എം.ജി. ജോർജ് മുത്തൂറ്റിന് ഡിഎംഎ ആദരാഞ്ജലികൾ അർപ്പിച്ചു

ന്യൂഡൽഹി: ഡൽഹി മലയാളി അസോസിയേഷന്‍റെ ഉപദേശക സമിതിയിലെ അംഗമായിരുന്ന എം.ജി. ജോർജ് മുത്തൂറ്റ് മലയാളികളുടെ മാത്രമല്ല എന്നെന്നും മനുഷ്യ മനസുകളിൽ മായാതെ നിറഞ്ഞു നിൽക്കുന്ന ഒരു വ്യക്തിത്വത്തിനുടമയായിരുന്നു എന്ന് ഡൽഹി മലയാളി അസോസിയേഷൻ ഓർമ്മിച്ചു.അദ്ദേഹത്തിന്റെ വേർപാട് ഡിഎംഎക്ക് നികത്താനാവാത്ത നഷ്ടമാണെന്നും പ്രസിഡന്‍റ് കെ രഘുനാഥ് പറഞ്ഞു.

എം.ജി. ജോർജ് മുത്തൂറ്റിന്‍റെ ദേവ വിയോഗത്തിൽ അദ്ദേഹത്തിന്‍റെ കുടുംബത്തോടും ബന്ധു മിത്രാദികളോടുമൊപ്പം ഡൽഹി മലയാളി അസോസിയേഷനും അഗാധമായ ദുഃഖം രേഖപ്പെടുത്തുന്നു.

ഡിഎംഎ പ്രസിഡന്‍റ് കെ രഘുനാഥ്, ഉപദേശക സമിതി അംഗം ബാബു പണിക്കർ, അഡീഷണൽ ജനറൽ സെക്രട്ടറി കെ ജെ ടോണി, നിർവാഹക സമിതി അംഗം കാലേഷ് ബാബു, ദ്വാരക ഏരിയാ ജോയിന്‍റ് സെക്രട്ടറി ജയകുമാർ, മുൻ കേന്ദ്രക്കമ്മിറ്റി ഭാരവാഹി യു രാധാകൃഷ്ണൻ തുടങ്ങിയവർ ഹൗസ് ഖാസ് പള്ളിയിലെത്തി അദ്ദേഹത്തിന്റെ മൃതദേഹത്തിൽ പുഷ്പചക്രം അർപ്പിച്ചു.

റിപ്പോർട്ട്: പി.എൻ. ഷാജി