പ്രകൃതിയുടെ ഇരകൾ

ലോകവിചാരം / സെ​ർ​ജി ആ​ന്‍റ​ണി

നി​ര​വ​ധി രാ​ജ്യ​ങ്ങ​ൾ ക​ടു​ത്ത കാ​ലാ​വ​സ്ഥാ പ്ര​തി​സ​ന്ധി​യെ നേ​രി​ടു​ക​യാ​ണ്. എ​ൽ​നീ​നോ പ്ര​തി​ഭാ​സം ഈ ​വ​ർ​ഷാ​ന്ത്യം ലോ​ക​ത്തെ​യാ​കെ അ​സ്വ​സ്ഥ​മാ​ക്കു​മെ​ന്ന് ഐ​ക്യ​രാ​ഷ്‌​ട്ര​സം​ഘ​ട​ന മു​ന്ന​റി​യി​പ്പു ന​ൽ​കു​ന്നു. ക​ടു​ത്ത വ​ര​ൾ​ച്ച​യും ക​ന​ത്ത മ​ഴ​യും പ​ല ലോ​ക​രാ​ഷ്‌​ട്ര​ങ്ങ​ളെ​യും ദു​രി​ത​പൂ​ർ‌​ണ​മാ​ക്കാം. ര​ണ്ടു​വ​ർ​ഷം മു​ന്പ് എ​ൽ​നീ​നോ വ​രു​ത്തി​യ അ​ത്ര​യും ദു​രി​തം ഈ ​വ​ർ​ഷം ഉ​ണ്ടാ​കാ​നി​ട​യി​ല്ലെ​ന്ന സൂ​ച​ന മാ​ത്ര​മാ​ണ് ഏ​ക ആ​ശ്വാ​സം.

ഈ ​ദി​വ​സ​ങ്ങ​ളി​ലെ​ല്ലാം ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ കാ​ലാ​വ​സ്ഥാ വ്യ​തി​യാ​നത്തി ന്‍റെ ഫ​ല​മാ​യു​ള്ള പ്ര​കൃ​തി ദു​ര​ന്ത​ങ്ങ​ളു​​ണ്ടാ​യി. പ​ലേ​ട​ത്തും അ​തു വ​രാ​നി​രി​ക്കു​ന്നു​വെ​ന്ന പ്ര​വ​ച​ന​വു​മു​ണ്ട്. കേ​ര​ള​വും ഇ​ത്ത​ര​മൊ​രു അ​പൂർ​വ പ്ര​ള​യ​ക്കെ​ടു​തി​ക്ക് ഈ​യി​ടെ വി​ധേ​യ​മാ​യി​രു​ന്ന​ല്ലോ.
പ്ര​കൃ​തി ദു​ര​ന്ത​ങ്ങ​ൾ സ​മ്മാ​നി​ക്കു​ന്ന ഏ​റെ പ്ര​തി​സ​ന്ധി​ക​ളി​ലൂ​ടെ ക​ട​ന്നു​പോ​കു​ന്നൊ​രു രാ​ജ്യ​മാ​ണു ജ​പ്പാ​ൻ. ര​ണ്ടാം ലോ​ക​മ​ഹാ​യു​ദ്ധ​കാ​ല​ത്ത് ഹി​രോ​ഷി​മ​യി​ലും നാ​ഗ​സാ​ക്കി​യി​ലും പ​തി​ച്ച അ​ണു​ബോം​ബു​ക​ളി​ലൂ​ടെ​യാ​വും ലോ​കം ജ​പ്പാ​നെ കൂ​ടു​ത​ലും അ​റി​യു​ക. അ​തി​ന്‍റെ വേ​ദ​ന ഇ​ന്നും അ​വ​ർ അ​നു​ഭ​വി​ച്ചു തീ​ർ​ന്നി​ട്ടി​ല്ല. എ​ന്നാ​ൽ, നി​ര​ന്ത​ര​മാ​യി വ​ലി​യ പ്ര​കൃ​തി​ക്ഷോ​ഭ​ങ്ങ​ളി​ലൂ​ടെ ക​ട​ന്നു​പോ​കു​ന്നൊ​രു രാ​ജ്യം കൂ​ടി​യാ​ണ​ത്. അ​ച്ച​ട​ക്ക​വും അ​ധ്വാ​ന​ശീ​ല​വും​കൊ​ണ്ട് അ​വ​ർ അ​തൊ​ക്കെ മ​റി​ക​ട​ക്കു​ന്നു​ണ്ട്.

