സാൻ ഫ്രാൻസിക്സോ/കാലിഫോർണിയ: സെന്റ് തോമസ് സീറോ മലബാർ കത്തോലിക്ക ചർച്ച് ഓഫ് സാൻ ഫ്രാൻസിസ്കോ ഇടവകയുടെ പത്താം വാർഷിക ആഘോഷങ്ങൾക്ക് തുടക്കമായി. ആഘോഷ പരിപാടികൾക്ക് ദേവാലയ അൾത്താരയിൽ നടന്ന ചടങ്ങിൽ വച്ചു ഇടവക വികാരി ഫാ. ജോർജ് എട്ടുപറയിൽ (സോണിയച്ചൻ) നിലവിളക്കു കൊളുത്തി ഉദ്ഘടനം ചെയ്തു. കൈക്കാരൻമാരായ ബാബു തോമസ്, ഋഷി മാത്യു, ജെഫ്രീ ജോർജ്, പ്രവീണ് മാത്യു, പ്രോഗ്രാം കണ്വീനർ സജൻ മൂലപ്ലാക്കൽ, കോർ കമ്മറ്റി അംഗങ്ങളായ ഡോ. സോണിയ മാത്യു , ജോണ് പുലിക്കോട്ടിൽ, ജെറിൻ തോമസ് എന്നിവർ ചടങ്ങിൽ സന്നിഹിതരായിരുന്നു.
ആത്മീയവയും ഭൗതീകവുമായ കാര്യങ്ങൾ ഉൾകൊള്ളുന്ന പത്തുമാസം നീണ്ട ആഘോഷ പരിപാടികൾക്കാണ് കമ്മിറ്റി രൂപം കൊടുത്തിരിക്കുന്നതെന്ന് പ്രോഗ്രാം കണ്വീനർ സജൻ മൂലപ്ലാക്കൽ തന്റെ ആമുഖ പ്രസംഗത്തിൽ പറഞ്ഞു.
ഇടവകയുടെ തുടക്കം മുതൽ സേവനം അനുഷ്ടിച്ച ഫാ. ജിമ്മി തൊട്ടപ്പള്ളിൽ, ഫാ. കുരിയൻ നെടുവേലി ചാലുങ്കൽ, ഫാ. ജോജി കണിയാംപടി , ഫാ. റോയ് കാലായിൽ, ഫാ. മാത്യു മുഞ്ഞനാട്ട് എന്നീ വികാരിമാരുടെയും, കൈക്കാരൻ മാരുടെയും കമ്മിറ്റിക്കാരുടെയും പ്രവർത്തനങ്ങൾ ചടങ്ങിൽ അനുസ്മരിച്ചു.
പത്താം വാർഷിക ആഘോഷത്തോടനുബന്ധിച്ചു ഫാ. ജോസഫ് പുത്തൻപുരയിൽ (Ofm Cap) നയിക്കുന്ന പ്രത്യേക ഇടവക ധ്യാനം, വചന പേടക പ്രയാണം, വീട് വെഞ്ചിരിപ്പ് , പന്ത്രണ്ടു മണിക്കൂർ ദിവ്യകാരുണ്യ ആരാധന, ഉപവാസ പ്രാർത്ഥനകൾ, ഇടവക നേതൃത്വത്തിലുള്ള വിശുദ്ധനാട് സന്ദർശനം എന്നിവയോടൊപ്പം വിവിധ കലാകായിക മത്സരങ്ങൾ, ഫുഡ് ഫെസ്റ്റിവൽ, ഫോട്ടോഗ്രാഫി മത്സരം, ബൈബിൾ ക്വിസ്, ഡിബേറ്റ് മത്സരം തുടങ്ങിയവയും വിവിധ വിഷയങ്ങളിലുള്ള സെമിനാറുകളും സംഘടിപ്പിച്ചിട്ടുണ്ട് .
