രാഘവ ലോറൻസും കങ്കണ റണാവത്തും പ്രധാന വേഷത്തിലെത്തുന്ന "ചന്ദ്രമുഖി 2'ൽ ആദ്യ ഗാനം പുറത്തിറങ്ങി. സ്വാഗതാഞ്ജലി എന്ന ഗാനം റിലീസായതിന് പിന്നാലെ പ്രേക്ഷക ശ്രദ്ധ പിടിച്ചുപറ്റി. പി.വാസു സംവിധാനം ചെയ്യുന്ന ബിഗ് ബജറ്റ് ചിത്രം സെപ്റ്റംബർ 19ന് തീയറ്ററുകളിൽ എത്തും.
ലൈക്ക പ്രൊഡക്ഷൻസിന്റെ ബാനറിൽ സുഭാസ്കരനാണ് ചിത്രം നിർമിക്കുന്നത്. 18 വർഷം മുമ്പ് ബോക്സ് ഓഫീസിൽ ചരിത്രം സൃഷ്ടിച്ച ചന്ദ്രമുഖി എന്ന രജനികാന്ത് ചിത്രത്തിന്റെ തുടർച്ചയാണ് ചന്ദ്രമുഖി 2.
ആർ.ഡി. രാജശേഖർ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് ആന്റണിയാണ് നിർവഹിക്കുന്നത്. യുഗ ഭാരതി, മദൻ കാർക്കി, വിവേക്, ചൈതന്യ പ്രസാദ് എന്നിവരുടെ വരികൾക്ക് ഓസ്കർ ജേതാവ് എം.എം കീരവാണി സംഗീതം പകരുന്നു.
ദേശീയ അവാർഡ് ജേതാവ് തോട്ട തരണി പ്രൊഡക്ഷൻ ഡിസൈനറായി പ്രവർത്തിച്ച ചിത്രത്തിൽ വടിവേലു, ലക്ഷ്മി മേനോൻ, മഹിമ നമ്പ്യാർ, രാധിക ശരത്കുമാർ, വിഘ്നേഷ്, രവി മരിയ, സൃഷ്ടി ഡാങ്കെ, സുഭിക്ഷ, വൈ.ജി. മഹേന്ദ്രൻ, റാവു രമേഷ്, സായ് അയ്യപ്പൻ, സുരേഷ് മേനോൻ, ശത്രു, ടി.എം. കാർത്തിക് തുടങ്ങി വൻ താരനിരയാണ് അണിനിരക്കുന്നത്.
വസ്ത്രാലങ്കാരം - പെരുമാൾ സെൽവം, നീത ലുല്ല, ദോരതി, മേക്കപ്പ്- ശബരി ഗിരി, സ്റ്റിൽസ്- ജയരാമൻ, ഇഫക്റ്റ്സ് - സേതു, ഓഡിയോഗ്രഫി- ഉദയ് കുമാർ, നാക് സ്റ്റുഡിയോസ്, ആക്ഷൻ- കമൽ കണ്ണൻ, രവിവർമ, സ്റ്റണ്ട് ശിവ, ഓം പ്രകാശ്, പിആർഒ- ശബരി.