ഒഐസിസി യൂത്ത് വിംഗ് കുവൈറ്റ് ചികിത്സാ സഹായഫണ്ട് കൈമാറി

കുവൈറ്റ്: തിരുവനന്തപുരം ആർസിസിയിൽ ചികിത്സയിൽ കഴിയുന്ന കാസർഗോഡ് സ്വദേശിയായ അഞ്ചു വയസുകാരനുവേണ്ടി ഒഐസിസി യൂത്ത് വിംഗ് സമാഹരിച്ച ചികിത്സ സഹായഫണ്ട് ഒഐസിസി യൂത്ത് വിംഗ് പ്രസിഡന്‍റ് ജോബിൻ ജോസ് ഒഐസിസി നാഷണൽ പ്രസിഡന്‍റ് വർഗീസ് പുതുകുളങ്ങരക്ക് അബാസിയയിലെ ഒഐസിസി ഓഫീസിൽ നടന്ന ചടങ്ങിൽ കൈമാറി.

യൂത്ത് വിംഗ് നേതാക്കളായ ബൈജു പോൾ, ഷോബിൻ സണ്ണി, ഷബീർ കൊയിലാണ്ടി, ഇല്യാസ് പൊതുവാച്ചേരി, ഇസ്മായിൽ പാലക്കാട്, ബോണി കൊല്ലം, ജില്ലാ നേതാക്കളായ അക്ബർ വയനാട്, അർഷാദ് മലപ്പുറം, സിദ്ധിക് കണ്ണൂർ, മാണി ചാക്കോ തുടങ്ങിയവർ പങ്കെടുത്തു.

റിപ്പോർട്ട്: സലിം കോട്ടയിൽ