അടിതടകളുടെ ഡൽഹിയങ്കം

പ്രചാ​ര​ണ​ത്തി​നി​ടെ മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളി​ന്‍റെ മു​ഖ​ത്ത് അ​ടി​യേ​റ്റ​തോ​ടെ​യാ​ണു ത​ല​സ്ഥാ​ന​ത്ത് തെ​ര​ഞ്ഞെ​ടു​പ്പി​നു ചൂ​ടു​പി​ടി​ച്ച​ത്. അ​തു​വ​രെ സ​ഖ്യ​ത്തി​ന് സ​ന്ന​ദ്ധ​രാ​യി ആം ​ആ​ദ്മി പാ​ർ​ട്ടി​യും കൈ ​കൊ​ടു​ക്കാ​ൻ ത​യാ​റാ​കാ​തെ കോ​ണ്‍ഗ്ര​സും ഇ​രു​വ​ശം നി​ൽ​ക്കു​ന്ന​താ​യി​രു​ന്നു ചി​ത്രം. മു​ഖ​ത്തൊ​ര​ടി കി​ട്ടി​യ​തോ​ടെ കേ​ജ​രി​വാ​ൾ പൂ​ർ​വാ​ധി​കം ശ​ക്തി​യി​ൽ ബി​ജെ​പി​ക്കും മോ​ദി​ക്കു​മെ​തി​രേ ആ​ഞ്ഞ​ടി​ച്ചു തു​ട​ങ്ങി. പ്ര​തി​പ​ക്ഷ​ത്തി​ന്‍റെ സം​ര​ക്ഷ​ണ​യി​ൽ ക​ഴി​യേ​ണ്ടി​വ​രു​ന്ന ഇ​ന്ത്യ​യി​ലെ ഏ​ക മു​ഖ്യ​മ​ന്ത്രി താ​നാ​യി​രി​ക്കും എ​ന്ന കേ​ജ​രി​വാ​ളി​ന്‍റെ പ​രാ​മ​ർ​ശ​ത്തി​ലു​ണ്ടു പ​രി​മി​തി​ക​ൾ​ക്കു​ള്ളി​ൽ ക​ഴി​യു​ന്ന ഡ​ൽ​ഹി സം​സ്ഥാ​ന​ത്തെ ഭ​ര​ണ​പ​ക്ഷ​ത്തി​ന്‍റെ വീ​ർ​പ്പു​മു​ട്ട​ലു​ക​ൾ.

മേ​യ് 12ന് ​ന​ട​ക്കു​ന്ന തെ​ര​ഞ്ഞെ​ടു​പ്പി​ൽ ക​ഴി​ഞ്ഞ ര​ണ്ടു നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ലെ​യും​പോ​ലെ ലോ​ക്സ​ഭാ തെ​ര​ഞ്ഞെ​ടു​പ്പി​ലും വി​ജ​യം തൂ​ത്തു​വാ​രി എ​ടു​ക്കാം എ​ന്ന പ്ര​തീ​ക്ഷ​യാ​ണ് ആം ​ആ​ദ്മി പാ​ർ​ട്ടി​ക്കു​ള്ള​ത്. തു​ട​ർ​ച്ച​യാ​യി മൂ​ന്നു ത​വ​ണ ഡ​ൽ​ഹി ഭ​രി​ച്ച മു​ഖ്യ​മ​ന്ത്രി ഷീ​ല ദീ​ക്ഷി​തി​ന്‍റെ നേ​തൃ​ത്വ​ത്തി​ൽ ഒ​രു മ​ട​ങ്ങി​വ​ര​വി​നൊ​രു​ങ്ങി​യാ​ണു കോ​ണ്‍ഗ്ര​സ് തെ​ര​ഞ്ഞെ​ടു​പ്പു ഗോ​ദ​യി​ൽ ഇ​റ​ങ്ങി​യി​രി​ക്കു​ന്ന​ത്. ബി​ജെ​പി​യാ​ക​ട്ടെ മോ​ദി പ്ര​ഭാ​വം, ദേ​ശ​സ്നേ​ഹം, സ​ർ​ജി​ക്ക​ൽ സ്ട്രൈ​ക്ക് എ​ന്നി​വ​യെ​ല്ലാം ചൂ​ണ്ടി​ക്കാ​ട്ടി ത​ല​സ്ഥാ​നം കൂ​ടി ത​ങ്ങ​ളു​ടെ കൈ​പ്പി​ടി​യി​ൽ ഒ​തു​ക്കാ​മെ​ന്ന പ്ര​തീ​ക്ഷ​യി​ലു​മാ​ണ്.

കേ​ര​ള​ത്തി​ലെ​പ്പോ​ലെ ഫ്ളെക്സു​ക​ളു​ടെ ബാ​ഹു​ല്യ​മോ അ​ണി​ക​ളോ​ടൊ​പ്പം വോ​ട്ട് തേ​ടി വീ​ടു ക​യ​റു​ന്ന നേ​താ​ക്ക​ളോ ശ​ബ്ദ​മു​ഖ​രി​ത​മാ​യ പ്ര​ചാ​ര​ണ വാ​ഹ​ന​ങ്ങ​ളോ ഡ​ൽ​ഹി​യി​ൽ പ​തി​വു​കാ​ഴ്ച​യ​ല്ല. റോ​ഡ് ഷോ​ക​ളി​ലും ട്വി​റ്റ​റും ഫേ​സ്ബു​ക്കും അ​ട​ക്ക​മു​ള്ള സോ​ഷ്യ​ൽമീ​ഡി​യ​യി​ലു​മാ​ണ് പ്ര​ചാ​ര​ണ മ​ത്സ​രം അ​ര​ങ്ങു​കൊ​ഴു​പ്പി​ക്കു​ന്ന​ത്. ഡ​ൽ​ഹി ക​രോ​ൾ ബാ​ഗി​ന​ടു​ത്ത ഈ​ദ് ഗാ​ഹി​ൽ കോ​ണ്‍ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​യു​ടെ റോ​ഡ് ഷോ ​കൂ​ടി​യാ​യ​പ്പോ​ൾ ഡ​ൽ​ഹി ഇ​ള​കി മ​റി​ഞ്ഞു.

