​ക​ളെ​യും ഉ​ൾ​പ്പെ​ടു​ത്തി​യു​ള്ള സ​ർ​ക്കാ​ർ വേ​ണ​മെ​ന്നാ​യി​രു​ന്നു മ​ഹാ​തി​റി​ന്‍റെ നി​ല​പാ​ട്.

തു​ട​ക്ക​ത്തി​ൽ മ​റ്റു​ള്ള​വ​ർ ഈ ​നി​ർ​ദേ​ശ​ത്തോ​ടെ ആ​ഭി​മു​ഖ്യം കാ​ട്ടി​യെ​ങ്കി​ലും പി​ന്നീ​ട് സ്ഥി​തി​ഗ​തി​ക​ൾ മാ​റി​മ​റി​ഞ്ഞു. പി​ൻ​വാ​തി​ലി​ലൂ​ടെ​യു​ള്ള സ​ർ​ക്കാ​ർ രൂ​പ​വ​ത്ക​ര​ണ പ​ദ്ധ​തി​യെ​ന്നാ​ണ് അ​ൻ​വ​ർ ഇ​തി​നെ വി​ശേ​ഷി​പ്പി​ച്ച​ത്. പ്ര​ധാ​ന​മ​ന്ത്രി​യാ​കാ​ൻ ആ​വ​ശ്യ​മാ​യ പി​ന്തു​ണ താ​ൻ എം​പി​മാ​രി​ൽ നി​ന്നു സ​മാ​ഹ​രി​ച്ചി​ട്ടു​ണ്ടെ​ന്നാ​ണ് അ​ൻ​വ​ർ ഇ​ബ്രാ​ഹിം പ​റ​യു​ന്ന​ത്. മൂ​ന്നു പാ​ർ​ട്ടി​ക​ൾ ത​നി​ക്കു പി​ന്തു​ണ പ്ര​ഖ്യാ​പി​ച്ചി​ട്ടു​ണ്ടെ​ന്നും അ​വ​രു​ടെ പ്ര​ധാ​ന​മ​ന്ത്രി സ്ഥാ​നാ​ർ​ഥി​യാ​യി ത​ന്‍റെ പേ​ര് രാ​ജാ​വി​നു സ​മ​ർ​പ്പി​ച്ചെ​ന്നും അ​ൻ​വ​ർ വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു. പ്ര​ത്യാ​ശ​യു​ടെ ഉ​ട​ന്പ​ടി എ​ന്നാ​ണ് ത്രി​ക​ക്ഷി ക​രാ​റി​നെ അ​ൻ​വ​ർ വി​ശേ​ഷി​പ്പി​ച്ച​ത്.

സ​ർ​വ​ക​ക്ഷി സ​ർ​ക്കാ​ർ എ​ന്ന മ​ഹാ​തി​റി​ന്‍റെ ആ​ശ​യ​ത്തോ​ടു​ള്ള എ​തി​ർ​പ്പ് മ​ലേ​ഷ്യ​യെ ആ​റു പ​തി​റ്റാ​ണ്ടോ​ളം ഭ​രി​ച്ച യു​എം​എ​ൻ​ഒ​യും അ​റി​യി​ച്ചി​ട്ടു​ണ്ട്. മ​ഹാ​തി​റും അ​ൻ​വ​റും ചേ​ർ​ന്നു​ള്ള സ​ഖ്യ​മാ​ണ് യു​എം​എ​ൻ​ഒ​യു​ടെ അ​ര​നൂ​റ്റാ​ണ്ടി​ലേ​റെ നീ​ണ്ട അ​ധി​കാ​ര​ക്കു​ത്ത​ക​യ്ക്ക് അ​റു​തി വ​രു​ത്തി​യ​ത്. മ​ഹാ​തി​റി​ന്‍റെ പി​ൻ​ഗാ​മി​യാ​യ അ​ൻ​വ​റി​നെ​യാ​ണ് എ​ല്ലാ​വ​രും ക​ണ്ടി​രു​ന്ന​ത്. എ​ന്നാ​ൽ അ​ൻ​വ​റി​നെ അ​ധി​കാ​ര​ത്തി​ൽ​നി​ന്ന​ക​റ്റി നി​ർ​ത്താ​ൻ മ​ഹാ​തി​റും സം​ഘ​വും ക​ള്ള​ക്ക​ളി ന​ട​ത്തു​ക​യാ​യി​രു​ന്നു​വെ​ന്നാ​ണ് ആ​രോ​പ​ണം.