ഭൂ​മി​ശാ​സ്ത്ര​പ​ര​മാ​യ പ്ര​ത്യേ​ക​ത​മൂ​ലം ഭൂ​ച​ല​ന​വും സു​നാ​മി​യും മാ​ത്ര​മ​ല്ല, അ​ഗ്നി​പ​ർ​വ​ത​ങ്ങ​ൾ, മ​ണ്ണി​ടി​ച്ചി​ൽ എ​ന്നി​വ​യെ​ല്ലാം ഈ ​കൊ​ച്ചു രാ​ജ്യ​ത്തെ പി​ടി​ച്ചു​കു​ലു​ക്കു​ന്നു. ഇ​തി​നി​ടെ കോ​ള​റ​യും പ​ന്നി​പ്പ​നി​യും ഈ​യി​ടെ ജ​പ്പാ​നി​ൽ പ​ട​ർ​ന്നു പി​ടി​ച്ചു. നൂ​റു​ക​ണ​ക്കി​നു പ​ന്നി​ക​ളെ ന​ശി​പ്പി​ച്ചു. പ​ന്നി ഇ​റ​ച്ചി​യു​ടെ ക​യ​റ്റു​മ​തി നി​ർ​ത്തി​വ​ച്ചു. ജ​പ്പാ​ന്‍റെ വ​ട​ക്ക​ൻ ദ്വീ​പാ​യ ഹൊ​ക്കെ​യ്ദോ​യി​ൽ ഉ​ണ്ടാ​യ ഭൂ​മി​കു​ലു​ക്ക​ത്തി​ൽ 37 പേ​രാ​ണു മ​രി​ച്ച​ത്.

ചു​ഴ​ലി പേ​ടി​ച്ചു യു​എ​സ്

അ​മേ​രി​ക്ക​യു​ടെ കി​ഴ​ക്ക​ൻ​തീ​ര​വും വ​ലി​യൊ​രു കൊ​ടു​ങ്കാ​റ്റി​നെ കാ​ത്തി​രി​ക്കു​ക​യാ​ണ്. കാ​ലാ​വ​സ്ഥാ പ്ര​വ​ച​നം കൂ​ടു​ത​ൽ ശാ​സ്ത്രീ​യ​മാ​യി ന​ട​ത്തു​ന്ന​തി​നാ​ൽ ഇ​തു സം​ബ​ന്ധി​ച്ച മു​ന്ന​റി​യി​പ്പ് കാ​ലേ​കൂട്ടി എ​ത്തി. ഫ്ലോ​റ​ൻ​സ് എന്നാണ് ഈ ചുഴലിക്കാറ്റിനെ നാമകരണം ചെയ്തിരിക്കുന്നത്.
ഫ്ലോ​റി​ഡ, ജോ​ർ​ജി​യ, വ​ട​ക്കും തെ​ക്കും ക​രോ​ളൈന എ​ന്നി​വി​ട​ങ്ങ​ളി​ൽ കാ​റ്റ് വ​ലി​യ നാ​ശം വി​ത​യ്ക്കു​മെ​ന്നാ​ണു ക​രു​തു​ന്ന​ത്. മ​ണി​ക്കൂ​റി​ൽ 220 കി​ലോ​മീ​റ്റ​ർ വേ​ഗ​ത്തി​ലു​ള്ള കാ​റ്റു വീ​ശാ​നാ​ണു​സാ​ധ്യ​ത.

കി​ഴ​ക്ക​ൻ തീ​രം അ​ടു​ത്തെ​ങ്ങും അ​നു​ഭ​വി​ച്ചി​ട്ടി​ല്ലാ​ത്ത വി​ധ​ത്തി​ലു​ള്ള രൂ​ക്ഷ​മാ​യ ചു​ഴ​ലി​ക്കാ​റ്റി​നാ​ണു സാ​ധ്യ​ത​യെ​ന്നു പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ട്വീ​റ്റ് ചെ​യ്തു. ദ​ക്ഷി​ണ ക​രോ​ളൈ​ന നി​വാ​സി​ക​ളോ​ടു മു​ൻ​ക​രു​ത​ലു​ക​ളെ​ടു​ക്കാ​ൻ അ​ധി​കൃ​ത​ർ ആ​വ​ശ്യ​പ്പെ​ട്ടി​ട്ടു​ണ്ട്. പ​ത്തു ല​ക്ഷം പേ​ർ​ക്കാ​ണു മു​ന്ന​റി​യി​പ്പു ന​ൽ​കി​യി​രി​ക്കു​ന്ന​ത്. സ്കൂ​ളു​ക​ൾ​ക്ക് ചൊ​വ്വാ​ഴ്ച മു​ത​ൽ അ​വ​ധി ന​ൽ​കി​യി​രി​ക്കു​ക​യാ​ണ്.

