സാഠേ പഠിക്കാത്ത കണക്ക്

റ്റി.​​​സി. മാ​​​ത്യു / ആര്‍ക്കും വേണ്ടാതെ കര്‍ഷകര്‍-2

വി​ല​ക്ക​യ​റ്റം കു​റ​ഞ്ഞു; പ്ര​ത്യേ​കി​ച്ച് ഭ​ക്ഷ്യ​വി​ല​ക്ക​യ​റ്റം. മൊ​ത്ത​വി​ല സൂ​ചി​ക (ഡ​ബ്ള്യു​പി​ഐ) ആ​ധാ​ര​മാ​ക്കി​യാ​ൽ ജൂ​ലൈ മു​ത​ൽ ഭ​ക്ഷ്യ​വി​ല​യി​ൽ ഇ​ടി​വേ ഉ​ള്ളൂ; വ​ർ​ധ​ന​യി​ല്ല.ജൂലൈ​യി​ൽ ഭ​ക്ഷ്യ​വി​ല​ക​ൾ 2.1 ശ​ത​മാ​നം താ​ണു. ഓ​ഗ​സ്റ്റി​ൽ നാ​ലു ശ​ത​മാ​നം. സെ​പ്റ്റം​ബ​റി​ൽ 0.2 ശ​ത​മാ​നം, ഒ​ക്‌​ടോ​ബ​റി​ൽ1.4 ശ​ത​മാ​നം, ന​വം​ബ​റി​ൽ 3.3 ശ​ത​മാ​നം, ഡി​സം​ബ​റി​ൽ 1.62 ശ​ത​മാ​നം. ഇ​തി​നു സ​മാ​ന​മാ​യ കു​റ​വ് ചി​ല്ല​റ വി​ലസൂ​ചി​ക​യി​ലും ഉ​ണ്ടാ​യി.

ധ​ന​ശാ​സ്ത്ര​വി​ദ​ഗ്ധ​രെ​ല്ലാം വി​ല​ക്ക​യ​റ്റ​ത്തി​ൽ വ​ന്ന കു​റ​വി​നെ പ്ര​കീ​ർ​ത്തി​ച്ച് എ​ഴു​തി. വി​ല​ക്ക​യ​റ്റം ല​ക്ഷ്യം​വ​ച്ചു​ള്ള (ഇ​ൻ​ഫ്ളേ​ഷ​ൻ ടാ​ർ​ഗ​റ്റ​ഡ്) പ​ണ​ന​യ​ത്തി​ന്‍റെ വി​ജ​യ​മാ​യി ഇ​തു ചി​ത്രീ​ക​രി​ക്ക​പ്പെ​ട്ടു. റി​സ​ർ​വ് ബാ​ങ്കി​ന് ഒ​രു പ​ണ​ന​യ ക​മ്മി​റ്റി (എം​പി​സി) രൂ​പ​വ​ത്ക​രി​ച്ച​പ്പോ​ൾ ഗ​വ​ൺ​മെ​ന്‍റ് ന​ല്കി​യ ദൗ​ത്യം വി​ല​ക്ക​യ​റ്റം നാ​ലു ശ​ത​മാ​ന​ത്തി​ൽ ഒ​തു​ക്ക​ണം എ​ന്നാ​യി​രു​ന്നു. ര​ണ്ടു ശ​ത​മാ​നം മു​ത​ൽ ആ​റു ശ​ത​മാ​നം​വ​രെ​യു​ള്ള ഒ​രു പ​രി​ധി​യും നി​ർ​ദേ​ശി​ച്ചു. ചി​ല്ല​റവി​ലസൂ​ചി​ക (സി​പി​ഐ) ആ​ധാ​ര​മാ​ക്കി​യു​ള്ള വി​ല​ക്ക​യ​റ്റ​മാ​ണ് ഇ​തി​ൽ ഉ​ദ്ദേ​ശി​ച്ച​ത്.

ല​ക്ഷ്യം നേ​ടി?