അ​ന​ഭി​മ​ത​ർ ഈ ​നേ​താ​ക്ക​ൾ

അ​ധി​കാ​രം ഇ​ല്ലാ​താ​യാ​ൽ പാ​ക്കി​സ്ഥാ​നി​ലെ ഭ​ര​ണാ​ധി​കാ​രി​ക​ൾ പ​ല​രും രാ​ജ്യ​ത്ത് അ​ന​ഭി​മ​ത​രാ​ണ്. മി​ക്ക​വ​രു​ടെ​യും പേ​രി​ൽ വ​ൻ അ​ഴി​മ​തി​ക്കേ​സു​ക​ളു​ണ്ട്. ന​വാ​സ് ഷരീ​ഫും പ​ർ​വേ​സ് മു​ഷാ​റ​ഫും ആ​സി​ഫ് അ​ലി സ​ർ​ദാ​രി​യു​മൊ​ക്കെ ഈ ​അ​ഴി​മ​തി​ക്കാ​രു​ടെ പ​ട്ടി​ക​യി​ലു​ണ്ട്.

മു​ഷാ​റ​ഫി​ന്‍റെ പേ​രി​ൽ നി​ര​വ​ധി കേ​സു​ക​ളാ​ണു​ള്ള​ത്. അ​ദ്ദേ​ഹം വി​ദേ​ശ​ത്താ​ണു താ​മ​സം. ന​വാ​സ് ഷരീ​ഫാ​ക​ട്ടെ ഔ​ദ്യോ​ഗി​ക​മാ​യി ഒ​ളി​ച്ചോ​ട്ട​ക്കാ​ര​നാ​യി മു​ദ്ര​കു​ത്ത​പ്പെ​ട്ടി​രി​ക്കു​ന്നു. ജാ​മ്യ വ്യ​വ​സ്ഥ ലം​ഘി​ച്ച​തി​ന്‍റെ പേ​രി​ലാ​ണ് ന​വാ​സ് ഷരീ​ഫി​നെ ഒ​ളി​ച്ചോ​ട്ട​ക്കാ​ര​നാ​യി സ​ർ​ക്കാ​ർ ഇ​പ്പോ​ൾ പ്ര​ഖ്യാ​പി​ച്ചി​രി​ക്കു​ന്ന​ത്. ജാ​മ്യ​വ്യ​വ​സ്ഥ​പ്ര​കാ​രം ല​ണ്ട​നി​ലെ ഡോ​ക‌്‌​ട​റു​ടെ പ​ക്ക​ൽ​നി​ന്നു മെ​ഡി​ക്ക​ൽ സ​ർ​ട്ടി​ഫി​ക്ക​റ്റ് വാ​ങ്ങി ന​ൽ​കാ​ത്ത​താ​ണ് കാ​ര​ണം.

