ഫിലിം എക്യുപ്മെന്റ് ആൻഡ് സ്റ്റുഡിയോ ഓണേഴ്സ് അസോസിയേഷന് ഓഫ് കേരള(ഫെസോക്) പ്രസിഡന്റായി ദിലീപ് ചുമതലയേറ്റു. സിനിമാ മേഖലയില് ഷൂട്ടിംഗിനായി ഉപയോഗിക്കുന്ന പ്രൊഫഷണല് ക്യാമറകള്, ലൈറ്റ് യൂണിറ്റുകള്, പോസ്റ്റ് പ്രൊഡക്ഷന് വര്ക്കുകള് ചെയ്യുന്ന പ്രൊഫഷണല് സ്റ്റുഡിയോകള് എന്നിവയിലെ അംഗങ്ങളുടെ സംഘടനയാണ് ഫെസോക്.
ജനറല് സെക്രട്ടറി- ബെന്നി ആര്ട്ട്ലൈന്, വര്ക്കിംഗ് പ്രസിഡന്റ്- ആര്. എച്ച്. സതീഷ്, ട്രഷറർ- അപ്പു ദാമോദരൻ തുടങ്ങിയവരാണ് മറ്റ് ഭാരവാഹികള്.
തൊഴില് രംഗത്ത് ഉപകരണ, സ്റ്റുഡിയോ ഉടമകള് നേരിടുന്നപ്രശ്നങ്ങൾക്ക് പരിഹാരമുണ്ടാക്കാനും അംഗങ്ങളുടെ കലാ, സാമൂഹിക, സാംസ്കാരിക, ആരോഗ്യ രംഗങ്ങളുള്പ്പെടെയുള്ള സമസ്ത മേഖലകളിലെയും ഉന്നമനത്തിനായി പ്രവര്ത്തിക്കുകയെന്നതാണ് സംഘടനയുടെ പ്രധാന ലക്ഷ്യം. ഫെസോക്കിന്റെ ജഡ്ജസ് അവന്യുവിലെ ഓഫീസിന്റെ ഉദ്ഘാടനം ഓഗസ്റ്റ് 24-ന് നടക്കും.