ഇന്ത്യൻ നാഷണൽ കോൺഗ്രസ് പ്രസ്ഥാനത്തിന് ഊർജ്ജം പകരാൻ, കോൺഗ്രസ്സ് പ്രസ്ഥാനമെന്ന അഭിമാന വികാരം ഉണർത്തി, പ്രസ്ഥാനത്തോടുള്ള കൂറും സ്നേഹവും ബോദ്ധ്യവും പൂർവ്വാധികം ശക്തിപ്പെടുത്തുന്നതിനും നിഷ്പക്ഷമതികൾക്കും അല്ലാത്തവർക്കും പ്രസ്ഥാനത്തെപ്പറ്റിയുള്ള വ്യക്തമായ അറിവ് നല്കുന്നതിനുമായി ആവശ്യമായ എല്ലാ അടിസ്ഥാനവിവരങ്ങളടക്കം സമാഹരിച്ചു പൂർത്തിയാവുന്ന എംപവർ കോൺഗ്രസ്സ് വെബ് ഇനി മുതൽ കോൺഗ്രസ്സിന്റെ ശക്തിസ്രോതസ്സാവും എന്ന് തീർച്ച. ബോബിൻ ഫിലിഫ് എന്ന കോൺഗ്രസ്സിന്റെ കരുത്തനായ പടയാളി സ്വയം ഉത്തരവാദിത്വം ഏറ്റെടുത്തു തന്റെ കഠിനാദ്ധ്വാനത്തിലൂടെ പ്രസ്തുത വെബ് തയ്യാറാക്കുമ്പോൾ അതിലേക്കുള്ള എളിയ പ്രോത്സാഹനം നൽകുവാനും ഈ തെരഞ്ഞെടുപ്പ് വേളയിൽ ഐഒസി യുകെ കേരളാ ചാപ്റ്ററിനു കഴിഞ്ഞുവെന്നതും കോൺഗ്രസ്സ് പ്രസ്ഥാനത്തോടുള്ള അഭികാമ്യമായ സ്നേഹവും പ്രതിബദ്ധതയുമാണ് കാണിക്കുക.
വിവിധ പരിപാടികൾക്ക് പ്രസിഡന്റ് സുജു ഡാനിയേൽ, തെരഞ്ഞെടുപ്പ് കമ്മിറ്റി കൺവീനർ രാജേഷ് പാട്ടീൽ, അശ്വതി നായർ, സുരാജ് കൃഷ്ണൻ, ബോബിൻ ഫിലിഫ്, ഇൻസൺ ജോസ്, അപ്പച്ചൻ,അജിത്, അനിൽ, ജോസഫ് കൊച്ചുപുരക്കൽ എന്നിവർ നേതൃത്വം നൽകി. ഐഒസി ദേശീയ പ്രസിഡന്റ് കമൽ ദാലിവാൽ, വൈസ് പ്രസിഡണ്ട് ഗുർമിന്ദർ എന്നിവരും ഐഒസി യുടെ പ്രവർത്തനങ്ങൾക്ക് പ്രോത്സാഹനമായി ഒപ്പം ഉണ്ടായിരുന്നു.
റിപ്പോർട്ട്: അപ്പച്ചൻ കണ്ണൻചിറ