സൂറിക്ക്: സ്വിറ്റ്സർലൻഡിലെ സൂറിക്കിൽ നിര്യാതയായ സിൽവിയ തോമസ് അത്താണിക്കലിന്റെ(68) സംസ്കാരം വെള്ളിയാഴ്ച എറണാകുളം മുളന്തുരുത്തിയിൽ നടക്കും.
ഭർത്താവ്:പരേതനായ എ.വി തോമസ്. മക്കൾ: സുരജ് തോമസ്, സിമി തോമസ്. മരുമക്കൾ: ആശാ സൂരജ്, അനിൽ മാത്യു. പരേത കണ്ണൂർ പരിയാരം ഇടച്ചേരിയിൽ പരേതനായ വിൻസെൻറിൻറെയും കർമ്മലയുടെയും മകളാണ്. അന്ന ആൻറണി സഹോദരിയാണ്.
കഴിഞ്ഞ മാർച്ച് മൂന്നിന് പെൻഷൻ സംബന്ധമായ രേഖകൾ ശരിയാക്കുന്നതിന് സൂറിച്ചിലെത്തിയ സിൽവിയ ഹൃദയസംബന്ധമായ അസുഖത്തെ തുടർന്ന് ആശുപത്രിയിൽ പ്രവേശിപ്പിക്കുകയും മാർച്ച് 31ന് ഹൃദയാഘാതം മൂലം മരണമടയുകയുമായിരുന്നു.
25 വർഷക്കാലം വിയന്നയിലെ റോസൻ ഹ്യൂഗൽ ആശുപത്രിയിലും 10 വർഷക്കാലം ബേണിലെ ടിലിയ ആതുര ശുശ്രൂഷാ കേന്ദ്രത്തിലും നഴ്സായി സേവനമനുഷ്ടിച്ചിരുന്നു. സിൽവിയ മികച്ച ആരോഗ്യ ശുശ്രൂഷാ പ്രവർത്തകയായിരുന്നുവെന്ന് സഹപ്രവർത്തകർ അനുസ്മരിച്ചു.
വെള്ളിയാഴ്ച അതിരാവിലെ നെടുന്പാശേരിയിലെത്തിക്കുന്ന മൃതദേഹം മുളന്തുരുത്തി മൈത്രീ നഗറിലെ ഭവനത്തിലെത്തിക്കുകയും 9 മണിക്ക് സംസ്കാര ശുശ്രൂഷകൾ ആരംഭിച്ച് 11.30ന് മുളന്തുരുത്തി മാർത്തൊമ്മൻ കത്തീഡ്രൽ പള്ളിയിൽ സംസ്കരിക്കുന്നതുമാണ്.
വിശദവിവരങ്ങൾക്ക്:സൂരജ് തോമസ്: 0091 9895170991,ജൂലി ജോർജ്: 0041 788311325
റിപ്പോർട്ട്: ഷിജി ചീരംവേലിൽ
സ്വിറ്റ്സർലൻഡിൽ നിര്യാതയായ സിൽവിയ തോമസ് അത്താണിക്കലിന്റെ സംസ്കാരം വെള്ളിയാഴ്ച
11:35 PM Apr 21, 2021 | Deepika.com