പാരീസ്: ആമസോണ് പ്രൈമിൽ ലോകമെന്പാടും റിലീസ് ചെയ്ത ജിത്തു ജോസഫ് മോഹൻലാൽ സിനിമ ദൃശ്യം 2-വിന്റെ വിജയാഘോഷം പാരിസിലെ ഈഫെൽ ഗോപുരത്തിന് മുന്പിൽ നടത്തി. പാരീസിലെ മോഹൻലാൽ ഫാൻസ് ക്ലബ് കൂട്ടായ്മയായായ വിസ്മയം കൂട്ടായ്മയാണ് ആഘോഷപരിപാടികൾക്കു നേതൃത്വം നൽകിയത്.
ലോകമെങ്ങും പ്രേക്ഷകർ ആഘോഷമാക്കിയ സിനിമയുടെ വിജയാഘോഷത്തിൽ പങ്കെടുക്കാൻ പാരിസിന്റെ വിവിധ ഭാഗങ്ങളിൽ നിന്നുള്ള മലയാളികൾ ഒത്തുചേർന്നു. വിസ്മയം ഭാരവാഹികൾ കേക്ക് മുറിച്ച് ആഘോഷപരിപാടികൾക്കു തുടക്കം കുറിച്ചു. കോവിഡ് പ്രതിസന്ധികൾ എല്ലാം മറികടന്നു മോഹൻലാലിന്റെ അടുത്ത സിനിമ മരക്കാർ തീയേറ്ററിൽ കാണാമെന്നുള്ള ആഗ്രഹങ്ങളുമായാണ് ആരാധകർ പിരിഞ്ഞത്.
റിപ്പോർട്ട്: ജോബി ആന്റണി
പാരീസിലെ മോഹൻലാൽ ഫാൻസ് കൂട്ടായ്മ ദൃശ്യം 2 സിനിമയുടെ വിജയാഘോഷം സംഘടിപ്പിച്ചു
12:41 AM Mar 02, 2021 | Deepika.com