ക​ഴി​ഞ്ഞ ന​വം​ബ​റി​ലാ​ണ് ഷരീ​ഫ് ചി​കി​ത്സ​യ്ക്കാ​യി ല​ണ്ട​നി​ലേ​ക്കു പോ​യ​ത്. ഹൃ​ദ​യ​സം​ബ​ന്ധ​മാ​യ ഗു​രു​ത​ര രോ​ഗ​ബാ​ധി​ത​നാ​ണു ന​വാ​സ് ഷ​രീ​ഫ്. ഇ​സ്‌​ലാ​മാ​ബാ​ദ് ഹൈ​ക്കോ​ട​തി നി​ർ​ദ​ശി​ച്ച ഒ​രു സ​മി​തി മു​ന്പാ​കെ മെ​ഡി​ക്ക​ൽ സ​ർ​ട്ടി​ഫി​ക്ക​റ്റ് ഹാ​ജ​രാ​ക്ക​ണ​മെ​ന്നാ​യി​രു​ന്നു നി​ർ​ദേ​ശം.
ജാ​മ്യം ഇ​നി നീ​ട്ടി ന​ൽ​കേ​ണ്ട​തി​ല്ലെ​ന്നാ​ണ് പ്ര​ധാ​ന​മ​ന്ത്രി ഇ​മ്രാ​ൻ ഖാ​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന മ​ന്ത്രി​സ​ഭാ​യോ​ഗ തീ​രു​മാ​നം. ഒ​ളി​ച്ചോ​ട്ട​ക്കാ​ര​നാ​യി മു​ദ്ര​കു​ത്ത​പ്പെ​ട്ട സാ​ഹ​ച​ര്യ​ത്തി​ൽ ഷ​രീ​ഫ് പ്ര​ഖ്യാ​പി​ത കു​റ്റ​വാ​ളി​യാ​യി ക​ണ​ക്കാ​ക്ക​പ്പെ​ടും.

മുബാറക് വിടവാങ്ങി


ഈ​ജി​പ്തി​ന്‍റെ ഭ​ര​ണാ​ധി​കാ​രി​യാ​യി ഹോ​സ്നി മു​ബാ​റ​ക്കി​ന്‍റെ ക​ട​ന്നു​വ​ര​വ് അ​പ്ര​തീ​ക്ഷി​ത​മാ​യി​രു​ന്നു. ക​രു​ത്ത​നാ​യ പ്ര​സി​ഡ​ന്‍റ് അ​ൻ​വ​ർ സാ​ദ​ത്ത് കൊ​ല്ല​പ്പെ​ട്ട​തി​നെ​ത്തു​ട​ർ​ന്ന് താ​ത്കാ​ലി​ക പ്ര​സി​ഡ​ന്‍റാ​യി വ​ന്ന മു​ബാ​റ​ക് മൂ​ന്നു പ​തി​റ്റാ​ണ്ടോ​ളം ആ ​ക​സേ​ര​യി​ൽ തു​ട​ർ​ന്നു. ഉ​രു​ക്കു​മു​ഷ്‌​ടി​കൊ​ണ്ട് രാ​ജ്യ​ത്തെ നി​യ​ന്ത്രി​ച്ച ഭ​ര​ണാ​ധി​കാ​രി.

2011ൽ ​അ​റ​ബ് വ​സ​ന്ത​ത്തെ​ത്തു​ട​ർ​ന്ന് അ​ധി​കാ​ര​ഭ്ര​ഷ്‌​ട​നാ​ക്ക​പ്പെ​ട്ട മു​ബാ​റ​ക് അ​ഴി​മ​തി ആ​രോ​പ​ണ​ങ്ങ​ളു​ടെ പേ​രി​ൽ വി​ചാ​ര​ണ നേ​രി​ട്ടു. ആ‍യി​ര​ത്തോ​ളം അ​റ​ബ് വ​സ​ന്ത പ്ര​ക്ഷോ​ഭ​ക​രു​ടെ മ​ര​ണ​ത്തി​നു​ത്ത​ര​വാ​ദി​യെ​ന്നു ക​ണ്ടെ​ത്തി​യ കോ​ട​തി മു​ബാ​റ​ക്കി​ന് 2012ൽ ​കോ​ട​തി ജീ​വ​പ​ര്യ​ന്തം ത​ട​വു ശി​ക്ഷ വി​ധി​ച്ചു. അ​പ്പീ​ൽ​ക്കോ​ട​തി പു​ന​ർ​വി​ചാ​ര​ണ​യ്ക്ക് ഉ​ത്ത​ര​വി​ട്ടു. 2017ൽ ​കു​റ്റാ​രോ​പ​ണ​ങ്ങ​ളി​ൽ​നി​ന്നെ​ല്ലാം വി​മു​ക്ത​നാ​യി മു​ബാ​റ​ക് പു​റ​ത്തി​റ​ങ്ങി.

