ബോൾട്ടൻ: വി. അൽഫോൻസാമ്മയുടെ പാദസ്പർശത്താൽ അനുഗ്രഹമായ ചരിത്രമുറങ്ങുന്ന കടൽതുരുത്തായി മാറിയ കടന്തേരി എന്നറിയപ്പെട്ട കടത്തുരുത്തിയുടെ ഭാഗമായ മുട്ടുചിറ നിവാസികളുടെ യുകെയിലെ പത്താമത് സംഗമം അതിന്റെ പ്രഥമ സംഗത്തിന് നേതൃത്വം കൊടുത്ത ബോൾട്ടണിലെ ജോണി കണിവേലിൽ കണ്വീനറായുള്ള കമ്മിറ്റിയുടെ നേതൃത്വത്തിൽ ജൂലൈ 7 ശനിയാഴച രാവിലെ 10.30 മുതൽ മാഞ്ചസ്റ്ററിലെ ബ്രിട്ടാനിയ എയർപോർട്ട് ഹോട്ടലിൽ വച്ചു നടക്കും. മുട്ടുചിറക്കാരുടെ സ്വന്തം നടയ്ക്കലച്ചനും മറ്റ് വിശിഷ്ടാതിഥികളും നാട്ടിൽ നിന്നും എത്തിച്ചേർന്നു .
പതിവുപോലെ ദശവത്സര ആഘോഷങ്ങൾക്കും തുടക്കം കുറിക്കുന്നത് മുട്ടുചിറക്കാരുടെ സ്വന്തം, വിശുദ്ധ അൽഫോൻസാമ്മയുടെ മാതൃഗൃഹമായ വാലാച്ചിറ പുതുക്കരി നടയ്ക്കൽ കുടുംബാംഗം വർഗീസച്ചന്റെ ദിവ്യബലിയോടു കൂടിയാണ്. രാവിലെ 10.30 ന് ദിവ്യബലി ആരംഭിക്കും. മുട്ടുചിറ ഫെറോന പള്ളി മുൻ അസിസ്റ്റന്റ് വികാരിയും ഇപ്പോൾ യുകെയിലെ നോട്ടിംങ്ഹാമിൽ ചാപ്ലയിനുമായ റവ. ഫാ. ബിജു കുന്നയ്ക്കാട്ട് സഹകാർമ്മികനാകും.
ദിവ്യബലിക്ക് ശേഷം പൊതു സമ്മേളനവും, കുട്ടികളുടേയും, മുതിർന്നവരുടേയും വിവിധ കലാപരിപാടികളും ഉണ്ടായിരിക്കുന്നതായിരിക്കും. മുട്ടുചിറ സംഗമത്തിന്റെ കണ്വീനർ ജോണി കണിവേലിൽ ഏവരേയും സ്വാഗതം ചെയ്യും. വിശിഷ്ട വ്യക്തികളും നാട്ടിൽ നിന്നെത്തിയ മാതാപിതാക്കളും വേദിയിൽ സന്നിഹിതരാവും. പ്രസ്തുത സംഗമത്തിൽ വച്ച് മുട്ടുചിറ കൂട്ടായ്മയിലെ സജീവ സാന്നിധ്യമായ ഈ അടുത്ത കാലത്ത് കേംബ്രിഡ്ജ് സിറ്റി കൗണ്സിലറായി തിരഞ്ഞെടുക്കപ്പെട്ട ബൈജു തിട്ടാലയെ പത്താമത് സംഗമ വേദിയിൽ വച്ച് ആദരിക്കും. വിവിധ രാഷ്ട്രീയ മത, നേതാക്ക·ാർ സംഗമത്തിന് വീഡിയോ കോണ്ഫറൻസിലൂടെ ആശംസകളറിയിക്കും. മുട്ടുചിറ സംഗമത്തിൽ പങ്കെടുത്ത് വൻ വിജയമാക്കുവാൻ എല്ലാ മുട്ടുചിറ നിവാസികളെയും സംഗമം കമ്മിറ്റിക്കു വേണ്ടി കണ്വീനർ ജോണി കണിവേലിൽ സ്വാഗതം ചെയ്യുന്നു.
കൂടുതൽ വിവരങ്ങൾക്ക്
ജോണി കണിവേലിൽ 07889800292
ഷാരോണ് പന്തല്ലൂർ07901603309
സംഗമ വേദിയുടെ വിലാസം:
BRITATIA AIRPORT HOTEL,
PALATINE ROAD,
MANCHESTER,
M22 4 FH.
ിൃശ2018ഷൗഹ്യ07ാൗേേൗരവശൃമ.ഷുഴ
റിപ്പോർട്ട്: അലക്സ് വർഗീസ്
പത്താമത് മുട്ടുചിറ സംഗമം ശനിയാഴ്ച മാഞ്ചസ്റ്ററിൽ
04:03 AM Jul 08, 2018 | Deepika.com