ബെർലിൻ: പന്ത്രണ്ട് വയസും അതിൽ കൂടുതലുമുള്ള കുട്ടികൾക്കും കൗമാരക്കാർക്കും വേണ്ടിയുള്ള ബയോടെക്ക് ഫൈസറിന്റെ കൊറോണ വാക്സിന് യൂറോപ്യൻ മെഡിസിൻസ് ഏജൻസി ഇഎംഎ വെള്ളിയാഴ്ച അംഗീകാരം നൽകി. ഈ പ്രായക്കാർക്ക് കുത്തിവയ്പ്പിന് ജർമനി അംഗീകാരം നൽകിയിരുന്നു. ഇതുവരെ, ബയോടെക്കിന്റെ വാക്സിൻ യൂറോപ്യൻ യൂണിയനിൽ 16 വയസും അതിൽ കൂടുതലുമുള്ളവർക്ക് മാത്രമേ അംഗീകരിച്ചിട്ടുള്ളൂ. യുഎസ്എയിലും കാനഡയിലും കുട്ടികൾക്ക് ഇതിനകം തന്നെ പ്രതിരോധ കുത്തിവയ്പ് നൽകാം. യൂറോപ്യൻ യൂണിയനിലെ ആദ്യത്തെ വാക്സിനാണ് കോമിർനാറ്റി, ഇത് 16 വയസിന് താഴെയുള്ളവർക്കും അംഗീകരിച്ചിട്ടുണ്ട്.
ജർമനിയിൽ ഡിജിറ്റൽ വാക്സിനേഷൻ സർട്ടിഫിക്കറ്റ് ജൂണിൽ എത്തും. കൊറോണയ്ക്ക് വാക്സിനേഷൻ നൽകാൻ തുടങ്ങിയിട്ട് കഴിഞ്ഞ അരവർഷമായി എന്നാൽ ഇപ്പോൾ മാത്രമാണ് ഡിജിറ്റൽ വാക്സിനേഷൻ കാർഡ് വരുന്നത്, ദീർഘനാളത്തെ കാത്തിരിപ്പിനുള്ള കാരണം: അന്താരാഷ്ട്രതലത്തിൽ സാധുതയുള്ള, ഇലക്ട്രോണിക് വാക്സിനേഷൻ സർട്ടിഫിക്കറ്റിൽ കഴിഞ്ഞ ആഴ്ച മാത്രമാണ് യൂറോപ്യൻ യൂണിയൻ സമ്മതിച്ചത്.
ജൂലൈ ഒന്നിന് യൂറോപ്പിലുടനീളം ഇത് സമാരംഭിക്കും. ഇതു തയാറാക്കാൻ റോബർട്ട് കോഹ് ഇൻസ്ററിറ്റ്യൂട്ടും ഐ.ബി.എമ്മും ഇതിനകം തയ്യാറായിക്കഴിഞ്ഞു. ആദ്യ പരീക്ഷണം വ്യാഴാഴ്ച പോട്സ്ഡാമിൽ ആരംഭിച്ചു. വാക്സിനേഷൻ സമയത്ത്, ഡോക്ടറുടെ പ്രാക്ടീസിലോ വാക്സിനേഷൻ സെന്ററിലോ ഒരു ക്യുആർ കോഡ് സൃഷ്ടിക്കുകയും അച്ചടിക്കുകയും ചെയ്യുന്നു വാക്സിനേഷന്റെ തീയതി, സമയം, തരം എന്നിവ ഇതിൽ അടങ്ങിയിരിക്കുന്നു. വാക്സിനേഷൻ നൽകിയ വ്യക്തി മൊബൈൽ ഫോണ് ഉപയോഗിച്ച് ക്യുആർ കോഡ് സ്കാൻ ചെയ്യുന്നു. അത് കൊറോണ മുന്നറിയിപ്പ് ആപ്ലിക്കേഷനിലേക്കോ പുതിയ കോവ്പാസ് ആപ്ലിക്കേഷനിലേക്കോ മാറ്റുന്നു. യാത്ര ചെയ്യുന്പോൾ, മൊബൈൽ ഫോണിൽ ക്യുആർ പാറ്റേണ് കാണിക്കും.
പരിശോധകർക്ക് ഇതിനായി കോവ് പാസ് ചെക് ആപ്ലിക്കേഷൻ ലഭിക്കും. യാത്രക്കാരന്റെ ക്യുആർ കോഡ് സ്കാൻ ചെയ്യാൻ അവർ ഇത് ഉപയോഗിക്കുന്നു തുടർന്ന് വാക്സിനേഷൻ നിലയും വ്യക്തിഗത ഡാറ്റയും ചെക് ചെയ്യും. ഒരു പാസ്പോർട്ട് അല്ലെങ്കിൽ ഐഡി ഉപയോഗിച്ച് അവ പൊരുത്തപ്പെടുത്തുകയും ചെയ്യും.
ജർമനിയിലെ ഇൻസിഡെൻസ് റേറ്റ് കുറയുന്ന സാഹചര്യമാണങ്കിലും രാജ്യത്തെ എമർജൻസി ബ്രേക്ക് നീട്ടിയേക്കുമെന്ന് ചാൻസലർ അംഗലാ മെർക്കൽ സൂചിപ്പിച്ചു. ഒരു മാസമായി അണുബാധകളുടെ എണ്ണം കുറയുകയാണ്. എന്നിരുന്നാലും കൊറോണ എമർജൻസി ബ്രേക്കിന്റെ വിപുലീകരണം ഫെഡറൽ സർക്കാർ ഇപ്പോഴും ചർച്ച ചെയ്തു വരികയാണ്. ഒൗദ്യോഗിക തീരുമാനം അടുത്തയാഴ്ച ഉണ്ടായേക്കും.
ജർമനിയിലെ 16 സംസ്ഥാനങ്ങളിലും ഏറ്റവും കുറഞ്ഞ ഇൻസിഡെൻസ് റേറ്റ് രേഖപ്പെടുത്തി. ആർകെഐ റിപ്പോർട്ട് പ്രകാരം 7380 പുതിയ അണുബാധകളും 192 മരണങ്ങളും റിപ്പോർട്ട് ചെയ്തിരിക്കുന്നത്.
റിപ്പോർട്ട്: ജോസ് കുന്പിളുവേലിൽ
12 വയസ് മുതലുള്ള കുട്ടികളുടെ വാക്സിനേഷന് യൂറോപ്യൻ മെഡിസിൻസ് ഏജൻസിയുടെ അനുമതി
09:09 PM May 29, 2021 | Deepika.com