ദ​ക്ഷി​ണ ക​രോ​ളൈന​യി​ലെ​യും വി​ർ​ജീനി​യ​യി​ലെ​യും ഗ​വ​ർ​ണ​ർ​മാ​ർ അ​വി​ട​ങ്ങ​ളി​ൽ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചു. അ​ടി​യ​ന്ത​രാ​വ​സ്ഥാ പ്ര​ഖ്യാ​പ​ന​ത്തി​നു അ​നു​മ​തി ന​ൽ​കി​ക്കൊ​ണ്ട് ഫെ​ഡ​റ​ൽ സ​ർ​ക്കാ​ർ 24 മ​ണി​ക്കൂ​റും ജാ​ഗ്ര​ത പു​ല​ർ​ത്തു​മെ​ന്നു പ്ര​സി​ഡ​ന്‍റ് ട്രം​പ് ഉ​റ​പ്പും ന​ൽ​കി.

ക​ഴി​ഞ്ഞ വെ​ള്ളി​യാ​ഴ്ച​യാ​ണ് വ​ട​ക്ക​ൻ ക​രോ​ളി​ന​യി​ൽ ഗ​വ​ർ​ണ​ർ റോ​യ് കൂ​പ്പ​ർ അ​ടി​യ​ന്ത​രാ​വ​സ്ഥാ പ്ര​ഖ്യാ​പ​നം ന​ട​ത്തി​യ​ത്. വാ​രാ​ന്ത്യ​ത്തി​ൽ കൂ​ടു​ത​ൽ ക​രു​ത​ലു​ക​ളെ​ടു​ത്തു ത​യാ​റാ​യി​രി​ക്കാ​നും അ​ദ്ദേ​ഹം ത​ദ്ദേ​ശ​വാ​സി​ക​ളോ​ട് ആ​വ​ശ്യ​പ്പെ​ട്ടു. ക​ന​ത്ത ചു​ഴ​ലി​ക്കാ​റ്റു​വീ​ശു​ന്ന കാ​ല​ത്തേ​ക്കാ​ണു ക​ട​ക്കു​ന്ന​തെ​ന്നും ആ​ഘാ​ത​ത്തി​ന്‍റെ രൂ​ക്ഷ​ത മു​ൻ​കൂ​ട്ടി കാ​ണാ​നാ​വി​ല്ലെ​ന്നും കൂ​പ്പ​ർ മു​ന്ന​റി​യി​പ്പു ന​ൽ​കി. അ​മേ​രി​ക്ക​യി​ലെ ക​ര, വ്യോ​മ, നാ​വി​ക സേ​നാ​വി​ഭാ​ഗ​ങ്ങളെ​ല്ലാം എ​ന്ത് അ​ടി​യ​ന്ത​ര സാ​ഹ​ച​ര്യ​മു​ണ്ടാ​യാ​ലും നേ​രി​ടാ​ൻ ത​യാ​റാ​യി നി​ൽ​ക്കു​ക​യാ​ണ്.

പ്രോ ​ലൈ​ഫാ​യി ചൈ​ന

ലോ​ക​ജ​ന​സം​ഖ്യ​യി​ൽ ഒ​ന്നാം സ്ഥാ​ന​ത്താ​ണെ​ങ്കി​ലും ത​ങ്ങ​ളു​ടെ ജ​ന​സം​ഖ്യാ​ന​യ​ത്തി​ൽ വീ​ണ്ടും അ​യ​വു​വ​രു​ത്താ​നു​ള്ള നീ​ക്ക​ത്തി​ലാ​ണു ചൈ​ന. ഒ​രു കു​ട്ടി മു​ദ്രാ​വാ​ക്യം തി​രു​ത്താ​നു​ള്ള സ​മ​യ​മാ​യെ​ന്നു ഭ​ര​ണാ​ധി​കാ​രി​ക​ൾ ക​രു​തു​ന്നു. രാ​ജ്യ​ത്തെ യു​വ​ജ​ന സം​ഖ്യ കു​റ​ഞ്ഞു​വ​രു​ന്ന​തും ഇ​തി​നൊ​രു കാ​ര​ണ​മാ​യി​രി​ക്കാം.