മാ​സ​ങ്ങ​ളാ​യി വി​ല​ക്ക​യ​റ്റം നാ​ലു ശ​ത​മാ​ന​ത്തി​നു താ​ഴെ​യാ​ണ്. ഭ​ക്ഷ്യ​വി​ല​ക്ക​യ​റ്റം മാ​റി ഭ​ക്ഷ്യ​വി​ല​യി​ടി​വാ​യി.എ​ല്ലാ​വ​രും സ​ന്തോ​ഷി​ച്ചു. സ​ർ​ക്കാ​ർ ഇ​തു ത​ങ്ങ​ളു​ടെ നേ​ട്ട​മാ​യി കൊ​ട്ടി​ഘോ​ഷി​ച്ചു. മ​ൻ​മോ​ഹ​ൻ​സിം​ഗ് ന​യി​ച്ച സ​ർ​ക്കാ​രി​ന്‍റെ കാ​ല​ത്ത് ഒ​ൻ​പ​തു ശ​ത​മാ​ന​മൊ​ക്കെ വ​ന്ന വി​ല​ക്ക​യ​റ്റം ഇ​താ നാ​ലു ശ​ത​മാ​ന​ത്തി​നു താ​ഴെ​യാ​ക്കി. ഭ​ക്ഷ്യ​വ​സ്തു​ക്ക​ൾ​ക്ക് (ധാ​ന്യ​ങ്ങ​ൾ, പ​ച്ച​ക്ക​റി​ക​ൾ, പ​ഴ​ങ്ങ​ൾ, മു​ട്ട, മാം​സം) വി​ല​കു​റ​ച്ചു.

എ​ല്ലാ​വ​രും ഹാ​പ്പി​യാ​ക​ണ​മ​ല്ലോ. വി​ല​ക്ക​യ​റ്റം അ​ഥ​വാ പ​ണ​പ്പെ​രു​പ്പ​ത്തി​ൽ​നി​ന്ന് വി​ല​യി​ടി​വ് അ​ഥ​വാ പ​ണ​ച്ചു​രു​ക്ക (ഡീ​ഫ്ളേ​ഷ​ൻ)​ത്തി​ലേ​ക്കു രാ​ജ്യം മാ​റു​ക​യാ​ണ​ല്ലോ?

സാ​ഠേ​ക്കു മ​ന​സി​ലാ​യി​ല്ല

മ​ഹാ​രാ​ഷ്‌​ട്ര​യി​ലെ നാ​സി​ക്കി​ന​ടു​ത്ത ഒ​രു ഗ്രാ​മ​ത്തി​ലു​ള്ള സ​ഞ്ജ​യ് സാ​ഠേ​ക്ക് ഈ ​സ​ന്തോ​ഷം എ​ന്തി​നാ​ണെ​ന്നു മ​ന​സി​ലാ​യി​ല്ല. ആ ​ക​ർ​ഷ​ക​ൻ 750 കി​ലോ സ​വാ​ള വി​റ്റ​പ്പോ​ൾ ല​ഭി​ച്ച​ത് 1064 രൂ​പ. ഒ​രു കി​ലോ​ഗ്രാ​മി​ന് 1.42 രൂ​പ​വ​ച്ച്.

സാ​ഠേ ആ 1064 ​രൂ​പ പ്ര​ധാ​ന​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ലേ​ക്ക് അ​യ​ച്ചു​കൊ​ടു​ത്തു. ഡി​ജി​റ്റ​ൽ വാ​ല​റ്റു​ക​ൾ (പേ​ടി​എ​മും റു​പേ​യും പോ​ലു​ള്ള​വ) ഉ​പ​യോ​ഗി​ക്കാ​ത്ത ആ ​ഗ്രാ​മീ​ണ​ൻ ത​പാ​ൽ വ​കു​പ്പി​ന്‍റെ മ​ണി ഓ​ർ​ഡ​ർ സം​വി​ധാ​ന​മാ​ണ് ഉ​പ​യോ​ഗി​ച്ച​ത്. അ​തി​ന് 54 രൂ​പ ക​മ്മീ​ഷ​നും ന​ല്കി.
(2010-ൽ ​യു​എ​സ് പ്ര​സി​ഡ​ന്‍റ് ബ​റാ​ക് ഒ​ബാ​മ വ​ന്ന​പ്പോ​ൾ അ​ദ്ദേ​ഹ​ത്തോ​ടു സം​വ​ദി​ക്കാ​ൻ കേ​ന്ദ്ര കൃ​ഷി​മ​ന്ത്രാ​ല​യം തെ​ര​ഞ്ഞെ​ടു​ത്ത ന​വീ​ന ക​ർ​ഷ​ക​രി​ൽ ഒ​രാ​ളാ​യി​രു​ന്നു സാ​ഠേ.)

