തിരുവല്ല: ചാരിറ്റിയിൽ ചരിത്രമെഴുതി ചാമത്തിലും ടീമും ഫോമാ വില്ലേജ് പദ്ധതികൾക്ക് തറക്കല്ലിട്ടു. പ്രളയബാധിതർക്കായി ഫോമാ ഒരുക്കുന്ന ഭവന നിർമ്മാണ പദ്ധതിയുടെ ശിലാസ്ഥാപനം തിരുവല്ല കടപ്രയിലെ ഷുഗർ ഫാക്ടറിക്ക് സമീപം പൊതുമരാമത്തുവകുപ്പ് മന്ത്രി ജി. സുധാകരൻ നിർവഹിച്ചു. പ്രസ്തുത സമ്മേളനം കേരള പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. മുൻ ജലസേചന വകുപ്പ് മന്ത്രിയും, തിരുവല്ല എംഎൽഎയുമായ മാത്യു ടി. തോമസ് മുഖ്യ പ്രഭാഷണം നടത്തി. റാന്നി എംഎൽഎ രാജു എബ്രഹാം, ചെങ്ങന്നൂർ എംഎൽഎ സജി ചെറിയാൻ തുടങ്ങിയവർ ആശംസകൾ അറിയിച്ച സമ്മേളനത്തിൽ ഫോമാ പ്രസിഡന്റ് ഫിലിപ്പ് ചാമത്തിൽ അധ്യക്ഷനായിരുന്നു.
ഫോമയുടെ ജീവകാരുണ്യ പ്രവർത്തനങ്ങളും ഏതൊരു മലയാളികൾക്കും മാതൃകയാണെന്നും നവകേരള നിർമ്മാണത്തിനായി ഫോമായുടെ ആശയങ്ങൾ വളരെ വിലപ്പെട്ടതാണെന്നും ശിലാസ്ഥാപനം നിർവഹിച്ചു സംസാരിച്ച മന്ത്രി ജി. സുധാകരൻ അഭിപ്രായപ്പെട്ടു.
ഫോമാ രൂപീകൃതമായപ്പോൾ മുതൽ കേരളത്തിൽ നടത്തി വരുന്ന സേവന പ്രവർത്തനങ്ങൾ സ്വാഗതാർഹമാണെന്ന് പ്രതിപക്ഷ നേതാവ് രമേശ് ചെന്നിത്തല തന്റെ ഉദ്ഘാടന പ്രഭാഷണത്തിൽ പറഞ്ഞത്. പ്രളയദുരിതർക്ക് കേരളത്തിലെ മൂന്ന് ജില്ലകളിലായിട്ടാണ് ഫോമാ വില്ലേജ് പദ്ധതികൾ നടപ്പിലാക്കുന്നത്. കടപ്ര ഉൾപ്പെടെ ഉള്ള ഫോമാ വില്ലേജ് പ്രോജക്ടിൽ കേരള സർക്കാരും, തണൽ എന്ന ജീവകാരുണ്യ സംഘടനയും കൈകോർക്കുന്നു എന്നത് ഈ പദ്ധതിക്ക് പുതിയ മാനങ്ങൾ നൽകുന്നു.
റിപ്പോർട്ട്: പന്തളം ബിജു തോമസ്
ഫോമയുടെ ജീവകാരുണ്യ പ്രവർത്തനങ്ങളും ഏതൊരു മലയാളികൾക്കും മാതൃകയാണെന്നും നവകേരള നിർമ്മാണത്തിനായി ഫോമായുടെ ആശയങ്ങൾ വളരെ വിലപ്പെട്ടതാണെന്നും ശിലാസ്ഥാപനം നിർവഹിച്ചു സംസാരിച്ച മന്ത്രി ജി. സുധാകരൻ അഭിപ്രായപ്പെട്ടു.
ഫോമാ രൂപീകൃതമായപ്പോൾ മുതൽ കേരളത്തിൽ നടത്തി വരുന്ന സേവന പ്രവർത്തനങ്ങൾ സ്വാഗതാർഹമാണെന്ന് പ്രതിപക്ഷ നേതാവ് രമേശ് ചെന്നിത്തല തന്റെ ഉദ്ഘാടന പ്രഭാഷണത്തിൽ പറഞ്ഞത്. പ്രളയദുരിതർക്ക് കേരളത്തിലെ മൂന്ന് ജില്ലകളിലായിട്ടാണ് ഫോമാ വില്ലേജ് പദ്ധതികൾ നടപ്പിലാക്കുന്നത്. കടപ്ര ഉൾപ്പെടെ ഉള്ള ഫോമാ വില്ലേജ് പ്രോജക്ടിൽ കേരള സർക്കാരും, തണൽ എന്ന ജീവകാരുണ്യ സംഘടനയും കൈകോർക്കുന്നു എന്നത് ഈ പദ്ധതിക്ക് പുതിയ മാനങ്ങൾ നൽകുന്നു.
റിപ്പോർട്ട്: പന്തളം ബിജു തോമസ്