കേ​ജ​രി​വാ​ൾ ത​ന്‍റെ റോ​ഡ് ഷോ ​നേ​ര​ത്തേ തു​ട​ങ്ങി​വ​ച്ചി​രു​ന്നു. ഇ​നി മോ​ദി കൂ​ടി ഡ​ൽ​ഹി​യു​ടെ നി​ര​ത്തി​ലേ​ക്കി​റ​ങ്ങു​ന്ന​തോ​ടെ പ്ര​ചാ​ര​ണം മ​റ്റൊ​രു ലെ​വ​ലി​ലാ​കും. തെ​ര​ഞ്ഞെ​ടു​പ്പു ക​മ്മീ​ഷ​ൻ പ്ര​ദ​ർ​ശ​ന അ​നു​മ​തി നി​ഷേ​ധി​ച്ച പി​എം മോ​ദി എ​ന്ന ചി​ത്ര​ത്തി​ൽ മോ​ദി​യു​ടെ വേ​ഷം അ​ഭി​ന​യി​ച്ച വി​വേ​ക് ഒ​ബ്റോ​യി ക​ഴി​ഞ്ഞ ദി​വ​സ​ങ്ങ​ളി​ൽ ബി​ജെ​പി​ക്കു​വേ​ണ്ടി പ്ര​ചാ​ര​ണ​ത്തി​നി​റ​ങ്ങി​യി​രു​ന്നു. ശോ​ഭ സു​രേ​ന്ദ്ര​ൻ, വി. ​മു​ര​ളീ​ധ​ര​ൻ, കെ. ​സു​രേ​ന്ദ്ര​ൻ ഉ​ൾപ്പെടെ​യു​ള്ള കേ​ര​ള​ത്തി​ൽ നി​ന്നു​ള്ള പാ​ർ​ട്ടി നേ​താ​ക്ക​ളും ബി​ജെ​പി​ക്കു​വേ​ണ്ടി പ്ര​ചാ​ര​ണ രം​ഗ​ത്ത് ഇ​റ​ങ്ങു​ന്നു​ണ്ട്. കോ​ണ്‍ഗ്ര​സി​നു​വേ​ണ്ടി എ​ഐ​സി​സി ജ​ന​റ​ൽ സെ​ക്ര​ട്ട​റി ഉ​മ്മ​ൻ ചാ​ണ്ടി ക​ഴി​ഞ്ഞ ദി​വ​സം പ്ര​ചാ​ര​ണ​ത്തി​നെ​ത്തി​യി​രു​ന്നു.

സാ​ധ്യ​മാ​കാ​ത്ത സ​ഖ്യം

തെ​ര​ഞ്ഞെ​ടു​പ്പു തീ​യ​തി പ്ര​ഖ്യാ​പ​ന​ത്തി​ന് മു​ൻ​പ് ത​ന്നെ ആം ​ആ​ദ്മി പാ​ർ​ട്ടി​യും കോ​ണ്‍ഗ്ര​സും സ​ഖ്യം സം​ബ​ന്ധി​ച്ചു ച​ർ​ച്ച​ക​ൾ തു​ട​ങ്ങി​വ​ച്ചി​രു​ന്ന​താ​ണ്. സ​ഖ്യം സം​ബ​ന്ധി​ച്ച ച​ർ​ച്ച​ക​ളി​ലും നീ​ക്ക​ങ്ങ​ളി​ലും കേ​ജ​രി​വാ​ൾ ഓ​വ​ർ​സ്മാ​ർ​ട്ടാ​യി എ​ന്നാ​ണ് മു​തി​ർ​ന്ന കോ​ണ്‍ഗ്ര​സ് നേ​താ​വ് ക​പി​ൽ സി​ബ​ൽ ഇ​ന്ന​ലെ കു​റ്റ​പ്പെ​ടു​ത്തി​യ​ത്.

സ്ഥാ​ന​മൊ​ഴി​ഞ്ഞ ഡ​ൽ​ഹി കോ​ണ്‍ഗ്ര​സ് മു​ൻ അ​ധ്യ​ക്ഷ​ൻ അ​ജ​യ് മാ​ക്ക​നും ആം ​ആ​ദ്മി പാ​ർ​ട്ടി ക​ണ്‍വീ​ന​ർ കേ​ജ​രി​വാ​ളി​നും പ​ര​സ്പ​ര സ​ഖ്യ​ത്തി​ലെ​ത്താ​ൻ മ​ന​സു​ണ്ടാ​യി​രു​ന്നു. ബി​ജെ​പി​യെ പ​രാ​ജ​യ​പ്പെ​ടു​ത്താ​ൻ വേ​ണ​മെ​ങ്കി​ൽ സ​ഖ്യ​മാ​കാം എ​ന്ന​താ​യി​രു​ന്നു ഡ​ൽ​ഹി കോ​ണ്‍ഗ്ര​സി​ന്‍റെ ചു​മ​ത​ല​യു​ള്ള പി.​സി ചാ​ക്കോ​യു​ടെ​യും നി​ല​പാ​ട്. എ​ന്നാ​ൽ, ഡ​ൽ​ഹി കോ​ണ്‍ഗ്ര​സ് അ​ധ്യ​ക്ഷ സ്ഥാ​ന​ത്തേ​ക്ക് തി​രി​ച്ചെ​ത്തി​യ മു​ൻ മു​ഖ്യ​മ​ന്ത്രി ഷീ​ല ദീ​ക്ഷി​തി​ന് കേ​ജ​രി​വാ​ളു​മാ​യി കൂ​ട്ട് ചേ​ർ​ന്ന് ത​ല​സ്ഥാ​ന​ത്ത് ഒ​രു തെ​ര​ഞ്ഞെ​ടു​പ്പി​നെ നേ​രി​ടു​ക എ​ന്ന​ത് ചി​ന്തി​ക്കാ​ൻ പോ​ലും ക​ഴി​യാ​ത്ത കാ​ര്യ​മാ​യി​രു​ന്നു.

