മാലോം: ലോക വയോജന ദിനത്തോടനുബന്ധിച്ച് വയോധികരായായ അമ്മമാരുമയി സ്നേഹം പങ്കുവച്ച് വള്ളിക്കടവ് സെന്റ് സാവിയോ ഇംഗ്ലീഷ് മീഡിയം സ്കൂൾ വിദ്യാർഥികൾ. സ്നേഹപൂർവം എന്ന പദ്ധതിയിലൂടെ തങ്ങൾ ശേഖരിച്ച വിവിധ നിത്യോപയോഗ വസ്തുക്കളുമായി പുന്നക്കുന്ന് ഹോളി ട്രിനിറ്റി വയോജന മന്ദിരത്തിലെ അമ്മമാരെ കാണുവാൻ എത്തിയ കുട്ടികളെ ഏറെ സന്തോഷത്തോടെയാണ് ആശ്രമ അധികാരികളും അന്തേവാസികളായ അമ്മമാരും സ്വീകരിച്ചത്. പാട്ടും കളികളുമായി അമ്മമാർക്കൊപ്പം ചെലവഴിച്ച സമയം ഏറെ ഹൃദയസ്പർശിയായ അനുഭവമായിരുന്നെന്ന് വിദ്യാർഥികൾ പറഞ്ഞു. പ്രിൻസിപ്പൽ സിസ്റ്റർ ലിയ മരിയ എസ്എബിഎസ്, വൈസ് പ്രിൻസിപൽ സിസ്റ്റർ പ്രീതി എസ്എബിഎസ്, അധ്യാപകരായ ഏബ്രഹാം, മേരി ആന്റക്സ്, സിസിലി ഇഗ്നേഷ്യസ്, വിദ്യാർഥികളായ മെഹബൂബ മൻസൂർ, ട്രീസ ലോറൻസ്, ദിയ തെരേസ, അഞ്ജു റോജിൻ എന്നിവർ നേതൃത്വം നൽകി.