മ​ക്ക​ളാ​യ അ​ലാ​യും ഗ​മാ​ലും അ​ഴി​മ​തി​ക്കേ​സി​ൽ ജ​യി​ൽ​ശി​ക്ഷ അ​നു​ഭ​വി​ച്ചു. മു​ബാ​റ​ക്കി​ന്‍റെ അ​വ​സാ​ന ഭ​ര​ണ​നാ​ളു​ക​ളി​ൽ മ​ക​ൻ ഗ​മാ​ലാ​ണ് കാ​ര്യ​ങ്ങ​ൾ നി​യ​ന്ത്രി​ച്ചി​രു​ന്ന​ത്. കു​റ്റ​വി​മു​ക്ത​നാ​യ​ശേ​ഷം മു​ബ​റ​ക് അ​വ​സാ​ന​കാ​ലം ചെ​ല​വ​ഴി​ച്ച​ത് ഒ​രു സൈ​നി​ക ആ​ശു​പ​ത്രി​യി​ലാ​യി​രു​ന്നു. അ​പൂ​ർ​വ​മാ​യേ പു​റ​ത്തി​റ​ങ്ങാ​റു​ണ്ടായി രുന്നുള്ളൂ. മു​ബാ​റ​ക്കി​ന്‍റെ അ​ന്ത്യ​ക​ർ​മ​ങ്ങ​ൾ ഔ​ദ്യോ​ഗി​ക ബ​ഹു​മ​തി​ക​ളോ​ടെ ന​ട​ത്തി. അ​ശ്വാ​രൂ​ഢ വാ​ഹ​ന​ത്തി​ലാ​യി​രു​ന്ന അ​ന്ത്യ​യാ​ത്ര. യു​ദ്ധ​കാ​ല സേ​വ​ന​ങ്ങ​ളു​ടെ അ​ടി​സ്ഥാ​ന​ത്തി​ലാ​യി​രു​ന്നു ഈ ​ബ​ഹു​മ​തി.

