സീനിയർ വിഭാഗത്തിൽ ടീം ദാണ്ടെ സംസോയെ തോൽപ്പിച്ചു എഫ്.സി കേരളം വിയന്ന വിജയികളായി. ജൂനിയർ മത്സരത്തില്‍ ഐ. എ. എസ്. സി വിയന്ന വിജയിച്ചു. ബെസ്റ്റ് കളിക്കാരനായി കെവിനും, ഏറ്റവും കൂടുതൽ ഗോൾ നേടിയ കളിക്കാരനായി നവീൻ തുരുത്തുമേലും ടോപ് സ്കോററായി നിതിനും തിരഞ്ഞെടുക്കപ്പെട്ടു.
സീനിയർ വിഭാഗത്തിൽ ബിജു, ഫാ. ലിജു എന്നിവർ ടോപ് സ്കോറർമാരായി. ഏറ്റവും നല്ല കളിക്കാരനായി ജസ്റ്റിൻ പടിക്കക്കുടിയും, ഏറ്റവും കൂടുതൽ ഗോൾ നേടിയ കളിക്കാരനായി പൗവലും തിരഞ്ഞെടുക്കപ്പെട്ടു.
വിജയികൾക്ക് ഫാ. തോമസ് കൊച്ചുചിറ ട്രോഫികൾ വിതരണം ചെയ്തു. ജെറി മെമ്മോറിയൽ റോളിംഗ് ട്രോഫി അന്തരിച്ച ജെറിയുടെ പിതാവ് ജോസ് തൈലയിലും ലേഖയും ചേർന്ന് വിജയികൾക്ക് സമ്മാനിച്ചു. റാഫി ഇല്ലിക്കൽ, ജോബി തട്ടിൽ, റോബിൻസ് ചെന്നിത്തല, ജോർജ് ഞൊണ്ടിമാക്കൽ, മാത്യു കുറിഞ്ഞിമല, വിൽ‌സൺ കള്ളിക്കാടൻ എന്നിവർ ടൂർണമെന്‍റിനു നേതൃത്വം നൽകി. ജാനിസ് തൈലയിൽ നന്ദി പറഞ്ഞു.