ലണ്ടന്: യുകെയില് കണ്ടെത്തിയ ജനിതകമാറ്റം വന്ന കോവിഡ് വകഭേദം 50 രാജ്യങ്ങളിലേക്ക് വ്യാപിച്ചിട്ടുണ്ടെന്ന് ലോകാരോഗ്യ സംഘടന (ഡബ്ല്യൂഎച്ച്ഒ). ദക്ഷിണാഫ്രിക്കയിലും മറ്റൊരു കോവിഡ് വകഭേദം കണ്ടെത്തിയിട്ടുണ്ട്. ഈ കോവിഡ്20 രാജ്യങ്ങളില് റിപ്പോര്ട്ടു ചെയ്തിട്ടുണ്ടെന്നും ഡബ്ല്യൂഎച്ച്ഒ വെളിപ്പെടുത്തി.
ബ്രിട്ടനില് കണ്ടെത്തിയ വിഒസി 202012/01 വകഭേദത്തെപ്പറ്റി 2020 ഡിസംബര് 14 നാണ് ആദ്യം ലോകാരോഗ്യ സംഘടനയ്ക്ക് റിപ്പോര്ട്ടു ചെയ്യപ്പെട്ടത്. അതിനകം 50 രാജ്യങ്ങളിലേക്ക് വ്യാപിച്ചു കഴിഞ്ഞു.
വൈറസ് ബാധിക്കുന്നവരുടെ പ്രായവും ലിംഗവും മറ്റ് വകഭേദങ്ങളിലേതിന് സമാനമാണ്. എന്നാല് വ്യാപനശേഷി കൂടുതലാണെന്നാണ് സമ്പര്ക്കം കണ്ടെത്തിയതുമായി ബന്ധപ്പെട്ട വിവരങ്ങള് വ്യക്തമാക്കുന്നത്.
ദക്ഷിണാഫ്രിക്കയില് ഡിസംബര് 18 ന് കണ്ടെത്തിയ 501വൈ.വി2 വകഭേദം 20 രാജ്യങ്ങളിലേക്ക് വ്യാപിച്ചിട്ടുണ്ട്. ദക്ഷിണാഫ്രിക്കയില് നടത്തിയ പഠനങ്ങളില് പുതിയ വകഭേദം മുന്പുള്ളതിനെക്കാള് അതിവേഗം പടര്ന്നു പിടിക്കാന് സാധ്യതയുള്ളതാണെന്ന് കണ്ടെത്തിയിട്ടുണ്ട്.
ജനിതകമാറ്റം വന്ന കോവിഡ് യുകെയില് നിന്ന് 50 രാജ്യങ്ങളിലേക്ക് വ്യാപിച്ചതായി ഡബ്ല്യൂഎച്ച്ഒ
11:44 PM Jan 13, 2021 | Deepika.com