രാവിലെ നടന്ന ഉദ്ഘാടന സമ്മേളനത്തിൽ വിടവാങ്ങിയ പ്രിയപ്പെട്ട യുക്മ നേതാക്ക·ാരായ എബ്രഹാം ജോർജ്, രഞ്ജിത്ത്, പ്രസ്റ്റണിലെ ജയാ നോബി എന്നിവരെ സ്മരിച്ച് ഒരു മിനിറ്റ് മൗനം ആചരിച്ചശേഷമാണ് പരിപാടികൾ ആരംഭിച്ചത്. യുക്മ നോർത്ത് വെസ്റ്റ് റീജിയൻ പ്രസിഡന്റ് ഷീജോ വർഗീസ് അധ്യക്ഷത വഹിച്ച ഉദ്ഘാടന സമ്മേളനത്തിൽ സെക്രട്ടറി തങ്കച്ചൻ എബ്രഹാം കായിക താരങ്ങൾക്കും മറ്റെല്ലാവർക്കും സ്വാഗതം ആശംസിച്ചു. യുക്മ നാഷണൽ കമ്മിറ്റിയംഗം തന്പി ജോസ് കായിക മേള ഉദ്ഘാടനം ചെയ്തു. യുക്മ നാഷണൽ ജോയിന്റ് സെക്രട്ടറി സിന്ധു ഉണ്ണി, ട്രഷറർ രഞ്ജിത്ത് ഗണേഷ്, എബി തോമസ്, ജോയി അഗസ്തി, സുരേഷ് നായർ, ടോം തടിയന്പാട്, മാത്യു അലക്സാണ്ടർ, ഹരികുമാർ ഗോപാലൻ, ജോബി, ജോജി ജേക്കബ്, വിൽസൻ തുടങ്ങിയവർ സന്നിഹിതരായിരുന്നു.
വർണശബളമായ മാർച്ച് പാസ്റ്റോടെയാണ് മത്സരങ്ങൾ ആരംഭിച്ചത്. വാശിയേറിയ മത്സരങ്ങളിൽ തികഞ്ഞ സ്പോർട്സ്മാൻ സ്പിരിറ്റോടെയാണ് കായിക താരങ്ങൾ പങ്കെടുത്തത്. അവസാനം നടന്ന വടംവലി മത്സരത്തിൽ ലിവർപൂൾ മലയാളി അസോസിയേഷൻ ഒന്നാം സ്ഥാനത്തെത്തി. വാറിംഗ്ടണ് മലയാളി അസോസിയേഷനാണ് രണ്ടാമതെത്തിയത്. മത്സരത്തിലെ വിജയികൾക്ക് ഭാരവാഹികൾ സമ്മാനദാനം നിർവഹിച്ചു.
ജൂലൈ 14 ശനിയാഴ്ച നടക്കുന്ന നാഷണൽ സ്പോർട്സിൽ വിജയികളായ എല്ലാ കായിക താരങ്ങളും പങ്കെടുക്കണമെന്ന് റീജണ് കമ്മിറ്റി അഭ്യർത്ഥിച്ചു. യുക്മ നോർത്ത് വെസ്റ്റ് റീജണ് കായികമേളയിൽ വിജയിപ്പിച്ച എല്ലാ അസോസിയേഷൻ ഭാരവാഹികൾക്കും പങ്കെടുത്ത എല്ലാ കായിക താരങ്ങൾക്കും പ്രസിഡന്റ് ഷിജോ വർഗീസ്, സെക്രട്ടറി തങ്കച്ചൻ എബ്രഹാം എന്നിവർ കമ്മിറ്റിക്ക് വേണ്ടി നന്ദി രേഖപ്പെടുത്തി.
റിപ്പോർട്ട്: അലക്സ് വർഗീസ്