ലണ്ടൻ: ബ്രിട്ടീഷ് പ്രധാനമന്ത്രി തെരേസ മേയ്ക്ക് ബ്രിട്ടീഷ് പാർലമെന്റിൽ ഒരിക്കൽക്കൂടി പരാജയം. പ്രധാനമന്ത്രിയുടെ ബ്രെക്സിറ്റ് സമീപനം സംബന്ധിച്ച വോട്ടെടുപ്പിൽ 258 എംപിമാർ മാത്രമാണ് അവരെ അനുകൂലിച്ചത്. 303 പേർ എതിർത്തു വോട്ടു ചെയ്തു.
പ്രധാനമന്ത്രി നേരിട്ട് ചർച്ചയിൽ പങ്കെടുത്തതുമില്ല. തെരേസ മേയ് ഇനിയെങ്കിലും തന്റെ ബ്രെക്സിറ്റ് നിലപാടുകൾ തെറ്റാണെന്നു സമ്മതിക്കണമെന്ന് ലേബർ പാർട്ടി നേതാവ് ജെറമി കോർബിൻ ആവശ്യപ്പെട്ടു.
പ്രധാനമന്ത്രിയുടെ പാർട്ടിയിലെ ബ്രെക്സിറ്റ് അനുകൂലികൾ വോട്ടെടുപ്പിൽ നിന്ന് വിട്ടു നിൽക്കുകയായിരുന്നു. കരാറില്ലാത്ത ബ്രെക്സിറ്റ് ഒഴിവാക്കുക എന്ന ആവശ്യത്തിൻമേൽ സർക്കാർ ഉറപ്പു കൊടുക്കാത്തതിൽ പ്രതിഷേധിച്ചായിരുന്നു ഇത്. യൂറോപ്യൻ യൂണിയനുമായുള്ള തുടർ ചർച്ചകളിൽ തെരേസ മേയുടെ സ്ഥിതി കൂടുതൽ പരുങ്ങലിലാക്കുന്നതാണ് പാർലമെന്റിലെ പരാജയം.
റിപ്പോർട്ട്: ജോസ് കുന്പിളുവേലിൽ
ബിട്ടീഷ് പാർലമെന്റിൽ തെരേസ മേയ്ക്ക് വീണ്ടും പരാജയം
09:32 PM Feb 15, 2019 | Deepika.com