സാ​ന്പ​ത്തി​ക രം​ഗ​ത്തു വ​ലി​യ കു​തി​ച്ചു​ചാ​ട്ടം ന​ട​ത്തി​യ ചൈ​ന ഇ​ത്ത​ര​മൊ​രു ന​യ​വ്യ​തി​യാ​ന​ത്തി​നു തു​നി​യു​ന്ന​തി​ന്‍റെ പ്ര​ധാ​ന കാ​ര​ണം വൃ​ദ്ധ​ജ​ന​ങ്ങ​ളു​ടെ സം​ഖ്യ​യി​ലു​ണ്ടാ​കു​ന്ന അ​ഭൂ​ത​പൂ​ർ​വ​മാ​യ വ​ർ​ധ​ന​യും ജോ​ലി ചെ​യ്യാ​ൻ ക​ഴി​വു​ള്ള ചെ​റു​പ്പ​ക്കാ​രു​ടെ എ​ണ്ണം കു​റ​ഞ്ഞു​വ​രു​ന്ന​തും ത​ന്നെ​യാ​ണ്. എ​ന്നാ​ൽ, ഇ​ന്ത്യ​യി​ലെ ഇ​പ്പോ​ഴ​ത്തെ സ്ഥി​തി മ​റി​ച്ചാ​ണ്. ഇ​വി​ടെ ജോ​ലി ചെ​യ്യാ​ൻ ക​ഴി​വു​ള്ള ചെ​റു​പ്പ​ക്കാ​രു​ടെ​യും മ​ധ്യ​വ​യ​സ്ക​രു​ടെ​യും വ​ലി​യൊ​രു സം​ഖ്യ​യു​ണ്ട്. ഈ ​മ​നു​ഷ്യ​ശേ​ഷി​യാ​ണ് ഇ​ന്ത്യ​ക്കു പ്ര​തീ​ക്ഷ ന​ൽ​കു​ന്ന​ത്.

ചൈ​ന​യ്ക്കും ഏ​താ​നും വ​ർ​ഷം മു​ന്പ് ഈ ​സ്ഥി​തി​യു​ണ്ടാ​യി​രു​ന്നു. അ​തു മാ​റി​വ​രു​ന്ന​ത് ഏ​റെ ആ​ശ​ങ്ക​യോ​ടെ​യാ​ണ് ഭ​ര​ണാ​ധി​കാ​രി​ക​ൾ കാ​ണു​ന്ന​ത്. സാ​ന്പ​ത്തി​ക വ​ള​ർ​ച്ച നി​ല​നി​ർ​ത്തു​ന്ന​തി​നും കൂ​ടു​ത​ൽ വ​ള​ർ​ച്ച കൈ​വ​രി​ക്കു​ന്ന​തി​നും ശാ​സ്ത്ര, സാ​ങ്കേ​തി​ക പു​രോ​ഗ​തി മാ​ത്രം പോ​രാ. അ​തു പ്ര​യോ​ഗി​ക്കാ​ൻ ക​ഴി​വു​ള്ള മ​നു​ഷ്യ​രു​മു​ണ്ടാ​ക​ണം. ഈ ​യാ​ഥാ​ർ​ഥ്യം മു​ൻ​കൂ​ട്ടി​ക്ക​ണ്ടു​കൊ​ണ്ടാ​ണ് ര​ണ്ടു​വ​ർ​ഷം മു​ന്പു​ത​ന്നെ ചൈ​ന ഒ​റ്റ​ക്കു​ട്ടി ന​യ​ത്തി​ൽ​നി​ന്നു പി​ൻ​വാ​ങ്ങി​യ​ത്. ഇ​നി​യി​പ്പോ​ൾ കൂ​ടു​ത​ൽ ക​ട്ടി​ക​ൾ വേ​ണ​മെ​ന്ന ആ​ശ​യം പ്ര​ച​രി​പ്പി​ക്കാ​നും പ​ദ്ധ​തി​യു​ണ്ട്.

