തളിപ്പറമ്പ്: സ്കൂട്ടറിടിച്ചു പരിക്കേറ്റ് ചികിത്സയിലായിരുന്ന സ്ത്രീ മരിച്ചു. തളിപ്പറമ്പ് മന്ന സ്വദേശിനിയായ കോടിയില് ഹൗസില് ആമിന (61) യാണ് മരിച്ചത്. 25ന് രാവിലെ 9.30 നായിരുന്നു അപകടം. തളിപ്പറമ്പ് സഹകരണ ആശുപത്രിക്ക് സമീപത്തുള്ള ആശ്രയ മെഡിക്കല് സ്റ്റോറില്നിന്നു മരുന്ന് വാങ്ങാന് വന്ന ആമിനയെ ശ്രീകണ്ഠപുരം ഭാഗത്തുനിന്ന് വരികയായിരുന്ന സ്കൂട്ടർ ഇടിക്കുകയായിരുന്നു. ഗുരുതരമായി പരിക്കേറ്റ ആമിനയെ മംഗളൂരുവിലെ സ്വകാര്യ ആശുപത്രിയില് പ്രവേശിപ്പിക്കുകയായിരുന്നു. ഇന്നലെ രാവിലെയാണ് മരിച്ചത്.