സാ​ഠേ 1.42 രൂ​പ​യ്ക്ക് സ​വാ​ള വി​റ്റ ദി​വ​സം മും​ബൈ ന​ഗ​ര​ത്തി​ൽ സ​വാ​ള വി​ല കി​ലോ​ഗ്രാ​മി​ന് 20 രൂ​പ. സാ​ഠേ​യ്്ക്കു ല​ഭി​ച്ച​തി​ന്‍റെ 14 ഇ​ര​ട്ടി.

സാ​ഠേ​ക്ക് ഇ​തി​ന്‍റെ ഗ​ണി​ത​ശാ​സ്ത്ര​വും മ​ന​സി​ലാ​യി​ല്ല. രാ​ജ്യ​ത്തെ കോ​ടി​ക്ക​ണ​ക്കാ​യ ക​ർ​ഷ​ക​ർ​ക്കും ക​ർ​ഷ​ക​ത്തൊ​ഴി​ലാ​ളി​ക​ൾ​ക്കും അ​ങ്ങ​നെ​ത​ന്നെ. കി​ലോ​ഗ്രാ​മി​ന് 20 രൂ​പ വ​ച്ചു വി​ൽ​ക്കു​ന്ന വാ​ഴ​ക്കു​ല പ​ഴു​പ്പി​ച്ചു വി​ല്ക്കു​ന്ന വ്യാ​പാ​രി കി​ലോ​ഗ്രാ​മി​ന് 40 രൂ​പ വാ​ങ്ങു​ന്ന​തി​ന്‍റെ ക​ണ​ക്കും അ​വ​ർ​ക്ക​റി​യി​ല്ല.

വി​ല​ക്ക​യ​റ്റ​ത്തി​ന്‍റെ ശാ​സ്ത്രം

അ​തേ​പ്പ​റ്റി പി​ന്നീ​ട്. സാ​ഠേ​യും രാ​ജ്യ​ത്തെ വി​ല​ക്ക​യ​റ്റ​വും ത​മ്മി​ലു​ള്ള ബ​ന്ധ​ത്തി​ലേ​ക്കു വ​രാം.
വി​ല​ക്ക​യ​റ്റം വ​ലി​യ വി​ല്ല​നാ​ണ്. അ​തു ധ​നി​ക​രെ​യും ദ​രി​ദ്ര​രെ​യും വ​ല​യ്ക്കു​ന്നു. ധ​നി​ക​രേ​ക്കാ​ൾ ദ​രി​ദ്ര​രാ​ണു കൂ​ടു​ത​ൽ വ​ല​യു​ക. കാ​ര​ണം അ​വ​രു​ടെ ചെ​റി​യ വ​രു​മാ​നം​കൊ​ണ്ടു ര​ണ്ട​റ്റ​വും കൂ​ട്ടി​മു​ട്ടി​ക്കാ​ൻ ക​ഴി​യി​ല്ല. ധ​നി​ക​ർ​ക്കു ചെ​ല​വ് വ​ർ​ധി​ക്കു​മെ​ന്ന വി​ഷ​മ​മേ​യു​ള്ളൂ. അ​തു​കൊ​ണ്ടു വി​ല​ക്ക​യ​റ്റം കു​റ​ഞ്ഞി​രി​ക്കു​ന്ന​തു ക​ർ​ഷ​ക​ര​ട​ക്ക​മു​ള്ള ദ​രി​ദ്ര​വി​ഭാ​ഗ​ങ്ങ​ളെ സ​ഹാ​യി​ക്കും.

ധ​ന​ശാ​സ്ത്ര​ജ്ഞ​ർ​ക്ക് ഇ​ങ്ങ​നെ ധാ​രാ​ളം ന്യാ​യീ​ക​ര​ണ​ങ്ങ​ൾ ഉ​ണ്ട്. പ​ക്ഷേ സാ​ഠേ​യ​ട​ക്കം ക​ർ​ഷ​ക​ർ​ക്കു വി​ല​ക്കു​റ​വ് അ​ശ​നി​പാ​തം പോ​ലെ​യാ​യി. അ​വ​ർ​ക്കു വ​രു​മാ​നം തീ​രെ കു​റ​വാ​യി.

