വൈക്കം: വൈക്കം താലൂക്ക് ആശുപത്രിയിൽ വാഹന പാർക്കിംഗിന് ഏർപ്പെടുത്തിയ അമിത നിരക്ക് പിൻവലിക്കാൻ നഗരസഭാ അധികൃതർ നടപടി സ്വീകരിക്കണമെന്ന് ഡിവൈഎഫ്ഐ വൈക്കം ബ്ലോക്ക് കമ്മിറ്റി ആവശ്യപ്പെട്ടു.
താലൂക്കാശുപത്രി എച്ച്എംസി യുടെ നിർദേശപ്രകാരം കഴിഞ്ഞ ആഴ്ചയാണ് വാഹന പാർക്കിംഗിന് ഫീസ് ഏർപ്പെടുത്തിയത്. വാഹന പാർക്കിംഗ് ഫീസ് പിരിക്കാനായി കുടുംബശ്രീ പ്രവർത്തകരെ നിയമിക്കുകയും ചെയ്തു. ഇരുചക്ര വാഹനങ്ങൾക്ക് 10 രൂപയും മറ്റു വാഹനങ്ങൾക്ക് 20 രൂപയുമാണ് ഫീസായി ഈടാക്കുന്നത്. എന്നാൽ, മരുന്നു വാങ്ങുന്നതിനും ടെസ്റ്റ് റിസൾട്ട് മേടിക്കുന്നതിനുമുൾപ്പെടെ ആവശ്യങ്ങൾക്കായി മിനിറ്റുകൾ മാത്രം ആശുപത്രിയിൽ തങ്ങുന്ന ആളുകളിൽനിന്ന് പോലും നിർബന്ധിതമായി പണം പിരിക്കുകയാണ്.
ആശുപത്രിയിൽ പരിമിതമായ സമയത്തേക്കു മാത്രം തങ്ങുന്ന വാഹനങ്ങൾക്ക് പാർക്കിംഗ് ഫീസ് ഒഴിവാക്കണമെന്നും നിശ്ചിത സമയത്തിനുമപ്പുറം പാർക്ക് ചെയ്യുന്ന വാഹനങ്ങൾക്ക് ഫീസ് ഈടാക്കണമെന്നുമുള്ള ആവശ്യം ശക്തമാണ്. അന്യായ ഫീസ് പിരിവ് ഒഴിവാക്കാൻ നഗരസഭാ അധികൃതർ ഉടൻ നടപടി സ്വീകരിച്ചില്ലെങ്കിൽ സമര പരിപാടികൾ ആരംഭിക്കുമെന്നു ഡിവൈഎഫ്ഐ വൈക്കം ബ്ലോക്ക് പ്രസിഡന്റ് ബ്രിജിൻ പ്രകാശ്, സെക്രട്ടറി ആനന്ദ് ബാബു എന്നിവർ പറഞ്ഞു.
താലൂക്കാശുപത്രി എച്ച്എംസി യുടെ നിർദേശപ്രകാരം കഴിഞ്ഞ ആഴ്ചയാണ് വാഹന പാർക്കിംഗിന് ഫീസ് ഏർപ്പെടുത്തിയത്. വാഹന പാർക്കിംഗ് ഫീസ് പിരിക്കാനായി കുടുംബശ്രീ പ്രവർത്തകരെ നിയമിക്കുകയും ചെയ്തു. ഇരുചക്ര വാഹനങ്ങൾക്ക് 10 രൂപയും മറ്റു വാഹനങ്ങൾക്ക് 20 രൂപയുമാണ് ഫീസായി ഈടാക്കുന്നത്. എന്നാൽ, മരുന്നു വാങ്ങുന്നതിനും ടെസ്റ്റ് റിസൾട്ട് മേടിക്കുന്നതിനുമുൾപ്പെടെ ആവശ്യങ്ങൾക്കായി മിനിറ്റുകൾ മാത്രം ആശുപത്രിയിൽ തങ്ങുന്ന ആളുകളിൽനിന്ന് പോലും നിർബന്ധിതമായി പണം പിരിക്കുകയാണ്.
ആശുപത്രിയിൽ പരിമിതമായ സമയത്തേക്കു മാത്രം തങ്ങുന്ന വാഹനങ്ങൾക്ക് പാർക്കിംഗ് ഫീസ് ഒഴിവാക്കണമെന്നും നിശ്ചിത സമയത്തിനുമപ്പുറം പാർക്ക് ചെയ്യുന്ന വാഹനങ്ങൾക്ക് ഫീസ് ഈടാക്കണമെന്നുമുള്ള ആവശ്യം ശക്തമാണ്. അന്യായ ഫീസ് പിരിവ് ഒഴിവാക്കാൻ നഗരസഭാ അധികൃതർ ഉടൻ നടപടി സ്വീകരിച്ചില്ലെങ്കിൽ സമര പരിപാടികൾ ആരംഭിക്കുമെന്നു ഡിവൈഎഫ്ഐ വൈക്കം ബ്ലോക്ക് പ്രസിഡന്റ് ബ്രിജിൻ പ്രകാശ്, സെക്രട്ടറി ആനന്ദ് ബാബു എന്നിവർ പറഞ്ഞു.