കുവൈറ്റ് സിറ്റി : ഫ്രണ്ട്സ് ഓഫ് കണ്ണൂർ കുവൈത്ത് എക്സ്പാറ്റ്‌സ് അസോസിയേഷൻ (ഫോക്ക്) ഭാരവാഹികൾ ഇന്ത്യൻ സ്ഥാനപതി സിബി ജോർജിനെ സന്ദർശിച്ചു ചർച്ചകൾ നടത്തി.
ജെ ഇ ഇ പരീക്ഷ സെന്‍റർ കുവൈറ്റിൽ ആരംഭിക്കുവാനുള്ള നടപടികൾ കൈക്കൊള്ളുക, വിവിധ കേസുകളിൽ അകപ്പെട്ടിരിക്കുന്ന ഇന്ത്യക്കാരെ നിയമപരമായി സഹായിക്കുന്നതിനായി ലീഗൽ ക്ലിനിക്ക് ആരംഭിക്കുക, കുവൈറ്റിലേക്ക് തിരിച്ചു വരാൻ കഴിയാതെയിരിക്കുന്നവരുടെ തൊഴിൽ പ്രശ്നങ്ങളിൽ ഇടപെടുക, ജയിലിലെ തടവുകാരുടെ കൈമാറ്റം, ഔട്ട് പാസ് ലഭിച്ചിട്ടും രാജ്യം വിടാൻ സാധിക്കാത്തവർക്കായി വീണ്ടും പൊതുമാപ്പിന്‍റെ ആനുകൂല്യം ലഭിക്കുവാനുള്ള ഇടപെടലുകൾ തുടങ്ങി ഇന്ത്യക്കാർ നേരിടുന്ന വിവിധ പ്രശ്നങ്ങൾ ഫോക്ക് പ്രതിനിധികൾ അംബാസഡറുടെ ശ്രദ്ധയിൽപ്പെടുത്തി.
വിഷയങ്ങൾ പരിശോധിച്ച് ആവശ്യമായ നടപടിയെടുക്കാമെന്ന് അദ്ദേഹം ഉറപ്പു നൽകി. കഴിഞ്ഞ കാലങ്ങളിൽ ഫോക്ക് നടത്തിയ പ്രവർത്തനങ്ങൾ ഭാരവാഹികൾ അംബാസഡറെ ധരിപ്പിച്ചു. കുവൈറ്റിലെ ജയിലുകളിൽ കഴിയുന്ന ഇന്ത്യൻ വനിതാ തടവുകാർക്ക് എംബസി നൽകാറുണ്ടായിരുന്ന ധനസഹായം നിർത്തലാക്കിയതിനെതിരെ ഫോക്ക് നൽകിയ നിവേദനത്തിൽ അടിയന്തരമായി നടപടിയെടുത്ത അംബാസഡർക്ക് നന്ദി രേഖപ്പെടുത്തിയ ഫോക്ക് പ്രതിനിധികൾ എംബസിയിൽ ഏർപ്പെടുത്തിയ ഭരണ പരിഷ്കാരങ്ങളെ അഭിനന്ദിക്കുകയും ചെയ്തു.
ഫോക്ക് പ്രസിഡന്‍റ് ബിജു ആന്‍റണി, ജനറൽ സെക്രട്ടറി എം.എൻ. സലീം, ട്രഷറർ മഹേഷ് കുമാർ, അഡ്മിൻ സെക്രട്ടറി എം.വി. ശ്രീഷിൻ, മെമ്പർഷിപ്പ് സെക്രട്ടറി പി. ലിജീഷ്, വനിതാവേദി ചെയർപേഴ്സൺ രമ സുധീർ എന്നിവരാണ് ചർച്ചയിൽ പങ്കെടുത്തത്.
റിപ്പോർട്ട്: സലിം കോട്ടയിൽ
ജെ ഇ ഇ പരീക്ഷ സെന്‍റർ കുവൈറ്റിൽ ആരംഭിക്കുവാനുള്ള നടപടികൾ കൈക്കൊള്ളുക, വിവിധ കേസുകളിൽ അകപ്പെട്ടിരിക്കുന്ന ഇന്ത്യക്കാരെ നിയമപരമായി സഹായിക്കുന്നതിനായി ലീഗൽ ക്ലിനിക്ക് ആരംഭിക്കുക, കുവൈറ്റിലേക്ക് തിരിച്ചു വരാൻ കഴിയാതെയിരിക്കുന്നവരുടെ തൊഴിൽ പ്രശ്നങ്ങളിൽ ഇടപെടുക, ജയിലിലെ തടവുകാരുടെ കൈമാറ്റം, ഔട്ട് പാസ് ലഭിച്ചിട്ടും രാജ്യം വിടാൻ സാധിക്കാത്തവർക്കായി വീണ്ടും പൊതുമാപ്പിന്‍റെ ആനുകൂല്യം ലഭിക്കുവാനുള്ള ഇടപെടലുകൾ തുടങ്ങി ഇന്ത്യക്കാർ നേരിടുന്ന വിവിധ പ്രശ്നങ്ങൾ ഫോക്ക് പ്രതിനിധികൾ അംബാസഡറുടെ ശ്രദ്ധയിൽപ്പെടുത്തി.
വിഷയങ്ങൾ പരിശോധിച്ച് ആവശ്യമായ നടപടിയെടുക്കാമെന്ന് അദ്ദേഹം ഉറപ്പു നൽകി. കഴിഞ്ഞ കാലങ്ങളിൽ ഫോക്ക് നടത്തിയ പ്രവർത്തനങ്ങൾ ഭാരവാഹികൾ അംബാസഡറെ ധരിപ്പിച്ചു. കുവൈറ്റിലെ ജയിലുകളിൽ കഴിയുന്ന ഇന്ത്യൻ വനിതാ തടവുകാർക്ക് എംബസി നൽകാറുണ്ടായിരുന്ന ധനസഹായം നിർത്തലാക്കിയതിനെതിരെ ഫോക്ക് നൽകിയ നിവേദനത്തിൽ അടിയന്തരമായി നടപടിയെടുത്ത അംബാസഡർക്ക് നന്ദി രേഖപ്പെടുത്തിയ ഫോക്ക് പ്രതിനിധികൾ എംബസിയിൽ ഏർപ്പെടുത്തിയ ഭരണ പരിഷ്കാരങ്ങളെ അഭിനന്ദിക്കുകയും ചെയ്തു.
ഫോക്ക് പ്രസിഡന്‍റ് ബിജു ആന്‍റണി, ജനറൽ സെക്രട്ടറി എം.എൻ. സലീം, ട്രഷറർ മഹേഷ് കുമാർ, അഡ്മിൻ സെക്രട്ടറി എം.വി. ശ്രീഷിൻ, മെമ്പർഷിപ്പ് സെക്രട്ടറി പി. ലിജീഷ്, വനിതാവേദി ചെയർപേഴ്സൺ രമ സുധീർ എന്നിവരാണ് ചർച്ചയിൽ പങ്കെടുത്തത്.
റിപ്പോർട്ട്: സലിം കോട്ടയിൽ