വി​ല​സൂ​ചി​ക ഒ​പ്പു​ക​ട​ലാ​സ​ല്ല

ഇ​തി​ൽ പ​ല ഘ​ട​ക​ങ്ങ​ൾ ഉ​ണ്ട്. വി​ല​സൂ​ചി​ക​യി​ൽ അ​ര​ശ​ത​മാ​ന​മോ ഒ​രു ശ​ത​മാ​ന​മോ ഒ​ക്കെ​യാ​വും കൂ​ടു​ന്ന​തും കു​റ​യു​ന്ന​തും. പ​ക്ഷേ ഉ​പ​യോ​ക്താ​വി​നോ ഉ​ത്പാ​ദ​ക​നോ അ​ങ്ങ​നെ​യ​ല്ല അ​നു​ഭ​വ​പ്പെ​ടു​ക. വി​ല​സൂ​ചി​ക ര​ണ്ടു ശ​ത​മാ​ന​മാ​കും ഈ ​മാ​സം ക​യ​റി​യ​ത്. പ​ക്ഷേ അ​ത് ര​ണ്ടോ മൂ​ന്നോ സാ​ധ​ന​ങ്ങ​ൾ​ക്ക് മു​പ്പ​തും നാ​ല്പ​തും ശ​ത​മാ​നം വി​ല​കൂ​ടി​യ​തു​കൊ​ണ്ടാ​കും. അ​വ വാ​ങ്ങു​ന്ന​വ​ർ 40 ശ​ത​മാ​നം വ​രെ അ​ധി​ക​വി​ല ന​ല്കേ​ണ്ടി​വ​രു​ന്നു.

അ​തേ​പോ​ലെ ഭ​ക്ഷ്യ​വി​ല 1.62 ശ​ത​മാ​നം കു​റ​ഞ്ഞ മാ​സ​ത്തി​ലാ​ണു സാ​ഠേ സ​വാ​ള വി​റ്റ​ത്. നേ​ര​ത്തേ വി​റ്റ​പ്പോ​ൾ ആ​റോ ഏ​ഴോ രൂ​പ കി​ട്ടി​യ സ്ഥാ​ന​ത്താ​ണ് 1.42 രൂ​പ കി​ട്ടി​യ​ത്.

ഇ​വി​ടെ സ്റ്റാ​റ്റി​സ്റ്റി​ക്സ് സാ​ഠേ​യു​ടെ ദു​രി​തം കാ​ണി​ക്കാ​ൻ സ​ഹാ​യി​ക്കു​ന്നി​ല്ല. സാ​ഠേ​യെ​പ്പോ​ലെ കോ​ടി​ക്ക​ണ​ക്കി​നു ക​ർ​ഷ​ക​രു​ടെ ദു​രി​ത​വും വി​ല​സൂ​ചി​ക​ക​ൾ​ക്ക് ഒ​പ്പി​യെ​ടു​ക്കാ​നാ​വി​ല്ല.

മു​ൻ​പൊ​ക്കെ ഉ​പ​യോ​ഗി​ച്ചി​രു​ന്ന ഒ​പ്പു​ക​ട​ലാ​സ് പോ​ലെ യാ​ഥാ​ർ​ഥ്യം പ​ക​ർ​ത്തി​വ​യ്ക്കു​ന്ന​വ​യ​ല്ല സ്റ്റാ​റ്റി​സ്റ്റി​ക്ക​ൽ പ​ട്ടി​ക​ക​ളും സൂ​ചി​ക​ക​ളും. അ​വ ക​ണ​ക്കു​ക​ളി​ൽ​നി​ന്നു ചോ​ര​യും നീ​രും മാ​റ്റി​യി​ട്ട് അ​ക്ക​ങ്ങ​ൾ മാ​ത്രം അ​വ​ത​രി​പ്പി​ക്കു​ന്ന​വ​യാ​ണ്. സാ​ഠേ​യെ​പ്പോ​ലു​ള്ള​വ​രു​ടെ ചോ​ര​യും നീ​രും ഔ​ദ്യോ​ഗി​ക രേ​ഖ​ക​ളി​ൽ വ​രാ​ത്ത​തി​നു കാ​ര​ണം വേ​റൊ​ന്ന​ല്ല.