അ​ടു​ത്ത​കാ​ല​ത്ത് ചൈ​ന ഇ​റ​ക്കി​യ ഒ​രു ത​പാ​ൽ സ്റ്റാ​ന്പി​ൽ ആ​ൺ​പ​ന്നി​യു​ടെ​യും പെ​ൺ​പ​ന്നി​യു​ടെ​യും കൂ​ടെ​യി​രി​ക്കു​ന്ന മൂ​ന്നു പ​ന്നി​ക്കു​ഞ്ഞു​ങ്ങ​ളു​ടെ പ​ട​മാ​ണു​ണ്ടാ​യി​രു​ന്ന​ത്. ചൈ​ന​യു​ടെ ജ​ന​സം​ഖ്യാ​ന​യ​ത്തി​ൽ ഉ​ണ്ടാ​കാ​ൻ പോ​കു​ന്ന മാ​റ്റ​ത്തി​ന്‍റെ സൂ​ച​ന​യാ​യി ഇ​തി​നെ കാ​ണു​ന്ന​വ​രു​ണ്ട്.

2016ൽ​ത്ത​ന്നെ ഒ​റ്റ​ക്കു​ട്ടി ന​യ​ത്തി​ൽ​നി​ന്നു പി​ന്മാ​റി​യെ​ങ്കി​ലും ന​യ​വ്യ​തി​യാ​നം ശ​ക്ത​മാ​യി പ്ര​ച​രി​പ്പി​ച്ചി​രു​ന്നി​ല്ല. എ​ന്നി​ട്ടും ക​ഴി​ഞ്ഞ​ര​ണ്ടു​വ​ർ​ഷ​ത്തി​നു​ള്ളി​ൽ ജ​ന​സം​ഖ്യ​യി​ൽ എ​ട്ടു ശ​ത​മാ​നം വ​ർ​ധ​ന​യു​ണ്ടാ​യി. ജ​ന​ന​നി​യ​ന്ത്ര​ണ​ത്തി​ൽ​നി​ന്നു പ്രോ​ലൈ​ഫി​ലേ​ക്കു​ള്ള മാ​റ്റ​മാ​യി ഇ​തി​നെ കാ​ണു​ന്നു.

ക​ഴി​ഞ്ഞ ര​ണ്ടു വ​ർ​ഷ​ത്തി​നു​ള്ളി​ൽ ചൈ​ന​യി​ൽ ജ​നി​ച്ച കു​ട്ടി​ക​ളി​ൽ പ​കു​തി​യും ദ​ന്പ​തി​ക​ൾ​ക്കു​ണ്ടാ​യ ര​ണ്ടാ​മ​ത്തെ കു​ട്ടി​യാ​യി​രു​ന്നു. ചൈ​നീ​സ് ദ​ന്പ​തി​ക​ൾ വ​ലി​യ കു​ടും​ബം ആ​ഗ്ര​ഹി​ക്കു​ന്നു എ​ന്ന​തി​ന്‍റെ സൂ​ച​ന​യാ​യി ഈ ​മാ​റ്റ​ത്തെ ക​ണ​ക്കാ​ക്കു​ന്നു. ക​ഴി​ഞ്ഞ വ​ർ​ഷം 172 ല​ക്ഷം ജ​ന​ന​മാ​ണു ര​ജി​സ്റ്റ​ർ ചെയ്​ത​ത്. 2016ലേ​തി​നേ​ക്കാ​ൾ അ​ല്പം കു​റ​വാ​ണീ സം​ഖ്യ. അ​തേ​സ​മ​യം അ​റു​പ​തു​വ​യ​സി​നും അ​തി​നു മു​ക​ളി​ലും പ്രാ​യ​മു​ള്ള​വ​രു​ടെ സം​ഖ്യ​യി​ലും വ​ലി​യ വ​ർ​ധ​ന​യാ​ണു ക​ഴി​ഞ്ഞ വ​ർ​ഷം രേ​ഖ​പ്പെ​ടു​ത്തി​യ​ത്. 140 കോ​ടി​യാ​ണ് ചൈ​ന​യി​ലെ ജ​ന​സം​ഖ്യ. തൊ​ട്ടു​പി​ന്നി​ൽ ഇ​ന്ത്യ​യു​മു​ണ്ട്.

