സൗതാംപ്ടണ്: പുരോഗമന കലാ സാംസ്കാരിക സംഘടനയായ കൈരളി യുകെ യുടെ സൗതാംപ്ടണ്, പോർട്ട്സ്മൗത്ത് യൂണിറ്റ് രൂപീകരിച്ചിട്ടു ഒരു വർഷം തികയുകയാണ്. സംഘടനയുടെ ഒന്നാം വാർഷികം വിപുലമായ കലാസാംസ്കാരിക പരിപാടികളോടെ ജനുവരി 21 ശനിയാഴ്ച വൈകീട്ട് 5ന് ആഘോഷിക്കുന്നു.
നിലവിൽ വന്നു ഒരു വർഷത്തിനകം വൈവിധ്യമാർന്നതും ജനോപകാരപ്രദമായതുമായ നിരവധി പ്രവർത്തനങ്ങളാണ് കൈരളി യൂകെ സൗതാംപ്ടണ്, പോർട്ട്സ്മൗത്ത് യൂണിറ്റ് തലത്തിലും ദേശിയ തലത്തിലും കാഴ്ചവയ്ക്കുന്നത്.
ആഘോഷപരിപാടികളുടെ ഭാഗമായി ഇത്തവണ ഹൃദ്യമായ സംഗീതനൃത്ത സന്ധ്യയാണ് കൈരളി ഒരുക്കുന്നത്. യുകെ യുടെ വിവിധ ഭാഗങ്ങളിൽ നിന്ന് നാൽപതിലധികം കലാപ്രതിഭകൾ വേദിയിൽ അണിനിരക്കും. ഈ സംഗീത നൃത്ത സന്ധ്യയിലേക്കു ഏവരെയും സ്വാഗതം ചെയ്യുന്നതായി സംഘാടകരായ കൈരളി യുകെ സൗത്താംപ്ടണ്, പോർട്ട്സ്മൗത്ത് യൂണിറ്റ് ഭാരവാഹികളും പ്രവർത്തകരും അറിയിച്ചു. പരിപാടി നടക്കുന്ന ഹാളിൽ രുചികരമായ കേരളീയ വിഭവങ്ങളുടെ ഫുഡ്സ്റ്റാൾ ഉണ്ടായിരിക്കുമെന്ന് സംഘാടകർ അറിയിച്ചു.
കൈരളി യുകെ സൗതാംപ്ടണ്, പോർട്ട്സ്മൗത്ത് യൂണിറ്റ് വാർഷികാഘോഷവും സംഗീതനൃത്ത സന്ധ്യയും ജനുവരി 21ന്
07:16 AM Jan 15, 2023 | Deepika.com