ഇരിട്ടി: ആർച്ച്ബിഷപ് എമെരിറ്റസ് മാർ ജോർജ് ഞറളക്കാട്ടിന്റെ പൗരോഹിത്യ സുവർണ ജൂബിലി സ്മാരകമായി ആരംഭിച്ച എയ്ഞ്ചൽ ട്രസ്റ്റിന്റെ രണ്ടാമത് സൗജന്യ ഡയാലിസിസ് സെന്റർ ഇരിട്ടിയിൽ നാളെ 12.30ന് സ്പീക്കർ എ.എൻ. ഷംസീർ ഉദ്ഘാടനം ചെയ്യും.
തലശേരി അതിരൂപത ആർച്ച്ബിഷപ് മാർ ജോസഫ് പാംപ്ലാനി അധ്യക്ഷത വഹിക്കും. പരേതനായ ഫാ. ജോസ് മണിപ്പാറ സ്ഥാപിച്ച സച്ചിദാനന്ദ പ്രകൃതിക്ഷേത്ര ട്രസ്റ്റിന്റെ കടത്തുംകടവിലെ കെട്ടിടത്തിലാണ് അതിരൂപതയുടെ സാമൂഹ്യസേവന വിഭാഗമായ തലശേരി സോഷ്യൽ സർവീസ് സൊസൈറ്റി ഡയാലിസിസ് സെന്റർ ഒരുക്കിയിട്ടുള്ളത്. ഡയാലിസിസ് ചികിത്സാരംഗത്ത് ഇരിട്ടി മേഖലയിൽ ആദ്യത്തെയും സംസ്ഥാനത്ത് രണ്ടാമത്തേതുമായ ജർമൻ നിർമിത അത്യാധുനിക എച്ച്ഡിഎഫ് മെഷീനുകൾ ഇവിടെ സജീകരിച്ചിട്ടുണ്ട്.
എടൂർ, പേരാവൂർ, കുന്നോത്ത്, നെല്ലിക്കാംപൊയിൽ ഫൊറോന പരിധിയിലുള്ള പ്രദേശങ്ങളിലെ നിർധനരായ രോഗികൾക്ക് സൗജന്യ ഡയാലിസിസ് സൗകര്യം ഒരുക്കുകയാണ് ലക്ഷ്യം. ആദ്യഘട്ടത്തിൽ ഒരു ദിവസം 30 പേർക്ക് ഡയാലിസിസ് നടത്താനാകും.
ഫൊറോന വികാരിമാരായ റവ.ഡോ. ജോസഫ് കൊച്ചുകരോട്ട് (പേരാവൂർ), ഫാ. തോമസ് വടക്കേമുറിയിൽ (എടൂർ), ഫാ. അഗസ്റ്റിൻ പാണ്ട്യാംമാക്കൽ (കുന്നോത്ത്), ഫാ. ജോസഫ് കാവനാടിയിൽ (നെല്ലിക്കാംപൊയിൽ) എന്നിവരുടെ നേതൃത്വത്തിൽ മേഖലയിലെ 50 ഓളം ഇടവക വികാരിമാരും ഇടവകകളിൽനിന്നു തെരഞ്ഞെടുക്കപ്പെടുന്നവരും ചേർന്ന കമ്മിറ്റിയുടെ നേതൃത്വത്തിലാണ് അതത് പ്രദേശത്തെ രോഗികളുടെ സൗജന്യ ഡയാലിസിസ് നിർവഹിക്കുന്നത്. നെഫ്രോളജിസ്റ്റ് ഡോ. ടോം ജോസിന്റെ നേതൃത്വത്തിലുള്ള മെഡിക്കൽ ടീമന്റെ നിരീക്ഷണം ഡയാലിസിസ് സെന്ററിൽ ഉണ്ടായിരിക്കുമെന്നും ചെറുപുഴയിലും കാഞ്ഞങ്ങാടും സൗജന്യ ഡയാലിസിസ് സെന്ററുകൾ ഉടൻ തുറക്കുമെന്നും തലശേരി അതിരൂപത വികാരി ജനറാൾ മോൺ. സെബാസ്റ്റ്യൻ പാലാക്കുഴി, ടിഎസ്എസ്എസ് ഡയറക്ടർ ഫാ. ബെന്നി നിരപ്പേൽ, നെല്ലിക്കാംപൊയിൽ സെന്റ് സെബാസ്റ്റ്യൻസ് ഫൊറോന വികാരി ഫാ. ജോസഫ് കാവനാടി, എയ്ഞ്ചൽ ഇരിട്ടി ഡയറക്ടർ ഫാ. തോമസ് മുണ്ടമറ്റം എന്നിവർ അറിയിച്ചു.
