കക്ഷി അമ്മിണിപ്പിള്ള എന്ന ചിത്രത്തിനുശേഷം ദിന്‍ജിത്ത് അയ്യത്താന്‍ സംവിധാനം ചെയ്യുന്ന ചിത്രമാണ് കിഷ്കിന്ധാകാണ്ഡം. ആസിഫ് അലിയാണ് ചിത്രത്തിലെ നായകൻ. ചിത്രത്തിൽ ആസിഫ് അലിക്കൊപ്പം നിഷാനുമുണ്ട്.
ശ്യാമപ്രസാദ് സംവിധാനം ചെയ്ത ഋതു എന്ന ചിത്രത്തിലൂടെ ആസിഫ് അലിക്കൊപ്പം ശ്രദ്ധേയനായ താരമാണ് നിഷാൻ. 11 വർഷത്തിനു ശേഷമാണ് ഇരുവരും ഒന്നിക്കുന്നത്. 
അപർണ ബാലമുരളിയാണ് ചിത്രത്തിലെ നായിക. ഗുഡ് വില്‍ എന്‍റര്‍ടെയ്ന്‍മെന്‍റ്സിന്‍റെയും കാക്ക സ്റ്റോറീസിന്‍റെയും ബാനറില്‍ ജോബി ജോർജാണ് ചിത്രം നിർമിക്കുന്നത്. ബാഹുല്‍ രമേശാണ് ചിത്രത്തിന്‍റെ കഥ, തിരക്കഥ, സംഭാഷണം, ഛായാഗ്രഹണം എന്നിവ നിര്‍വഹിക്കുന്നത്. 
വിജയരാഘവന്‍, ജഗദീഷ്, അശോകന്‍, നിഴല്‍കള്‍ രവി, മേജര്‍ രവി, നിഷാന്‍, വൈഷ്ണവി രാജ്, മാസ്റ്റര്‍ ആരവ്, കോട്ടയം രമേശ്‌, അമല്‍ രാജ്, ജിബിന്‍ ഗോപാല്‍ തുടങ്ങിയവര്‍ ചിത്രത്തില്‍ മറ്റു പ്രധാനകഥാപാത്രങ്ങളെ അവതരിപ്പിക്കുന്നുണ്ട്.
സംഗീതം സുഷിന്‍ ശ്യാമാണ്. എഡിറ്റര്‍ - സൂരജ് ഇ.എസ്, ആര്‍ട്ട്‌ - സജീഷ് താമരശേരി, കോസ്റ്റ്യൂം - സമീറ സനീഷ്, മേക്കപ്പ് - റഷീദ് അഹമ്മദ്, സൗണ്ട് ഡിസൈന്‍ - രഞ്ജു രാജ് മാത്യു, പ്രൊഡക്ഷന്‍ കണ്‍ട്രോളര്‍ - രാജേഷ്‌ മേനോന്‍, ചീഫ് അസോസിയേറ്റ് - ബോബി സത്യശീലന്‍, സ്റ്റില്‍സ് - ബിജിത്ത് ധര്‍മ്മടം, പിആര്‍ഒ - വാഴൂര്‍ ജോസ്, ആതിരാ ദില്‍ജിത്ത്, ഡിജിറ്റല്‍ മാര്‍ക്കറ്റിംഗ് - അരുണ്‍ പൂക്കാടന്‍, പ്രവീണ്‍ പൂക്കാടന്‍ (1000 ആരോസ്).
