നെഹ്റു ജയന്തിക്ക് ഗാന്ധി സ്റ്റഡി സർക്കിൾ അമേരിക്ക ഫോട്ടോഗ്രഫി മത്സരം നടത്തുന്നു

ഫിലഡൽഫിയ: ഗാന്ധി സ്റ്റഡി സർക്കിൾ അമേരിക്കയുടെ ഘടകമായ നെഹ്റു സ്റ്റഡി സെന്‍ററിന്‍റെ ആഭിമുഖ്യത്തിൽ ശിശുദിനാഘോഷമായി അഖില അമേരിക്ക ഫോട്ടോഗ്രഫി മത്സരം നടത്തുന്നു. "ശരത്ക്കാല (ഫാൾ) പ്രകൃതി ഭംഗി' (Fall Scenic Beauty) എന്നതാണ് വിഷയം. 20 വയസിൽ താഴെയുള്ളവർക്ക് ജൂനിയർ വിഭാഗത്തിലും, 20 വയസിനും അതിലധികവും വയസുള്ളവർക്ക് സീനിയർ വിഭാഗത്തിലുമാണ് മത്സരം. ഒരോവിഭാഗത്തിലും ഒന്നാം സമ്മാനം കാഷ് അവാർഡുൾപ്പെടെയാണ്. ഫൊക്കാനാ സാരഥി മാധവൻ നായരും, പത്രപ്രവര്‍ത്തകന്‍ വിൻസൻ്റ് ഇമ്മാനുവേലുമാണ് സ്പോൺസർമാർ.

ജെപെഗ് (JPG - or JPEG) (Joint Photographic Group) ഫോമാറ്റിലുള്ള ഫോട്ടോകൾ gandhistudycircleamerica@gmail.com എന്ന ഇ മെയിലിൽ നവംബർ 10- തിയതിക്കുള്ളിൽ ലഭിക്കണം. ഒരു വ്യക്തിക്ക് രണ്ടു ഫോട്ടോഗ്രാഫ് വരെ അയക്കാം. ഫോണിലെടുത്ത ഫോട്ടോയും ആകാം. 2020 വർഷത്തെ ഫാൾ സീസണിൽ അമേരിക്കയിലെടുത്ത പ്രകൃതിഭംഗിഫോട്ടോകളായിരിക്കണം. മത്സരാർത്ഥിയുടെ പേര്, ജൂണിയറാണോ സീനിയറാണോ എന്ന സ്റ്റേറ്റ്മെൻ്റ്, ആശയ വിനിമയത്തിനുള്ള ഈമെയിൽ, ഫോൺ നമ്പർ എന്നീ വിവരങ്ങൾ ഫോട്ടോഗ്രാഫ് അയച്ചു തരുന്ന ഇ മെയിലിനൊപ്പം വ്യക്തമാക്കിയിരിക്കണം. ഫോട്ടോയിൽ നീക്കംചെയ്യലുകളോ, ചേർക്കലുകളോ, ഉൾപ്പെടെ ടച്ചിങ്ങ് പാടില്ല. വിജയിയെ നിശ്ചയിക്കുന്നത് ജഡ്ജ്മാരുടെ തീർപ്പിന് വിധേയമായാണ്.

വിജയികളെ നവംബർ 12 ന് പ്രഖ്യാപിക്കും. ഗാന്ധി സ്റ്റഡി സർക്കിൾ അമേരിക്കയുടെ ഘടകമായ നെഹ്റു സ്റ്റഡി സെന്‍ററിന്‍റെ സൂം മീറ്റിങ്ങിൽ നവംബർ 14 ന് ഇന്ത്യൻ പാർലമെൻ്റ് അംഗം ജേതാക്കളെ മാനിക്കും. കാഷ് അവാർഡും സർട്ടിഫിക്കറ്റുകളും തപാൽ വഴി എത്തിക്കും.

കൂടുതൽ വിവരങ്ങൾക്ക്: ജോർജ് നടവയൽ 215 494 6420, ജോസ് ആറ്റുപുറം, ഫീലിപ്പോസ് ചെറിയാൻ 215 605 7310.

റിപ്പോർട്ട്: പി ഡി ജോർജ് നടവയൽ