ഡബ്ലിൻ : കോവിഡ് കാലത്ത് വേറിട്ട രീതിയിൽ നടത്തിയ കലാ കായിക മത്സരങ്ങളിലൂടെ ശ്രദ്ധേയരായിരിക്കുകയാണ് നീനയിലെ കൈരളി അസോസിയേഷൻ. അംഗങ്ങൾക്ക് മാനസികവും ശാരീരികവുമായ ഉണർവ് സമ്മാനിക്കുവാൻ ഇതുമൂലം കൈരളി നേതൃത്വത്തിന് സാധിച്ചു . ആദ്യമായാണ് ഇത്തരത്തിൽ ഇവിടെ ഒരു മലയാളി അസോസിയേഷന്റെ നേതൃത്വത്തിൽ വെർച്യുൽ മത്സരങ്ങൾ നടത്തപ്പെടുന്നതെന്ന് കൈരളി അസോസിയേഷൻ പ്രസിഡന്റ് റിനുകുമാരൻ രാധാനാരായണൻ പറഞ്ഞു .
വിവിധ പ്രായത്തിലുള്ള കുട്ടികൾക്കായി സ്മൈലിംഗ്, ഡ്രോയിംഗ് , പെയിന്റിംഗ്, ഫോട്ടോഗ്രഫി എന്നിവയും മുതിർന്നവർക്കായി പുരുഷന്മാർക്കായി പുഷ്അപ് ചലഞ്ച്, കൂടാതെ പുരുഷ·ാർക്കും സ്ത്രീകൾക്കുമായി നടപ്പു മത്സരം, guess the sound ചലഞ്ച് എന്നിവയും നടത്തപ്പെട്ടു. മുതിർന്നവരുടെ മത്സരങ്ങളിലെല്ലാം ഒരു മാസം വീതം നീണ്ടുനിന്ന വീറും വാശിയുമേറിയ പ്രകടനങ്ങൾക്കൊടുവിലാണ് വിജയിയെ കണ്ടെത്തിയത്.
ഗവണ്മെന്റിന്റെ 'keep well campaign' നിൽ നിന്നും പ്രചോദനം ഉൾക്കൊണ്ട് എല്ലാ തലമുറകളിലും ഉള്ളവരെ ഉൾപ്പെടുത്തി ഇത്തരത്തിലുള്ള മത്സരങ്ങൾ നടത്തി കൈരളി അംഗങ്ങളുടെ ശാരീരിക, മാനസിക ആരോഗ്യം നിലനിർത്താനും പരിപോഷിപ്പിക്കുവാനും സാധിച്ചതിൽ സന്തോഷമുണ്ടെന്നും കോവിഡ് കാലത്ത് ഇത്തരത്തിൽ മത്സരങ്ങൾ നടത്തിയതിന് ഗവണ്മെന്റിൽ നിന്നും ഗ്രാൻഡ് ലഭിച്ചതായും പ്രസിഡന്റ് കൂട്ടിച്ചേർത്തു .ജനുവരി ആദ്യം തുടങ്ങി മാർച്ച് അവസാനം വരെ മത്സാരങ്ങൾ നീണ്ടുനിന്നു. റിനുകുമാരൻ , വിമൽ ജോണ്, വിശാഖ് നാരായണൻ, വിനീത പ്രമോദ്, അഞ്ജിത എബി എന്നിവർ മത്സരങ്ങൾക്ക് നേതൃത്വം നൽകി .
റിപ്പോർട്ട് ജെയ്സണ് കിഴക്കയിൽ
നീനാ കൈരളിയുടെ കലാ കായിക മത്സരങ്ങൾ ശ്രദ്ധേയമായി
02:53 AM Apr 07, 2021 | Deepika.com