പ​ലാ​യ​നം തു​ട​രു​ന്നു

അ​ര​ക്ഷി​ത രാ​ജ്യ​ങ്ങ​ളി​ൽ​നി​ന്നു​ള്ള പ​ലാ​യ​നം തു​ട​രു​ക​യാ​ണ്. അ​തേ​സ​മ​യം പ​ല യൂ​റോ​പ്യ​ൻ രാ​ജ്യ​ങ്ങ​ളി​ലും കു​ടി​യേ​റ്റ​ക്കാ​ർ​ക്കും അ​ഭ​യാ​ർ​ഥി​ക​ൾ​ക്കു​മെ​തി​രേ​യു​ള്ള രോ​ഷം വ​ർ​ധി​ക്കു​ക​യും ചെ​യ്യു​ന്നു.

ഏ​തു​വി​ധേ​ന​യും ര​ക്ഷ​പ്പെ​ടാ​ൻ​ശ്ര​മി​ക്കു​ന്ന​വ​ർ പ​ല​രും അ​പ​ക​ട​ത്തി​ൽ​പ്പെ​ടു​ന്ന​തു പ​തി​വാ​ണ്. അ​ഭ​യാ​ർ​ഥി​ക​ളു​മാ​യി പോ​യ ബോ​ട്ട് ലി​ബി​യ​ൻ തീ​ര​ത്തു മു​ങ്ങി ഇ​രു​പ​തു കു​ട്ടി​ക​ൾ ഉ​ൾ​പ്പെ​ടെ നൂ​റു​പേ​രാ​ണ് ഈ​യി​ടെ കൊ​ല്ല​പ്പെ​ട്ട​ത്. ക​ട​ൽ യാ​ത്ര​യ്ക്കു​ള്ള സു​ര​ക്ഷാ​സം​വി​ധാ​ന​ങ്ങളൊ​ന്നു​മി​ല്ലാ​ത്ത ബോ​ട്ടി​ലാ​യി​രു​ന്നു ഇ​വ​രു​ടെ യാ​ത്ര. പ​ല​പ്പോ​ഴും ക​യ​റാ​വു​ന്ന​തി​നേ​ക്കാ​ൾ ഏ​റെ​ക്കൂ​ടു​ത​ൽ യാ​ത്ര​ക്കാ​രു​മു​ണ്ടാ​വും. യ​ന്ത്ര​ത്ത​ക​രാറാ​ണ് ഒ​രു ബോ​ട്ട് ത​ക​രാ​ൻ കാ​ര​ണ​മാ​യ​ത്. ആ​ടി​യു​ല​ഞ്ഞ ബോ​ട്ടി​ൽ​നി​ന്നു ലൈ​ഫ് ജാ​ക്ക​റ്റ് ഉ​പ​യോ​ഗി​ച്ചു പു​റ​ത്തു​ചാ​ടി​യ ചി​ല​ർ ര​ക്ഷ​പ്പെ​ട്ടു. ആ​വ​ശ്യ​ത്തി​നു ലൈ​ഫ് ജാ​ക്ക​റ്റു​ക​ളും ബോ​ട്ടി​ലി​ല്ലാ​യി​രു​ന്നു.

ലി​ബി​യ, അ​ൾ​ജീ​രി​യ, ഘാ​ന, കാ​മ​റൂ​ൺ, നൈ​ഗ​ർ, മാ​ലി, സു​ഡാ​ൻ എ​ന്നീ രാ​ജ്യ​ങ്ങ​ളി​ൽ​നി​ന്നു​ള്ള അ​ഭ​യാ​ർ​ഥി​ക​ളാ​യി​രു​ന്നു ബോ​ട്ടി​ലു​ണ്ടാ​യി​രു​ന്ന​ത്. രാ​ഷ്‌​ട്രീ​യ അ​സ്ഥി​ര​ത​യും ആ​ഭ്യ​ന്ത​ര സം​ഘ​ർ​ഷ​ങ്ങ​ളും കൊ​ടി​കു​ത്തി​വാ​ഴു​ന്ന രാ​ജ്യ​ങ്ങ​ളാ​ണി​വ. ര​ക്ഷ​പ്പെ​ട്ട​വ​രെ ലി​ബി​യ​ൻ തീ​ര​സം​ര​ക്ഷ​ണ​സേ​ന തീ​ര​ത്തെ​ത്തി​ച്ചു ക്യാ​ന്പു​ക​ളി​ലാ​ക്കി.