പ​ല​ത​വ​ണ രാ​ഹു​ൽ ഗാ​ന്ധി ഇ​ട​പെ​ടു​ക​യും സ​ഖ്യ​ത്തി​നു​ള്ള വാ​തി​ലു​ക​ൾ തു​റ​ന്നി​ട്ടി​രി​ക്കു​ന്നു എ​ന്നു തു​റ​ന്നു​പ​റ​യു​ക​യും ചെ​യ്തി​ട്ടും സ​ഖ്യം യാ​ഥാ​ർ​ഥ്യ​മാ​കാ​തെ പോ​യി. സീ​റ്റ് സം​ബ​ന്ധി​ച്ച ധാ​ര​ണ ച​ർ​ച്ച​ക​ളി​ൽ ആം ​ആ​ദ്മി പാ​ർ​ട്ടി പ​ഞ്ചാ​ബി​ലും ഹ​രി​യാ​ന​യി​ലും ചി​ല അ​വ​കാ​ശ​വാ​ദ​ങ്ങ​ൾകൂ​ടി ഉ​ന്ന​യി​ച്ച​തോ​ടെ ഡ​ൽ​ഹി സ​ഖ്യം വേ​ണ്ടെന്നു​വ​യ്ക്കാ​ൻ കോ​ണ്‍ഗ്ര​സും നി​ർ​ബ​ന്ധി​ത​രാ​യി.

പൊ​രു​താ​നു​റ​ച്ച് ഷീ​ല

ഡ​ൽ​ഹി ഏ​തു വി​ധേ​ന​യും തി​രി​ച്ചു​പി​ടി​ക്ക​ണ​മെ​ന്ന വാ​ശി​യി​ലാ​ണു മു​ൻ മു​ഖ്യ​മ​ന്ത്രി ഷീ​ല ദീ​ക്ഷി​ത് ഇ​ത്ത​വ​ണ മു​ന്നി​ട്ടി​റ​ങ്ങി​യി​രി​ക്കു​ന്ന​ത്. ഒ​രി​ട​വേ​ള​യ്ക്കു​ശേ​ഷ​മാ​ണു ഡ​ൽ​ഹി രാ​ഷ്‌​ട്രീ​യ​ത്തി​ൽ സ​ജീ​വ​മാ​കു​ന്ന​തെ​ങ്കി​ലും പ്ര​വ​ർ​ത്ത​ക​രി​ലേ​ക്ക് ആ​വേ​ശ​മെ​ത്തി​ക്കാ​ൻ ത​ന്നാ​ൽ ക​ഴി​യും​വി​ധം അ​വ​ർ പ​രി​ശ്ര​മി​ക്കു​ന്നു​ണ്ട്.

വാ​ർ​ധ​ക്യ​സ​ഹ​ജ​മാ​യ അ​വ​ശ​ത​ക​ളെ​ മ​റ​ന്നാ​ണ് ഷീ​ല ദീ​ക്ഷി​ത് പ്ര​ചാ​ര​ണം ന​ട​ത്തു​ന്ന​ത്. 86-ാം വ​യ​സി​ലും ഷീ​ലാ ദീ​ക്ഷി​തി​ൽ കോ​ണ്‍ഗ്ര​സും സാ​ധാ​ര​ണ​ക്കാ​രും ഏ​റെ പ്ര​തീ​ക്ഷ​യ​ർ​പ്പി​ക്കു​ന്ന​താ​യി വ​ട​ക്കു കി​ഴ​ക്ക​ൻ ഡ​ൽ​ഹി മ​ണ്ഡ​ല​ത്തി​ലെ അ​വ​രു​ടെ പ്ര​ചാ​ര​ണം കാണിക്കുന്നു. ഒ​രു​കാ​ല​ത്ത് രാ​ജ്യ​ത​ല​സ്ഥാ​ന ന​ഗ​രി​യെ വി​ക​സ​ന​ത്തി​ലേ​ക്ക് കു​തി​പ്പി​ച്ച പ​ഴ​യ മു​ഖ്യ​മ​ന്തി​ക്ക് ജ​ന​ങ്ങ​ളു​ടെ വി​കാ​ര​മ​റി​യാം. അ​വ​രു​ടെ പ്ര​ചാ​ര​ണ​ത്തി​ലെ മു​ഖ്യ വി​ഷ​യം വി​ക​സ​നം മാ​ത്ര​മാ​ണ്. ഡ​ൽ​ഹി​യി​ൽ കോ​ണ്‍ഗ്ര​സ് വി​ജ​യ​പ്ര​തി​ക്ഷ​യ​ർ​പ്പി​ക്കു​ന്ന ര​ണ്ടു മ​ണ്ഡ​ല​ങ്ങ​ളി​ലൊ​ന്നാ​ണ് സം​സ്ഥാ​ന അ​ധ്യ​ക്ഷ മ​ത്സ​രി​ക്കു​ന്ന വ​ട​ക്കു കി​ഴ​ക്ക​ൻ ഡ​ൽ​ഹി. ബി​ജെ​പി​യു​ടെ സം​സ്ഥാ​ന അ​ധ്യ​ക്ഷ​നും ഭോ​ജ്പു​രി ഗാ​യ​ക​നു​മാ​യ മ​നോ​ജ് തി​വാ​രി​യാ​ണ് എ​തി​ർ​സ്ഥാ​നാ​ർ​ഥി. ബ​ദ്ധ​വൈ​രി​ക​ളാ​യ ര​ണ്ടു പാ​ർ​ട്ടി​ക​ളു​ടെ സം​സ്ഥാ​ന അ​ധ്യ​ക്ഷ​ർ മ​ത്സ​രി​ക്കു​ന്ന​തി​നാ​ൽ രാ​ജ്യ​ത്ത് ഏ​വ​രും ഉ​റ്റു നോ​ക്കു​ന്ന മ​ണ്ഡ​ലം കൂ​ടി​യാ​ണി​ത്. ഇ​വി​ടെ ദി​ലീ​പ് പാ​ണ്ഡെ​യാ​ണ് ആം ​ആ​ദ്മി പാ​ർ​ട്ടി​യു​ടെ സ്ഥാ​നാ​ർ​ഥി.