ക​രു​ത്ത​നാ​യ ഭ​ര​ണാ​ധി​കാ​രി എ​ന്ന നി​ല​യി​ൽ മാ​ത്ര​മ​ല്ല, ത​ന്ത്ര​ജ്ഞ​നാ​യ രാ​ഷ്‌​ട്രീ​യ​ക്കാ​ര​നാ​യും മു​ബാ​റ​ക് ശോ​ഭി​ച്ചു. തെ​ര​ഞ്ഞെ​ടു​പ്പു​ക​ളി​ലെ​ല്ലാം വ​ൻ​വി​ജ​യം കൊ​യ്തു. ഭീ​ക​ര​പ്ര​വ​ർ​ത്ത​ന​ത്തെ അ​ടി​ച്ച​മ​ർ​ത്തി. പാ​ശ്ചാ​ത്യ​രാ​ജ്യ​ങ്ങ​ളു​മാ​യി, വി​ശി​ഷ്യ, അ​മേ​രി​ക്ക​യു​മാ​യി ഉ​റ്റ​ബ​ന്ധം പു​ല​ർ​ത്തി​യി​രു​ന്ന മു​ബാ​റ​ക് ഇ​ന്ത്യ​ൻ ഭ​ര​ണാ​ധി​കാ​രി​ക​ളു​മാ​യും ഊ​ഷ്മ​ള ബ​ന്ധം നി​ല​നി​ർ​ത്തി. ഇ​സ്ര​യേ​ലു​മാ​യും ന​ല്ല ബന്ധം പു​ല​ർ​ത്താ​ൻ ക​ഴി​ഞ്ഞു. അ​ൻ​വ​ർ സാ​ദ​ത്തി​ന്‍റെ ഭ​ര​ണ​കാ​ല​ത്ത് വൈ​സ് പ്ര​സി​ഡ​ന്‍റാ​യി​രു​ന്ന മു​ബാ​റ​ക്കാ​ണ് ഇ​സ്ര​യേ​ലു​മാ​യു​ള്ള സ​മാ​ധാ​ന​ക്ക​രാ​റി​ന്‍റെ ചു​ക്കാ​ൻ പി​ടി​ച്ച​ത്. സാ​ദ​ത്തി​ന്‍റെ വ​ധ​ത്തി​നു കാ​ര​ണ​മാ​യ​തും ഈ ​ക​രാ​റാ​യി​രു​ന്നു. അ​ൻ​വ​ർ സാ​ദ​ത്തി​ന്‍റെ വ​ധ​ത്തെ​ത്തു​ട​ർ​ന്നാ​ണ് ഹോ​സ്നി മു​ബാ​റ​ക് ഈ​ജി​പ്തി​ൽ അ​ധി​കാ​ര​ത്തി​ലെ​ത്തു​ന്ന​ത്. വ്യോ​മ​സേ​നാ ത​ല​വ​നും വൈ​സ് പ്ര​സി​ഡ​ന്‍റു​മാ​യി​രു​ന്നു മുബാറക്. ഒ​രു സൈ​നി​ക പ​രേ​ഡി​നി​ട​യി​ലാ​ണു പ​ട്ടാ​ള​ത്തി​ൽ നു​ഴ​ഞ്ഞു​ക​യ​റി​യ ഇ​സ്ലാ​മി​ക തീ​വ്ര​വാ​ദി​ക​ൾ സാ​ദ​ത്തി​നെ വ​ക​വ​രു​ത്തി​യ​ത്. സാ​ദ​ത്തി​നു തൊ​ട്ട​ടു​ത്തി​രു​ന്നു പ​രേ​ഡ് വീ​ക്ഷി​ക്കു​ക​യാ​യി​രു​ന്ന മു​ബാ​റ​ക്കിനും പ​രി​ക്കേ​റ്റു. പി​ന്നീ​ടു പ​ല​പ്പോ​ഴും മു​ബാ​റ​ക്കി​നു​നേ​രേ വ​ധ​ശ്ര​മ​മു​ണ്ടാ​യി. 1995ൽ ​എ​ത്യോ​പ്യ​യി​ലെ ആ​ഡി​സ് അ​ബാ​ബ​യി​ൽ ഒ​രു ട്രാ​ഫി​ക് കു​രു​ക്കി​ൽ മു​ബാ​റ​കി​ന്‍റെ വാ​ഹ​നം പെ​ട്ട​പ്പോ​ൾ തീ​വ്ര​വാ​ദി​ക​ളു​ടെ ക​ന​ത്ത വെ​ടി​വ​യ്പി​ൽ മു​ബാ​റ​ക് ക​ഷ്‌​ടി​ച്ചു ര​ക്ഷ​പ്പെ​ടു​ക​യാ​യി​രു​ന്നു.

ദീ​ർ​ഘ​മാ​യ ഭ​ര​ണ​കാ​ല​ത്തു ന​ട​ന്ന ക​ടു​ത്ത മ​നു​ഷ്യാ​വ​കാ​ശ ലം​ഘ​ന​ങ്ങ​ളു​ടെ​യും കൊ​ടി​യ അ​ഴി​മ​തി​ക​ളു​ടെ​യും പേ​രി​ൽ മു​ബാ​റ​ക്കി​നെ​തി​രേ നി​ശി​ത വി​മ​ർ​ശ​നം ഉ​യ​ർ​ന്നി​രു​ന്നു. മു​ബാ​റ​ക്കി​ന്‍റെ ര​ഹ​സ്യ​പ്പോ​ലീ​സ് ന​ട​ത്തി​യ തേ​ർ​വാ​ഴ്ച‍ രാ​ഷ്‌​ട്രീ​യ എ​തി​രാ​ളി​ക​ളെ ഇ​ല്ലാ​താ​ക്കു​ന്ന​തി​ൽ മു​ഖ്യ​പ​ങ്കു വ​ഹി​ച്ചു.

ലോകവിചാരം/ സെ​ർ​ജി ആ​ന്‍റ​ണി