റേ​റ്റിം​ഗി​നു​വേ​ണ്ടി

പ​ക്ഷേ, പ്ര​ശ്നം സ്റ്റാ​റ്റി​സ്റ്റി​ക്സി​ന്‍റേ​ത​ല്ല. ചി​ല സം​ഖ്യ​ക​ളെ​പ്പ​റ്റി​യു​ള്ള കേ​ന്ദ്ര​സ​ർ​ക്കാ​രി​ന്‍റെ അ​നാ​വ​ശ്യ താ​ത്പ​ര്യ​മാ​ണ്. ധ​ന​ക​മ്മി, വി​ല​ക്ക​യ​റ്റം തു​ട​ങ്ങി ചി​ല​വ. ഇ​വ​യോ​ടു താ​ത്പ​ര്യം കൂ​ടാ​ൻ കാ​ര​ണം അ​ന്താ​രാ‌​ഷ്‌​ട്ര ക്രെ​ഡി​റ്റ് റേ​റ്റിം​ഗ് ഏ​ജ​ൻ​സി​ക​ളു​ടെ റേ​റ്റിം​ഗി​ലെ മു​ഖ്യ​ഘ​ട​കം അ​വ​യാ​യ​താ​ണ്. വി​ദേ​ശ ഏ​ജ​ൻ​സി​ക​ളു​ടെ വ​ക ന​ല്ല റേ​റ്റിം​ഗ് കി​ട്ട​ണ​മെ​ന്ന അ​മി​ത മോ​ഹ​മാ​ണ് ഏ​റ്റ​വും ക​ടു​ത്ത സ്വ​ദേ​ശി​ക​ളു​ടേ​തെ​ന്ന് അ​വ​കാ​ശ​പ്പെ​ടു​ന്ന ന​രേ​ന്ദ്ര മോ​ദി​സ​ർ​ക്കാ​രി​നെ ന​യി​ക്കു​ന്ന​ത്. മൂ​ഡീസ്, സ്റ്റാ​ൻ​ഡാ​ർ​ഡ് ആ​ൻ​ഡ് പു​വേ​ഴ്സ് തു​ട​ങ്ങി​യ​വ​യി​ൽ​നി​ന്ന് "എ' ​റേ​റ്റിം​ഗ് ആ​ണ് ആ​ഗ്ര​ഹം. അ​തി​നു​വേ​ണ്ടി ധ​ന​ക്ക​മ്മി കു​റ​ച്ചു​നി​ർ​ത്തു​ന്നു, വി​ല​ക്ക​യ​റ്റം താ​ഴ്ത്തി​നി​ർ​ത്തു​ന്നു, സ​ബ്സി​ഡി​ക​ൾ വെ​ട്ടി​ക്കു​റ​യ്ക്കു​ന്നു.

അ​തി​ന്‍റെ ഭാ​ഗ​മാ​യി വി​ല​ക​ൾ കു​റ​ച്ചു​നി​ർ​ത്തു​ന്ന​തി​ന് സം​ഭ​ര​ണ​വി​ല താ​ഴ്ത്തി​നി​ർ​ത്തു​ന്നു. സ​ബ്സി​ഡി കു​റ​യ്ക്കാ​നാ​യി സം​ഭ​ര​ണം ചു​രു​ക്കു​ന്നു.

