കോട്ടയം: ജില്ലാ ആശുപത്രിയില്‍ മുതിര്‍ന്ന പൗരന്മാര്‍ക്കു നല്‍കിയിരുന്ന സൗകര്യങ്ങള്‍ പുനഃസ്ഥാപിക്കണമെന്ന് ജനശ്രീ സുസ്ഥിര വികസന മിഷന്‍ ജില്ലാ കണ്‍വന്‍ഷന്‍ ആവശ്യപ്പെട്ടു. ഒപിയിലും ഫാര്‍മസിയിലും മുതിര്‍ന്ന പൗരന്മാര്‍ക്കുണ്ടായിരുന്ന കൗണ്ടറുകളെ സംബന്ധിച്ച ബോര്‍ഡുകള്‍മാത്രമാണ് ഇപ്പോള്‍ അവശേഷിക്കുന്നത്. കൗണ്ടറുകള്‍ പ്രവര്‍ത്തന രഹിതമാണ്. കണ്‍വന്‍ഷന്‍ ജനശ്രീമിഷന്‍ സംസ്ഥാന പ്രോഗ്രാം കോ- ഓര്‍ഡിനേറ്റര്‍ പി. എ. സലിം ഉദ്ഘാടനം ചെയ്തു. ജനശ്രീ മിഷന്‍ ജില്ലാ ചെയര്‍മാന്‍ സാബു മാത്യുവിന്റെ അധ്യക്ഷത വഹിച്ചു. എ.കെ. ചന്ദ്രമോഹന്‍, മോളി പീറ്റര്‍, ലതാ മോഹന്‍, പ്രമോദ് തടത്തില്‍, അനില്‍ കൂരോപ്പട, കെ.ജി. ഹരിദാസ്, സജി തോമസ്, ജി. ലക്ഷ്മണന്‍, കെ.ബി. രാജന്‍, ടോംസണ്‍ ചക്കുപാറ, ബീന രാജേന്ദ്രന്‍ എന്നിവര്‍ പ്രസംഗിച്ചു.
