കോട്ടയം: പുത്തനുടുപ്പണിഞ്ഞ് ബാഗും കുടയും കൈയിലേന്തി കളിചിരിയും കരച്ചിലുമായി കുരുന്നുകള് അക്ഷരമുറ്റത്തെത്തി. മധുരം വിളമ്പിയും നവാഗതര്ക്ക് സമ്മാനങ്ങള് നല്കിയും കലാ-സാംസ്കാരിക പരിപാടികള് ഒരുക്കിയുമാണ് സ്കൂളുകള് പുതിയ അധ്യയന വര്ഷത്തെ വരവേറ്റത്.
മാതാപിതാക്കളുടെ കൈപിടിച്ചെത്തിയ കുരുന്നുകള് ക്ലാസ് റൂമില് കയറി കഴിഞ്ഞപ്പോള് വിധം മാറി. അമ്മയെ കാണണമെന്നും വീട്ടില് പോകണമെന്നും പറഞ്ഞു കരഞ്ഞ കുട്ടികളെ മുതിര്ന്ന കൂട്ടുകാരും അധ്യാപകരും ആശ്വസിപ്പിച്ചു. ബലൂണും മധുര പലഹാരങ്ങളും നല്കിയപ്പോള് കുട്ടികള് കരച്ചില് നിര്ത്തി. പിന്നെ കൂട്ടുകാരുമായി ചങ്ങാത്തം കൂടി.
ഡാന്സും പാട്ടും നൃത്തവുമൊക്കെയായി പ്രവേശനോത്സവം കൊണ്ടാടി കഴിഞ്ഞതോടെ ഉച്ചഭക്ഷണവും റെഡി. ഭക്ഷണം കഴിച്ച് കൂട്ടുകാരോടു യാത്ര പറഞ്ഞ് മാതാപിതാക്കള്ക്കൊപ്പം കുട്ടികള് മടങ്ങി. ഇത്തവണ രാവിലെ മഴയെത്താത്തതിനാല് കുട്ടികള്ക്ക് സ്കൂളില് പോകാന് ഉത്സാഹമായിരുന്നു.
ജില്ലയിലെ എല്ലാ സ്കൂളുകളും പ്രവേശനോത്സവം ആഘോഷമാക്കി മാറ്റി. വര്ണാഭമായ പ്രവേശനോത്സവ പരിപാടികളാണ് സ്കൂളുകളില് സംഘടിപ്പിച്ചത്. ജില്ലാതല സ്കൂള് പ്രവേശനോത്സവം തലയോലപ്പറമ്പ് എ.ജെ. ജോണ് മെമ്മോറിയല് ഗേള്സ് ഹയര്സെക്കന്ഡറി സ്കൂളില് മന്ത്രി വി.എന്. വാസവന് ഉദ്ഘാടനം ചെയ്തു. വിദ്യാഭ്യാസരംഗത്ത് വിപ്ലവകരമായ മാറ്റങ്ങള് കൊണ്ടുവരാന് സര്ക്കാരിനായതായി മന്ത്രി പറഞ്ഞു.
മോഡല് ഇന്ക്ലൂസീവ് സ്കൂളിന്റെ ഉദ്ഘാടനം സി.കെ. ആശ എംഎല്എ നിര്വഹിച്ചു. ജില്ലാ പഞ്ചായത്ത് പ്രസിഡന്റ് കെ.വി. ബിന്ദു അധ്യക്ഷത വഹിച്ചു. മികച്ച വിജയം കൈവരിച്ച വിദ്യാര്ഥികള്ക്കുള്ള അവാര്ഡ് വിതരണവും നടന്നു. ബ്ലോക്ക് പഞ്ചായത്ത് പ്രസിഡന്റ് പി.വി. സുനില് എട്ടാം ക്ലാസ് വിദ്യാര്ഥിനി പി.എ. വിപഞ്ചികയ്ക്ക് ഡയറി നല്കി പ്രകാശനം ചെയ്തു.
എ.ജെ. ജോണ് ഗേള്സ് ഹയര്സെക്കന്ഡറി സ്കൂളില് അഞ്ചാം ക്ലാസില് പുതുതായി ചേര്ന്ന ഐഷ റീജന് എന്ന വിദ്യാര്ഥിയും ഉദ്ഘാടന ചടങ്ങില് മന്ത്രിക്കൊപ്പം പങ്കെടുത്തു. കവിതകള് ചൊല്ലി കൃതി ആരുടേതെന്ന ചോദ്യങ്ങള് ചോദിച്ച് വിദ്യാര്ഥികളുടെ വായന അളന്നാണ് മന്ത്രി മടങ്ങിയത്. വായനയുടെ പ്രാധാന്യവും വായന ജീവിതത്തില് വരുത്തുന്ന മാറ്റങ്ങളെക്കുറിച്ചും മന്ത്രി സൂചിപ്പിച്ചു.
ജില്ലാ പഞ്ചായത്തംഗങ്ങളായ പി.എസ്. പുഷ്പമണി, ഹൈമി ബോബി, ടി.എസ്. ശരത്ത്, വൈക്കം ബ്ലോക്ക് പഞ്ചായത്ത് പ്രസിഡന്റ് കെ.കെ. രഞ്ജിത്ത്, പഞ്ചായത്ത് പ്രസിഡന്റ് എന്. ഷാജിമോള്, വൈസ് പ്രസിഡന്റ് അനി ചെള്ളാങ്കല്, വിദ്യാഭ്യാസ ഉപഡയറക്ടര് സുബിന് പോള്, കോട്ടയം റീജണല് ഡെപ്യൂട്ടി ഡയറക്ടര് കെ.ആര്. ഗിരിജ, കോട്ടയം വിഎച്ച്സ്ഇ അഡീഷണല് ഡയറക്ടര് ലിസി ജോസഫ് തുടങ്ങിയവര് പങ്കെടുത്തു.
