മല്ലപ്പള്ളി: മണിമലയാറ്റിൽ സുഹൃത്തുക്കൾക്കൊപ്പം കുളിക്കാൻ ഇറങ്ങിയ പ്ലസ്ടു വിദ്യാർഥി മുങ്ങിമരിച്ചു. കറുകച്ചാൽ കൂത്രപ്പള്ളി പാലയ്ക്കൽ ഷാജി മാത്യുവിന്റെ മകൻ റിൻസൻ മാത്യു(17)വാണ് മരിച്ചത്. മല്ലപ്പള്ളി പരിയാരത്ത് കായിക മത്സരത്തിന് എത്തിയശേഷം എട്ടുപേരടങ്ങുന്ന സംഘത്തോടൊപ്പം മല്ലപ്പള്ളി ചന്തക്കടവിൽ കുളിക്കാൻ ഇറങ്ങിയതാണ്. റിസൻ ഒഴുക്കിൽപ്പെട്ട് ആറ്റിലെ കുഴിയിൽ അകപ്പെടുകയായിരുന്നുവെന്നു പറയുന്നു. ഇന്നലെ വൈകുന്നേരം 4.30നാണ് സംഭവം. തിരുവല്ലയിൽനിന്നെത്തിയ അഗ്നിശമനസേന യൂണിറ്റ് അംഗങ്ങളും പ്രദേശവാസികളായ ജോർജ്കുട്ടി, അനീഷ്, ശ്രീജിത്ത്, അനു എന്നിവരും ചേർന്ന് 5.30ഓടെ മൃതദേഹം കണ്ടെത്തുകയായിരുന്നു. കറുകച്ചാൽ എൻഎസ്എസ് സ്കൂൾ പന്ത്രണ്ടാം ക്ലാസ് ഹ്യൂമാനിറ്റീസ് വിദ്യാർഥിയാണ് റിസൻ.
മാതാവ്: റീന. സഹോദരി: റോസ്മി (പത്താംക്ലാസ് വിദ്യാർഥിനി). മല്ലപ്പള്ളി ജോർജ് മാത്തൻ ആശുപത്രിയിൽ സൂക്ഷിച്ചിരിക്കുന്ന മൃതദേഹം പോസ്റ്റുമോർട്ടത്തിനുശേഷം പിന്നീട് സംസ്കരിക്കും. കീഴ്വായ്പൂര് പോലീസ് മേൽ നടപടികൾ സ്വീകരിച്ചു.
മാതാവ്: റീന. സഹോദരി: റോസ്മി (പത്താംക്ലാസ് വിദ്യാർഥിനി). മല്ലപ്പള്ളി ജോർജ് മാത്തൻ ആശുപത്രിയിൽ സൂക്ഷിച്ചിരിക്കുന്ന മൃതദേഹം പോസ്റ്റുമോർട്ടത്തിനുശേഷം പിന്നീട് സംസ്കരിക്കും. കീഴ്വായ്പൂര് പോലീസ് മേൽ നടപടികൾ സ്വീകരിച്ചു.