മ​ൻ​മോ​ഹ​ൻ ചെ​യ്ത​ത്

ഹി​മാ​ല​യ​ത്തി​ൽ ബ്രാ​ഹ്മ​മു​ഹൂ​ർ​ത്ത​ത്തി​ൽ ഉ​ണ​ർ​ന്നു സ​ന്യാ​സി​മാ​രി​ൽ​നി​ന്നു വി​ദ്യ നേ​ടി​യെ​ന്ന​വ​കാ​ശ​പ്പെ​ടു​ന്ന പ്ര​ധാ​ന​മ​ന്ത്രി​ക്ക് പാ​ശ്ചാ​ത്യ റേ​റ്റിം​ഗ് ഏ​ജ​ൻ​സി​ക​ളെ​യാ​ണു പ്രി​യം. പ​ടി​ഞ്ഞാ​റ​ൻ നാ​ടു​ക​ളി​ൽ പോ​യി ധ​ന​ശാ​സ്ത്ര​ത്തി​ൽ ഡോ​ക്ട​റേ​റ്റ് നേ​ടി​വ​ന്ന ഡോ. ​മ​ൻ​മോ​ഹ​ൻ സിം​ഗി​നു പ​ക്ഷേ റേ​റ്റിം​ഗു​കാ​രെ വ​ലി​യ അ​ഭി​പ്രാ​യ​മി​ല്ലാ​യി​രു​ന്നു. അ​തു​കൊ​ണ്ടു റേ​റ്റിം​ഗി​ന്‍റെ പി​ന്നാ​ലെ പോ​കാ​തെ മ​ൻ​മോ​ഹ​ൻ​സിം​ഗ് സം​ഭ​ര​ണ​വി​ല കൂ​ട്ടി, സം​ഭ​ര​ണം വ​ർ​ധി​പ്പി​ച്ചു; സ​ബ്സി​ഡി കൂ​ട്ടി; ഭ​ക്ഷ്യ​സു​ര​ക്ഷാ നി​യ​മം ഉ​ണ്ടാ​ക്കി; ക​ർ​ഷ​ക​ർ​ക്കു ക​ടാ​ശ്വാ​സം പ്ര​ഖ്യാ​പി​ച്ചു.പ​ഠി​ച്ച​വ​ൻ റേ​റ്റിം​ഗു​കാ​രെ അ​വ​ഗ​ണി​ച്ചു, ധ​ന​ക്ക​മ്മി കൂ​ട്ടി; പ​ഠി​ക്കാ​ത്ത​വ​ൻ റേ​റ്റിം​ഗു​കാ​രെ പേ​ടി​ച്ചു ക​മ്മി പി​ടി​ച്ചു​നി​ർ​ത്താ​ൻ നോ​ക്കി.

എ​ന്താ​ണു ഫ​ലം എ​ന്ന​റി​യാ​ൻ തെ​രു​വു​ക​ളി​ൽ നോ​ക്കി​യാ​ൽ മ​തി. മു​ന്പെ​ങ്ങു​മി​ല്ലാ​ത്ത​വി​ധം ക​ർ​ഷ​ക​ർ ഇ​പ്പോ​ൾ തെ​രു​വു​ക​ളി​ലാ​ണ്. ജീ​വി​ക്കാ​ൻ വേ​റെ ഗ​തി​യി​ല്ലാ​ത്ത​തി​നാ​ൽ അ​വ​ർ തെ​രു​വു​ക​ളി​ലേ​ക്കി​റ​ങ്ങി.

ധ​ന​ശാ​സ്ത്ര​ജ്ഞ​ൻ ഭ​രി​ച്ച​പ്പോ​ൾ ക​മ്മി നി​യ​ന്ത്രി​ച്ചി​ല്ലെ​ന്നും വി​ല​ക്ക​യ​റ്റം കു​തി​ച്ചു​ക​യ​റി​യെ​ന്നും പ​രി​ഹ​സി​ച്ച് ന​രേ​ന്ദ്ര മോ​ദി പ​ല ത​വ​ണ പ്ര​സം​ഗി​ച്ചു. എ​ന്നി​ട്ട് ഇ​പ്പോ​ൾ ചെ​യ്യാ​ൻ നോ​ക്കു​ന്ന​തോ?

കർഷകനും വേണ്ടേ മിനിമം ലാഭം?

കി​ലോ​ഗ്രാ​മി​ന് 1.42 രൂ​പ​യ്ക്കു താ​ൻ വി​റ്റ സവാള 150 കി​ലോ​മീ​റ്റ​ർ അ​ക​ലെ മും​ബൈ​യി​ൽ 20 രൂ​പ​യ്ക്കു വി​ല്ക്കു​ന്ന​തു സാ​ഠേ​ക്കു ഞെ​ട്ട​ലു​ണ്ടാ​ക്കാം. പ​ക്ഷേ എ​ല്ലാ കാ​ർ​ഷി​കോ​ത്പ​ന്ന​ങ്ങ​ളു​ടെ​യും കാ​ര്യ​ത്തി​ൽ ന​ട​ക്കു​ന്ന​ത് അ​താ​ണ്.

