പാലാ: നഗരപ്രദേശത്തെ ശുദ്ധജല വിതരണം കാര്യക്ഷമമാക്കാൻ "അമൃത് 2 സ്റ്റേറ്റ് വാട്ടര്‍ ആക്‌ഷന്‍ പ്ലാന്‍' പദ്ധതിയില്‍ ഉള്‍പ്പെടുത്തി 5.26 കോടി രൂപയുടെ നവീകരണ പദ്ധതിക്ക് അംഗീകാരം ലഭിച്ചു.
അര്‍ബന്‍ വാട്ടര്‍ സപ്ലൈ സ്കീമില്‍ ഉള്‍പ്പെടുത്തി നിലവിലുള്ള പദ്ധതികള്‍ ശക്തിപ്പെടുത്താനും വിതരണ ശൃംഖല വിപുലീകരിക്കാനും പുതിയ കണക്‌ഷനുകള്‍ നല്‍കാനും തുക വിനിയോഗിക്കാനുമാണ് വിഭാവനം ചെയ്തിരിക്കുന്നതെന്നു നഗരസഭാ ചെയര്‍മാന്‍ ആന്‍റോ ജോസ് പടിഞ്ഞാറെക്കര അറിയിച്ചു.
നഗരസഭയും കേന്ദ്ര-സംസ്ഥാന സര്‍ക്കാരുകളും ചേര്‍ന്നുള്ള സംയുക്ത പദ്ധതിയാണിത്.
ജലവിഭവ മന്ത്രി റോഷി അഗസ്റ്റിന് ജോസ് കെ. മാണി എംപി മുഖേന നല്‍കിയ പ്രോജക്‌ടിനാണ് ഇപ്പോള്‍ അംഗീകാരം ലഭിച്ചിരിക്കുന്നതെന്നു ചെയര്‍മാന്‍ പറഞ്ഞു. വാട്ടര്‍ അഥോറിട്ടിക്കാണ് നിര്‍വഹണ ചുമതല. പദ്ധതി ഉടൻ ടെന്‍ഡര്‍ ചെയ്യുമെന്നു വാട്ടര്‍ അഥോറിട്ടി നഗരസഭയെ അറിയിച്ചിട്ടുണ്ട്.
കൂടുതൽ വീടുകളിലേക്ക്
നഗരസഭാ പ്രദേശത്തു വേനലില്‍ അനുഭവപ്പെടുന്ന കുടിവെള്ളക്ഷാമം പരിഹരിക്കാനുള്ള പദ്ധതിക്ക് അംഗീകാരം ലഭിച്ചതു വലിയ നേട്ടമായെന്നും ശുദ്ധീകരിച്ച ശുദ്ധജലം കൂടുതല്‍ വീടുകളിലേക്ക് എത്തിക്കാന്‍ കഴിയുമെന്നും ആരോഗ്യ സ്ഥിരംസമിതി ചെയര്‍മാന്‍ ബൈജു കൊല്ലംപറമ്പില്‍ പറഞ്ഞു. പഴകിയ പൈപ്പുകള്‍ പലഭാഗത്തും പൊട്ടി വെള്ളം പാഴാകുന്നതു പുതിയ പൈപ്പുകള്‍ സ്ഥാപിക്കുന്നതോടെ ഇല്ലാതാകും. ഉയര്‍ന്ന മര്‍ദത്തില്‍ വെള്ളം പന്പ് ചെയ്ത് ഉയര്‍ന്ന പ്രദേശങ്ങളിലും എത്തിക്കാന്‍ കഴിയും. നഗരസഭാ പ്രദേശത്തെ കുടിവെള്ള ശൃംഖല ശക്തിപ്പെടുത്താൻ പ്രത്യേക അനുമതി ലഭ്യമാക്കിയ ജലസേചനമന്ത്രി റോഷി അഗസ്റ്റിനെ എല്‍ഡിഎഫ് മണ്ഡലം കമ്മിറ്റി അനുമോദിച്ചു.
അര്‍ബന്‍ വാട്ടര്‍ സപ്ലൈ സ്കീമില്‍ ഉള്‍പ്പെടുത്തി നിലവിലുള്ള പദ്ധതികള്‍ ശക്തിപ്പെടുത്താനും വിതരണ ശൃംഖല വിപുലീകരിക്കാനും പുതിയ കണക്‌ഷനുകള്‍ നല്‍കാനും തുക വിനിയോഗിക്കാനുമാണ് വിഭാവനം ചെയ്തിരിക്കുന്നതെന്നു നഗരസഭാ ചെയര്‍മാന്‍ ആന്‍റോ ജോസ് പടിഞ്ഞാറെക്കര അറിയിച്ചു.
നഗരസഭയും കേന്ദ്ര-സംസ്ഥാന സര്‍ക്കാരുകളും ചേര്‍ന്നുള്ള സംയുക്ത പദ്ധതിയാണിത്.
ജലവിഭവ മന്ത്രി റോഷി അഗസ്റ്റിന് ജോസ് കെ. മാണി എംപി മുഖേന നല്‍കിയ പ്രോജക്‌ടിനാണ് ഇപ്പോള്‍ അംഗീകാരം ലഭിച്ചിരിക്കുന്നതെന്നു ചെയര്‍മാന്‍ പറഞ്ഞു. വാട്ടര്‍ അഥോറിട്ടിക്കാണ് നിര്‍വഹണ ചുമതല. പദ്ധതി ഉടൻ ടെന്‍ഡര്‍ ചെയ്യുമെന്നു വാട്ടര്‍ അഥോറിട്ടി നഗരസഭയെ അറിയിച്ചിട്ടുണ്ട്.
കൂടുതൽ വീടുകളിലേക്ക്
നഗരസഭാ പ്രദേശത്തു വേനലില്‍ അനുഭവപ്പെടുന്ന കുടിവെള്ളക്ഷാമം പരിഹരിക്കാനുള്ള പദ്ധതിക്ക് അംഗീകാരം ലഭിച്ചതു വലിയ നേട്ടമായെന്നും ശുദ്ധീകരിച്ച ശുദ്ധജലം കൂടുതല്‍ വീടുകളിലേക്ക് എത്തിക്കാന്‍ കഴിയുമെന്നും ആരോഗ്യ സ്ഥിരംസമിതി ചെയര്‍മാന്‍ ബൈജു കൊല്ലംപറമ്പില്‍ പറഞ്ഞു. പഴകിയ പൈപ്പുകള്‍ പലഭാഗത്തും പൊട്ടി വെള്ളം പാഴാകുന്നതു പുതിയ പൈപ്പുകള്‍ സ്ഥാപിക്കുന്നതോടെ ഇല്ലാതാകും. ഉയര്‍ന്ന മര്‍ദത്തില്‍ വെള്ളം പന്പ് ചെയ്ത് ഉയര്‍ന്ന പ്രദേശങ്ങളിലും എത്തിക്കാന്‍ കഴിയും. നഗരസഭാ പ്രദേശത്തെ കുടിവെള്ള ശൃംഖല ശക്തിപ്പെടുത്താൻ പ്രത്യേക അനുമതി ലഭ്യമാക്കിയ ജലസേചനമന്ത്രി റോഷി അഗസ്റ്റിനെ എല്‍ഡിഎഫ് മണ്ഡലം കമ്മിറ്റി അനുമോദിച്ചു.