അ​സ്വ​സ്ഥ​ബാ​ധി​ത​മാ​യ ആ​ഫ്രി​ക്ക​ൻ രാ​ജ്യ​ങ്ങ​ളി​ൽ​നി​ന്നു യൂ​റോ​പ്പി​ലേ​ക്കു ക​ട​ക്കാ​ൻ ശ്ര​മി​ക്കു​ന്ന​വ​ർ ലി​ബി​യ​ൻ തീ​ര​ങ്ങ​ളെ​യാ​ണ് ആ​ശ്ര​യി​ക്കു​ന്ന​ത്. അ​തി​രു​ക​ളി​ല്ലാ​ത്ത ഡോ​ക്‌​ട​ർ​മാ​ർ(​എം​എ​സ്എ​ഫ്) എ​ന്ന സം​ഘ​ടന​യാ​ണ് ഈ ​ദാ​രു​ണ വാ​ർ​ത്ത പു​റം​ലോ​ക​ത്തെ​ത്തി​ച്ച​ത്. ര​ക്ഷ​പ്പെ​ട്ട​വ​രി​ൽ ഗ​ർ​ഭി​ണി​ക​ളും പി​ഞ്ചു​കു​ഞ്ഞു​ങ്ങ​ളു​മൊ​ക്കെ​യു​ണ്ടാ​യി​രു​ന്നു. ചി​ല​ർ​ക്കു സാ​ര​മാ​യ പ​രി​ക്കു​മേ​റ്റു. വെ​ള്ള​ത്തി​ൽ ഏ​റെ സ​മ​യം കി​ട​ന്ന ചി​ല​ർ​ക്കു ന്യൂ​മോ​ണി​യ​യും പി​ടി​പെ​ട്ടു.

ഇ​ന്ത്യ​യോ​ട് ഇ​ഷ്‌​ട​മാ​ണ്, പ​ക്ഷേ...

വി​ക​സ്വ​ര രാ​ജ്യ​ങ്ങ​ളെ​ന്ന പേ​രി​ൽ ഇ​ന്ത്യ​യും ചൈ​ന​യും ആ​നു​കൂ​ല്യ​ങ്ങ​ൾ ത​ട്ടി​യെ​ടു​ക്കു​ന്നു​വെന്ന് അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​നു പ​രാ​തി. ഇ​രു​രാ​ജ്യ​ങ്ങ​ളും വ​ള​രു​ന്ന സ​ന്പ​ദ്ഘ​ട​ന​യാ​ണെ​ന്ന് അ​വ​കാ​ശ​പ്പെ​ടു​ന്നു. അ​വ​ർ സ്വ​യം വി​ക​സ്വ​ര രാ​ജ്യ​ങ്ങ​ളെ​ന്നും വി​ളി​ക്കു​ന്നു. അ​തി​ന്‍റെ മ​റ​വി​ൽ സ​ബ്സി​ഡി​ക​ളും ത​ട്ടി​യെ​ടു​ക്കു​ന്നു- ട്രം​പ് പ​രാ​തി​പ്പെ​ട്ടു.

ദ​ക്ഷി​ണ ഡ​ക്കോ​ട്ട​യി​ൽ ഒ​രു റാ​ലി​യെ അ​ഭി​സം​ബോ​ധ​ന ചെ​യ്യു​ന്പോ​ഴാ​ണ് ട്രം​പ് ഇ​ക്കാ​ര്യം വി​ശ​ദീ​ക​രി​ച്ച​ത്. അ​മേ​രി​ക്ക​യു​ടെ ക​ടു​ത്ത വ്യാ​പാ​ര ന​യ​ങ്ങ​ൾ ഇ​ന്ത്യ​യെ​പ്പോ​ലു​ള്ള രാ​ജ്യ​ങ്ങ​ൾ​ക്കു വെ​ല്ലു​വി​ളി​യാ​യി​ട്ടു​ണ്ടെ​ന്നും ട്രം​പ് പ​റ​ഞ്ഞു.

