പോത്തൻകോട്: ഓട്ടോയിൽ രഹസ്യമായി കടത്തിയ ഇന്ത്യൻ നിർമിത വിദേശ മദ്യവുമായി മൂന്നു പേർ പിടിയിൽ. മേനംകുളം സെന്‍റ് ആൻഡ്രൂസ് ലാൽ കോട്ടേജിൽ അഖിൽ തോമസ് (31), ചിറ്റാറ്റുമുക്ക് പഞ്ചായത്ത് നട ലക്ഷം വീട്ടിൽ സ്റ്റാൻലി പെരേര (63), ലക്ഷം വീട്ടിൽ നിസാം (42)എന്നിവരേയാണ് കഴിഞ്ഞ ദിവസം രാത്രി മംഗലപുരം പോലീസ് അറസ്റ്റ് ചെയ്തത്. പോലീസിന് കിട്ടിയ രഹസ്യവിവരത്തിന്‍റെ അടിസ്ഥാനത്തിൽ മംഗലപുരം എസ്ഐ ഡി.ജെ. ഷാലുവിന്‍റെ നേതൃത്വത്തിൽ മംഗലപുരം ജംഗ്ഷനിൽ നിന്നാണ് പ്രതികളെ അറസ്റ്റ് ചെയ്തത്. ഓട്ടോയുടെ പുറകിലെ ഡിക്കിയിൽ 26 കുപ്പികളിൽ ഒളിപ്പിച്ച 37 ലിറ്റർ മദ്യമാണ് പിടികൂടിയത്.
പ്രതികളെ ആറ്റിങ്ങൽ കോടതിയിൽ ഹാജരാക്കി റിമാൻഡ് ചെയ്തു.
പ്രതികളെ ആറ്റിങ്ങൽ കോടതിയിൽ ഹാജരാക്കി റിമാൻഡ് ചെയ്തു.
