ലണ്ടൻ: കോവിഡ് മഹാമാരിയുടെ തകർച്ചയിലും ലോകത്തിന് പ്രത്യാശയും നവ ചൈതന്യവും പുതിയ ദിശാബോധവും നൽകിക്കൊണ്ട് സെഹിയോൻ യുകെ രണ്ടാം ശനിയാഴ്ച കണ്വൻഷൻ 13 ന് ഓണ്ലൈനിൽ നടക്കുന്പോൾ കുട്ടികൾക്കും സെഹിയോൻ യുകെയുടെ കിഡ്സ് ഫോർ കിംഗ്ഡം ടീമിന്റെ നേതൃത്വത്തിൽ പ്രത്യേക ശുശ്രൂഷ ഉണ്ടായിരിക്കും.
അത്ഭുതകരമായ വിടുതലും രോഗശാന്തിയും ജീവിത നവീകരണവും ഓരോതവണയും സംഭവിച്ചുകൊണ്ടിരിക്കുന്ന കണ്വൻഷൻ യുകെ സമയം രാവിലെ 9 മുതൽ ആരംഭിക്കുന്പോൾ ഉച്ചയ്ക്ക് 12 മുതൽ 1 വരെ പ്രീ ടീൻസ് കുട്ടികൾക്കും 1 മുതൽ 2 വരെ ടീനേജ് പ്രായക്കാരായ കുട്ടികൾക്കും ഇംഗ്ലീഷിൽ പ്രത്യേക കണ്വൻഷൻ നടക്കും .
WWW.SEHIONUK.ORG/LIVE എന്ന വെബ്സൈറ്റിലും സെഹിയോൻ യൂട്യൂബ്, ഫേസ്ബുക്ക്, ടീൻസ് ഫോർ കിംഗ്ഡം ഫേസ്ബുക്ക് പേജുകളിലും ശുശ്രൂഷ ലൈവ് ആയി കാണാവുന്നതാണ്.
രോഗ പീഡകൾക്കെതിരെ പ്രാർഥനയുടെ കോട്ടകൾ തീർത്തുകൊണ്ട്, ദേശ ഭാഷാ വ്യത്യാസമില്ലാതെ അനേകർ പങ്കെടുക്കുന്ന , വി. കുർബാന,വചന പ്രഘോഷണം, ആരാധന എന്നിവ ഉൾപ്പെടുന്ന രണ്ടാം ശനിയാഴ്ച്ച ബൈബിൾ കണ്വെൻഷനിലേക്ക് സെഹിയോൻ മിനിസ്ട്രി യേശുനാമത്തിൽ ഏവരെയും ക്ഷണിക്കുന്നു.
കൂടുതൽ വിവരങ്ങൾക്ക്
ജോണ്സണ് +44 7506 810177
അനീഷ് 07760 254700
ബിജുമോൻ മാത്യു 07515 368239
റിപ്പോർട്ട്: ബാബു ജോസഫ്
സെഹിയോൻ യുകെ രണ്ടാം ശനിയാഴ്ച കണ്വൻഷനിൽ കുട്ടികളുടെ പ്രത്യേക ശുശ്രൂഷ
11:38 PM Feb 11, 2021 | Deepika.com