ഇ​ന്ത്യ​യും അ​മേ​രി​ക്ക​യും നി​ര​വ​ധി വ്യാ​പാ​ര ഉ​ട​ന്പ​ടി​ക​ൾ ച​ർ​ച്ച ചെ​യ്തു​വ​രി​ക​യാ​ണ്. അ​ടു​ത്ത മൂ​ന്നു വ​ർ​ഷ​ത്തേ​ക്ക് 1000 കോ​ടി ഡോ​ള​റി​ന്‍റെ ഉ​ത്പ​ന്ന​ങ്ങ​ൾ കൂ​ടി പു​തു​താ​യി വാ​ങ്ങ​ണ​മെ​ന്ന അ​മേ​രി​ക്ക​യു​ടെ നി​ർ​ദേ​ശ​ത്തി​ൽ ഈ ​ച​ർ​ച്ച​ക​ൾ ഉ​ട​ക്കി​ക്കി​ട​ക്കു​ന്നു.

ഇ​ന്ത്യ​യും അ​മേ​രി​ക്ക​യും ത​മ്മി​ൽ ന​ട​ത്തി​യ ടു ​പ്ല​സ് ടു ​ച​ർ​ച്ച​യെ​ക്കു​റി​ച്ചും ട്രം​പ് പ്ര​സം​ഗ​ത്തി​ൽ പ​രാ​മ​ർ​ശി​ച്ചു. അ​മേ​രി​ക്ക​ൻ സ്റ്റേ​റ്റ് സെ​ക്ര​ട്ട​റി മൈ​ക്ക് പോം​പി​യോ​യും പ്ര​തി​രോ​ധ സെ​ക്ര​ട്ട​റി ജ​യിം​സ് മാ​റ്റി​സും ഇ​ന്ത്യ​ൻ വി​ദേ​ശ​കാ​ര്യ​മ​ന്ത്രി സു​ഷ​മ സ്വ​രാ​ജും പ്ര​തി​രോ​ധ മ​ന്ത്രി നി​ർ​മ​ല സീ​താ​രാ​മ​നും ത​മ്മി​ൽ ന​ട​ന്ന ച​ർ​ച്ച​യും തു​ട​ർ​ന്നു​ണ്ടാ​യ ക​രാ​റു​ക​ളും സൈ​നി​ക, പ്ര​തി​രോ​ധ രം​ഗ​ത്തു ചി​ല സം​യു​ക്ത നീ​ക്ക​ങ്ങ​ൾ​ക്ക് അ​വ​സ​ര​മൊ​രു​ക്കി​യെ​ങ്കി​ലും വ്യാ​പാ​ര രം​ഗ​ത്ത് ഇ​നി​യും ചി​ല തീ​രു​മാ​ന​ങ്ങ​ൾ ഉ​ണ്ടാ​കേ​ണ്ടി​യി​രി​ക്കു​ന്നു.

ഇ​തൊ​ക്കെ​യാ​ണെ​ങ്കി​ലും പ്ര​സി​ഡ​ന്‍റ് ട്രം​പും പ്ര​ധാ​ന​മ​ന്ത്രി മോ​ദി​യും ത​മ്മി​ലു​ള്ള ഗാ​ഢ​മാ​യ ബ​ന്ധം ഇ​രു രാ​ജ്യ​ങ്ങ​ളും ത​മ്മി​ലു​ള്ള ഇ​ട​പാ​ടു​ക​ളെ നി​ർ​ണാ​യ​ക​മാ​യി സ്വാ​ധീ​നി​ച്ചേ​ക്കും. മോ​ദി ത​ന്‍റെ സു​ഹൃ​ത്താ​ണെ​ന്നും താ​ൻ അ​ദ്ദേ​ഹ​ത്തെ ഏ​റെ ഇ​ഷ്‌​ട​പ്പെ​ടു​ന്നു​വെ​ന്നും ട്രം​പ് പ​റ​ഞ്ഞ​താ​യി പ്ര​ശ​സ്ത മാ​ധ്യ​മ​പ്ര​വ​ർ​ത്ത​ക​ൻ ബോ​ബ് വു​ഡ്വേ​ഡ് ഈ​യി​ടെ പ്ര​സി​ദ്ധീ​ക​രി​ച്ച പു​സ്ത​ക​ത്തി​ൽ പ​റ​ഞ്ഞി​രു​ന്നു.