തലശേരി അതിരൂപത ആർച്ച്ബിഷപ് മാർ ജോസഫ് പാംപ്ലാനി അധ്യക്ഷത വഹിക്കും. പരേതനായ ഫാ. ജോസ് മണിപ്പാറ സ്ഥാപിച്ച സച്ചിദാനന്ദ പ്രകൃതിക്ഷേത്ര ട്രസ്റ്റിന്റെ കടത്തുംകടവിലെ കെട്ടിടത്തിലാണ് അതിരൂപതയുടെ സാമൂഹ്യസേവന വിഭാഗമായ തലശേരി സോഷ്യൽ സർവീസ് സൊസൈറ്റി ഡയാലിസിസ് സെന്റർ ഒരുക്കിയിട്ടുള്ളത്. ഡയാലിസിസ് ചികിത്സാരംഗത്ത് ഇരിട്ടി മേഖലയിൽ ആദ്യത്തെയും സംസ്ഥാനത്ത് രണ്ടാമത്തേതുമായ ജർമൻ നിർമിത അത്യാധുനിക എച്ച്ഡിഎഫ് മെഷീനുകൾ ഇവിടെ സജീകരിച്ചിട്ടുണ്ട്.
എടൂർ, പേരാവൂർ, കുന്നോത്ത്, നെല്ലിക്കാംപൊയിൽ ഫൊറോന പരിധിയിലുള്ള പ്രദേശങ്ങളിലെ നിർധനരായ രോഗികൾക്ക് സൗജന്യ ഡയാലിസിസ് സൗകര്യം ഒരുക്കുകയാണ് ലക്ഷ്യം. ആദ്യഘട്ടത്തിൽ ഒരു ദിവസം 30 പേർക്ക് ഡയാലിസിസ് നടത്താനാകും.
ഫൊറോന വികാരിമാരായ റവ.ഡോ. ജോസഫ് കൊച്ചുകരോട്ട് (പേരാവൂർ), ഫാ. തോമസ് വടക്കേമുറിയിൽ (എടൂർ), ഫാ. അഗസ്റ്റിൻ പാണ്ട്യാംമാക്കൽ (കുന്നോത്ത്), ഫാ. ജോസഫ് കാവനാടിയിൽ (നെല്ലിക്കാംപൊയിൽ) എന്നിവരുടെ നേതൃത്വത്തിൽ മേഖലയിലെ 50 ഓളം ഇടവക വികാരിമാരും ഇടവകകളിൽനിന്നു തെരഞ്ഞെടുക്കപ്പെടുന്നവരും ചേർന്ന കമ്മിറ്റിയുടെ നേതൃത്വത്തിലാണ് അതത് പ്രദേശത്തെ രോഗികളുടെ സൗജന്യ ഡയാലിസിസ് നിർവഹിക്കുന്നത്. നെഫ്രോളജിസ്റ്റ് ഡോ. ടോം ജോസിന്റെ നേതൃത്വത്തിലുള്ള മെഡിക്കൽ ടീമന്റെ നിരീക്ഷണം ഡയാലിസിസ് സെന്ററിൽ ഉണ്ടായിരിക്കുമെന്നും ചെറുപുഴയിലും കാഞ്ഞങ്ങാടും സൗജന്യ ഡയാലിസിസ് സെന്ററുകൾ ഉടൻ തുറക്കുമെന്നും തലശേരി അതിരൂപത വികാരി ജനറാൾ മോൺ. സെബാസ്റ്റ്യൻ പാലാക്കുഴി, ടിഎസ്എസ്എസ് ഡയറക്ടർ ഫാ. ബെന്നി നിരപ്പേൽ, നെല്ലിക്കാംപൊയിൽ സെന്റ് സെബാസ്റ്റ്യൻസ് ഫൊറോന വികാരി ഫാ. ജോസഫ് കാവനാടി, എയ്ഞ്ചൽ ഇരിട്ടി ഡയറക്ടർ ഫാ. തോമസ് മുണ്ടമറ്റം എന്നിവർ അറിയിച്ചു.