അ​ടി​യ​ന്ത​ര ചി​കി​ത്സ​യ്ക്ക് വാ​ഹ​ന സൗ​ക​ര്യ​മി​ല്ലാ​തെ ജ​നം വ​ല​യു​ന്നു

ചി​റ്റൂ​ർ : പു​ഴ​പ്പാ​ലം അ​ഗ്നി​ര​ക്ഷാ​നി​ല​യ​ത്തി​ൽ ആം​ബു​ല​ൻ​സ് ഇ​ല്ലാ​ത്ത​ത് വാ​ഹ​നാ​പ​ക​ട​ത്തി​ൽ​പ്പെ​ടു​ന്ന​വ​രെ ആ​ശു​പ​ത്രി​യി​ലെ​ത്തി​ക്കാ​ൻ സ്വ​കാ​ര്യ വാ​ഹ​ന​ങ്ങ​ളെ ആ​ശ്ര​യി​ക്കേ​ണ്ടി വ​രു​ന്ന​ത് പ​രി​ഹാ​രം കാ​ണ​ണ​മെ​ന്ന​ത് ജ​ന​കീ​യാ​വ​ശ്യ​മാ​യി​രി​ക്കു​ന്നു. നി​ല​വി​ലു​ണ്ടാ​യി​രു​ന്ന ആം​ബു​ല​ൻ​സി​ന്‍റെ പ്ര​വ​ർ​ത്ത​ന കാ​ലാ​വ​ധി ക​ഴി​ഞ്ഞ​തി​നാ​ലാ​ണ് ഉ​പ​യോ​ക്കാ​ൻ ക​ഴി​യാ​താ​യി​രി​ക്കു​ന്ന​ത്.
ചി​റ്റൂ​ർ ത​ത്ത​മം​ഗ​ലം ന​ഗ​ര​സ​ഭ, പെ​രു​മാ​ട്ടി, പ​ട്ട​ഞ്ചേ​രി, ന​ല്ലേ​പ്പി​ള്ളി, കൊ​ഴി​ഞ്ഞാ​ന്പാ​റ, വ​ട​ക​ര​പ്പ​തി പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ൽ അ​പ​ക​ട​ങ്ങ​ൾ മ​റ്റു അ​ത്യാ​ഹി​ത സം​ഭ​വ​ങ്ങ​ൾ ഉ​ണ്ടാ​യാ​ൽ ചി​റ്റൂ​രി​ൽ നി​ന്നും അ​ഗ്നി​ര​ക്ഷാ നി​ല​യ വാ​ഹ​ന​മാ​ണ് എ​ത്താ​റു​ള്ള​ത്. അ​പ​ക​ട​ത്തി​ൽ​പ്പെ​ടു​ന്ന​വ​ർ​ക്ക് ആം​ബു​ല​ൻ​സ് ഉ​പ​യോ​ഗി​ച്ചാ​ൽ ഫ​യ​ർ​ഫോ​ഴ്സി​ൽ വാ​ട​ക ന​ല്കേ​ണ്ട​തി​ല്ല. എ​ന്നാ​ൽ സ്വ​കാ​ര്യ ആം​ബു​ല​ൻ​സ് ഉ​പ​യോ​ഗി​ക്കു​ന്പോ​ൾ അ​പ​ക​ട​ത്തി​ൽ​പ്പെ​ട്ട​യാ​ൾ വാ​ട​ക ന​ല്കേ​ണ്ട​താ​യി വ​രു​ന്നു.
പ​ല​പ്പോ​ഴും സ്വ​കാ​ര്യ വാ​ഹ​ന​ത്തി​ൽ അ​പ​ക​ട​ത്തി​ൽ​പ്പെ​ട്ട​യാ​ളെ ക​യ​റ്റ​ണ​മെ​ങ്കി​ൽ ഉ​ത്ത​ര​വ​ാദ​പ്പെ​ട്ട​യാ​ൾ വേ​ണ​മെ​ന്നും ആ​വ​ശ്യ​പ്പെ​ടാ​റു​ണ്ട്. അ​പ​ക​ട​ത്തി​ൽ​പ്പെ​ട്ട​യാ​ൾ ദൂ​രെ​ദി​ക്കി​ൽ​പ്പെ​ട്ട​യാ​ളാ​ണെ​ങ്കി​ൽ സ​ഹാ​യ​ത്തി​നു ആ​ളെ കി​ട്ടാ​റു​മി​ല്ല.
ആ​റു​മാ​സം മു​ന്പ് ആം​ബു​ല​ൻ​സി​ന്‍റെ ആ​വ​ശ്യ​കത മ​ന​സി​ലാ​ക്കി​യ സം​സ്ഥാ​ന വൈ​ദ്യു​തി മ​ന്ത്രി കെ.​ കൃ​ഷ്ണ​ൻ​കു​ട്ടി പു​തി​യ ആം​ബു​ല​ൻ​സ് വാ​ഗ്ദാ​നം ചെ​യ്തി​രു​ന്നു. ഇ​തു എ​ത്തി​ക്കാ​നു​ള്ള ന​ട​പ​ടി​ക​ൾ അ​ന്തി​മ​ഘ​ട്ട​ത്തി​ലാ​യി​രി​ക്കു​ക​യാ​ണ്.
25 ല​ക്ഷം ചെ​ല​വി​ൽ അ​ത്യാ​ധു​നി​ക സൗ​ക​ര്യ​മു​ള്ള ആം​ബു​ല​ൻ​സാ​ണ് എ​ത്തു​ന്ന​ത്. വാ​ഹ​ന അ​പ​ക​ട​ങ്ങ​ളും മ​ര​ണ​ങ്ങ​ളും ചി​റ്റൂ​രി​ൽ കൂ​ടി​വ​രു​ന്ന​തി​ൽ ജ​നം ആ​ശ​ങ്ക​യി​ലാ​ണ്.
കൊ​ഴി​ഞ്ഞാ​ന്പാ​റ​യി​ൽ അ​ഗ്നി ര​ക്ഷാ​നി​ല​യം ആ​രം​ഭി​ക്കാ​ൻ സ​ർ​ക്കാ​ർ അ​നു​വാ​ദം ഉ​ണ്ടാ​യി​ട്ടു​ണ്ടെ​ങ്കി​ലും തു​ട​ർ ന​ട​പ​ടി​ക​ൾ ഇ​ഴ​യു​ന്ന​തി​നാ​ൽ ഇ​നി​യും വ​ർ​ഷ​ങ്ങ​ൾ കാ​ത്തി​രി​ക്കേ​ണ്ട​താ​യി വ​രു​മെ​ന്ന​താ​ണു നി​ല​വി​ലെ സാ​ഹ​ര്യം.
ചി​റ്റൂ​ർ നി​ല​യ​ത്തി​ൽ അ​ടി​യ​ന്ത​ര ആ​വ​ശ്യ​ങ്ങ​ൾ​ക്ക് വി​ളി​യെ​ത്തി​യാ​ൽ എ​എ​സ്ടി​ഒ ഉ​പ​യോ​ഗി​ക്കു​ന്ന വാ​ഹ​നം ഉ​പ​യോ​ഗി​ക്കു​ന്നു​ണ്ടെ​ങ്കി​ലും പ​രി​ക്കേ​റ്റ​വ​രെ സ്ട്ര​ച്ച​റി​ൽ ക​യ​റ്റാ​ൻ ജീ​പ്പി​ൽ സൗ​ക​ര്യ​ങ്ങ​ളു​മി​ല്ല.