മാതാപിതാക്കളുടെ കൈപിടിച്ചെത്തിയ കുരുന്നുകള് ക്ലാസ് റൂമില് കയറി കഴിഞ്ഞപ്പോള് വിധം മാറി. അമ്മയെ കാണണമെന്നും വീട്ടില് പോകണമെന്നും പറഞ്ഞു കരഞ്ഞ കുട്ടികളെ മുതിര്ന്ന കൂട്ടുകാരും അധ്യാപകരും ആശ്വസിപ്പിച്ചു. ബലൂണും മധുര പലഹാരങ്ങളും നല്കിയപ്പോള് കുട്ടികള് കരച്ചില് നിര്ത്തി. പിന്നെ കൂട്ടുകാരുമായി ചങ്ങാത്തം കൂടി.
ഡാന്സും പാട്ടും നൃത്തവുമൊക്കെയായി പ്രവേശനോത്സവം കൊണ്ടാടി കഴിഞ്ഞതോടെ ഉച്ചഭക്ഷണവും റെഡി. ഭക്ഷണം കഴിച്ച് കൂട്ടുകാരോടു യാത്ര പറഞ്ഞ് മാതാപിതാക്കള്ക്കൊപ്പം കുട്ടികള് മടങ്ങി. ഇത്തവണ രാവിലെ മഴയെത്താത്തതിനാല് കുട്ടികള്ക്ക് സ്കൂളില് പോകാന് ഉത്സാഹമായിരുന്നു.
ജില്ലയിലെ എല്ലാ സ്കൂളുകളും പ്രവേശനോത്സവം ആഘോഷമാക്കി മാറ്റി. വര്ണാഭമായ പ്രവേശനോത്സവ പരിപാടികളാണ് സ്കൂളുകളില് സംഘടിപ്പിച്ചത്. ജില്ലാതല സ്കൂള് പ്രവേശനോത്സവം തലയോലപ്പറമ്പ് എ.ജെ. ജോണ് മെമ്മോറിയല് ഗേള്സ് ഹയര്സെക്കന്ഡറി സ്കൂളില് മന്ത്രി വി.എന്. വാസവന് ഉദ്ഘാടനം ചെയ്തു. വിദ്യാഭ്യാസരംഗത്ത് വിപ്ലവകരമായ മാറ്റങ്ങള് കൊണ്ടുവരാന് സര്ക്കാരിനായതായി മന്ത്രി പറഞ്ഞു.
മോഡല് ഇന്ക്ലൂസീവ് സ്കൂളിന്റെ ഉദ്ഘാടനം സി.കെ. ആശ എംഎല്എ നിര്വഹിച്ചു. ജില്ലാ പഞ്ചായത്ത് പ്രസിഡന്റ് കെ.വി. ബിന്ദു അധ്യക്ഷത വഹിച്ചു. മികച്ച വിജയം കൈവരിച്ച വിദ്യാര്ഥികള്ക്കുള്ള അവാര്ഡ് വിതരണവും നടന്നു. ബ്ലോക്ക് പഞ്ചായത്ത് പ്രസിഡന്റ് പി.വി. സുനില് എട്ടാം ക്ലാസ് വിദ്യാര്ഥിനി പി.എ. വിപഞ്ചികയ്ക്ക് ഡയറി നല്കി പ്രകാശനം ചെയ്തു.
എ.ജെ. ജോണ് ഗേള്സ് ഹയര്സെക്കന്ഡറി സ്കൂളില് അഞ്ചാം ക്ലാസില് പുതുതായി ചേര്ന്ന ഐഷ റീജന് എന്ന വിദ്യാര്ഥിയും ഉദ്ഘാടന ചടങ്ങില് മന്ത്രിക്കൊപ്പം പങ്കെടുത്തു. കവിതകള് ചൊല്ലി കൃതി ആരുടേതെന്ന ചോദ്യങ്ങള് ചോദിച്ച് വിദ്യാര്ഥികളുടെ വായന അളന്നാണ് മന്ത്രി മടങ്ങിയത്. വായനയുടെ പ്രാധാന്യവും വായന ജീവിതത്തില് വരുത്തുന്ന മാറ്റങ്ങളെക്കുറിച്ചും മന്ത്രി സൂചിപ്പിച്ചു.
ജില്ലാ പഞ്ചായത്തംഗങ്ങളായ പി.എസ്. പുഷ്പമണി, ഹൈമി ബോബി, ടി.എസ്. ശരത്ത്, വൈക്കം ബ്ലോക്ക് പഞ്ചായത്ത് പ്രസിഡന്റ് കെ.കെ. രഞ്ജിത്ത്, പഞ്ചായത്ത് പ്രസിഡന്റ് എന്. ഷാജിമോള്, വൈസ് പ്രസിഡന്റ് അനി ചെള്ളാങ്കല്, വിദ്യാഭ്യാസ ഉപഡയറക്ടര് സുബിന് പോള്, കോട്ടയം റീജണല് ഡെപ്യൂട്ടി ഡയറക്ടര് കെ.ആര്. ഗിരിജ, കോട്ടയം വിഎച്ച്സ്ഇ അഡീഷണല് ഡയറക്ടര് ലിസി ജോസഫ് തുടങ്ങിയവര് പങ്കെടുത്തു.