ലണ്ടൻ: കർഷകരുടെ സഹകരണ മാർക്കറ്റുകളിലേക്കു കോർപറേറ്റുകൾക്ക് കടന്നുകയറാനുള്ള അവസരമൊരുക്കുക വഴി കരിഞ്ചന്തയും പൂഴ്ത്തിവയ്പ്പും പ്രോത്സാഹിപ്പിക്കപ്പെടുകയും കാർഷിക വിഭവങ്ങളുടെ താങ്ങുവില സന്പ്രദായം നശിപ്പിക്കുകയും ചെയ്യുന്ന കാർഷികബില്ലുകൾ പിൻവലിക്കണമെന്നാവശ്യപ്പെടുന്ന കർഷകസമരങ്ങളെ പ്രവാസി സമൂഹങ്ങളും പിന്തുണക്കണമെന്ന് കേരളാ കോണ്ഗ്രസ് സ്റ്റിയറിംഗ് കമ്മിറ്റി മെന്പറും ഗാന്ധിജി സ്റ്റഡി സെന്റർ വൈസ് ചെയർമാനുമായ അപു ജോണ് ജോസഫ് അഭ്യർഥിച്ചു. പ്രവാസി കേരള കോണ്ഗ്രസ് ഇംഗ്ലണ്ടിന്റെ നേതൃയോഗം ഉദ്ഘാടനം ചെയ്തു സംസാരിക്കുകയായിരുന്നു അപു ജോസഫ്.
കർഷക സമരങ്ങൾക്ക് പ്രവാസി കേരളാ കോണ്ഗ്രസിന്റെ പിന്തുണയറിയിക്കുന്ന പ്രമേയം യോഗത്തിൽ ജോസ് പരപ്പനാട്ട് അവതരിപ്പിച്ചു. യുവതലമുറയെയും വിവിധ ജനവിഭാഗങ്ങളെയും പാർട്ടിയിലേക്ക് ആകർഷിക്കുന്നതിന് അപു ജോണ് ജോസഫിനെപ്പോലെയുള്ള നേതാക്കളെ വരുന്ന നിയമസഭാ ഇലക്ഷനിൽ മത്സരിപ്പിക്കുവാൻ തയാറാകണമെന്ന് ജിപ്സണ് തോമസ് എട്ടുതൊട്ടിയിൽ അവതരിപ്പിച്ച പ്രമേയത്തിൽ ആവശ്യപ്പെട്ടു.
ബിജു മാത്യു ഇളംതുരുത്തിലിന്റെ അധ്യക്ഷതയിൽ ചേർന്ന ഓണ്ലൈൻ മീറ്റിംഗിൽ പ്രവാസി കേരളാ കോണ്ഗ്രസ് ഇംഗ്ലണ്ട് നേതാക്കളായ ജിപ്സണ് തോമസ് എട്ടുതൊട്ടിയിൽ, സിജോ വള്ളിയാനിപ്പുറം, ജോസ് പരപ്പനാട്ട് , സിബി കാവാട്ടുകുന്നേൽ, ബീറ്റാജ് കൂനന്പാറയിൽ, ജെയിംസ് അറക്കത്തോട്ടത്തിൽ, ജോയസ് ജോണ്, ജിസ് കാനാട്ട്, ബേബി ജോണ്, ജെറി ഉഴുന്നാലിൽ, മെജോ തുടങ്ങിയവർ സംസാരിച്ചു. പ്രവാസി കേരളാ കോണ്ഗ്രസിന്റെ പ്രവർത്തനങ്ങൾ ശക്തിപ്പെടുത്തുന്നതിനും യോഗം തീരുമാനിച്ചു.
കർഷക സമരത്തെ പ്രവാസി സമൂഹവും പിന്തുണയ്ക്കണം: അപു ജോണ് ജോസഫ്
11:10 PM Jan 20, 2021 | Deepika.com