കു​ടി​യേ​റ്റ​ത്തി​ൽ ക​ണ്ണു​വ​ച്ച്

ഡ​ൽ​ഹി​യി​ൽ വ​ൻ സാ​ന്നി​ധ്യ​മു​ള്ള പൂ​ർ​വാ​ഞ്ച​ൽ സ​മൂ​ഹ​ത്തെ ല​ക്ഷ്യ​മി​ട്ടാ​ണ് ബി​ജെ​പി ദേ​ശീ​യ നേ​തൃ​ത്വം ബി​ഹാ​ർ സ്വ​ദേ​ശി​യാ​യ മ​നോ​ജ് തി​വാ​രി​യെ ത​ല​സ്ഥാ​ന ന​ഗ​രി​യി​ൽ എ​ത്തി​ച്ച​ത്. ബി​ഹാ​ർ, യു​പി എ​ന്നി​വി​ട​ങ്ങ​ളി​ൽ നി​ന്നു​ള്ള കു​ടി​യേ​റ്റ​ക്കാ​രാ​യ പൂ​ർ​വാ​ഞ്ച​ൽ വി​ഭാ​ഗ​ക്കാ​ർ ന​ഗ​ര​ത്തി​ൽ 40 ല​ക്ഷ​ത്തി​ല​ധി​ക​മു​ണ്ടെന്നാ​ണു ക​ണ​ക്ക്. വ​ട​ക്കു കി​ഴ​ക്ക​ൻ ഡ​ൽ​ഹി മ​ണ്ഡ​ല​ത്തി​ലെ പ്ര​ധാ​ന വോ​ട്ടു​ബാ​ങ്കും പൂ​ർ​വാ​ഞ്ച​ൽ വി​ഭാ​ഗ​ത്തി​നാ​ണ്.

ഭോ​ജ്പു​രി സി​നി​മ​യു​ടെ ഗ്ലാ​മ​റി​ൽ​നി​ന്നു രാ​ഷ്‌​ട്രീ​യ​ത്തി​ലേ​ക്കി​റ​ങ്ങി​യെ​ങ്കി​ലും മ​നോ​ജ് തി​വാ​രി​യു​ടെ വേ​ഷ​ത്തി​നും പ്ര​ചാ​ര​ണ​ത്തി​നും മാ​റ്റ​മൊ​ന്നു​മി​ല്ല. ത​ന്‍റെ സി​റ്റിം​ഗ് സീ​റ്റ് നി​ല​നി​ർ​ത്തു​മെ​ന്ന ആ​ത്മ​വി​ശ്വാ​സ​മു​ണ്ട്. 2014ൽ 46.6 ​ശ​ത​മാ​നം വോ​ട്ട് നേ​ടി​യാ​ണ് തി​വാ​രി കോ​ണ്‍ഗ്ര​സി​ൽ നി​ന്നു മ​ണ്ഡ​ലം പി​ടി​ച്ചെ​ടു​ത്ത​ത്. എ​ന്നാ​ൽ, പു​റ​ത്തു​നി​ന്ന് വ​ന്ന​യാ​ൾ എ​ന്ന ആ​രോ​പ​ണം എ​തി​ർ​പാ​ർ​ട്ടി​ക​ൾ ഉ​യ​ർ​ത്തു​ന്നത് തി​വാ​രി​ക്ക് വെ​ല്ലു​വി​ളി​യാ​ണ്.

ലോ​ക്സ​ഭ​യി​ൽ 35 ശ​ത​മാ​ന​വും പി​ന്നീ​ട് ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ 55 ശ​ത​മാ​ന​വും വോ​ട്ടു​ല​ഭി​ച്ച ആ​പ് ഈ ​തെ​രഞ്ഞെ​ടു​പ്പി​ലും എ​ല്ലാ വി​ഭാ​ഗ​ത്തി​ലും പ്ര​തീ​ക്ഷ​യ​ർ​പ്പി​ക്കു​ന്നു​ണ്ട്. കേജ​രി​വാ​ൾ സ​ർ​ക്കാ​ർ ന​ട​പ്പാ​ക്കി​യെ​ന്ന് അ​വ​കാ​ശ​പ്പെ​ടു​ന്ന വി​ക​സ​നം വോ​ട്ടാ​കു​മെ​ന്ന വി​ശ്വാസ​ത്തി​ലാ​ണു ദി​ലീ​പ് പാ​ണ്ഡെ. ഡ​ൽ​ഹി​ക്ക് പൂ​ർ​ണ സം​സ്ഥാ​ന പ​ദ​വി നേ​ടി​യെ​ടു​ക്ക​ണം എ​ന്ന​താ​ണ് പ്ര​ധാ​ന പ്ര​ചാ​ര​ണ വി​ഷ​യം.

