ന്യുഡൽഹി: ഡൽഹി മലയാളി അസോസിയേഷൻ (ഡിഎംഎ) വിനയ് നഗർ കിദ്വായ് നഗർ ഏരിയയുടെ ക്രിസ്മസ് പുതുവത്സരാഘോഷം ആർകെ പുരം സെക്ടർ 4 -ൽ ഉള്ള ദാമ സമുച്ചയത്തിൽ വച്ചു ആഘോഷിച്ചു. ആഘോഷപരിപാടികളുടെ ഉദ്ഘാടനം ദാമ പ്രസിഡന്റ് കെ. രഘുനാഥ് നിർവഹിച്ചു. ആർകെ പുരം സെന്റ് പീറ്റേഴ്സ് വികാരി ഡോ. പയസ് മലേകണ്ടത്തിൽ ക്രിസ്മസ് സന്ദേശം നൽകി.
ഏരിയാ ചെയർമാൻ സാജൻ ചെറിയാൻ അധ്യക്ഷത വഹിച്ചു. ചന്ദ്രൻ, മണികണ്ഠൻ, മാത്യു ജോസ്, കെ.ജെ. ടോണി എന്നിവർ ആശംസ പ്രസംഗം നടത്തി. സീന മാത്യു, സജി സുകു, സുരേഷ് എന്നിവർ കരോൾ ഗാനങ്ങൾ പാടി. ടിറ്റോ ജോയ് അവതരിപ്പിച്ച ബീറ്റ് ബോക്സിംഗ് മ്യൂസിക്കൽ പരിപാടിയും ആന്റണി ജോണിന്റെ ക്രിസ്മസ് ട്രീയും, ഉല്ലാസിന്റെ കവിതയും , മഞ്ജുഷ & ടീം ,മേഘാ നായർ & ടീം എന്നിവർ അവതരിപ്പിച്ച ഡാൻസ് പ്രോഗ്രാമുകളും, ശ്രീജിത്ത് & ടീം അവതരിപ്പിച്ച നടൻ പാട്ടും ആഘോഷത്തിന് കൊഴുപ്പേകി സ്നേഹവിരുന്നോടുകൂടി ചടങ്ങുകൾ സമാപിച്ചു.
റിപ്പോർട്ട്: റെജി നെല്ലിക്കുന്നത്ത്