കൊട്ടാരക്കര: എംസി റോഡിൽ വയക്കലിൽ നിയന്ത്രണം വിട്ട കാറിടിച്ച് ഗൃഹനാഥൻ മരിച്ചു. വയക്കൽ ജമാൽ മൻസിലിൽ ജമാൽ മുഹമ്മദ് (64) ആണ് മരിച്ചത്. ഇന്നലെ പുലർച്ചെ 6.30നായിരുന്നു അപകടം. ജമാൽ മുഹമ്മദും സഹോദരി പുത്രനും മത്സ്യം വാങ്ങുന്നതിനായി പൊലിക്കൊട് മുക്കിൽ നിൽക്കുമ്പോൾ തിരുവനന്തപുരത്തു നിന്നും വന്ന കാർ നിയന്ത്രണം വിട്ട് ഇടിക്കുകയായിരുന്നു.
ഗുരുതരമായി പരിക്കേറ്റ ജമാൽ മുഹമ്മദിനെ ഉടൻ തന്നെ കൊട്ടാരക്കര താലൂക്കാശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കാർ ഡ്രൈവർ ഉറങ്ങിയതാണ് അപകട കാരണമെന്നാണ് പോലീസ് നിഗമനം. മൃതദേഹം കൊട്ടാരക്കര താലൂക്ക് ആശുപത്രി മോർച്ചറിയിൽ.
ഗുരുതരമായി പരിക്കേറ്റ ജമാൽ മുഹമ്മദിനെ ഉടൻ തന്നെ കൊട്ടാരക്കര താലൂക്കാശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കാർ ഡ്രൈവർ ഉറങ്ങിയതാണ് അപകട കാരണമെന്നാണ് പോലീസ് നിഗമനം. മൃതദേഹം കൊട്ടാരക്കര താലൂക്ക് ആശുപത്രി മോർച്ചറിയിൽ.