ഗൗ​തം ഗം​ഭീ​ര​മാ​കി​ല്ല

ക്രി​ക്ക​റ്റ് ക്രീ​സി​ൽ നി​ന്ന് രാ​ഷ്‌​ട്രീ​യ മൈ​താ​ന​ത്തേ​ക്കി​റ​ങ്ങി​യ ഗൗ​തം ഗം​ഭീ​റാ​ണ് ബി​ജെ​പി​യു​ടെ സ്റ്റാ​ർ സ്ഥാ​നാ​ർ​ഥി​ക​ളി​ൽ ഒ​രാ​ൾ. കി​ഴ​ക്ക​ൻ ഡ​ൽ​ഹി​യി​ലാ​ണ് ഗൗ​തം ഗം​ഭീ​ർ പു​തി​യൊ​രു ഇ​ന്നിം​ഗ്സി​ന് തു​ട​ക്കം കു​റി​ക്കാ​ൻ ഇ​റ​ങ്ങി​യി​രി​ക്കു​ന്ന​ത്. എ​ന്നാ​ൽ, ശ​ക്ത​യാ​യ ഒ​രെ​തി​രാ​ളി​യെ ആം ​ആ​ദ്മി പാ​ർ​ട്ടി ഇ​വി​ടെ ഇ​റ​ക്കി. ഡ​ൽ​ഹി​യി​ലെ പൊ​തുവി​ദ്യാ​ഭ്യാ​സനി​ല​വാ​ര​ം ഉ​യ​ർ​ത്തി​യ ഓ​ക്സ്ഫ​ഡ് ബി​രു​ദ​ധാ​രി ആ​തി​ഷി മ​ർ​ലേ​ന​. ഡ​ൽ​ഹി സ​ർ​വ​ക​ലാ​ശാ​ല പ്ര​ഫ​സ​ർ​മാ​രായി​രു​ന്ന വി​ജ​യ് കു​മാ​ർ സി​ഗും ത്രി​പ്ത വാ​ഹി​യും മ​ക​ൾ ആ​തി​ഷി​യു​ടെ പേ​രി​നൊ​പ്പം മാ​ർ​ലേ​ന ചേ​ർ​ത്ത​തു മാ​ർ​ക്സി​നോ​ടും ലെ​നി​നോ​ടു​മു​ള്ള ആ​രാ​ധ​ന​യി​ലാ​ണ് .

ക്രി​ക്ക​റ്റ് ക​ളി​യി​ലൂ​ടെ അ​റി​ഞ്ഞ ഗം​ഭീ​റി​നേ​ക്കാ​ൾ മ​ണ്ഡ​ല​ത്തി​ലെ വോ​ട്ട​ർ​മാ​ർ​ക്ക് ആ​തി​ഷി​യെ അ​ടു​ത്ത​റി​യാം. ക​ഴി​ഞ്ഞ നാ​ല് വ​ർ​ഷ​മാ​യി ഡ​ൽ​ഹി​യി​ലെ എ​ല്ലാ പൊ​തു​സ്കൂ​ളു​ക​ളും അ​വ​ർ സ​ന്ദ​ർ​ശി​ക്കു​ക​യും ര​ക്ഷി​താ​ക്ക​ളു​ടെ യോ​ഗ​ങ്ങ​ളി​ൽ പ​ങ്കെ​ടു​ക്കു​കയും ചെ​യ്യു​ന്നു. സി​റ്റിം​ഗ് എം​പി മ​ഹേ​ഷ് ഗി​രി​യെ മാ​റ്റിയാണു കേ​ന്ദ്ര ധ​ന​മ​ന്ത്രി അ​രു​ണ്‍ ജയ്റ്റ്‌ലിയു​ടെ അ​ടു​പ്പ​ക്കാ​ര​നാ​യ ഗൗ​തം ഗം​ഭീ​റി​ന്‍റെ വ​ര​വ്. ഇ​ക്കാ​ര്യ​ത്തി​ൽ ബി​ജെ​പി​ക്കു​ള്ളി​ൽ ത​ന്നെ അ​തൃ​പ്തി പു​ക​യു​ന്നു​ണ്ട്.

ഡ​ൽ​ഹി രാ​ഷ്‌​ട്രീ​യ​ത്തി​ൽ വ​ർ​ഷ​ങ്ങ​ളു​ടെ അ​നു​ഭ​വ സ​ന്പ​ത്തു​ള്ള അ​ർ​വീ​ന്ദ​ർ സി​ങ് ലൗ​വ്‌​ലി​യാ​ണ് ഇ​വി​ടെ കോ​ണ്‍ഗ്ര​സ് സ്ഥാ​നാ​ർ​ഥി. 2017 ഏ​പ്രി​ലി​ൽ കോ​ണ്‍ഗ്ര​സ് വി​ട്ട് ബി​ജെ​പി​യി​ൽ ചേ​ർ​ന്ന ലവ്‌ലി ചെ​റി​യ ഇ​ട​വേ​ള​യ്ക്കു​ശേ​ഷം പാ​ർ​ട്ടി​യി​ൽ തി​രി​ച്ചെ​ത്തു​ക​യാ​യി​രു​ന്നു.