ഒ​രു കി​ലോ റോ​ബ​സ്റ്റാ കാ​പ്പി​പ്പ​രി​പ്പ് വി​റ്റാ​ൽ ഇ​പ്പോ​ൾ 120 രൂ​പ കി​ട്ടും. അ​തു വ​റു​ത്തു​പൊ​ടി​ച്ചാ​ൽ 700 ഗ്രാം ​പൊ​ടി ല​ഭി​ക്കും. ഒ​രു കി​ലോ പൊ​ടി വാ​ങ്ങ​ണ​മെ​ങ്കി​ൽ 250 രൂ​പ ന​ല്ക​ണം.
ഒ​രു കി​ലോ​ഗ്രാം കാ​പ്പി​പ്പൊ​ടി വേ​ണ​മെ​ങ്കി​ൽ 1.45 കി​ലോ​ഗ്രാം കാ​പ്പി​പ്പ​രി​പ്പ് വേ​ണം. കി​ലോ​ഗ്രാ​മി​ന് 25 രൂ​പ കൊ​ടു​ത്താ​ലേ വ​റു​ത്തു​പൊ​ടി​ച്ചു കി​ട്ടൂ. മൊ​ത്തം ചെ​ല​വ് 210 രൂ​പ. ഇ​താ​ണു സാ​ധാ​ര​ണ വ്യാ​പാ​രി 250 രൂ​പ​യ്ക്കു വി​ല്ക്കു​ന്ന​ത്.

ഇ​തു​ത​ന്നെ ബ്രാ​ൻ​ഡ​ഡ് കാ​പ്പി​പ്പൊ​ടി​യാ​യാ​ൽ 500 രൂ​പ മു​ത​ൽ മു​ക​ളി​ലേ​ക്കാ​ണു വി​ല. ഒ​രു കപ്പ് കാ​പ്പി​ക്കു ഒ​രു ഗ്രാം ​കാ​പ്പി​പ്പൊടിയു​ടെ സാ​ഷെ ന​ല്കു​ന്ന ബ​ഹു​രാ​ഷ്‌​ട്ര ക​ന്പ​നി വാ​ങ്ങു​ന്ന​തു ര​ണ്ടു രൂ​പ. അ​താ​യ​ത് കി​ലോ​ഗ്രാ​മി​ന് ര​ണ്ടാ​യി​രം രൂ​പ. ആ​മ​സോ​ണി​ൽ ചി​ര​ട്ട​യു​ടെ വി​ല ക​യ​റി​പ്പോ​കും​പോ​ലെ ത​ന്നെ കാ​പ്പി​യു​ടെ​യും ക​ഥ.

കാ​പ്പി മാ​ത്ര​മ​ല്ല എ​ല്ലാ ഉ​ത്പ​ന്ന​ങ്ങ​ളു​ടെ​യും വി​ല​യി​ൽ ഇ​താ​ണു സം​ഭ​വി​ക്കു​ന്ന​ത്. പ്രാ​ഥ​മി​ക ഉ​ത്പാ​ദ​ക​നു ലാ​ഭ​മോ ന​ഷ്ട​മോ എ​ന്ന് ആ​രും ചി​ന്തി​ക്കു​ന്നി​ല്ല. ആ​ദ്യം വാ​ങ്ങു​ന്ന​വ​ർ മു​ത​ൽ സം​സ്ക​രി​ച്ചു മൂ​ല്യ​വ​ർ​ധി​ത ഉ​ത്പ​ന്ന​മാ​ക്കി ബ്രാ​ൻ​ഡ് ചെ​യ്ത് പ​ര​സ്യ​കോ​ലാ​ഹ​ല​ത്തി​ന്‍റെ അ​ക​ന്പ​ടി​യോ​ടെ വി​ൽ​ക്കു​ന്ന​വ​ർ​വ​രെ കൃ​ത്യ​മാ​യ ലാ​ഭ​മാ​ർ​ജി​ൻ എ​ടു​ക്കു​ന്നു. എ​ന്തു​കൊ​ണ്ട് ക​ർ​ഷ​ക​ന് ഒ​രു നി​ശ്ചി​ത ലാ​ഭ​മാ​ർ​ജി​ൻ അ​നു​വ​ദി​ച്ചു ന​ട​പ്പാ​ക്കി​ക്കൂ​ടാ?