നവംബർ 16, 17 തീയതികളിൽ നടത്താനുദേശിക്കുന്ന ആഘോഷ ചടങ്ങുകളുടെ സമാപന സമ്മേളനത്തിൽ ഷിക്കാഗോ രൂപത മെത്രാൻ ജേക്കബ് അങ്ങാടിയത്തു വിശിഷ്ടാതിഥിയായിരിക്കും. പത്താം വാർഷികത്തോടനുബന്ധിച്ചു പ്രസിദ്ധീകരിക്കുന്ന സുവനീറും ഫാമിലി ഡയറക്ടറിയും ചടങ്ങിൽ പ്രകാശനം ചെയ്യും. കൈക്കാരനും കമ്മിറ്റി അംഗവുമായ ജെഫ്രീ ജോർജ് നന്ദി പ്രകാശിപ്പിച്ചു. പത്താംവർഷത്തോടനുബന്ധിച്ചു ഇടവകയിൽ രൂപീകരിച്ച പ്രയർ കാർഡ് എല്ലാ ഇടവകാംഗങ്ങൾക്കും വിതരണം ചെയ്തു.
റിപ്പോർട്ട്: ജോയിച്ചൻ പുതുക്കുളം
ആത്മീയവയും ഭൗതീകവുമായ കാര്യങ്ങൾ ഉൾകൊള്ളുന്ന പത്തുമാസം നീണ്ട ആഘോഷ പരിപാടികൾക്കാണ് കമ്മിറ്റി രൂപം കൊടുത്തിരിക്കുന്നതെന്ന് പ്രോഗ്രാം കണ്വീനർ സജൻ മൂലപ്ലാക്കൽ തന്റെ ആമുഖ പ്രസംഗത്തിൽ പറഞ്ഞു.
ഇടവകയുടെ തുടക്കം മുതൽ സേവനം അനുഷ്ടിച്ച ഫാ. ജിമ്മി തൊട്ടപ്പള്ളിൽ, ഫാ. കുരിയൻ നെടുവേലി ചാലുങ്കൽ, ഫാ. ജോജി കണിയാംപടി , ഫാ. റോയ് കാലായിൽ, ഫാ. മാത്യു മുഞ്ഞനാട്ട് എന്നീ വികാരിമാരുടെയും, കൈക്കാരൻ മാരുടെയും കമ്മിറ്റിക്കാരുടെയും പ്രവർത്തനങ്ങൾ ചടങ്ങിൽ അനുസ്മരിച്ചു.
പത്താം വാർഷിക ആഘോഷത്തോടനുബന്ധിച്ചു ഫാ. ജോസഫ് പുത്തൻപുരയിൽ (Ofm Cap) നയിക്കുന്ന പ്രത്യേക ഇടവക ധ്യാനം, വചന പേടക പ്രയാണം, വീട് വെഞ്ചിരിപ്പ് , പന്ത്രണ്ടു മണിക്കൂർ ദിവ്യകാരുണ്യ ആരാധന, ഉപവാസ പ്രാർത്ഥനകൾ, ഇടവക നേതൃത്വത്തിലുള്ള വിശുദ്ധനാട് സന്ദർശനം എന്നിവയോടൊപ്പം വിവിധ കലാകായിക മത്സരങ്ങൾ, ഫുഡ് ഫെസ്റ്റിവൽ, ഫോട്ടോഗ്രാഫി മത്സരം, ബൈബിൾ ക്വിസ്, ഡിബേറ്റ് മത്സരം തുടങ്ങിയവയും വിവിധ വിഷയങ്ങളിലുള്ള സെമിനാറുകളും സംഘടിപ്പിച്ചിട്ടുണ്ട് .
നവംബർ 16, 17 തീയതികളിൽ നടത്താനുദേശിക്കുന്ന ആഘോഷ ചടങ്ങുകളുടെ സമാപന സമ്മേളനത്തിൽ ഷിക്കാഗോ രൂപത മെത്രാൻ ജേക്കബ് അങ്ങാടിയത്തു വിശിഷ്ടാതിഥിയായിരിക്കും. പത്താം വാർഷികത്തോടനുബന്ധിച്ചു പ്രസിദ്ധീകരിക്കുന്ന സുവനീറും ഫാമിലി ഡയറക്ടറിയും ചടങ്ങിൽ പ്രകാശനം ചെയ്യും. കൈക്കാരനും കമ്മിറ്റി അംഗവുമായ ജെഫ്രീ ജോർജ് നന്ദി പ്രകാശിപ്പിച്ചു. പത്താംവർഷത്തോടനുബന്ധിച്ചു ഇടവകയിൽ രൂപീകരിച്ച പ്രയർ കാർഡ് എല്ലാ ഇടവകാംഗങ്ങൾക്കും വിതരണം ചെയ്തു.
റിപ്പോർട്ട്: ജോയിച്ചൻ പുതുക്കുളം