ത​ല​യെ​ടു​പ്പോ​ടെ ന്യൂ​ഡ​ൽ​ഹി

ന്യൂ​ഡ​ൽ​ഹി മ​ണ്ഡ​ല​മാ​ണ് ഡ​ൽ​ഹി​യി​ലെ സ്റ്റാ​ർ തെ​ര​ഞ്ഞെ​ടു​പ്പു ഗോ​ദ. രാ​ജ്യ​ത്ത് ഏ​റ്റ​വും കൂ​ടു​ത​ൽ വി​വി​ഐ​പി വോ​ട്ട​ർമാ​രു​ള്ള മ​ണ്ഡ​ലം കൂ​ടി​യാ​ണ് ന്യൂ​ഡ​ൽ​ഹി. സ്വ​ത​ന്ത്ര്യസ​മ​ര പേ​രാ​ളി​യും രാ​ജ്യ​ത്തെ ആ​ദ്യ വ​നി​താ മു​ഖ്യ​മ​ന്ത്രി​യു​മാ​യ സു​ചേ​ത കൃ​പലാനി, മു​ൻ പ്ര​ധാ​ന​മ​ന്ത്രി അ​ട​ൽ ബി​ഹാ​രി വാ​ജ്പേ​യി, എ​ൽ.​കെ അ​ഡ്വാ​നി, ബോ​ളി​വു​ഡ് താ​രം രാ​ജേ​ഷ് ഖ​ന്ന, കെ.​സി. പ​ന്ത് തു​ട​ങ്ങി​യ നേ​താ​ക്ക​ളെ വി​ജ​യി​പ്പി​ച്ച ച​രി​ത്രം ന്യു​ഡ​ൽ​ഹി​ക്കു​ണ്ട്.

ബി​ജെ​പി ഭ​രി​ക്കു​ന്ന മു​നി​സി​പ്പ​ൽ കോ​ർ​പ​റേ​ഷ​നു​ക​ളു​ടെ നേ​തൃ​ത്വ​ത്തി​ൽ ന​ട​പ്പാ​ക്കു​ന്ന ക​ട​ക​ൾ അ​ട​ച്ചു​പൂ​ട്ട​ലാ​ണ് മ​ണ്ഡ​ല​ത്തി​ലെ പ്ര​ധാ​ന വി​ഷ​യം. രാ​ജ്യ​ത്തെ പ്ര​ധാ​ന വാ​ണി​ജ്യ കേ​ന്ദ്ര​മാ​യ ക​രോ​ൾ ബാ​ഗ​ട​ക്ക​മു​ള്ള നി​യ​മ​സ​ഭാ മ​ണ്ഡ​ല​ങ്ങ​ൾ ന്യൂ​ഡ​ൽ​ഹി മ​ണ്ഡ​ല​ത്തി​ലാ​യ​തി​നാ​ൽ ബി​ജെ​പി​ക്കെ​തിരേ കോ​ണ്‍ഗ്ര​സും ആം ​ആ​ദ്മി പാ​ർ​ട്ടി​യും വി​ഷ​യം പ​ര​മാ​വ​ധി കൊ​ഴു​പ്പി​ക്കു​ന്നു​ണ്ട്.
ന്യൂ​ഡ​ൽ​ഹി​യി​ലെ പ്ര​ധാ​ന വോ​ട്ടു​ബാ​ങ്കാ​യ വ്യാ​പാ​രി സ​മൂ​ഹ​ത്തിന്‍റെ പി​ണ​ക്കം ബി​ജെ​പി​ക്കു വെ​ല്ലു​വി​ളി ഉ​യ​ർ​ത്തു​ന്നു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ നേ​രി​ട്ട് രം​ഗ​ത്തി​റ​ക്കി ത​ൽ​ക്ക​ത്തോ​റ സ്റ്റേ​ഡി​യ​ത്തി​ൽ വ്യ​ാപാ​രി​ക​ളു​ടെ യോ​ഗം ബി​ജെ​പി സം​ഘ​ടി​പ്പി​ച്ചി​രു​ന്നു. എ​ന്നാ​ൽ, ബി​ജെ​പി ഭ​രി​ക്കു​ന്ന മു​നി​സി​പ്പ​ൽ കോ​ർ​പ​റേ​ഷ​ന്‍റെ ക​ട​ക​ൾ അ​ട​ച്ചു​പൂ​ട്ട​ൽ ന​ട​പ​ടി​യെക്കു​റി​ച്ച് മോ​ദി ഒ​ന്നും പ​റ​യാ​ത്ത​ത് കോ​ണ്‍ഗ്ര​സും ആം ​ആ​ദ്മി പാ​ർ​ട്ടി​യും പ്ര​ചാ​ര​ണാ​യു​ധ​മാ​ക്കു​ക​യാ​ണ്.

വ്യാ​പാ​രി വി​ഭാ​ഗം നേ​താ​വാ​യ ബ്രി​ജേ​ഷ് ഗോ​യ​ലി​നെ ആ​പ് ന്യൂ​ഡ​ൽ​ഹി മ​ണ്ഡ​ല​ത്തി​ൽ സ്ഥാ​നാ​ർ​ഥി​യാ​ക്കി​യ​ത് ഇ​ക്കാ​ര്യ​ങ്ങ​ൾ കൂ​ടി ക​ണ​ക്കി​ലെ​ടു​ത്താ​ണ്. ആ​പ് വി​ജ​യി​ച്ചാ​ൽ ഡ​ൽ​ഹി​ക്ക് പൂ​ർ​ണ​സം​സ്ഥാ​ന​പ​ദ​വി യാ​ഥാ​ർ​ഥ്യ​മാ​ക്കു​ക​യും ക​ട​ക​ൾ അ​ട​ച്ചു​പൂ​ട്ട​ൽ ന​ട​പ​ടി പ്ര​ശ്നം പ​രി​ഹ​രി​ക്കു​ക​യും ചെ​യ്യു​മെ​ന്ന് കേ​ജ​രി​വാ​ൾ പ​റ​യു​ന്നു. സിറ്റിംഗ് എംപി മീനാക്ഷി ലേഖിയാണു ബിജെപി സ്ഥാനാർഥി.

മു​ൻ കേ​ന്ദ്ര​മ​ന്ത്രി​യും ര​ണ്ടു ത​വ​ണ എം​പി​യു​മാ​യ കോ​ണ്‍ഗ്ര​സ് സ്ഥാ​നാ​ർ​ഥി അ​ജ​യ് മാ​ക്ക​ൻ പ്ര​ചാ​ര​ണ​ത്തി​ലു​ട​നീ​ളം ഉ​ന്ന​യി​ക്കു​ന്ന​തും വ്യാ​പാ​രി​ക​ളെ സം​ബ​ന്ധി​ച്ച വി​ഷ​യ​മാ​ണ്.

ഉ​ദി​ത് രാ​ജി​ന്‍റെ പു​റ​പ്പെ​ട​ൽ

ഡ​ൽ​ഹി​യി​ൽ ഇ​ത്ത​വ​ണ സീ​റ്റ് നി​ഷേ​ധി​ക്ക​പ്പെ​ട്ട​തി​നെ തു​ട​ർ​ന്ന് ഇ​ട​ഞ്ഞു​നി​ന്നി​രു​ന്ന ബി​ജെ​പി​ എം​പി ഉ​ദി​ത് രാ​ജ് കോ​ണ്‍ഗ്ര​സി​ൽ ചേ​ർ​ന്ന​തോ​ടെ ദ​ളി​ത് വോ​ട്ടു​ക​ൾ ബി​ജെ​പി വി​രു​ദ്ധ​മാ​കു​മെ​ന്നാ​ണ് പൊ​തു​വി​ല​യി​രു​ത്ത​ൽ. ദ​ളി​ത​ർ​ക്കെ​തി​രാ​യ അ​ക്ര​മ​ണ​ങ്ങ​ളെ​ക്കു​റി​ച്ചു സം​സാ​രി​ച്ച​തു​കൊ​ണ്ടാ​ണു ത​നി​ക്കു ബി​ജെ​പി സീ​റ്റ് നി​ഷേ​ധി​ച്ച​തെ​ന്നാ​ണ് ഉ​ദി​ത് രാ​ജ് കോ​ണ്‍ഗ്ര​സി​ൽ ചേ​ർ​ന്ന​തി​നു​ശേ​ഷം പ​റ​ഞ്ഞ​ത്. ബി​ജെ​പി ദ​ളി​ത് താ​ത്പ​ര്യ​ങ്ങ​ൾ​ക്കു വി​രു​ദ്ധ​മാ​യാ​ണ് നി​ൽ​ക്കു​ന്ന​ത്. ദ​ളി​ത​ർ അ​ടി​ച്ച​മ​ർ​ത്ത​പ്പെ​ടു​ന്പോ​ൾ ആ​രും ശ​ബ്ദം ഉ​യ​ർ​ത്ത​രു​തെ​ന്ന​താ​ണ് ബി​ജെ​പി​യു​ടെ ആ​വ​ശ്യ​മെ​ന്നും ഉ​ദി​ത് രാ​ജ് കു​റ്റ​പ്പെ​ടു​ത്തി. കോ​ണ്‍ഗ്ര​സി​ലേ​ക്കെ​ത്തി​യ ഉ​ദി​ത് രാ​ജി​നെ ഡ​ൽ​ഹി കോ​ണ്‍ഗ്ര​സ് അ​ധ്യ​ക്ഷ ഷീ​ല ദീ​ക്ഷി​തും കോ​ണ്‍ഗ്ര​സ് വ​ക്താ​വ് ര​ണ്‍ദീ​പ് സു​ർ​ജേ​വാ​ല​യു​മാ​ണ് സ്വീ​ക​രി​ച്ച​ത്.

ബി​ജെ​പി അ​ധ്യ​ക്ഷ​ൻ അ​മി​ത്ഷാ​യു​മാ​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​മാ​യും സം​സാ​രി​ക്കാ​ൻ ശ്ര​മി​ച്ചി​ട്ടും പ്ര​തി​ക​ര​ണ​മൊ​ന്നും ഉ​ണ്ടാ​യി​ല്ലെ​ന്നും ഉ​ദി​ത് രാ​ജ് പ​റ​ഞ്ഞു. ബി​ജെ​പി ന​ട​ത്തി​യ ആ​ഭ്യ​ന്ത​ര സ​ർ​വേ പോ​ലും ത​നി​ക്ക് അ​നു​കൂ​ല​മാ​യി​രു​ന്നു. എ​ന്നാ​ൽ, ദ​ളി​ത് നേ​താ​ക്ക​ളെ വേ​ണ്ട എ​ന്ന ബി​ജെ​പി നി​ല​പാ​ട് കൊ​ണ്ടു മാ​ത്രം ത​നി​ക്ക് സീ​റ്റു നി​ഷേ​ധി​ക്ക​പ്പെ​ടു​ക​യാ​യി​രു​ന്നു എ​ന്നാണ് ഉ​ദി​ത് രാ​ജ് പ​റ​ഞ്ഞ​ത്. ഉ​ദി​ത് രാ​ജി​നെ മാ​റ്റി​യ സീ​റ്റി​ൽ പ​ഞ്ചാ​ബി​ൽ നി​ന്നു​ള്ള ഗാ​യ​ക​ൻ ഹ​ംസ് രാ​ജ് ഹ​ംസി​നെ​യാ​ണ് ബി​ജെ​പി നി​ർ​ത്തി​യി​രി​ക്കു​ന്ന​ത്.

ക്രി​മി​ന​ൽ പ​ശ്ചാ​ത്ത​ലം

ഡ​ൽ​ഹി​യി​ൽ നി​ന്നു മ​ത്സ​രി​ക്കു​ന്ന സ്ഥാ​നാ​ർ​ഥി​ക​ളി​ൽ ക്രി​മി​ന​ൽ പ​ശ്ചാ​ത്ത​ലം ഉ​ള്ള​വ​ർ കൂ​ടു​ത​ലും ബി​ജെ​പി​ക്കൊ​പ്പ​മാ​ണ്. അ​വ​രു​ടെ ഏ​ഴു സ്ഥാ​നാ​ർ​ഥി​ക​ളി​ൽ മൂ​ന്നു​പേ​രും ക്രി​മി​ന​ൽ കേ​സ് ഉ​ള്ള​വ​രാ​ണ്. ആം ​ആ​ദ്മി പാ​ർ​ട്ടി​യു​ടെ ര​ണ്ടു സ്ഥാ​നാ​ർ​ഥി​ക​ൾ ക്ര​മി​ന​ൽ കേ​സു​ക​ൾ ഉ​ള്ള​വ​രാ​ണ്. കോ​ണ്‍ഗ്ര​സാ​ക​ട്ടെ ഒ​രു സ്ഥാ​നാ​ർ​ഥി​യു​ടെ പേ​രി​ൽ മാ​ത്രം പേ​രു​ദോ​ഷം കേ​ട്ടാ​ൽ മ​തി.
ചാ​ന്ദ്നി ചൗ​ക്ക്, ന്യൂ​ഡ​ൽ​ഹി, വ​ട​ക്ക് പ​ടി​ഞ്ഞാ​റ​ൻ ഡ​ൽ​ഹി എ​ന്നീ മ​ണ്ഡ​ല​ങ്ങ​ളി​ലാ​ണ് ക്രി​മ​ന​ൽ കേ​സു​ക​ളൊ​ന്നു​മി​ല്ലാ​ത്ത സ്ഥാ​നാ​ർ​ഥി​ക​ൾ ത​മ്മി​ൽ മ​ത്സ​രം ന​ട​ക്കു​ന്ന​ത്. വ​ട​ക്ക് കി​ഴ​ക്ക​ൻ ഡ​ൽ​ഹി​യി​ലെ സ്ഥാ​നാ​ർ​ഥി​ക​ളാ​യ ആ​പ്പി​ന്‍റെ ദി​ലീ​പ് പാ​ണ്ഡേ​ക്കും ബി​ജെ​പി​യു​ടെ മ​നോ​ജ് തി​വാ​രി​ക്കു​മെ​തി​രേ മൂ​ന്നി​ലേ​റെ ക്രി​മി​ന​ൽ കേ​സു​ക​ളുണ്ട്.

തീ​പാ​റും പോ​രാ​ട്ടം

നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ഡ​ൽ​ഹി​യി​ലെ സീ​റ്റു​ക​ൾ ഒ​ട്ടു​മു​ക്കാ​ലും തൂ​ത്തു​വാ​രാ​ൻ ആ​പ്പി​നു ക​ഴി​ഞ്ഞെ​ങ്കി​ലും ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ൽ ഏ​ഴു ലോ​ക്സ​ഭാ സീ​റ്റു​ക​ളും ബി​ജെ​പി വെ​ട്ടി​പ്പി​ടി​ച്ചെ​ടു​ത്ത​ത് ആ​പ്പി​നെ​യും കോ​ണ്‍ഗ്ര​സി​നെ​യും ഒ​രു​പോ​ലെ ഞെ​ട്ടി​ച്ചു. എ​ന്നാ​ൽ, ബി​ജെ​പി അ​വ​കാ​ശ​പ്പെ​ടു​ന്ന​തു​പോ​ലെ ഇ​ത്ത​വ​ണ മോ​ദി മാ​ജി​ക് ഡ​ൽ​ഹി​യി​ൽ ചി​ല​വാ​കി​ല്ലെ​ന്നാ​ണ് കോ​ണ്‍ഗ്ര​സും ആം ​ആ​ദ്മി പാ​ർ​ട്ടി​യും ഒ​രു​പോ​ലെ പ​റ​യു​ന്ന​ത്. ഡ​ൽ​ഹി​ക്കു പൂ​ർ​ണ സം​സ്ഥാ​ന പ​ദ​വി എ​ന്ന ആ​വ​ശ്യ​വു​മാ​യാ​ണ് കേ​ജ​രി​വാ​ളും ആ​പ്പും തെ​ര​ഞ്ഞെ​ടു​പ്പി​നെ നേ​രി​ടു​ന്ന​ത്. കോ​ണ്‍ഗ്ര​സാ​ക​ട്ടെ കേ​ന്ദ്ര​ത്തി​ലെ​ന്ന പോ​ലെ ത​ന്നെ സം​സ്ഥാ​ന​ത്തു നി​ന്നും ബി​ജെ​പി​യെ തു​ട​ച്ചു​നീ​ക്ക​ണ​മെ​ന്ന മു​ദ്രാ​വാ​ക്യ​മാ​ണ് ഉ​യ​ർ​ത്തി​പ്പി​ടി​ച്ചി​രി​ക്കു​ന്ന​ത്.

സെ​ബി മാ​ത്യു